|
|
|
|
|
|
Ermənistan höküməti qondarma Dağlıq Qarabağ respublikasını tanımaqdan imtina edir
|
|
Ermənistan höküməti qondarma Dağlıq Qarabağ Respublikasının müstəqilliyini tanımaqdan imtina edir, bunu hazırki mərhələdə məqsədəuyğun hesab etmir. KƏLAMİNFO xəbər verir ki, hökumətin parlamentinin bu gün keçirilən iclasında “Nasledie” parlament fraksiyasının təqdim etdiyi “Dağlıq Qarabağ respublikasının tanınması” adlı qanun layihəsi haqqında mənfi qərar çıxarıb.
Ermənistan xarici işlər nazirinin müavini Şavarş Köçəryan hökümətin mövqeyini belə açıqlayıb: “Hazırki mərhələdə biz bu qanunun qəbul edilməsini mqsədəuyğun saymırıq”.
|
12.11.09 Məqaləni oxumaq
|
| |
|
|
|
XİN başçısı: “Dağlıq Qarabağ münaqişəsinin sülh yolu ilə həlli istiqamətində aparılan danışıqlarda yeni təkliflər yoxdur”
|
|
Dağlıq Qarabağ münaqişəsinin sülh yolu ilə həlli istiqamətində Azərbaycanla Ermənistan arasında aparılan danışıqlarda yeni təkliflər yoxdur. KƏLAMİNFO xəbər verir ki, bu barədə açıqlamanı Azərbaycanın xarici işlər naziri Elmar Məmmədyarov söyləyib. O qeyd edib ki, hazırda davam etdirilən müzakirələr 5 ildir ki, aparılan prinsiplər üzərindəki danışıqlardı. Ermənistan tərəfinin irəliləyişlə bağlı konkret addım atmadığını diqqətə çatdıran E.Məmmədyarov qeyd edib ki, müəyyənləşdirilən məsələlərin müzakirəyə çıxırılması məqamında qarşı tərəf addım atmır. “Bilirsiniz ki, danışıqlar çox çətindir. Həmsədrlərin son səfərində danışıqların əsas mövzusu Ermənistan tərəfinin irəliləyişə nail olmaq üçün hansısa addım atmaq istəməməsi idi. Yəni bilmək istəyirdik ki, qarşı tərəf irəliləyişə nail olunmasını istəyir, yoxsa, bu belə deyil”,-deyə E.Məmmədyarov məsələyə aydınlıq gətirib.
|
|
11.11.09 Məqaləni oxumaq
|
| |
|
|
|
Elmar Məmmədyarov Suriyanın xarici işlər nazirinin müavinini qəbul edib
|
|
Xarici işlər naziri Elmar Məmmədyarov Suriya Ərəb Respublikasının xarici işlər nazirinin müavini Faisal Əl-Miqdadı qəbul edib. Xarici İşlər Nazirliyinin mətbuat xidmətindən KƏLAMİNFO-ya verilən məlumata görə, görüşdə ölkələr arasında münasibətlərin yüksək səviyyədə olması qeyd edilib, bunun əsasını hər iki ölkə rəhbərləri arasında olan münasibətlərin təşkil etdiyi vurğulanıb. Siyasi əlaqələrin inkişafından danışan tərəflər, bunun iqtisadi sahəyə də şamil edilməsinin vacibliyini və qarşılıqlı səfərlərin, iş adamlarının görüşlərinin təşkil edilməsinin vacibliyini qeyd ediblər. Regionda baş verən proseslərə toxunan nazir müavini F.Əl-Miqdadi İslam dünyasının birliyinin vacibliyini dilə gətirib və müsəlman ölkələrinin birgə maraq kəsb edən məsələlərdə həmrəylik göstərməsi zəruriliyini qeyd edib. Nazir E.Məmmədyarov Azərbaycanın İslam umması ilə həmrəy olduğunu bildirib. Ermənistanın Azərbaycana qarşı davam edən təcavüzünə toxunan nazir münaqişənin nizamlanması ilə bağlı ölkəmizin mövqeyi barədə məlumat verib. Sonra tərəflər Yaxın Şərqdə və Cənubi Qafqaz regionunda baş verən proseslər ətrafında fikir mübadiləsi aparıblar.
|
|
11.11.09 Məqaləni oxumaq
|
| |
|
|
|
2010-cu il üçün Dövlət Büdcəsinin müzakirəsinə başlanıb
|
|
Milli Məclisin bu gün keçirilən plenar iclasında “Azərbaycanın 2010-cu il dövlət büdcəsi haqqında” qanun layihəsinin və büdcə zərfinə daxil olan digər layihələrin müzakirəsinə başlanıb. Ölkənin əsas maliyyə sənədinin müzakirəsində Baş nazir Artur Rasizadə iştirak edib.
Milli Məclis sədri Oqtay Əsədov çıxış edərək 2010-cu ilin büdcəsinin sosial yönümlü, investisiya tutumlu, müdafiə xarakterli olduğunu bildirib. Spiker Azərbaycanda ümumi daxili məhsulun artım tempinin 6%-dən artıq olduğunu, bunun da MDB məkanında ən yüksək göstərici olduğunu qeyd edib. Azərbaycanda istehsalın 85%-nin özəl sektorun payına düşdüyünü diqqətə çatdıran O.Əsədov bildirib ki, gələn ilin büdcəsi böhran nəzərə alınmaqla, reallıqlara uyğun tərtib olunub. O, büdcədə neftin qiymətinin reallıqlara uyğun göstərildiyini vurğulayıb.
