Kelam Jurnalı - Dövlət və din

Hər hansı istifadəçi kiber hücuma məruz qalarsa, öz provayderinə müraciət etməlidir. вЂњKƏLAMİNFOвЂќ xəbər verir ki, bunu rabitə və informasiya texnologiyaları naziri Əli Abbasov Avropa Komissiyasının vitse-prezidenti Neli Kros (Neelie Kroes) və onun siyasi məsələlər üzrə köməkçisinin noutbuklarının Bakıda kiber hücuma məruz qalması haqda iddialara münasibət bildirərkən deyib. вЂњHazırda ölkəmizdə 40-a yaxın provayder fəaliyyət göstərirвЂќ - deyən nazir bildirib ki, həmin provayderlər kiber-hücumları izləyir və nazirliyin Məlumat-Hesablama Mərkəzinə məlumat verir: вЂњMərkəz də həmin hücum faktını qeydə alır. Bizim provayderlərə və Məlumat-Hesablama Mərkəzinə heç bir müraciət daxil olmayıb. Biz o xanıma müraciət etmişik ki, hücumun vaxtını, kompüterin identifikasiya nömrəsini və kiber-hücum vaxtı internetdə olublarsa İP ünvanını bizə bildirsin. Biz qısa müddətdə araşdırma aparıb məsələyə aydınlıq gətirə bilərik. Lakin təəssüf ki, bizə hər hansı cavab verilməyibвЂќ. Qeyd edək ki, Bakıda keçirilən 7-ci beynəlxalq İnternet İdarəçilik Forumunda iştirak edən Avropa Komissiyasının vitse-prezidenti N.Kros və onun siyasi məsələlər üzrə köməkçisi Rayan Hit noutbuklarının kiber-hücuma məruz qaldığını iddia ediblər.

21.11.12

Məqaləni oxumaq

Mübariz Əhmədoğlu: Minsk qrupunun fəaliyyəti regionu sürətlə müharibəyə sürükləyir

ATƏT-in Minsk qrupunun Dağlıq Qarabağ münaqişəsinin tənzimlənməsi ilə bağlı olan fəaliyyəti regionu sürətlə müharibəyə sürükləyir. вЂњKƏLAMİNFOвЂќ xəbər verir ki, bu fikirləri Siyasi İnnovasiya və Texnologiyalar Mərkəzinin sədri Mübariz Əhmədoğlu вЂњQarabağ saatıвЂќnda deyib. M.Əhmədoğlu bildirib ki, ATƏT-in Minsk qrupunun mövqeyi bu vaxta qədər tərəflər arasında nəinki etimad mühitinin yaradılmasına kömək etməyib, əksinə, kifayət qədər destruktivliyə şərait yaradıb. O qeyd edib ki, ATƏT-in Minsk qrupu XİN rəhbərlərinin dekabrda Dublində keçiriləcək görüşündə Dağlıq Qarabağ münaqişəsinin praktik tənzimlənməsinə imkan verən Böyük Sülh Sazişini qəbul etdirə bilməyəcəksə, o zaman istefa verməlidirlər. O hesab edir ki, ABŞ, Fransa və Rusiya Dağlıq Qarabağ münaqişəsinin tənzimlənməsi ilə ATƏT yox, BMT çərçivəsində məşğul olmalıdırlar.

21.11.12

Məqaləni oxumaq

Oqtay Əsədovun başçılığı ilə parlament nümayəndə heyəti Sankt-Peterburqda səfərdə olacaq

