|
Səhifələr : # « 230 231 232 233 234 235 » #
MHP İstanbulda “Azərbaycan Türklərindən üzür istəyirik” adlı imza kampaniyasına başlayıb
|
Milliyyətçi Hərəkat Partiyasının (MHP) İstanbul Fatih təşkilatı Türkiyə və Ermənistan arasında imzalanan protokolları protesto etmək üçün “Azərbaycan Türklərindən üzür istəyirik” adlı imza kampaniyasına başlayıb. MHP-dən KƏLAMİNFO-ya verilən məlumatda bildirilir ki, İstanbulun mərkəzində təşkil olunan kampaniyada on minlərlə insanın imzası toplanıb. İmza kampaniyası 10 gün davam edəcək. Kampaniyada bildirilir ki, son günlər iki qardaş ölkənin arasını vurmaq üçün çox yönlü oyunlar oynanılır, “Bir millət iki dövlət” anlayışı təhqir olunur. Qeyd olunur ki, Çanakkalə savaşında 3500 azərbaycanlı Anadolunu qorumaq üçün şəhid olub. Bunların qarşılığında biz Azərbaycan torpaqlarını işğal edənlərlə anlaşırıq. Kampaniyanın mətnində bildirilir ki, Türkiyə ilə Ermənistan arasında münasibətlərin normallaşdırılması üçün Ermənistan sözdə soyqırım iddialarından əl çəkməli, bunu bütün dünyaya bəyan etməlidir. Ermənistanın Konstitusiyasından Türkiyənin torpaq bütünlüyünü şübhə altına alan maddə çıxarılmalı, Ağrı dağına sahib çıxma iddiaları aradan qaldırılmalıdır.
|
29.10.09 Məqaləni oxumaq
|
|
|
Bu gün YAP-ın qərargahında DSMF-nin sədri Səlim Müslümov mətbuat konfransı keçirdi
|
Səlim Müslümov: “Əmək pensiayaları haqqında” qanuna edilən dəyişiklik ölkədə həyata keçirilən pensiya-sığorta islahatlarının növbəti mərhələsidir”.
Bu gün Yeni Azərbaycan Partiyasının (YAP) qərargahında Dövlət Sosial Müdafiə Fondunun (DSMF) sədri Səlim Müslümov mətbuat konfransı keçirdi. KƏLAMİNFO xəbər verir ki, tədbirdə çıxış edən Fondun sədri S. Müslümov ötən gün “Əmək pensiayaları haqqında” Qanunda edilən əlavə və dəyişikliklər barədə məlumat verib.
|
29.10.09 Məqaləni oxumaq
|
|
|
Hidayət Orucov Səudiyyə Ərəbistanı Krallığının Azərbaycandakı səfirini qəbul edib
|
Dini Qurumlarla İş üzrə Dövlət Komitəsinin (DQİDK) sədri Hidayət Orucov Səudiyyə Ərəbistanı Krallığının Azərbaycandakı səfiri Fəht Əli əl-Dosərini qəbul edib. Bu barədə məlumatı KƏLAMİNFO-ya DQİDK-dən veriblər.
Görüşdə H.Orucov ölkələrimiz arasındakı əlaqələrin işgüzar və qardaşlıq münasibətləri üçün böyük əhəmiyyət daşıdığını diqqətə çatdırıb. Azərbaycanda dövlət-din münasibətləri haqqında, həmçinin “Dini etiqad azadlığı haqqında” Qanuna edilən əlavələr və dəyişikliklər barədə qonağa məlumat verən komitə sədri qeyd edib ki, ölkəmizin rəhbərliyi müxtəlif din və konfessiya mənsubu olan vətəndaşların dini ayinləri sərbəst icra etmələri üçün bütün imkanları yaradıb. Onun sözlərinə görə, Azərbaycanda formalaşan tolerantlıq ənənələri gün-gündən möhkəmləndirilir. Dini abidələr təmir və bərpa olunur. Ölkəmizdə heç bir dini ayrı-seçkiliyə yol verilmir. Azərbaycanın bütün vətəndaşları öz dini etiqadında azaddır və onun hüquqları dövlət tərəfindən qorunur.
|
28.10.09 Məqaləni oxumaq
|
|
|
Ermənistan Türkiyə Böyük Millət Məclisinə göndərilən protokolların nəticəsini gözləyir
|
Türkiyə Böyük Millət Məclisinə (TBMM) göndərilən protokolların nəticəsini gözləyirik. KƏLAMİNFO xəbər verir ki, bu bəyanatı Ermənistan parlamentinin spikeri Nairi Petrosyan Yerevandakı çıxışı zamanı səsləndirib.
