|
Macarıstan Dağlıq Qarabağda keçirilən seçkiləri tanımır
|
Azərbaycanın Macarıstandakı səfirliyinə qondarma Dağlıq Qarabağda mayın 23-də keçirilən “parlament seçkiləri”nə Macarıstan Xarici İşlər Nazirliyinin mövqeyini əks etdirən məktub daxil olub. Bu barədə məlumatı KƏLAMİNFO-ya XİN-nin mətbuat xidmətindən veriblər.
Sənəddə Macarıstan Xarici İşlər Nazirliyi Avropa İttifaqının Xarici Əlaqələr və Təhlükəsizlik siyasəti üzrə yüksək nümayəndəsi K.Aştodun 21 may 2010-cu il tarixində Dağlıq Qarabağda “parlament seçki”ləri ilə bağlı səsləndirdiyi qurumun mövqeyini əsas tutaraq, münaqişənin Azərbaycanın ərazi bütövlüyü və suverenliyi nəzərə alınmaqla, sülh və danışıqlar vasitəsilə həll edilməsinin vacibliyini bildirib.
|
03.06.10 Məqaləni oxumaq
|
|
|
Elmar Məmmədyarov ABŞ dövlət katibinin Avrasiyada enerji məsələləri üzrə xüsusi elçisi Riçard Morninqstarı qəbul edib
|
Xarici işlər naziri Elmar Məmmədyarov ABŞ dövlət katibinin Avrasiyada enerji məsələləri üzrə xüsusi elçisi Riçard Morninqstarı qəbul edib. Bu barədə məlumatı KƏLAMİNFO-ya XİN-nin mətbuat xidmətindən veriblər.
Görüş zamanı tərəflər Azərbaycan-ABŞ enerji əlaqələrinin cari vəziyyəti və inkişaf perspektivlərini müzakirə edib, həmçinin Xəzər regionunda gerçəkləşdirilən enerji layihələri ətrafında fikir mübadiləsi aparıblar.
Görüşdə həmçinin qarşılıqlı maraq kəsb edən digər məsələlər ətrafında da fikir mübadiləsi aparılıb.
|
03.06.10 Məqaləni oxumaq
|
|
|
Bahar Muradova: “Türkiyənin regionda oynadığı rolu heç kəs inkar edə bilməz”
|
“İsrail və Türkiyənin məsələni sülh yolu ilə həll etməyə siyasi iradəsi çatacaq”. KƏLAMİNFO xəbər verir ki, bu barədə açıqlamanı jurnalistlərə Milli Məclisin vitse-spikeri Bahar Muradova verib.
B.Muradova Türkiyənin Azərbaycana qardaş və dost ölkə olduğunu diqqətə çatdırıb. Onun sözlərinə görə, Türkiyənin regionda oynadığı rolu heç kəs inkar edə bilməz. Türkiyənin dünyada olan qlobal təhlükələrə qarşı çox yüksək səslə öz mövqeyini bildirməsinin hər kəsə bəlli olduğunu diqqətə çatdıran vitse-spiker qardaş ölkənin yaxın qonşuları ilə hansısa bir problemi olmasını istəmədiyini vurğulayıb.
|
02.06.10 Məqaləni oxumaq
|
|
|
Milli Məclisin növbədənkənar sessiyası iyunun 8-də keçiriləcək
|
Milli Məclisin növbədənkənar sessiyası iyunun 8-də keçiriləcək. Bu barədə məlumatı KƏLAMİNFO-ya parlamentdən bildiriblər.
İclasda “Fövqəladə hallar orqanlarında xidmətkeçmə haqqında” qanun layihəsi müzakirə olunacaq və bir sıra ölkələrlə Azərbaycan arasında imzalanmış Saziş və Bəyannamələr ratifikasiya ediləcək.
|
01.06.10 Məqaləni oxumaq
|
|
|
MM-in vitse-spikeri parlament seçkilərində YAP-ın daha çox üstünlük əldə edəcəyini düşünür
|
Hər kəsin gücü nədirsə, parlament seçkilərində ona da nail olacaq. KƏLAMİNFO xəbər verir ki, bu barədə açıqlamanı jurnalistlərə Milli Məclisin vitse-spikeri Bahar Muradova payızda Azərbaycanda keçiriləcək parlament seçkilərinə münasibət bildirərkən verib.
B.Muradova parlament seçkilərində Yeni Azərbaycan Partiyasının daha çox üstünlük əldə edəcəyini düşündüyünü söyləyib.
