|
|
|
|
Politoloq: “Məlum güclər hələ də Qarabağla bağlı həlledici razılığa gəlməyiblər”
|
|
Soz zamanlar Qarabağ münaqişəsi ilə bağlı müşahidə olunan danışıqlar və bəyanatlar ümidverici xarakter daşımasına baxmayaraq, məsələ ilə bağlı yanılmaq olmaz. Yəni, bunlara rəğmən yaxın müddət ərzində hadisədə ciddi dəyişikliyin aparılması ilə bağlı hansısa sazişin imzalanmasını gözləmək yanlışlıqdır. Bunları KƏLAMİNFO-ya müsahibəsində politoloq Fikrət Sadıxov söyləyib.
Onun sözlərinə görə, son həftələr ərzində baş verən hadisələr ilk növbədə kifayət qədər ümidvericidir. “Bunun üçün ilk növbədə Torontoda “səkkizlik”lərin görüşü çərçivəsində üç böyük dövlətin Dağlıq Qarbağ (DQ) ətrafında işğal olunmuş rayonların boşaldılması ilə bağlı bəyanatını əsas götürmək olar. İkincisi, ABŞ dövlət katibi Azərbaycana səfəri zamanı birmənalı şəkildə bəyan etdi ki, DQ ətrafındakı rayonlar dərhal boşaldılmalıdır. Bunu ATƏT-in Parlament Assambleyası da təsdiq etdi. Eyni zamanda yaxın günlərdə Almata şəhərində Azərbaycan və Ermənistan XİN başçılarının görüşü və iki rayonun da növbəti beş il müddətinə boşaldılması ilə bağlı müzakirələrin olacağı da hadisələrdə canlanma yaradır.
|
13.07.10 Məqaləni oxumaq
|
| |
|
|
|
DİP sədri Asim Mollazadə Polşaya səfər edib
|
|
Demokratik İslahatlar Partiyasının (DİP) sədri Asim Mollazadə Avropa Birliyinin “Şərq tərəfdaşlığı” proqramına həsr olunan Varşava Şərqi Avropa konfransında iştirak etmək üçün Polşaya səfərə gedib. Bu barədə məlumatı KƏLAMİNFO-ya DİP-in mətbuat xidmətindən veriblər.
“Biz hara gedirik? Post-kommunist və post-sovet ölkələri son 20 ildə” mövzusunda keçiriləcək konfransda “Şərq tərəfdaşlığı” proqramının birgə təşəbbüskarı kimi Polşanın rolu, bu layihənin reallaşmasında rəsmi Varşavanın öhdəlikləri, “Şərq tərəfdaşlığı” ilə bağlı ehtimalların reallaşdırılması səviyyəsinin qiymətləndirilməsi, tərəfdaş ölkələrdən gözlənilən təşəbbüslər müzakirə olunacaq.
A.Mollazadə “Azərbaycanın son 20 ildə qət etdiyi məsafə və Şərq tərəfdaşlığı proqramında rolu” mövzusunda məruzə edəcək. Ölkəmizin post-sovet dönəmindəki vəziyyəti barədə məlumat verəcək, onun “Şərq tərəfdaşlığı” proqramında iştirak perspektivlərinə və öhdəliklərinə, Avropa məkanına verə biləcəyi töhfələrə aydınlıq gətirəcək.
|
|
12.07.10 Məqaləni oxumaq
|
| |
|
|
|
Bakıda ABŞ və Azərbaycanın müdafiə rəsmiləri arasında ikigünlük müdafiə məsləhətləşmələri başlayıb
|
|
Bakıda ABŞ və Azərbaycanın müdafiə rəsmiləri arasında ikigünlük ikitərəfli müdafiə məsləhətləşmələri başlayıb. Bu barədə məlumatı KƏLAMİNFO-ya ABŞ-ın Azərbaycandakı səfirliyi veriblər.
Görüşlər zamanı Pentaqon və Azərbaycan Müdafiə Nazirliyinin nümayəndələri ikitərəfli əməkdaşlıq üzrə geniş çesiddə məsələləri nəzərdən keçirəcək və növbəti il üçün konkret planlar müəyyənləşdirəcəklər.
ABŞ müdafiə naziri köməkçisinin müavini Selesta Uolander ikitərəfli müdafiə məsləhətləşmələri üzrə Birləşmiş Ştatların nümayəndə heyətinə rəhbərlik edir. ABŞ-ın Avropa komandanı və ABŞ səfirliyinin rəsmiləri onunla birgə məsləhətləşmələrdə iştirak edirlər.