Sərhədlərin açılması üçün imzalanan protokolların ötən həftə TBMM-də səsverməyə çıxarıldığını xatırladan N.Petrosyan qeyd edib ki, Ermənistan parlamenti məsələ ilə bağlı əvvəlcə türk millət vəkillərinin mövqeyini gözləyəcək. Onun sözlərinə görə, sənədin nəticələri üçün əvvəlcə Türkiyə tərəfi hərəkət etməlidir.
|
28.10.09 Məqaləni oxumaq
|
|
|
Milli Məclisin növbəti iclası keçirildi
|
Bu gün Milli Məclisin payız sessiyasının növbəti iclası keçirildi. KƏLAMİNFO xəbər verir ki, iclasda bir sıra qanun layihələrinə əlavə və dəyişiklik edildi.
Milli Məclisin İqtisadi siyasət komitəsinin sədri Ziyad Səmədzadə “Gömrük Əməkdaşlığı Şurasının yaradılması haqqında” Konvensiyaya dəyişikliklərin təsdiq edilməsi barədə” qanun layhəsi haqqında məlumat verərək bildirdi ki, sənədə parlamentin iki komitəsində baxılıb və bir sıra dəyişiklik edilib.
|
27.10.09 Məqaləni oxumaq
|
|
|
Rəbiyyət Aslanova: “Moskvada erməni deputatlar Azərbaycanla Ermənistan arasında ümumi iqtisadi əməkdaşlıq zonası yaradılması təklifi ilə çıxış etdilər”
|
Moskvada Rusiya Dövlət Dumasında Azərbaycan və Ermənistan parlamentinin deputatları arasında keçirilən görüşdə erməni millət vəkilləri Azərbaycanla Ermənistan arasında ümumi iqtisadi əməkdaşlıq zonası yaradılması təklifi ilə çıxış ediblər. KƏLAMİNFO xəbər verir ki, bu barədə açıqlamanı görüşdə Azərbaycanı təmsil edən nümayəndə heyətinin üzvü, Milli Məclisin İnsan Haqları Komitəsinin sədri Rəbiyyət Aslanova verib.
R. Aslanova bildirib ki, Azərbaycan nümayəndə heyəti isə cavab olaraq Azərbaycan torpaqları işğaldan azad olunmadan belə bir iqtisadi əməkdaşlıq zonasının yaradılmasının mümkün olmayacağını söyləyib. “Biz bildirdik ki, bunun baş tutması üçün ilk öncə Azərbaycan torpaqları işğaldan azad olunmalıdır”,-deyə R.Aslanova əlavə edib.
|
27.10.09 Məqaləni oxumaq
|
|
|
Azərbaycan İslam Partiyası mətbuat konfransı keçirib
|
Bu gün Azərbaycan İslam Partiyası (AİP) mətbuat konfransı keçirib. Bu barədə məlumatı KƏLAMİNFO-ya AİP-in mətbuat xidmətindən veriblər. Konfransda çıxış edən partiya sədri Hacı Mövsüm Səmədov ölkədə ictimai-siyasi vəziyyət, Dağlıq Qarabağ (DQ) probleminin həlli istiqamətində irəli atılan addımlar və beynəlxalq aləmdə baş verən son hadisələr barədə geniş məlumat verib və rəhbərlik etdiyi qurumun ictimai, iqtisadi, siyasi proseslərə münasibətini bildirib, AİP-in mövqeyini açıqlayıb.
AİP DQ probleminin həllində ATƏT-in Minsk Qrupunun fəaliyyətsizliyini pisləyib və bu qurumun turizm xarakteri daşıyan rolundan imtina edilməsinin Azərbaycan xalqının maraqları çərçivəsində zəruri hal olduğunu nəzərə çatdırıb.
