Kelam Jurnalı - Dövlət və din

Türkiyənin xarici işlər naziri Əhməd Davudoğlu Azərbaycanla Ermənistan arasında sərhədlərin açılacağı dövrün yaxında oduğunu açıqlayıb. KƏLAMİNFO Türkiyə mətbuatına istinadən xəbər verir ki, o, keçirdiyi brifinqdə buna nail olunması üçün ölkəsinin fəal şəkildə işlədiyini və səylərinin məhsuldar olacağını bildirib. Nazir Dağlıq Qarabağ münaqişəsinin həllinin Ermənistanla Türkiyə arasında da bütün ədavətə son qoyacağını vurğulayıb. вЂњO vaxt çox uzaqda deyil ki, biz Ermənistandan keçərək Bakıya gedəcəyik.

20.05.10

Məqaləni oxumaq

Səfir Hulusi Kılıc: вЂњTürkiyə-Azərbaycan strateji iş birliyi Şurasının iclası 5-6 aya baş tutacaqвЂќ

Türkiyə ilə Azərbaycan arasında hökmətlərarası komissiyanın iclası yaxın 5-6 aya baş tutacaq. KƏLAMİNFO xəbər verir ki, bu barədə açıqlamanı Türkiyənin Azərbaycandakı səfiri Hulusi Kılıc söyləyib. Onun sözlərinə görə, Türkiyə İraq, Suriya, Yunanıstan və Rusiya ilə sözügedən komissiyanı formalaşdırıb və bu sahədə strateji iş birliyi qurub. вЂњHazırda Türkiyə-Azərbaycan hökmətlərarası starteji Şurasının yaradılması istiqamətində iş gedir. Cari ilin sonuna kimi bu komissiyanın ilk iclası keçiriləcəkвЂќ,- deyə səfir vurğulayıb. Onun sözlərinə görə, hazırda Türkiyə ilə Azərbaycan arasındakı ticarət dövriyyəsinin həcmi 2-3 mlrd. ABŞ dolları arasındadır.

19.05.10

Məqaləni oxumaq

Türkiyə XİN başçısı: вЂњCənubi Qafqazın sülh hövzəsinə çevrilməsi və bütün sərhədlərin açılması səmimi arzumuzdurвЂќ

Türkiyə və Azərbaycan həm regional, həm də qlobal problemlərin həllində yaxın əməkdaşlığı olan iki ölkədir. KƏLAMİNFO xəbər verir ki, bu fikirləri Türkiyənin xarici işlər naziri Əhməd Dovudoğlu Azərbaycan Türkiyə İş Adamları Birliyinin (ATİB) rəsmi orqanı olan вЂњEcoVisionвЂќ jurnalına eksklüziv müsahibəsində bildirib. Ə.Davudoğlu qeyd edib ki, hər iki ölkə xarici siyasət prioritetlərini və meyillərini müəyyənləşdirərkən digərinin mənfəət və həssas olduğu cəhətləri də nəzərə almaqdadır. Onun sözlərinə görə, iki ölkə xarici işlər nazirlikləri arasında davam edən sıx görüş və razılıqlara əlavə olaraq, bir çox quruluşların nəzdində də Türkiyə və Azərbaycan bir-birinin mövqelərinə dəstək verməkdədirlər.

19.05.10

Məqaləni oxumaq

Ə.Davudoğlu: вЂњTürkiyə-Ermənistan normallaşma prossesi Azərbaycanın mövqeyi və istəkləri ilə üst-üstə düşən bir mahiyyət daşıyırвЂќ

Dağlıq Qarabağ müzakirələrinin son dövrdə qazandığı sürət məsələnin həllinə istiqamətlənmiş ümidləri gücləndirib. KƏLAMİNFO xəbər verir ki, bu fikirləri Türkiyənin xarici işlər naziri Əhməd Dovudoğlu Azərbaycan Türkiyə İş Adamları Birliyinin (ATİB) rəsmi orqanı olan вЂњEcoVisionвЂќ jurnalına eksklüziv müsahibəsində bildirib. вЂњTürkiyə müzakirələrin ən qısa vaxtda konkret nəticə verməsi və problemin sülh yolu ilə həll olmasını arzulayır. Ölkəmiz, ATƏT-in Minsk Qrupunun bir üzvü olaraq, həll müddətindəki aktivliyi yaxından müşahidə etməkdə, həmsədrlərin bu istiqamətdəki səylərinə dəstək verməkdə və problemin ən qısa zamanda həll olunması istiqamətindəki istəyini hər vaxt həmsədrlərlə təmaslarda dilə gətirməkdədirвЂќ,-deyə Ə.Davudoğlu vurğulayıb.

