|
Əli Əhmədov: “Avropa İttifaqının Cənubi Qafqazdakı münaqişələrin nizama salınmasında təsir mexanizmləri var”
|
“Avropa İttifaqı Avropanın ən mötəbər təşkilatı olaraq bu məkanda sülhün və təhlükəsizliyin təmin edilməsində maraqlıdır. Azərbaycan da Avropanın bir hissəsidir. Cənubi Qafqaz bölgəsindəki münaqişələr, xüsusilə Dağlıq Qarabağ problemi Avropanın təhlükəsizliyinə bilavasitə təsir göstərir”. KƏLAMİNFO xəbər verir ki, bu sözləri Yeni Azərbaycan Partiyasının (YAP) sədr müavini Əli Əhmədov Avropa İttifaqının Ermənistan-Azərbaycan, Dağlıq Qarabağ münaqişəsinin həllində oynaya biləcək rolunu şərh edərkən söyləyib.
Ə.Əhmədov bildirib ki, Cənubi Qafqaz regionunda yerləşən Azərbaycan Avropanın enerji təhlükəsizliyində mühüm rol oynayır və bunun önəmi gündən günə artmaqdadır. Ona görə də, bölgədə sabitliyin təmin olunması daha da aktuallaşmaqdadır.
|
11.03.10 Məqaləni oxumaq
|
|
|
Elmar Məmmədyarov: “ABŞ Konqresində qondarma soyqırım yox, Cənubi Qafqazdakı vəziyyət müzakirə olunmalıdır”
|
Yüz il əvvəl baş vermiş hadisələri müzakirəyə çıxaran ABŞ Konqresi yaxın keçmişdə ermənilər tərəfindən azərbaycanlılara qarşı törədilən Xocalı soyqırımına da qiymət verməlidir. KƏLAMİNFO xəbər verir ki, bu fikirləri Azərbaycanın xarici işlər naziri Elmar Məmmədyarov söyləyib.
E.Məmmədyarov bildirib ki, bu məsələ nəinki Ermənistan-Azərbaycan, Dağlıq Qarabağ münaqişəsinin həlli istiqamətində aparılan danışıqlara, ümumiyyətlə Cənubi Qafqazdakı vəziyyətə mənfi təsir göstərə bilər. “Hesab edirəm ki, Konqresdə birtərəfli qətnamə qəbul edilib. Ermənistan Azərbaycanın 20% torpağını işğal edib və bir milyona yaxın azərbaycanlı qaçqın və məcburi köçkün həyatı yaşayır”,-deyən nazir bunun regiondakı təhlükəsizliyə böyük zərbə olduğunu vurğulayıb. Onun sözlərinə görə, ABŞ Konqresində qondarma soyqırım yox, Cənubi Qafqazdakı vəziyyət müzakirə olunmalıdır.
|
11.03.10 Məqaləni oxumaq
|
|
|
Bahar Muradova ABŞ Konqresinin qəbul etdiyi qondarma erməni soyqırımı qətnaməsinə münasibət bildirib
|
“Soyqırım məsələsinin parlamentdəki müzakirəsi ümumilikdə tarixi hadisələrə siyasi pəncərədən baxış və buna uyğun siyasi münasibətlərin qurulmasına gətirib çıxarır ki, bu da xalqlar, dövlətlər arasında münasibətlərin yaxşınlaşmasına yox, pisləşməsinə səbəb olur". KƏLAMİNFO xəbər verir ki, bu barədə açıqlamanı Milli Məclisin vitse-spikeri Bahar Muradova ABŞ Konqresinin Nümayəndələr Palatasının Xarici Əlaqələr Komitəsinin qəbul etdiyi qondarma “erməni soyqırımı” qətnaməsinə münasibət bildirərkən deyib. B.Muradova əlavə edib ki, ABŞ Konqresinin Xarici Əlaqələr Komitəsinin qondarma soyqırımla bağlı qəbul etdiyi qətnaməyə Azərbaycan çox kəskin münasibət bildirib.
Vitse-spiker qeyd edib ki, Azərbaycan sona qədər öz mövqeyində qalacaq və bu məsələyə kəskin etirazını bildirəcək.
|
11.03.10 Məqaləni oxumaq
|
|
|
Prezident İlham Əliyev səfir Ərşad Ömər İsmayılı diplomatik fəaliyyətinin başa çatması ilə əlaqədar qəbul edib
|
Bu gün prezident İlham Əliyev İraqın ölkəmizdəki səfiri Ərşad Ömər İsmayılı diplomatik fəaliyyətinin başa çatması ilə əlaqədar qəbul edib. KƏLAMİNFO xəbər verir ki, dövlət başçısı Ərşad Ömər İsmayılın Azərbaycandakı diplomatik fəaliyyəti dövründə ölkələrimiz arasında əlaqələrin inkişaf etdiyini vurğulayıb. İraqda parlament seçkilərinin uğurla keçməsi münasibətilə təbriklərini çatdıran prezident İlham Əliyev əlaqələrimizin növbəti mərhələdə daha fəal olacağına ümidvar olduğunu bildirib. Səfirə uğurlar arzulayan dövlət başçısı əminliklə qeyd edib ki, diplomat Azərbaycan və İraq xalqları arasında əməkdaşlığın daha da inkişaf etdirilməsi istiqamətində gələcəkdə də fəaliyyətini davam etdirəcək.