Qeyd edək ki, ikitərəfli müdafiə məsləhətləşmələri Bakı ilə Vaşinqton arasında növbə ilə ildə bir dəfə keçirilir.
|
|
12.07.10 Məqaləni oxumaq
|
| |
|
|
|
Prezident İlham Əliyev Səhiyyə Nazirliyinin yeni inzibati binasında olub
|
|
Bu gün Prezident İlham Əliyev Səhiyyə Nazirliyinin əsaslı təmirdən sonra yeni inzibati binası ilə tanış olub. KƏLAMİNFO xəbər verir ki, ümumi sahəsi 12 min kv/metr olan inzibati binada nazirliyin əməkdaşlarının fəaliyyəti üçün hər cür şərait yaradılıb.
Üçmərtəbəli binanın birinci mərtəbəsində vətəndaşların qəbulu şöbəsi, elektron kitabxana və köşk, monitorinq mərkəzi, 200 nəfərlik akt zalı var. İkinci mərtəbədə Bakı Şəhər Baş Səhiyyə İdarəsi yerləşir. Üçüncü mərtəbədə Fövqəladə Hallar Nazirliyi ilə əlaqəli fəaliyyət göstərən Böhran Mərkəzi yerləşir. Böhran mərkəzindəki elektron xəritə vasitəsilə 103 xidməti haqqında bütün məlumatı əldə etmək olar. Bundan əlavə, bu mərtəbədə kollegiya zalı və Səhiyyə Nazirliyinin muzeyi yerləşir.
Prezident İlham Əliyev yaradılmış şəraiti yüksək qiymətləndirib.
|
|
09.07.10 Məqaləni oxumaq
|
| |
|
|
|
Azərbaycan diplomatik xidmət orqanlarının əməkdaşları peşə bayramlarını qeyd edir
|
|
Bu gün Azərbaycanda diplomatik xidmət orqanları əməkdaşlarının peşə bayramı günü qeyd olunur. KƏLAMİNFO xəbər verir ki, peşə bayramı münasibətilə xarici işlər naziri Elmar Məmmədyarovun başçılıq etdiyi nümayəndə heyəti Fəxri Xiyabana gələrək ümumilli lider Heydər Əliyevin xatirəsini yad edərək məzarına əklil qoyublar.
Görkəmli alim-oftalmoloq, akademik Zərifə xanım Əliyevanın xatirəsi yad edilib, məzarı üzərinə gül qoyulub.
Sonra XİN əməkdaşları Şəhidlər Xiyabanında Azərbaycanın ərazi bütövlüyü və müstəqilliyi uğrunda həyatlarını qurban vermiş Vətənin qəhrəman oğullarının məzarlarını ziyarət ediblər, "Əbədi məşəl" abidəsi önünə əklil qoyublar.
Qeyd edək ki, Azərbaycanın diplomatik xidmət orqanları əməkdaşlarının peşə bayramı günü prezident İlham Əliyevin 24 avqust 2007-ci il tarixli sərəncamı ilə təsis olunub.
|
|
09.07.10 Məqaləni oxumaq
|
| |
|
|
|
DQDK sədri: “Zərərli dini ədəbiyyatın ölkəyə idxalında kəskin azalma müşahidə olunur”
|
|
Dini Qurumlarla İş üzrə Dövlət Komitəsi zərərli dini ədəbiyyatın ölkəyə idxalının və yayılmasının qarşısının alınması üçün ardıcıl tədbirlər həyata keçirir. Bu barədə YAP-ın rəsmi sayıtına müsahibəsində Dini Qurumlarla İş üzrə Dövlət Komitəsinin sədri Hidayət Orucov bildirib.
O vurğulayıb ki, bu məqsədlə Dövlət Gömrük Komitəsi, Dövlət Sərhəd Xidməti və digər aidiyyəti dövlət qurumları ilə sıx əməkdaşlıq münasibətləri qurulub. “On minlərlə zərərli dini ədəbiyyatın ölkəyə idxalının qarşısı alınıb. Əvvəlki illərlə müqayisədə, hazırda zərərli dini ədəbiyyatın ölkəyə idxalında kəskin azalma müşahidə olunur. Mütəmadi olaraq respublikanın şəhər və rayonlarında dini ədəbiyyatın satışı ilə məşğul olan mağazalara baxışlar keçirilir. Əvvəllər müvafiq razılıq alınmadan ölkəyə çoxlu sayda dini ədəbiyyat idxal edilirdisə, son dövrlər bu cür halların qarşısı alınır.
|
|
08.07.10 Məqaləni oxumaq
|
| |
|
|
|
Müdafiə naziri Səfər Əbiyev Macarıstanın ölkəmizdəki səfirini qəbul edib
|
|
Bu gün müdafiə naziri, general-polkovnik Səfər Əbiyev Macarıstanın ölkəmizdəki fövqəladə və səlahiyyətli səfiri Yeno Boroşu qəbul edib. Bu barədə məlumatı KƏLAMİNFO-ya Müdafiə Nazirliyinin mətbuat xidmətindən veriblər.
S.Əbiyev səfirlik müddətini bitirən diplomata ölkələrimiz arasında dostluq və hərbi əməkdaşlıq məsələlərinin inkişafında göstərdiyi xidmətlərə görə öz təşəkkürünü bildirib.