Milli Məclisin sədri Oqtay Əsədovun başçılığı ilə parlament nümayəndə heyəti noyabrın 21-dən 23-dək Sankt-Peterburqda səfərdə olacaq. "KƏLAMİNFO" xəbər verir ki, səfər çərçivəsində nümayəndə heyəti Müstəqil Dövlətlər Birliyi Parlamentlərarası Assambleyasının 38-ci plenar iclasında, вЂњÇingiz Aytmatov dünyası: mədəniyyətlərin inteqrasiyası və dialoqвЂќ mövzusunda keçiriləcək beynəlxalq konfransda iştirak edəcəklər. Nümayəndə heyətinin tərkibinə Milli Məclisin Regional məsələlər komitəsinin sədri Arif Rəhimzadə, deputatlardan Elton Məmmədov, Aslan Cəfərov, Rüfət Quliyev, parlament Aparatının rəhbəri Səfa Mirzəyev və digər rəsmi şəxslər daxildirlər. Nümayəndə heyətinin üzvləri MDB PA-nın Siyasi məsələlər və beynəlxalq əməkdaşlıq üzrə, Aqrar siyasət, təbii ehtiyatlar və ekologiya üzrə, Elm və təhsil üzrə daimi komitələrinin iclaslarında iştirak edəcəklər. Millət vəkilləri Bioloji təhlükəsizlik üzrə MDB-yə üzv ölkələrin ümumi informasiya sisteminin formalaşmasına dair dövlətlərarası Sazişin hazırlanması ilə əlaqədar işçi qrupun iclasına qatılacaq, məsələ ilə bağlı öz fikirlərini bildirəcəklər.

20.11.12

Məqaləni oxumaq

Milli Məclisin gündəliyində 10 məsələ var

Bu gün Milli Məclisin növbəti plenar iclası işə başlayıb. вЂњKƏLAMİNFOвЂќ xəbər verir ki, spiker Oqtay Əsədovun rəhbərliyi ilə keçirilən iclasda gündəlik təsdiq olunduqdan sonra müzakirələr başlayıb. Gündəlikdə 10 məsələ var. Bunlar вЂњAzərbaycan Respublikasının Hökuməti və Türkiyə Respublikasının Hökuməti arasında təbii qazın Türkiyə Respublikasına satışı və Azərbaycan Respublikasından gələn təbii qazın Türkiyə Respublikasının ərazisindən nəql edilməsi üçün müstəqil boru kəmərinin inşasına dairвЂќ, вЂњAzərbaycan Respublikası Hökuməti və Türkiyə Respublikası Hökuməti arasında Trans-Anadolu təbii qaz boru kəməri sisteminə dairвЂќ sazişlərin təsdiq edilməsi haqqında, Azərbaycan Respublikasının Prezidenti İ.Əliyevin və Tacikistan Respublikasının Prezidenti E.Rəhmonun Birgə Bəyanatının təsdiq edilməsi haqqında, вЂњAzərbaycan Respublikası Hökuməti və Tacikistan Respublikası Hökuməti arasında müəlliflik hüququ və əlaqəli hüquqların qorunması sahəsində əməkdaşlıq haqqındaвЂќ sazişin təsdiq edilməsi haqqında, вЂњAzərbaycan Respublikası Hökuməti və Tacikistan Respublikası Hökuməti arasında təhsil, elmi dərəcələr və elmi adlar barədə sənədlərin qarşılıqlı tanınması və ekvivalentliyi haqqındaвЂќ Sazişin təsdiq edilməsi haqqında, вЂњAzərbaycan Respublikası Hökuməti və Tacikistan Respublikası Hökuməti arasında 2013-2015-ci illər üçün iqtisadi əməkdaşlıq Proqramı"nın təsdiq edilməsi haqqındaвЂќ, Azərbaycan Respublikasının Cinayət-Prosessual Məcəlləsində dəyişiklik edilməsi haqqında, "Dövlət rüsumu haqqında", "Ərazi quruluşu və inzibati ərazi bölgüsü haqqında" və вЂњQəbələ rayonunun inzibati ərazi bölgüsündə qismən dəyişikliklər edilməsi haqqındaвЂќ qanun layihələridir.

