|
|
Parlamentdə “Azərbaycan Respublikasının 2010-cu il dövlət büdcəsi haqqında” AR Qanun layihəsi təsdiq edildi
|
|
Bu gün Milli Məclisin növbəti iclası keçirilib. KƏLAMİNFO xəbər verir ki, iclasda “Azərbaycan Respublikasının 2010-cu il dövlət büdcəsi haqqında” qanun layihəsi təsdiq olunub.
Milli Məclisin sədri Oqtay Əsədov əvvəlcə Qurban bayramı münasibətilə iclas iştirakçılarını və xalqımızı təbrik edib.
Gələn ilin əsas maliyyə sənədi və büdcə zərfinə daxil olan digər qanun layihələrinin bir neçə gün ərzində parlamentdə müzakirə edildiyini vurğulayan O.Əsədov deputatların fikir və təkliflərinin nəzərə alındığını söyləyib. “Cari ilin 10 ayı ərzində ÜDM-in artımı 8,5 faiz olub. Bu da MDB məkanında ölkəmizin birinci olması deməkdir”,-deyə O.Əsədov vurğulayıb.
|
26.11.09 Məqaləni oxumaq
|
| |
|
|
|
Müdafiə sənayesi naziri Y.Camalov polşalı həmkarının rəhbərlik etdiyi nümayəndə heyətini qəbul edib
|
|
Bu gün müdafiə sənayesi naziri Yavər Camalov Polşanın milli müdafiə naziri Boqdan Klixin rəhbərlik etdiyi geniş tərkibli nümayəndə heyətini qəbul edib. Bu barədə məlumatı KƏLAMİNFO-ya Müdafiə Sənayesi Nazirliyindən (MSN) veriblər.
Görüşdə Y.Camalov qonaqlara nazirliyin fəaliyyəti ilə bağlı geniş məlumat verib. O, Azərbaycanla Polşa arasında müxtəlif sahələr üzrə mövcud əməkdaşlığı yüksək qiymətləndirib.
B.Klix iki ölkə arasında mövcud əməkdaşlıqlar sırasına yaxın gələcəkdə müdafiə sənayesi sahəsi üzrə də əməkdaşlığın daxil olacağına ümidvar olduğunu bildirib. Görüşün müdafiə sənayesi sahəsi üzrə gələcəkdə yaranacaq əməkdaşlığa müsbət təsir göstərəcəyini vurğulayan B.Klix səmimi qəbula görə minnətdarlığını ifadə edib.
Qeyd edək ki, görüşdə Polşanın Azərbaycandakı səfiri Kşiştof Krayevski də iştirak edib.
|
|
26.11.09 Məqaləni oxumaq
|
| |
|
|
|
ATƏT Azərbaycanda keçiriləcək bələdiyyə seçkilərinə müşahidəçi göndərməyəcək
|
|
Azərbaycan məişət zorakılğını kriminallaşdıran qanunvericiliyi qəbul edən ölkələrin sırasına qoşula bilər. KƏLAMİNFO xəbər verir ki, bu barədə Bakıda “Məişət zorakılğının qarşısının aınması: ictimaiyyəti məlumatlandırma və qanuna dəstək” mövzusunda keçirilən beynəlxalq konfransada məlumat verilib.
Məsələyə münasibət bildirən ATƏT-in Bakı ofisinin rəhbəri Bilge Cankorel isə qanunu qəbul edən artıq 60 ölkənin olduğunu, Azərbaycanın da bu ölkələr sırasına qoşulacağına əminliyini ifadə edib. Azərbaycanın qonşularından Türkiyə və Gürcüstanın da bu qanunvericiliyi qəbul etdiyini söyləyən səfir, bir il ərzində daha 10-15 dövlətin həmin ölkələr sırasında olacağını istisna etməyib.
B.Cankorel həmçinin ATƏT-in Azərbaycanda keçiriləcək bələdiyyə seçkilərinə müşahidəçi göndərməyəcəyini də diqqətə çatdırıb.
|
|
26.11.09 Məqaləni oxumaq
|
| |
|
|
|
Noyabrın 27-si və 28-i Azərbaycanda Qurban bayramı kimi qeyd olunacaq
|
|
Azərbaycanda Qurban bayramı ilə əlaqədar 4 gün iş olmayacaq. Bu barədə məlumatı KƏLAMİNFO-ya Nazirlər Kabinetindən veriblər.
Nazirlər Kabinetinin müvafiq qərarına əsasən, noyabrın 27-si və 28-i Azərbaycanda Qurban bayramı kimi qeyd olunacaq.
İstirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar noyabrın 30-u da qeyri-iş günü elan edilib.
|
|
25.11.09 Məqaləni oxumaq
|
| |
|
|
|
Bələdiyyə seçkilərində Ana Vətən Partiyası yekun olaraq 412 nəfər namizədlə iştirak edəcək
|
|
Dekabrın 23-də keçiriləcək bələdiyyə seçkilərinə Ana Vətən Partiyasının yekun olaraq təqdim etdiyi ümumilikdə 1000 namizəddən 412 nəfər qeydə alınıb. Bu barədə məlumatı KƏLAMİNFO-ya partiyanın mətbuat xidmətindən veriblər.