19.05.10

Məqaləni oxumaq

B.Cankorel: вЂњATƏT parlament seçkiləri ilə bağlı Azərbaycanın yönəltdiyi səyləri dəstəkləyirвЂќ

ATƏT noyabr ayında keçiriləcək parlament seçkiləri ilə bağlı seçki mühitinin yaxşılaşdırılmasına doğru Azərbaycanın yönəltdiyi səyləri dəstəkləyir. KƏLAMİNFO xəbər verir ki, bu fikirləri ATƏT-in Bakı ofisinin rəhbəri Əli Bilge Cankorel söyləyib. Təmsil olunduğu qurum tərəfindən namizədlərin qeydiyyatı prosesinin düzgün aparılması, bütün siyasi partiyaların seçkilərdə iştirakının təmin edilməsi üçün zəruri şəraitin yaradılacağını vəd edən Ə.B.Cankorel seçki komissiyalarının ictimaiyyətin və seçkilərdə iştirak edəcək siyasi qüvvələrin inamını qazanacaq şəkildə təşkil olunmasına dair ATƏT/DTİHİ-nin verdiyi tövsiyyələri xatırladıb. O, təmsil olunduğu qurum tərəfindən iyun ayında növbəti tədbirin keçiriləcəyini açıqlayıb və bildirib ki, növbəti-üçüncü müzakirələrdə əsas diqqət kütləvi informasi vasitələrinin seçkilərdə roluna həsr oluncaq.

19.05.10

Məqaləni oxumaq

Bakıda ATƏT-in Seçki Müşahidə Missiyasının tövsiyyələrinin yerinə yetirilməsinə həsr olunan Dəyirmi keçirildi

Bu gün ATƏT-in Bakı ofisi Azərbaycanda 2008-ci il prezident seçkilərini izləyən, qurumun Demokratik Təsisatlar və İnsan Hüquqları İdarəsi (DTİHİ) Seçki Müşahidə Missiyasının tövsiyyələrinin yerinə yetirilməsinə həsr olunan Dəyirmi masa təşkil edib. KƏLAMİNFO xəbər verir ki, 17 siyasi partiya təmsilçisi və bir sıra QHT nümayəndələrinin iştirakı ilə keçirilən tədbirdə çıxış edən ATƏT-in Bakı ofisinin rəhbəri Əli Bilge Cankorel bildirib ki, bu günkü müzakirələr zamanı seçki komissiyalarının tərkibi, namizədlərin ədalətli qeydiyyatı və seçki şikayətlərinin daha effektiv araşdırılması da daxil olmaqla, seçki administrasiyası məsələlərinə diqqət yetiriləcək.

18.05.10

Məqaləni oxumaq

Azərbaycan və Ermənistan XİN başçıları bir araya gələcəklər

Mayın 24-də Polşanın Sopot şəhərində Avropa İttifaqının вЂњŞərq tərəfdaşlığıвЂќ proqramına üzv ölkələrin xarici işlər nazirləri arasında qeyri-formal görüş keçiriləcək. KƏLAMİNFO вЂњArmenia TodayвЂќa istinadən xəbər verir ki, nazirlər вЂњŞərq tərəfdaşlığıвЂќ proqramı çərçivəsində birgə fəaliyyətin perspektivlərinə dair müzakirə aparacaqlar. Qeyd edək ki, bu proqram 2009-cu ilin mayında Polşa və İsveçin təşəbbüsü ilə yaradılıb. Burada Azərbaycan, Ermənistan, Belarus, Gürcüstan, Moldova və Ukrayna iştirak edir. Proqram bu ölkələrin Avropa İttifaqı ilə siyasi yaxınlaşması və iqtisadi inteqrasiyasını nəzərdə tutur. Xatırladaq ki, görüş zamanı Azərbaycan və Ermənistan XİN başçılarının bir araya gəlməsi gözlənilir.