20.11.12

Məqaləni oxumaq

Qafqazın dini liderləri İstanbulda toplaşıb

İstanbulda Qafqaz Müsəlmanları İdarəsinin sədri Şeyxülislam Allahşükür Paşazadənin rəhbərliyi ilə Qafqaz Xalqları Ali Dini Şurasının iclası keçirilib. Bu barədə məlumatı вЂњKƏLAMİNFOвЂќya QMİ-dən veriblər. İclas şeyxülislam Allahşükür Paşazadənin başçılığı ilə nümayəndə heyətinin Avrasiya İslam Şurasının növbəti toplantısında iştirak etmək üçün Türkiyənin İstanbul şəhərinə səfəri ərəfəsində baş tutub. İclasda Qafqazdakı mövcud dini-mənəvi vəziyyət, ənənəvi dini dəyərlərin qorunub saxlanılması istiqamətində görülən işlərlə bağlı fikir mübadiləsi aparılıb. Bölgədə milli və dini zəmində separatçılıq meyillərindən narahatlıq bildirilən iclasda həmin məsələdə məhz bu amildən sui-istifadənin yolverilməzliyi qeyd edilib, bu kimi halların qarşısının alınmasının zəruriliyi vurğulanıb. Rusiya Federasiyası Çeçenistan Respublikasının müftisi Sultan Mirzəyev, Kalmıkiya Respublikasının müftisi Sultanəhməd Karolayev, Şimali Qafqaz Müftiləri Əlaqələndirmə Şurasının sədri, Qaraçay-Çərkəz Respublikasının müftisi İsmayıl Berdiyev, Kabardin-Balkar Respublikasının müftisi Həzrətəli Dzasejev müzakirə olunan məsələlərlə bağlı fikirlərini bildiriblər.

20.11.12

Məqaləni oxumaq

İslam Əməkdaşlıq Təşkilatı Xarici İşlər Nazirləri Şurası Ermənistanın Azərbaycana qarşı təcavüzünü pislədi

Noyabrın 15-17 tarixlərində Cibuti Respublikasının paytaxtı Cibuti şəhərində keçirilmiş İslam Əməkdaşlıq Təşkilatı Xarici İşlər Nazirləri Şurasının 39-cu sessiyasının sonunda Cibuti Bəyannaməsi qəbul edilib. Bu barədə məlumatı вЂњKƏLAMİNFOвЂќya Azərbaycan Xarici İşlər Nazirliyinin mətbuat xidmətindən veriblər. Bəyannamədə üzv ölkələrin Ermənistan Azərbaycan münaqişəsi ilə bağlı mövqeyi əks olunub. Bəyannamədə Ermənistanın Azərbaycana qarşı təcavüzü pislənilir və Ermənistan silahlı qüvvələrinin işğal olunmuş Azərbaycan ərazilərindən dərhal çıxarılması tələb edilir. Həmçinin, konfrans zamanı siyasi qətnamələr arasında Ermənistanın Azərbaycana qarşı təcavüzü, iqtisadi qətnamələr arasında Azərbaycana iqtisadi yardımın göstərilməsi, mədəni-ictimai qətnamələr arasında isə Ermənistanın Azərbaycana təcavüzü nəticəsində işğal edilmiş Azərbaycan torpaqlarında İslam tarixi və mədəniyyətinə aid abidələrin dağıdılması və təhqir edilməsi ilə bağlı qətnamələr qəbul edilib.

19.11.12

Məqaləni oxumaq

Elmar Məmmədyarov Nabil Şaat ilə görüşüb

Noyabrın 15-də Azərbaycan xarici işlər naziri Elmar Məmmədyarov Cibuti Respublikasında keçirilən İslam Əməkdaşlıq Təşkilatının Xarici İşlər Nazirləri Şurasının вЂњDavamlı inkişaf üçün həmrəylikвЂќ adlı 39-cu sessiyası çərçivəsində Fələstin nümayəndə heyətinin başçısı Nabil Şaat ilə görüşüb. Bu barədə məlumatı вЂњKƏLAMİNFOвЂќya Xarici İşlər Nazirliyinin mətbuat xidmətindən veriblər. Görüşdə Nabil Şaat İsrailin son günlər Qəzza bölgəsinə hücumu və itkilər barədə məlumat verərək, BMT Təhlükəsizlik Şurasının iclasının çağırıldığını və dünya ölkələrinin buna reaksiya verməli olduğunu bildirib. E.Məmmədyarov baş vermiş hadisə ilə əlaqədar narahatçılığını ifadə edib və Fələstinin BMT-nin tamhüquqlu üzvü olması məsələsinin ölkəmiz tərəfindən dəstəkləndiyini bir daha qarşı tərəfin diqqətinə çatdırıb.