“2010-cu il dövlət büdcəsi haqqında qanun layihəsi və ona əlavə edilmiş sənədlərin layihələrinin Milli Məclisin komitələrində və Aparatın müvafiq şöbələrində diqqətlə öyrənilib. Hesablama Palatasının rəyləri nəzərə alınmaqla bugünkü müzakirəyə çıxarılması tövsiyə edilib”.-deyə O.Əsədov əlavə edib.
|
|
10.11.09 Məqaləni oxumaq
|
| |
|
|
|
Azərbaycan və Sloveniya prezidentləri görüşüb
|
|
Bu gün prezident İlham Əliyevin və xanımı Mehriban Əliyevanın ölkəmizdə rəsmi səfərdə olan Sloveniya Respublikasının prezidenti Danilo Türk və xanımı Barbara Mikliç Türk ilə birgə görüşü olub. Sonra Azərbaycan və Sloveniya prezidentləri İlham Əliyev və Danilo Türkün təkbətək görüşü keçirilib.
Görüşdə tərəflər ikitərəfli əlaqələrin müxtəlif sahələrdə uğurla inkişaf etməsindən məmnunluq ifadə ediblər. Ölkələrimiz arasında iqtisadi sahədə əməkdaşlığın genişləndirilməsi üçün yaxşı potensial imkanların olduğu vurğulanıb.
Yüksək səviyyəli qarşılıqlı səfərlərin əhəmiyyəti qeyd edilən görüşdə Sloveniya prezidenti D.Türkün Azərbaycana rəsmi səfərinin də ikitərəfli əlaqələrin inkişafına töhfələrini verəcəyinə əminlik bildirilib.
Görüşdə ikitərəfli, regional və beynəlxalq məsələlər ətrafında fikir mübadiləsi aparılıb.
|
|
10.11.09 Məqaləni oxumaq
|
| |
|
|
|
Azərbaycanlı zəvvarlar Həcc ziyarətinə noyabrın 11-də yola düşəcəklər
|
|
Azərbaycandan Həcc ziyarətinə avtobusla gedəcək zəvvarlar Məkkəyə Bakıdan noyabrın 11-də yola düşəcəklər. Bu barədə məlumatı KƏLAMİNFO-ya Qafqaz Müsəlmanları İdarəsindən veriblər. Zəvvarlar noyabrın 11-də saat 22.00-da Azadlıq meydanından yola salınacaqlar. Zəvvarları Həccə aparacaq 20-dən artıq avtobus Azərbaycan, Gürcüstan, Türkiyə, Suriya, İordaniya ərazisindən keçməklə Səudiyyə Ərəbistanı Krallığı marşurutu ilə hərəkət edəcək. Təyyarə ilə Həccə gedən zəvvarlar isə gələn həftə yola düşmələri planlaşdırılıb. Qeyd edək ki, bu il Həcc ziyarətinə getmək üçün Səudiyyə Ərəbistanı Krallığı Azərbaycana 2000 kevota ayırıb. Xatırladaq ki, bu il Qurban bayramı noyabrın 27-də qeyd olunacaq.
|
|
10.11.09 Məqaləni oxumaq
|
| |
|
|
|
Bakıda dünya dini liderlərinin Sammiti keçiriləcək
|
|
2010-cu il aprelin 26-27-də Bakıda keçiriləcək Dini liderlərin dünya sammitinə müxtəlif ölkələrin ən iri dini təşkilatlarının 100-ə yaxın rəhbəri və yüksək vəzifəli nümayəndəsi iştirak edəcək. KƏLAMİNFO xəbər verir ki, bu barədə məlumatı Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə verib. A.Paşazadə bildirib ki, Bakıya 100-ə yaxın dini lider toplaşacaq. Onun sözlərinə görə, sammitdə islam, xristian, iudaizm və buddizm dinlərinin nümayəndləri iştirak edəcəklər. Sammitin keçirilməsinin məqsədi zorakılığın, dindən insanlığa qarşı istifadə olunmasının qarşısını almaqdır deyən Bütün Qafqazın Şeyxi qeyd edib ki, həyat Allahın nemətidir. Biz birlikdə mübarizə aparmalı və bunu xalqlara izah etməliyik.
|
|
09.11.09 Məqaləni oxumaq
|
| |
|
|
|
|
|
Bu gün Azərbaycanın Dövlət Bayrağının yaranmasının 91-ci ildönümüdür
|
|
Bu gün Azərbaycanın Dövlət Bayrağının yaranmasının 91-ci ildönümüdür. KƏLAMİNFO xəbər verir ki, Azərbaycanın Dövlət bayrağı 1918-ci il noyabr ayının 9-da Azərbaycan Demokratik Cümhuriyyətinin qərarı ilə qəbul edilib. Sovet hakimiyyəti dövründə bayraqdan imtina edilib. Daha sonra üç rəngli bayraq 1990-cı il noyabrın 17-də Naxçıvan Muxtar Respublikası Ali Məclisinin qərarı ilə Muxtar Respublikanın Dövlət bayrağı kimi qəbul edilib. 1991-ci il fevral ayının 5-də Azərbaycan Respublikası Ali Soveti Naxçıvan Muxtar Respublikası Ali Məclisinin vəsadətinə baxıb və bayrağın Azərbaycan Respublikasının Dövlət bayrağı kimi qəbul edilməsi haqqında qərar qəbul edib. Azərbaycanın dövlət bayrağı bərabər enli üç üfüqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir. Mavi rəng - Azərbaycan xalqının türklüyünü, qırmızı rəng - müasirliyi, demokratikliyi, yaşıl rəng - islam sivilizasiyasına mənsubluğunu ifadə edir. Qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilib. Bayrağın eninin uzunluğuna nisbəti 1:2-dir.
|
|
09.11.09 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
