|
|
Səhifələr : # « 17 18 19 20 21 22 23 24 25 » #
|
|
Asim Mollazadə ABŞ-da bir sıra görüşlər keçirib
|
Demokratik İslahatlar Partiyasının sədri Asim Mollazadə ABŞ səfəri zamanı bir sıra senator və konqresmenlərlə görüşüb. DİP-dən “KƏLAMİNFO”ya verilən məlumata görə, A.Mollazadə senatorlar Pat Tumile və Kelli Ayottla görüşüb. Görüşdə ABŞ-Azərbaycan münasibətləri, regionda vəziyyət, Azərbaycanın Avropanın enerji təhlükəsizliyində rolu, Ermənistanın təcavüzü, regiondakı inkişafa və sülhyaratma prosesinə törədilən maneələr müzakirə edilib.
A.Mollazadə həmçinin konqresmenlər Pit Sesion, Co Uilson və Denni Rehberglə görüşüb. Görüşdə ABŞ-Azərbaycan münasibətləri, regiondakı vəziyyət, Azərbaycanın Avropanın enerji təhlükəsizliyində və terrorizmlə mübarizədə rolu, Ermənistanın təcavüzü, regiondakı münaqişələrin həlli yolları müzakirə edilib.
|
07.12.12 Məqaləni oxumaq
|
| |
|
|
|
Lamberto Zanyer: “Dağlıq Qarabağ münaqişəsinin nizamlanması ətrafında yaranan vəziyyət ciddi narahatlıq doğurur”
|
“Dağlıq Qarabağ münaqişəsinin nizamlanması ətrafında yaranan vəziyyət həqiqətən ciddi narahatlıq doğurur”. “KƏLAMİNFO” xəbər verir ki, bunu ATƏT-in baş katibi Lamberto Zanyer “RİA “Novosti”-yə müsahibəsində bildirib.
“Ümid edirəm ki, XİN rəhbərləri Dublində görüşüb, ortaq nəticəyə gələ biləcəklər. Bu baş versə, onlar Minsk qrupunun həmsədrləri ilə birgə bəyanatla çıxış edib, bu şəkildə məsələ ilə bağlı irəliləyiş əldə edə bilərlər” - deyə L.Zanyer bildirib. Onun sözlərinə görə, hazırkı ab-havanı nəzərə alsaq, hətta ən kiçik addım belə münaqişə prosesi üçün çox önəmlidir: “Lakin Azərbaycan, eləcə də Ermənistandakı qarşıdakı prezident seçkilərinin önəmi baxımından daha da irəli getmək vacibdir”. L.Zanyer gələcəklə bağlı fikirlərini açıqlayarkən qeyd edib ki, danışıqlar yolu ilə münaqişəni həll etmək, eləcə də əvvəlcədən götürdükləri öhdəlikləri effektiv şəkildə yerinə yetirmək üçün tərəflər siyasi iradə nümayiş etdirməlidirlər.
|
|
07.12.12 Məqaləni oxumaq
|
| |
|
|
|
Əli Əhmədov İran səfirini qəbul edib
|
|
Yeni Azərbaycan Partiyasının sədr müavini, icra katibi Əli Əhmədov bu gün İranın Azərbaycandakı fövqəladə və səlahiyyətli səfiri Muhsen Pakain ilə partiyanın mənzil qərargahında görüşüb. Partiyanın mətbuat xidmətindən “KƏLAMİNFO”ya verilən məlumata görə, dostluq və qardaşlıq münasibətlərinin mövcud olduğu Azərbaycanda diplomatik fəaliyyətə başlamasından qürur duyduğunu nəzərə çatdıran səfir Muhsen Pakain ölkələrimiz arasında əlaqələrin bundan sonra da dinamik inkişaf edəcəyinə əminliyini ifadə edib.
Ölkələrimiz arasında əlaqələrin inkişaf dinamikasının məmnunluq doğurduğunu qeyd edən YAP sədrinin müavini Əli Əhmədov ölkələrarası əlaqələrin daha da inkişaf etdirilməsini nəzərdə tutan təkliflərin və təşəbbüslərin bundan sonra da dəstəklənəcəyinə və reallaşacağına tam əminliyini qeyd edib.
Görüşdə, həmçinin qarşılıqlı maraq doğuran bir sıra məsələlər ətrafında fikir mübadiləsi aparılıb.
|
|
06.12.12 Məqaləni oxumaq
|
| |
|
|
|
Səməd Seyidov İstanbulda enerji məsələləri ilə bağlı müzakirələrə qatılıb
|
|
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Xəzər Strateji İnstitutunun enerji məsələlərinə həsr olunmuş forumunda iştirak etmək üçün Türkiyənin İstanbul şəhərində səfərdədir. Bu barədə məlumatı “KƏLAMİNFO”ya parlamentdən veriblər.
