|
ABŞ Azərbaycanla tərəfdaşlığını yüksək qiymətləndirir
|
Aprelin 17-də Azərbaycana bir günlük səfər edən ABŞ Müdafiə Nazirliyinin rəsmisi Mişel Flurni Azərbaycanı Birləşmiş Ştatların mühüm tərəfdaşı adlandırıb və Azərbaycana Əfqanıstandakı töhfələri və zorakı ekstremizmlə mübarizədə əməkdaşlığına görə təşəkkürünü bildirib. Bu barədə açıqlamanı KƏLAMİNFO-ya ABŞ-ın ölkəmizdəki səfirliyindən veriblər.
ABŞ müdafiə nazirinin hərbi-siyasi məsələlər üzrə müavini Mişel Flurni səfər çərçivəsində prezident İlham Əliyev, xarici işlər naziri Elmar Məmmədyarov və müdafiə naziri Səfər Əbiyevlə görüşüb. Müdafiə nazirinin hərbi-siyasi məsələlər üzrə baş məsləhətçisi olan xanım Flurni Birləşmiş Ştatların Azərbaycanla strateji münasibət üzrə öhdəliyini bir daha təsdiqləyib. O, regional sabitlik və inkişafa təkan verilməsi istiqamətində ABŞ-la Azərbaycan arasında qarşılıqlı maraqları müzakirə etməyə müvəffəq olub.
|
20.04.10 Məqaləni oxumaq
|
|
|
Əli Həsənov: “Azərbaycanda demokratik seçkilərin keçirilməsi dövlətin diqqətindədir”
|
Azərbaycanın Seçki Məcəlləsi Avropa standartlarına uyğunlaşdırılıb və Azərbaycan dünya standartlarına uyğun seçki keçirməyə tam hazırdır. KƏLAMİNFO xəbər verir ki, bu fikirləri Prezident Administrasiyası ictimai-siyasi məsələlər şöbəsinin müdiri Əli Həsənov “Azərbaycanda 2010-cu il parlament seçkiləri: daha demokratik, daha şəffaf” mövzusunda keçirilən beynəlxalq konfransda çıxış edərkən bildirib.
Ə.Həsənov qeyd edib ki, Azərbaycanda seçki mühiti, ictimai-siyasi vəziyyət bunu deməyə əsas verir. Onun sözlərinə görə, insanların seçib-seçilmək hüququnun tanınması, bərabər seçki mühitinin yaradılması, seçki prossesinin şəffaflığı, səslərin sayılması və protokolların düzgün tərtib olunması Azərbaycan dövlətinin diqqət mərkəzindədir və bu istiqamətdə zəruri tədbirlər görülür. O, növbəti parlament seçkilərində də bütün namizədlərə bərabər şəraitin yaradılacağını söyləyib.
|
17.04.10 Məqaləni oxumaq
|
|
|
Əli Həsənov: “Azərbaycanda səfir təyin edilməsi ABŞ-ın öz işidir”
|
ABŞ-ın Azərbaycanda səfir təyin etməsi və burada Amerikanı kimin təmsil etməsi onların öz işidir. KƏLAMİNFO xəbər verir ki, bu fikirləri jurnalistlərə açıqlamasında Prezident Administrasiyasının İctimai-siyasi məsələlər şöbəsinin müdiri Əli Həsənov söyləyib.
“Biz hesab edirik ki, səfiri burada əvəz edən Donald Lu kifayət qədər təəcrübəli diplomatdır və o da, səfir ola bilər. Amma qərar yenə də Amerikanındır”,-deyə Ə.Həsənov vurğulayıb.
|
16.04.10 Məqaləni oxumaq
|
|
|
|
Vitse-spiker Z.Əsgərov: “NATO PA-nın Dağlıq Qarabağ münaqişəsinə münasibət bildirməsini istəyirik”
|
Dağlıq Qarabağ münaqişəsi ilə bağlı BMT, Avropa Şurası və digər beynəlxalq qurumların qətnaməsi, həmçinin Moskva Bəyannaməsi var və istərdik ki, NATO Parlament Assambleyası da münaqişəyə öz münasibətini bildirsin. KƏLAMİNFO xəbər verir ki, bunu jurnalistlərə açıqlamasında Milli Məclis sədrinin müavini, Azərbaycanın NATO PA-dakı nümayəndə heyətinin rəhbəri Ziyafət Əsgərov söyləyib.