İrəli sürülən namizədlər həm partiya xətti, həm də partiya mənsubiyyəti göstərilməklə fərdi qaydada təqdim olunub. Bunlardan 120 nəfər partiya xəttilə, 292 nəfər isə fərdi qaydada irəli sürülən namizədlərdir. Partiya tərəfindən seçkilərdə iştirakı rəsmi qeydə alınan namizədlərin ümumilikdə 10%-i qadınlar, 30%-i isə gənclər təşkil edir. Partiya bu gündən etibarən təbliğat-təşviqat kampaniyasına başlayacaq. Bununla əlaqədar AVP sədri, millət vəkili Fəzail Ağamalı partiyanın yerli təşkilat sədrləri ilə görüş də keçirib.
|
|
25.11.09 Məqaləni oxumaq
|
| |
|
|
|
Prezident Rusiyaya işgüzar səfərə yola düşüb
|
|
Bu gün prezident İlham Əliyev Rusiya Federasiyasının dövlət başçısı Dmitri Medvedevin dəvəti ilə Rusiyanın Ulyanovsk şəhərinə işgüzar səfərə yola düşüb. Prezident Heydər Əliyev adına Beynəlxalq Hava Limanından Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.
Xatırladaq ki, prezident İlham Əliyev noyabrın 23-də Rusiya Federasiyası Prezidenti Administrasiyasının rəhbəri Sergey Narışkini qəbul edib.
|
|
25.11.09 Məqaləni oxumaq
|
| |
|
|
|
Azərbaycan və Rusiya prezidentləri bir araya gələcək
|
|
Bu gün prezident İlham Əliyev Rusiya Federasiyasının dövlət başçısı Dmitriy Medvedevlə görüşəcək. Rusiya prezidenti Dmitri Medvedyevin dəvəti ilə baş tutan səfərin əsas məqsədi Ulyanovsk şəhərində meydanlardan birinə Heydər Əliyevin adının verilməsi münasibətilə keçiriləcək mərasimdə iştirak etməkdir.
Ulyanovskda keçiriləcək görüşdə prezidentlər enerji sahəsində əməkdaşlığın genişləndirilməsi və Dağlıq Qarabağ münaqişəsinin həlli haqqında məsələləri müzakirə edəcəklər. Bundan başqa ölkə başçıları beynəlxalq və regional problemlərin həlli barəsində də fikir mübadiləsi aparacaqlar.
|
|
24.11.09 Məqaləni oxumaq
|
| |
|
|
|
Prezident Sumqayıt Elektrik Stansiyasının açılış mərasimində iştirak edib
|
|
Bu gün prezident İlham Əliyev Sumqayıt Elektrik Stansiyasının açılışında iştirak edib. KƏLAMİNFO xəbər verir ki, dövlət başçısını Sumqayıt şəhər ictimaiyyətinin nümayəndələri, inşaatçılar və energetiklər qarşılayıblar.
“Azərenerji” ASC-nin prezidenti Etibar Pirverdiyev ölkə başçısına məlumat verərək bildirib ki, təməli 2005-ci il avqustun 12-də prezident İlham Əliyev tərəfindən qoyulan 525 meqavatlıq Sumqayıt Elektrik Stansiyası istismara hazırdır.
Yeni stansiya şəhərin perspektiv sosial-iqtisadi inkişafı nəzərə alınmaqla 1 nömrəli Sumqayıt Elektrik Mərkəzinin ərazisində inşa edilib.
Stansiyanın iş rejimi və avadanlığı ilə yaxından tanış olan prezident İlham Əliyev energetiklərlə görüşüb, onları təbrik edərək uğurlar arzulayıb.
|
|
20.11.09 Məqaləni oxumaq
|
| |
|
|
|
Ermənistan təklif edilən variantlara məhəl qoymur
|
|
Azərbaycan Ermənistan prezidentlərinin növbəti görüşünün yaxın günlərdə keçirilməsi planlaşdırılır. KƏLAMİNFO xəbər verir ki, bu barədə məlumatı jurnalistlərə xarici işlər nazirinin müavini Araz Əzimov söyləyib.
A.Əzimov qeyd edib ki, Azərbaycanın mövqeyi Dağlıq Qarabağ probleminin ərazi bütövlüyü çərçivəsində, əhalinin öz yurdlarına qaytarılması, normal şəraitin bərpa edilməsi ilə orada yaşaması və gələcəkdə hansısa münasib şəraitdə statusun müəyyənləşdirilməsi prinsipləri ilə həllindən ibarətdir.
|
|
19.11.09 Məqaləni oxumaq
|
| |
|
|
|
|
|
Açılış Səhifəsi et 