B.Muradova parlament seçkilərinə qədər seçki qanunvericiliyində dəyişikliklər edilməsinə də münasibət bildirib. "Hər zaman seçkilər ərəfəsində Azərbaycan parlamenti seçki qanunvericiliyinə nəzər salıb, ola bilər ki, bu dəfə də bu məsələ gündəliyə daxil edilsin", - deyə B.Muradova əlavə edib.
|
01.06.10 Məqaləni oxumaq
|
|
|
“Cənubi Qafqaz və Xəzər regionunda ABŞ-ın enerji siyasəti” mövzusunda Dəyirmi masa keçiriləcək
|
İyunun 2-də Azərbaycan Prezidenti yanında Strateji Araşdırmalar Mərkəzində (SAM) “Cənubi Qafqaz və Xəzər regionunda ABŞ-ın enerji siyasəti” mövzusunda Dəyirmi masa keçiriləcək. SAM-ın mətbuat xidmətindən KƏLAMİNFO-ya verilən məlumata görə, tədbirdə əsas məruzəçi qismində ABŞ dövlət katibinin Avrasiya enerji məsələləri üzrə xüsusi nümayəndəsi Riçard Morninqstar iştirak edəcək.
Görüşdə Azərbaycan-ABŞ münasibətləri, rəsmi Vaşinqtonun Avrasiya Enerji Strategiyası, enerji sahəsində əməkdaşlıq və onun inkişaf perspektivləri, Cənubi Qafqazda münaqişələr, beynəlxalq təhlükəsizlik və digər bu kimi məsələlərin müzakirə mövzusu olacağı gözlənilir.
Təşkil olunacaq tədbirdə SAM-ın və XİN–in məsul əməkdaşları, millət vəkilləri, Azərbaycanda akkreditə olunmuş diplomatik nümayəndəliklərin təmsilçiləri, regional və beynəlxalq münasibətlər üzrə mütəxəssislər də iştirak edəcək.
|
01.06.10 Məqaləni oxumaq
|
|
|
Norveç Dağlıq Qarabağda keçirilən “qondarma parlament seçkiləri”ni tanımır
|
Norveç Krallığının Azərbaycandakı səfirliyindən Xarici İşlər Nazirliyinə Norveç Krallığının Azərbaycanın işğal olunmuş torpaqlarında keçirilən “qondarma parlament seçkiləri”nə münasibəti haqqında məktub daxil olub. Bu barədə məlumatı KƏLAMİNFO-ya XİN-nin mətbuat xidmətindən veriblər.
Sənəddə Norveç Krallığının Dağlıq Qarabağda keçirilən “qondarma parlament seçkiləri” ilə əlaqədar ölkəmizin ərazi bütövlüyünü və suverenliyini dəstəklədiyini, münaqişənin sülh yolu ilə ATƏT-in Minsk Qrupu çərçivəsində həll olunmasına inam öz əksini tapıb.
|
28.05.10 Məqaləni oxumaq
|
|
|
ABŞ Azərbaycana Mətyu Brayzanı səfir göndərmək niyyətindədir
|
ABŞ Azərbaycana Dövlət Departamentində uzun müddət bölgəmiz üzrə işləyən diplomat Mətyu Brayzanı səfir göndərmək niyyətindədir. KƏLAMİNFO xəbər verir ki, hazırda dövlət katibinin Avropa və Avrasiya məsələləri üzrə müavinlərindən biri olan M.Brayza Cənubi Qafqaz və Xəzər hövzəsi üzrə geniş təcrübəyə malikdir. Əvvələr o, ATƏT-in Minsk Qrupunun həmsədri, Milli Təhlükəsizlik Şurasında Avropa və Avrasiya üzrə direktor, eləcə də Dövlət Departamentində Xəzər hövzəsi enerjisi diplomatiyası şöbəsində işləyib.
M.Brayzanın əslən Türkiyədən olan həyat yoldaşı Zeyno Baran da bölgəmiz üzrə tanınmış tədqiqatçılardandır.
Qeyd edək ki, prezident B.Obamanın təklif etdiyi namizəd Senatın Xarici Münasibətlər Komitəsi tərəfindən təsdiqlənməlidir.
|
27.05.10 Məqaləni oxumaq
|
|
|
NATO-nun Baş katibi Ermənistanla Azərbaycanı sülh danışıqlarını davam etdirməyə çağırıb
|
Dağlıq Qarabağda münaqişənin hərbi yolla həlli mümkünsüzdür. KƏLAMİNFO Rusiya mətbuatına istinadən xəbər verir ki, bunu NATO-nun Baş katibi Anders Foq Rasmussen söyləyib.
O, bəyan edib ki, Qarabağda hərbi əməliyyatların bərpası düzgün deyil. NATO-nun münaqişənin həlli prosesinə cəlb olunmadığını xatırladan baş katib alyansın ATƏT-in Minsk Qrupu tərəfindən aparılan sülh prosesini dəstəklədiyini söyləyib. Rasmussen Ermənistanla Azərbaycanı sülh danışıqlarını davam etdirməyə də çağırıb.
|
26.05.10 Məqaləni oxumaq
|
|
|
|