18.05.10

Məqaləni oxumaq

Prezident İlham Əliyev вЂњFatimeyi-ZəhraвЂќ məscidinin QMİ-nin sərancamına verilməsi barədə göstəriş verib

вЂњFatimeyi-ZəhraвЂќ məscidi adlandırılan yarımçıq tikinti ətrafında yaranmış problemlə bağlı Qafqaz Müsəlmanları İdarəsinin sədri Şeyxülislam Hacı Allahşükür Paşazadə prezident İlham Əliyevə müraciət edib. Bu barədə məlumatı KƏLAMİNFO-ya QMİ-nin mətbuat xidmətindən veriblər. Müraciətdə tikintinin sökülməsi barədə mövcud məhkəmə qərarının dayandırılması xahişi ifadə olunub, yaranmış vəziyyətin ən məqbul həll yolu kimi həmin tikilinin Qafqaz Müsəlmanları İdarəsinə verilməsi təklif irəli sürülüb. Buna cavabı olaraq prezidenti İlham Əliyev mövcud dövlət-din münasibətlərini nəzərə alaraq, sözügedən obyektin QMİ-nin sərancamına verilməsi barədə göstəriş verib. Prezident eyni zamanda Bakı şəhər İcra Hakimiyyəti başçısına bu məsələnin həlli ilə bağlı müvafiq tapşırıqlar verib.

15.05.10

Məqaləni oxumaq

Aydın Mirzəzadə: вЂњHəmsədr ölkələrdən yalnız birinin sərt mövqe tutması kifayətdir ki, Ermənistan işğalçılıq siyasətindən əl çəksinвЂќ

вЂњATƏT-in Minsk Qrupunun həmsədrlərinin Brüsseldə Ermənistanın xarici işləri naziri ilə görüşündə müsbət nəticələrin əldə edilməsi yaxşı olardı. Amma belə görüşlər sanki Ermənistandan xahiş etmək təəssüratı yaradırвЂќ. KƏLAMİNFO xəbər verir ki, bu sözləri Milli Məclisin Təhlükəsizlik və müdafiə komitəsinin sədr müavini Aydın Mirzəzadə həmsədrlərlə Ermənistan XİN rəhbərinin görüşünü şərh edərkən bildirib.
A.Mirzəzadə qeyd edib ki, həmsədr olan üç böyük dövlətin siyasi yükü dünyanın siyasi yükünə bərabərdir. вЂњAmma onlar Ermənistanın nazı ilə oynayırlar, işğalçı ölkəni sadəcə olaraq вЂњyola gətirməyəвЂќ çalışırlar. Əslində, bu dövlətlərdən yalnız birinin Ermənistana qarşı sərt mövqe tutması, onu beynəlxalq hüquq normalarına əməl etməyə çağırması kifayətdir ki, Ermənistan işğalçılıq siyasətindən əl çəksin. Çünki Ermənistanın diplomatiyası, resursları, maliyyəsi və s. imkanları yoxdurвЂќ,-deyə A.Mirzəzadə vurğulayıb.

15.05.10

Məqaləni oxumaq

Çexiyanın xarici işlər naziri: вЂњÇexiya Azərbaycana əsas strateji tərəfdaşı kimi baxırвЂќ

Çexiya Azərbaycana əsas strateji tərəfdaşlarından biri kimi baxır. KƏLAMİNFO xəbər verir ki, bu barədə açıqlamanı jurnalistlərə Çexiyanın xarici işlər naziri Yan Kohout bildirib. Onun sözlərinə görə, ölkədəki iqtisadi problemlərə baxmayaraq, Çexiyanın Azərbaycanda səfirliyini açması buna sübutdur. вЂњÇexiya və Azərbaycan bir çox sahələrdə, energetika sahəsində uğurla əməkdaşlıq edir. Çexiyanın istifadə etdiyi neftin 25 faizi bu gün Azərbaycandan alınır",-deyə Y.Kohout vurğulayıb. Nazir Çexiyanın Azərbaycanla infrastrukturun inşası, turizm, suyun təmizlənməsi, eləcə də elm və təhsil sahəsində əməkdaşlığın inkişafında maraqlı olduğunu söyləyib.