“NATO PA-nın Təhlükəsizlik və müdafiə komitəsində biz buna nail olmuşuq və müvafiq qətnamə qəbul olunub. Amma bu, komitə səviyyəsində olub. İstəyirik ki, Parlament Assambleyası səviyyəsində də bu məsələ öz həllini tapsın. NATO PA-nın bir neçə iclasında Ermənistan-Azərbaycan, Dağlıq Qarabağ münaqişəsi müzakirə olunub. Çox təəssüf ki, yekunda bizi qane edən qərar qəbul edilməyib. Biz istəyirik ki, buna nail olaq və nəhayət bu təşkilat da məsələyə öz münasibətini bildirsin”,-deyə Z.Əsgərov vurğulayıb.
|
16.04.10 Məqaləni oxumaq
|
|
|
PA-nın şöbə müdiri: “ABŞ-ın bəzi dairələri və institutları Ermənistana açıq-aşkar dəstək verirlər”
|
“ABŞ-ın ATƏT-in Minsk Qrupunun həmsədri kimi Ermənistan-Azərbaycan, Dağlıq Qarabağ münaqişəsinin tənzimlənməsi prossesində nümayiş etdirdiyi fəaliyyətindən razı deyilik. Bu narazılıq, ilk növbədə, ABŞ-ın münaqişədə nümayiş etdirməli olduğu bitərəf mövqeyi və digər məsələlərlə bağlıdır”. KƏLAMİNFO xəbər verir ki, bu fikirləri Prezident Administrasiyanın (PA) ictimai-siyasi şöbəsinin müdiri Əli Həsənov jurnalistlərə açıqlamasında söyləyib.
Ə.Həsənov ABŞ-da nüvə sammiti çərçivəsində keçirilən görüşlərə ölkə prezidenti İlham Əliyev tərəfindən münasibət bildirildiyini vurğulayıb. O, Azərbaycanın dəfələrlə və müxtəlif səviyyələrdə Dağlıq Qarabağda haqqını, ərazi bütövlüyünün pozulması məsələsini qaldırdığını bildirib. “Təəssüflər olsun ki, ABŞ-ın bəzi dairləri və institutları erməni lobbisinin təsiri altında neytrallıq nümayiş etdirmir, Ermənistana açıq-aşkar dəstək verirlər.
|
16.04.10 Məqaləni oxumaq
|
|
|
Əli Həsənov: “Seçki Məcəlləsinin dəyişdirilməsi günün mövzusu deyil”
|
“Qarşıdan gələn parlament seçkilərində bütün namizədlərə, partiyalara, təşkilatlara Seçki Məcəlləsinə müvafiq olaraq sərbəst toplaşmaq üçün lazımi şərait yaradılacaq”. KƏLAMİNFO xəbər verir ki, bu barədə açıqlamanı jurnalistlərə Prezident Administrasiyasının (PA) ictimai-siyasi şöbəsinin müdiri Əli Həsənov bildirib.