17.11.12

Məqaləni oxumaq

SAM вЂњFrankfurt Qaz ForumuвЂ“2012вЂќ-nin akademik tərəfdaşıdır

Noyabrın 27-də Frankfurtda вЂњFrankfurt Qaz ForumuвЂ“2012вЂќ keçiriləcək. Strateji Araşdırmalar Mərkəzindən (SAM) вЂњKƏLAMİNFOвЂќya verilən məlumata görə, təşkilatçısı Frankfurtda yerləşən Enerji Stream CMG GmbH adlı beynəlxalq neft və qaz konsaltinq firmasının hədəfi Avropada artan təbii qaz tələbatına sərmayələri dəstəkləmək və qaz infrastruktur layihələrinə tələbatı artırmaqdan ibarətdir. Avropa Birliyi (AB) Enerji komissarı Günther Oettinger birinci illik Frankfurt Qaz Forumunun əsas məruzəçisi olacaq. Qeyd edək ki, təbii qaz forumu Frankfurt şəhərində ilk dəfə olaraq təşkil olunacaq. AB Komissarı Oettinger təbii qaz marşrutları və resurslarının şaxələndirilməsi ilə Avropa üçün effektiv enerji siyasəti həyata keçirir. AB enerji siyasətinə açar rolunu Xəzər dənizindəki nəhəng Şahdəniz təbii qaz yatağı oynayır. Azərbaycan вЂњŞahdənizвЂќ konsorsiumu gələn il ərzində вЂњNabucco WestвЂќ boru kəməri, Transadriatik qaz kəməri (TAP) və Trans Anadolu kəməri (TANAP) arasında Xəzər qazını Avropaya daşıyacaq olan boru kəməri layihəsini seçəcək.

17.11.12

Məqaləni oxumaq

Prezident Ramzan Kadırovu qəbul edib

Prezident İlham Əliyev Rusiya Federasiyası Çeçenistan Respublikasının başçısı Ramzan Kadırovun rəhbərlik etdiyi nümayəndə heyətini qəbul edib. вЂњKƏLAMİNFOвЂќ xəbər verir ki, dövlət başçısı ölkəmizlə Rusiya Federasiyasının ayrı-ayrı subyektləri arasında əməkdaşlıq əlaqələrinin gücləndirilməsinin Azərbaycan ilə Rusiya arasında ikitərəfli münasibətlərin daha da möhkəmləndirilməsi işinə töhfə verəcəyinə əminliyini ifadə edib. Prezident İlham Əliyev Çeçenistan Respublikasının başçısı Ramzan Kadırovun ikinci dəfə ölkəmizə səfər etməsini xalqlarımız arasında mövcud olan dostluq və qardaşlıq münasibətlərinin yaxşı göstəricisi kimi dəyərləndirib. Prezident İlham Əliyev əməkdaşlığımızın iqtisadi, sərmayə qoyuluşu, humanitar və digər sahələrdə daha da genişləndirməyin önəmini qeyd edib. Çeçenistanda sabitliyin bərqərar olunduğunu və genişmiqyaslı layihələrin həyata keçirildiyini vurğulayan dövlət başçısı əldə olunan uğurlar münasibətilə onu təbrik edib.

17.11.12

Məqaləni oxumaq

Prezident BVF-nin Departament direktorunu qəbul edib

Prezident İlham Əliyev bu gün Beynəlxalq Valyuta Fondunun Yaxın Şərq və Orta Asiya ölkələri Departamentinin direktoru Masud Əhmədin başçılıq etdiyi nümayəndə heyətini qəbul edib. вЂњKƏLAMİNFOвЂќ xəbər verir ki, görüşdə Azərbaycan ilə Beynəlxalq Valyuta Fondu arasında əlaqələrimizin uğurlu inkişafından məmnunluq ifadə olundu, əməkdaşlığımızın gələcək perspektivləri ilə bağlı məsələlər müzakirə edilib. Görüşdə, həmçinin ölkəmizdə bazar iqtisadiyyatı istiqamətində həyata keçirilən islahatların və makroiqtisadi sabitliyin təmin olunmasının önəmi vurğulanıb, Azərbaycanın prioritet elan etdiyi informasiya-kommunikasiya texnologiyaları, turizm, kənd təsərrüfatı sahələrinin daha da inkişaf etdirilməsi ilə bağlı məsələlər ətrafında fikir mübadiləsi aparılıb.