Ə.Ö.İsmayıl Azərbaycandakı diplomatik fəaliyyəti dövründə səfirliyin işinə yaradılan yüksək şəraitə görə şəxsən prezident İlham Əliyevə minnətdarlığını bildirib. Azərbaycan xalqının timsalında yaxşı dost qazandığını deyən diplomat gələcək fəaliyyəti dövründə də xalqlarımız arasında əlaqələrin inkişaf etdirilməsi işində səylərinin əsirgəməyəcəyini bildirib.
|
10.03.10 Məqaləni oxumaq
|
|
|
Prezident İlham Əliyev Müdafiə Sənayesi Nazirliyinin yeni istehsal sahələrinin açılışında iştirak edib
|
Bu gün prezident İlham Əliyev Müdafiə Sənayesi Nazirliyinin “Şərq” İstehsalat Birliyinin “İqlim” Elm-İstehsalat Müəssisəsində yeni istehsal sahələrinin açılış mərasimində iştirak edib. KƏLAMİNFO xəbər verir ki, dövlət başçısı əvvəlcə müəssisənin həyətində ümummilli lider Heydər Əliyevin büstü önünə gül dəstəsi qoyub.
Prezident İlham Əliyevə məlumat verilib ki, müəssisə 2006-cı ildən Müdafiə Sənayesi Nazirliyinin tərkibində fəaliyyət göstərir. Müəssisənin İSO 9001-2001 standartının tələblərinə uyğunluq sertifikatı var. “İqlim” müəssisəsinin yeni yaradılan istehsalat sahələrində müdafiə və mülki təyinatlı məhsullar hazırlanır, onların hissələrinin mexaniki emalı və qalvanik örtükləmə əməliyyatları yerinə yetirilir.
Azərbaycan prezidenti yeni sahənin rəmzi açılışını bildirən düyməni basıb, hazır məhsullar və hissələrlə tanış olub, istehsal prosesini izləyib.
Sonra dövlət başçısı müəssisədə yaradılmış atıcılıq tirinə baxıb.
|
06.03.10 Məqaləni oxumaq
|
|
|
Qənirə Paşayeva: “Qətnamənin qəbulu təkcə Türkiyəyə deyil, bütün türk dövlətlərinə qarşı hörmətsizlikdir”
|
Türkdilli dövlətlərin parlamentləri ABŞ Konqresi Nümayəndələr Palatası Xarici Əlaqələr Komitəsinin qondarma "erməni soyqırımı"nın tanınmasına dair qəbul etdiyi qətnaməyə etiraz bildirməlidirlər. KƏLAMİNFO xəbər verir ki, bu bardə açıqlamanı jurnalistlərə Milli Məclisin deputatı Qənirə Paşayeva bildirib.
Q.Paşayeva hesab edir ki, bu qətnamənin qəbulu təkcə Türkiyəyə deyil, bütün türk dövlətlərinə qarşı hörmətsizlikdir. Millət vəkili qeyd edib ki, bütün türk diasporu, türk dövlətlərinin parlamentlərinin bu məsələyə etiraz etməlidirlər.
Onun sözlərinə görə, ABŞ bununla Türkiyəyə qarşı təzyiq etməklə Ermənistanla sərhədlərin açılmasına nail olmaq istəyir.
|
05.03.10 Məqaləni oxumaq
|
|
|
Vitse-spiker Ziyafət Əsgərov: “İraqda, Əfqanıstanda, Xocalıda baş verənlərin hesabatını kim verməlidir”
|
Milli Məclisin birinci vitse-spikeri Ziyafət Əsgərov ABŞ Konqresinin Nümayəndələr Palatasının Xarici Əlaqələr Komitəsinin qondarma "erməni soyqırımı" ilə bağlı qətnamə qəbul etməsinə münasibət bildirib. KƏLAMİNFO xəbər verir ki, Z.Əsgərov qəbul edilən qətnaməni pisləyib.