Deputat tədbirdə müzakirə olunacaq məsələlərə öz münasibətini bildirəcək, fikirlərini açıqlayacaq.
Səfər dekabrın 6-da başa çatacaq.
|
|
06.12.12 Məqaləni oxumaq
|
| |
|
|
|
TÜRKPA baş katibi Beynəlxalq Xəzər Forumunda iştirak edəcək
|
|
TÜRKPA baş katibi Ramil Həsənov sabah Xəzər Strateji İnstitutu tərəfindən İstanbulda təşkil ediləcək Beynəlxalq Xəzər Forumunda iştirak edəcək. Bu barədə məlumatı “KƏLAMİNFO”ya TÜRKPA-dan veriblər.
Forum Avrasiya, ABŞ və Avropadan görkəmli liderləri enerji, enerji təhlükəsizliyi, nəqliyyat, iqtisadi, siyasi məsələləri və Xəzər regionunda investisiya imkanlarını müzakirə etmək məqsədilə bir araya gətirir. Görüş zamanı 3 əsas məsələ: Avrasiya enerji dinamikasında Xəzər Enerji resurslarının rolu; Xəzərin İqtisadi İnkişafı: İpək Yolunun dirçəldilməsi, diversifikasiyası və davamlı artım və son olaraq Avrasiyada sülh və sabitliyə nail olunması: Perspektivlər və Problemlər müzakirə ediləcək. Forumdan sonra Xəzər Mükafatları mərasimi keçiriləcək.
|
|
06.12.12 Məqaləni oxumaq
|
| |
|
|
|
Joze Manuel Barroso: Ermənistan-Azərbaycan münaqişəsində mövcud status-kvo qəbuledilməzdir
|
|
Azərbaycanın Belçikadakı fövqəladə və səlahiyyətli səfiri və Avropa İttifaqı yanında nümayəndəliyinin başçısı Fuad İsgəndərov etimadnaməsini Avropa Komissiyasının prezidenti Joze Manuel Barrosoya təqdim edib. Xarici İşlər Nazirliyindən verilən məlumata görə, səmimi və dostcasına mühitdə keçən söhbətin əvvəlində Avropa Komissiyasının Prezidenti Azərbaycan Prezidenti İlham Əliyevə səmimi salamlarının çatdırılmasını xahiş edib.
Joze Manuel Barroso Aİ-Azərbaycan münasibətlərinin inkişaf etdiyini, ölkəmizin Şərq Tərəfdaşlığı çərçivəsində fəaliyyətinin mühüm əhəmiyyət kəsb etdiyini və bu çərçivədə bir sıra sahələrdə tərəqqinin müşahidə olunduğunu vurğulayıb, Azərbaycanın Avropada pozitiv imicinin formalaşdığını bildirib. Avropa Komissiyasının prezidenti Aİ-nin Azərbaycan ilə əməkdaşlığında enerji sahəsində strateji tərəfdaşlığımızın mühüm rol oynadığını qeyd edərək, Cənub Qaz Dəhlizinin çox tezliklə reallığa çevriləcəyindən əmin olduğunu ifadə edib.
|
|
05.12.12 Məqaləni oxumaq
|
| |
|
|
|
Azərbaycanlı deputatı AŞ PA-da milli azlıqların vəziyyətindən danışıb
|
|
Dekabrın 3-də Avropa Şurasının Parisdəki ofisində Avropa Şurası Parlament Assambleyası (AŞPA) gender bərabərliyi və qeyri-diskriminasiya komitəsinin yığıncağı keçirilib. Komitə üzvləri gündəliyə çıxarılan “Gender bərabərliyi və ailə-iş münasibətləri”, “Cənubi-Şərqi Avropada gender bərabərliyi”, “Avropada ənənəvi milli azlıqların hüquqları və vəziyyəti”, “Milli azlıqların hüquqları”, “Qadınların siyasətdə iştirakı və siyasi partiyalar “Qadınlara qarşı zorakılıq” və digər məsələlər ətrafında fikir mübadiləsi aparıblar. Komitədə Azərbaycanın AŞPA-dakı nümayəndə heyətinin üzvü Sahibə Qafarova məruzəçi təyin olunduğu “Əmək bərabərliyinin yaş diskriminasiyası” mövzusu üzərində iş, onun beynəlxalq əhəmiyyəti barədə danışıb, həmkarlarını maraqlandıran suallara cavab verib. Bu barədə məlumatı “KƏLAMİNFO”ya deputat özü verib.