Görüşdə regionda mövcud hərbi-siyasi vəziyyət və Ermənistanın işğalçılıq siyasətinin yaratdığı problemlər barədə fikir mübadiləsi aparılıb.
|
|
08.07.10 Məqaləni oxumaq
|
| |
|
|
|
Prezident İlham Əliyev Zaqatala rayonunda səfərdədir
|
|
Bu gün prezident İlham Əliyev Zaqatala rayonuna səfər edib. KƏLAMİNFO xəbər verir ki, dövlət başçısı ulu öndər Heydər Əliyevin rayon mərkəzində ucaldılmış abidəsini ziyarət edərək gül dəstəsi qoyub.
Prezident İlham Əliyevə məlumat verilib ki, ümummilli liderin abidəsinin yerləşdiyi Heydər Əliyev parkında abadlıq işləri görülüb. Burada yeni oturacaqlar quraşdırılıb, müasir işıqlandırma sistemi yaradılıb, fəvvarələr yenidən qurulub, yaşıllıq zolağı genişləndirilib.
|
|
08.07.10 Məqaləni oxumaq
|
| |
|
|
|
Hidayət Orucov: “Azərbaycan bir çox millətlərin və dini konfessiyaların dinc yanaşı yaşadığı nadir ölkələrdəndir”
|
|
“Azərbaycan bir çox millətlərin və dini konfessiyaların dinc yanaşı yaşadığı nadir ölkələrdəndir”. KƏLAMİNFO xəbər verir ki, bu fikirləri yap.org.az saytına müsahibəsində Dini Qurumlarla İş üzrə Dövlət Komitəsinin sədri Hidayət Orucov səsləndirib.
H.Orucov bildirib ki, Azərbaycan dövləti məscid sökən deyil, məscid tikən dövlətdir. “Son illər ölkəmizdə neçə-neçə dini abidələrimizdə bərpa və yenidənqurma işləri aparılıb və bu işlər davam etdirilir. Bildiyiniz kimi, bu günlərdə prezident daha bir qədim ibadət ocağının – Bakının memarlıq incilərindən olan Əjdərbəy məscidinin əsaslı təmiri, bərpası və aparılan yenidənqurma işlərinin tamamlanmasına dair Sərəncam imzalayıb”,-deyə H.Orucov vurğulayıb.
Komitə sədri qeyd edib ki, dini-tarixi abidələrin bərpasına xüsusi önəm verən Heydər Əliyev Fondu 2006-cı ildən "Tolerantlığın ünvanı - Azərbaycan" layihəsi çərçivəsində ölkə ərazisində müxtəlif dini-mədəni abidələrin bərpa və yenidənqurma işlərini həyata keçirir. Bütün bunlar Azərbaycan rəhbərliyinin dinə, dindarlara olan xüsusi diqqət və qayğısının bariz nümunəsidir.
|
|
08.07.10 Məqaləni oxumaq
|
| |
|
|
|
Politoloq: “Qarabağ münaqişəsinin həll edilməsi ABŞ-ın iki partiyalı xarici siyasət kursunun həlledici elementi deyil”
|
|
ABŞ Qarabağ probleminin həllində prinsip etibarı ilə maraqlıdır, lakin, o, regionda Rusiyanın xoşu gəlməyən heç bir addımı ata bilməz. Çünki, ABŞ-ın beynəlxalq siyasətdə Rusiyanın dəstəyinə çox böyük ehtiyacı var. Bu fikirləri KƏLAMİNFO-ya müsahibəsində Prezident yanında Geostrateji Araşdırmalar Mərkəzinin direktor müavini, politoloq Elman Nəsirov söyləyib.
Politoloqun fikrincə, hətta hazırkı şəraitdə Qarabağ münaqişəsinin həll edilməsi ABŞ-ın iki partiyalı xarici siyasət kursunun həlledici elementi deyil. “Cənubi Qafqaz Birləşmiş Statların strateji maraqlar zonasına bölgə kimi daxildir, həyati maraq zonası kimi daxil deyil. ABŞ-ın bu gün xarici siyasətində İranın nüvə proqramı, Əfqanıstanda düşdüyü “bataqlıq”dan çıxa bilmək və İraqdan öz qoşunlarını çıxardıqdan sonra Yaxın Şərqin gələcək vəziyyətinin necəliyi ətrafında olan məsələlər həyati element kimi rol oynayır. Məhz bu kimi problemlərin həllində Birləşmiş Statların Rusiyanın köməyinə böyük ehtiyacı var. Buna görə də Amerika heç vaxt onun həyati maraqlarına problem kimi aid olmayan Qafqazda Rusiyanın maraqları ilə oynaya bilməz. Ən ciddi halda o, Rusiyanın şifahi tənqid etməklə kifayətlənir. Bunun da onların əlaqələrinə heç bir təsiri yoxdur.
|
|
08.07.10 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