Vitse-spiker bildirib ki, ABŞ bir daha sübut etdi ki, hüququn gücü yox, gücün hüququ hökm sürür. “Bu gün İnternetdə ABŞ Konqresi Nümayəndələr Palatası Xarici Əlaqələr Komitəsinin sədrinin çıxışını oxudum. O, bildirir ki, Türkiyə öz keçmişi haqda hesabat verməlidir. Bəs yaxşı İraqda, Əfqanıstanda, Qarabağda baş verənlərin hesabatını kim verməlidir? Dünya BMT tərəfindən yox, özünü supergüc hesab edən bir neçə ölkə tərəfindən idarə olunur”,-deyən Z.Əsgərov qeyd edib ki, biz bu gün prezidentimizə dayaq olmalı, ancaq özümüzə güvənməliyik.
|
05.03.10 Məqaləni oxumaq
|
|
|
Prezident Administrasiyası Amerika Konqresinin qərarını pislədi
|
Azərbaycan Respublikası Prezidentinin Administrasiyası ABŞ Konqresinin Xarici Əlaqələr Komitəsinin qondarma “erməni soyqırımı” ilə bağlı qəbul etdiyi qərarı qəti şəkildə pisləyib. KƏLAMİNFO xəbər verir ki, bu barədə açıqlamanı mətbuata Administrasiyanın ictimai-siyasi məsələlər şöbəsinin müdiri Əli Həsənov verib. Ə.Həsənov bildirib ki, ABŞ konqresmenlərinin bu addımı sözün həqiqi mənasında səhv və ədalətsiz addımdır. “1915-ci ildə I Dünya müharibəsinin cəbhələrinin birində baş vermiş hadisələrdə müharibədə iştirak edən bütün xalqlar və dövlətlər bu və ya digər itkilərə məruz qalmışlar. O dövrün hadisələrində kimin daha az və ya çox itki verməsini və hansı nəticə ilə müharibədən çıxmasını dünyada fövqəldövlət adını daşımağa iddialı olan bir ölkənin Konqres üzvləri deyil, müstəqil tarixçilər və tədqiqatçılar həll etməlidir.
|
05.03.10 Məqaləni oxumaq
|
|
|
Beynəlxalq Din Azadlığı üzrə Komissiyanın hesabatında Azərbaycanla bağlı qeyri-obyektivliyə yol verilib
|
Dini Qurumlarla İş üzrə Dövlət Komitəsi (DQİDK) ABŞ-ın Beynəlxalq Din Azadlığı üzrə Komissiyasının növbəti illik icmalının Azərbaycanla bağlı hissəsi ilə əlaqədar məlumat yayıb. Komitədən KƏLAMİNFO-ya verilən məlumatda bildirilib ki, Komissiyanın sonuncu hesabatının Azərbaycana aid hissəsində bir sıra müsbət amillərlə yanaşı, qeyri-obyektivliyə də yol verilib.
Sənəddə bildirilib ki, hökumət vətəndaşların əksəriyyətinin dini azadlığına hörmət etməyə davam edir. Buna əlavə olaraq DQİDK bildirib ki, dini qurumlar tərəfindən qanun pozuntusuna yol verilmirsə, onların fəaliyyətinə hökumət tərəfindən heç bir maneə olmur. Qeyd olunub ki, Azərbaycanın din sahəsində apardığı siyasət, cəmiyyətdə dinin müxtəlif formalarda mövcudluğunu nəzərə alaraq, fikir və söz azadlığı, vicdan azadlığı üzərində qurulub. Dövlətin din sahəsindəki siyasəti beynəlxalq hüququn prinsiplərinə və normalarına, Azərbaycanın qoşulduğu beynəlxalq müqavilələrə, ölkə Konstitusiyasına və digər normativ-hüquqi aktlara əsaslanır.
|
03.03.10 Məqaləni oxumaq
|
|
|
Bahar Muradova: “ATƏT sədrinin regiona səfəri zamanı Dağlıq Qarabağ münaqişəsinin həlli yolları müzakirə olunacaq”
|
“Qondarma “erməni soyqırımı”nın ABŞ Konqresinin Nümayəndələr Palatasında müzakirə olunmasını istəmirik. Bunun üçün Türkiyə tərəfi öz səylərini göstərməkdədir. ABŞ Administrasiyasının da bu məsələ ilə bağlı mövqeyi ortadadır”. KƏLAMİNFO xəbər verir ki, bu fikirləri Milli Məclis sədrinin müavini Bahar Muradova bildirib.
B.Muradova bu məsələnin Konqresdə müzakirəyə çıxarılmayacağına inanmaq istədiyini də bildirib. O, Azərbaycanın istənilən halda bu yöndə müzakirələrin aparılmasına qarşı olduğunu vurğulayıb.
Vitse-spiker ATƏT PA-nın sədri Joao Soareş və qurumun Dağlıq Qarabağ və Cənubi Qafqazdakı münaqişələr üzrə xüsusi nümayəndəsi Qoran Lenmarkerin gələn həftənin sonlarında Azərbaycana baş tutacaq səfəri ilə bağlı fikirlərini də bölüşüb. Bildirib ki, səfər çərçivəsində, əsasən ATƏT-Azərbaycan əlaqələri, regiondakı vacib problemlər, o cümlədən Dağlıq Qarabağ münaqişəsi, bu münaqişənin ATƏT-in vasitəçiliyi ilə həlli məsələləri müzakirə olunacaq.
|
03.03.10 Məqaləni oxumaq
|
|
|
|
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|