|
|
04.12.12 Məqaləni oxumaq
|
| |
|
|
|
Pakistan Hərbi-Dəniz Qüvvələri komandanı: Pakistan Azərbaycan torpaqlarının işğaldan azad olunmasında hər cür kömək göstərməyə hazırdır
|
|
Azərbaycanın Pakistandakı səfiri Daşqın Şikarov Pakistan Hərbi-Dəniz Qüvvələri (HDQ) komandanı admiral Məhəmməd Asif Sandila ilə görüşüb. Pakistandakı səfirliyimizdən “KƏLAMİNFO”ya verilən məlumata görə, Daşqın Şikarov Azərbaycanla Pakistan arasında mövcud olan dostluq münasibətlərdən, siyasi, hərbi, iqtisadi və digər sahələrdəki əməkdaşlıqdan danışıb.
O, Dağlıq Qarabağ münaqişəsinin həllində Pakistanın Azərbaycanın mövqeyini tam dəstəklədiyinə və tutduğu işğalçı mövqeyi səbəbindən Ermənistanı bir ölkə kimi tanımadığına görə admiral Məhəmməd Asif Sandilaya minnətdarlığını bildirib.
|
|
04.12.12 Məqaləni oxumaq
|
| |
|
|
|
Azərbaycan Prezident Administrasiyasında qəbul günləri açıqlandı
|
|
Azərbaycan Prezident Administrasiyasında (PA) qəbul günləri açıqlanıb. “KƏLAMİNFO” PA-nın mətbuat xidmətinə istinadən qəbul günlərini təqdim edir. Prezidentin İqtisadi siyasət məsələləri üzrə Dövlət müşaviri Vahid Axundov dekabrın 10-u, müdafiə məsələləri üzrə müşaviri Vahid Əliyev dekabrın 11-də vətəndaşları qəbul edəcək. Prezidentin iqtisadi məsələlər üzrə köməkçisi Əli Əsədov isə dekabrın 17-də qəbul günü keçirəcək. Bundan başqa PA-nın şöbə müdirlərinin də qəbul günləri açıqlanıb. Humanitar siyasət məsələləri şöbəsinin müdiri Fatma Abdullazadə dekabrın 19-u, Sənədlərlə və vətəndaşların müraciətləri ilə iş şöbəsinin müdiri Süleyman İsmayılov dekabrın 7-si, Hüquq mühafizə orqanları ilə iş şöbəsinin müdiri Fuad Ələsgərov dekabrın 3-ü, Qanunvericilik və hüquq ekspertizası məsələləri şöbəsinin müdiri Şahin Əliyev dekabrın 12-si, İctimai-siyasi məsələlər şöbəsinin müdiri Əli Həsənov dekabrın 18-i, Regional idarəetmə və yerli özünüidarəetmə orqanları ilə iş şöbəsinin müdiri Zeynal Nağdəliyev dekabrın 13-ü, Dövlət nəzarəti şöbəsinin müdiri Eldar Nuriyev dekabrın 24-ü, Siyasi təhlil və informasiya təminatı şöbəsinin müdiri Elnur Aslanov dekabrın 6-sı, Xarici əlaqələr şöbəsinin müdiri Novruz Məmmədov dekabrın 5-i, Kadr məsələləri şöbəsinin müdiri Tələt Məcidov dekabrın 27-si, Aqrar siyasət məsələləri şöbəsinin müdiri Azər Əmiraslanov isə dekabrın 28-i vətəndaşları qəbul edə biləcəklər.
|
|
04.12.12 Məqaləni oxumaq
|
| |
|
|
|
Milli Məclis rəhbərliyinin qəbul günləri açıqlandı
|
|
Azərbaycan Milli Məclisinin rəhbərliyinin dekabr ayı üçün qəbul günləri açıqlanıb. Bu barədə məlumatı “KƏLAMİNFO”ya parlamentdən veriblər.
Belə ki, birinci vitse-spiker, Təhlükəsizlik və müdafiə komitəsinin sədri Ziyafət Əsgərov dekabrın 10-da vətəndaşları qəbul edəcək. Vitse-spikerlər Bahar Muradova və Valeh Ələsgərov isə müvafiq olaraq dekabrın 17 və 24-də qəbulda olacaqlar.
|
|
03.12.12 Məqaləni oxumaq
|
| |
|
|
|
Səhifələr : # « 17 18 19 20 21 22 23 24 25 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