Avropa Şurası Parlament Assambleyasının (AŞ PA) prezidenti Mövlud Çavuşoğlunun aksiya keçirmək üçün ayrılan yerlərin sayının artırılması barədə fikirlərinə münasibət bildirən Ə.Həsənov qeyd edib ki, seçki kampaniyası dövründə belə yerlər ayrılacaq və əvvəlcədən KİV-də bu barədə məlumat veriləcək.
|
15.04.10 Məqaləni oxumaq
|
|
|
Aydın Mirzəzadə: “Dünyanı nüvə təhlükəsi gözlədiyi kimi, separatizm təhlükəsi də gözləyir”
|
“Nüvə sammitinin keçirilməsi ümumilikdə vacibdir. Çünki dünya belə bir təhlükə ilə üz-üzə qala bilər. Əgər nüvə silahı varsa, bu problem də mövcuddur”. KƏLAMİNFO xəbər verir ki, bu sözləri Milli Məclisin Təhlükəsizlik və müdafiə komitəsinin sədr müavini Aydın Mirzəzadə söyləyib.
A.Mirzəzadə bildirib ki, dünyanı nüvə təhlükəsi gözlədiyi kimi, separatizm təhlükəsi də gözləyir. Onun sözlərinə görə, separatizm bu gun dünyanın qarşılaşdığı bir çox problemlərin kökündə dayanır. “Ona görə də beynəlxalq birlik bu problemin həllinə də xüsusi diqqət yetirməlidir”,-deyə A.Mirzəzadə qeyd edib.
|
14.04.10 Məqaləni oxumaq
|
|
|
Bu gün Vaşinqtonda nüvə təhlükəsizliyi ilə bağlı sammit işə başlayır
|
Bu gün Bakı vaxtı ilə axşam saatlarında Vaşinqtonda nüvə təhlükəsizliyi ilə bağlı sammit işə başlayır. KƏLAMİNFO xəbər verir ki, zirvə toplantısının ilk gününün proqramında nümayəndə heyətləri rəhbərləri üçün işgüzar nahar nəzərdə tutulub. Naharda nüvə terrorçuluğu təhlükəsi müzakrə olunacaq. Sammitin ikinci günündə iki toplantı, eləcə də nümayəndə heyətləri rəhbərlərinin iştirakı ilə işgüzar səhər yeməyi olacaq. Həmin gün liderlər nüvə təhlükəsizliyinin təmin olunmasında milli və beynəlxalq səyləri müzakirə edəcəklər. Bundan başqa, Atom Enerjisi üzrə Beynəlxalq Agentliyin nüvə təhlükəsizliyindəki rolu ətrafında fikir mübadiləsinin aparılması nəzərdə tutulur.
Qeyd edək ki, sammitdə ABŞ-da daxil olmaqlda 47 ölkə lideri iştirak edəcək. Sammitin yekununda Ümumi Kommünikenin qəbulu gözlənilir.
|
14.04.10 Məqaləni oxumaq
|
|
|
Ziyafət Əsgərov: “Azərbaycan Türkiyə rəhbərliyinin öz vədinə sadiq qalacağına inanır”
|
“Azərbaycan Türkiyə rəhbərliyinin öz vədinə sadiq qalacağına inanır”. KƏLAMİNFO xəbər verir ki, bu sözləri Milli Məclis sədrinin birinci müavini Ziyafət Əsgərov ABŞ-da keçiriləcək Ərdoğan-Sarkisyan görüşünə münasibət bildirərkən söyləyib.
Z.Əsgərov bildirib ki, Türkiyə ilə Ermənistan arasında sərhədlərin açılması Dağlıq Qarabağ probleminin həllindən asılıdır. Onun sözlərinə görə, Türkiyənin Baş naziri və xarici işlər naziri bu məsələdə Azərbaycanın maraqlarının qorunacağını bəyan edib.
“Mövqeyimiz belədir ki, Türkiyə ilə Ermənistan arasında sərhədlər Ermənistanın işğalçılıq siyasətinə son qoyulandan sonra açılmalıdır. Bu mövqeyimizdə də qalırıq. Hesab edirəm ki, Türkiyə tərəfi də bu prinsipə sadiq qalacaq”,-deyə Z.Əsgərov vurğulayıb.
|
13.04.10 Məqaləni oxumaq
|
|
|
|
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|