Konfransda Türkiyə-Ermənistan sərhədlərinin açılması - Sürix prtokolunun Qərbin, ABŞ-ın təzyiqi ilə imzalanmasının istər Türkiyə, istərsə də Azərbaycan üçün zərərli olduğu, bölgədə Ermənistanın qonşu dövlətlər üçün getdikcə plasdarm rolu oynadığı və təhlükə mənbəyinə çevrildiyi qeyd edilib.
|
27.10.09 Məqaləni oxumaq
|
|
|
Prezident İlham Əliyev Berdiməhəmmədova təbrik məktubu göndərib
|
Azərbaycan prezidenti İlham Əliyev Türkmənistanlı həmkarı Qurbanqulu Berdiməhəmmədova təbrik məktubu göndərib. Məktubda bildirilir: “Hörmətli Qurbanqulu Məlikquliyeviç, Türkmənistanın milli bayramı – Müstəqillik günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi qəlbdən təbrik edirəm.
Əminəm ki, Azərbaycan-Türkmənistan dövlətlərarası münasibətlərinin inkişaf etdirilməsi, dostluq və əməkdaşlığımızın möhkəmləndirilməsi yolunda bundan sonra da qarşılıqlı səylərimizi davam etdirəcəyik.
Bu əlamətdar gündə Sizə möhkəm cansağlığı, işlərinizdə uğurlar, dost Türkmənistan xalqına sülh və firavanlıq arzulayıram”.-deyə məktubda qeyd olunur.
|
27.10.09 Məqaləni oxumaq
|
|
|
Lüksemburqda xarici işlər nazirləri ilə görüşüb
|
Bu gün xarici işlər naziri Elmar Məmmədyarovun Lüksenburqda ATƏT-in Minsk Qrupu həmsədrləri və Ermənistanın xarici işlər naziri ilə görüşü nəzərdə tutulub. Görüşdə Dağlıq Qarabağ münaqişəsilə bağlı 2009-cu ildə aparılan danışıqların nəticələri müzakirə ediləcək. E.Məmmədyarovun həmkarı Edvard Nalbəndyanla görüşü zamanı isə Minsk Qrupunun həmsədrləri ilə danışıqlarda əldə edilmiş irəliləyişləri müzakirə ediləcək.
Görüşdə həmsədrlər noyabr ayında Azərbaycana və Ermənistana növbəti səfərləri barədə planlarını bölüşəcək və ATƏT-in Xarici İşlər Nazirləri Şurasının dekabr ayında keçiriləcək toplantısında Dağlıq Qarabağ münaqişəsinin müzakirəsinə hazırlıq məsələlərini nəzərdən keçirəcəklər.
|
26.10.09 Məqaləni oxumaq
|
|
|
Elmar Məmmədyarov Misir Xarici İşlər Nazirinin köməkçisi, səfir Mohamed Əl-Orabini qəbul edib
|
Xarici işlər naziri Elmar Məmmədyarov Misir Ərəb Respublikasının Xarici İşlər nazirinin köməkçisi, səfir Mohamed Əl-Orabini qəbul edib. Bu barədə məlumatı KƏLAMİNFO-ya XİN-nin mətbuat katibliyindən veriblər.
Görüş zamanı tərəflər bir gün öncə Bakıda keçirilmiş Qara Dəniz İqtisadi Əməkdaşlıq Təşkilatının (QDİƏT) Xarici İşlər Nazirləri Şurasının nəticələrini müzakirə ediblər və təşkilatın fəaliyyəti və gələcək planlarına dair fikir mübadiləsi aparıblar.
Tərəflər bildiriblər ki, Azərbaycan ilə Misir arasındakı münasibətlərin yüksək səviyyədə olması onların daha da genişləndirməsi və dərinləndirilməsinə yeni imkanlar açır. Qeyd olunub ki, hər iki ölkə enerji hasilatı və emalı sahəsində böyük təcrübəyə malik olduğundan bu və digər sahələrdə qarşılıqlı mübadilələrin ön plana çəkilməsi məqsədəmüvafiq olar.
Sonra tərəflər Cənubi Qafqazda və Orta Şərqdə gedən proseslər ətrafında da müzakirələr aparıblar.
|
23.10.09 Məqaləni oxumaq
|
|
|
|
Səhifələr : # « 230 231 232 233 234 235 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|