|
|
|
|
Spiker O.Əsədovun başçılıq etdiyi parlament nümayəndə heyəti Cenevrədə səfərdədir
|
|
Milli Məclisin sədri Oqtay Əsədovun başçılıq etdiyi parlament nümayəndə heyəti İsveçrənin Cenevrə şəhərində səfərdədir. KƏLAMİNFO xəbər verir ki, səfər parlament spikerlərinin 3-cü Ümumdünya konfransında iştirak məqsədi daşıyır. Nümayəndə heyətinin tərkibinə Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, Milli Məclis Aparatının rəhbəri Səfa Mirzəyev və digər rəsmi şəxslər daxildirlər.
|
19.07.10 Məqaləni oxumaq
|
| |
|
|
|
M.Məmməd-Quliyev: “Assosiasiya sazişində siyasi təhlükəsizlik dialoquna geniş yer ayrılmalıdır”
|
|
Azərbaycanla Avropa İttifaqı (Aİ) arasında aparılan assosiasiya sazişində siyasi təhlükəsizlik dialoquna geniş yer ayrılmalıdır. KƏLAMİNFO xəbər verir ki, bu fikirləri xarici işlər nazirinin müavini Mahmud Məmməd-Quliyev Bakıda assosiasiya sazişinin müzakirəsi üzrə keçirilən tədbirdə söyləyib.
“Bu dialoqun mahiyyəti ondan ibarətdir ki, bizim regionda stabillik, təhlükəsizlik və sülh bərqərar olsun. Vacibdir ki, regionda olan konfliktlər, xüsusən də Ermənistan-Azərbaycan, Dağlıq Qarabağ münaqişəsi həll olunsun. Hesab edirik ki, bu sahədə Avropa İttifaqının imkanları var”,-deyən M.Məmməd-Quliyev problemin beynəlxalq hüquq normaları çərçivəsində öz həllini tapacağına ümid etdiyini vurğulayıb.
|
|
17.07.10 Məqaləni oxumaq
|
| |
|
|
|
Bu gün Aİ-nin xarici münasibətlər və siyasi təhlükəsizlik üzrə ali nümayəndəsi Ketrin Eşton Bakıya səfər edəcək
|
|
Bu gün Avropa İttifaqının xarici münasibətlər və siyasi təhlükəsizlik üzrə ali nümayəndəsi Ketrin Eşton Bakıya səfər edəcək. KƏLAMİNFO “SNNTürk”ə istinadən xəbər verir ki, K.Eşton Azərbaycana Gürcüstandan gələcək.
Gürcüstanda prezident Mixail Saakaşvili ilə görüşdən sonra keçirilən brifinqdə açıqlama verən K.Eşton Qafqazın sürətlə inkişaf etdiyini və bu səbəbdən Aİ-nin bu bölgəylə əməkdaşlığı daha da inkişaf etdirmək niyyətində olduğunu söyləyib.
Onun sözlərinə görə, Gürcüstanda aparılan müzakirələr Azərbaycan və Ermənistanlada aparılacaq.
Qeyd edək ki, hər üç ölkə paytaxtında aparılacaq danışıqlar prosesi ümumi dəyər və prinsiplərə, o cümlədən demokratiya, qanunun aliliyi və insan haqlarına hörmətlə yanaşma prinsiplərinə əsaslanacaq.
|
|
16.07.10 Məqaləni oxumaq
|
| |
|
|
|
Politoloq: “ABŞ İrana qarşı hərbi əməliyyatlara başlayarsa, Azərbaycan ərazisinə ehtiyacı olmayacaq”
|
|
Azərbaycan İranla qonşu, ABŞ ilə strateji müttəfiq olmasına baxmayaraq, bu iki ölkə arasında müharibə başlayarsa, bundan qətiyyən narahat olmamalıdır. Çünki, İrana qarşı müharibə başladığı halda coğrafi cəhətdən ABŞ-ın Azərbaycana ehtiyacı olmayacaq. Bu barədə KƏLAMİNFO-ya müsahibəsində politoloq Fikrət Sadıxov bildirib
Politoloqun fikrincə, ABŞ-ın İrana qarşı hansısa hərbi hücumu başlayarsa, bunun üçün onun əlində İran körfəzi var. “Bu körfəzdə ABŞ-ın kifayət qədər hərbi gəmiləri mövcuddur. Bundan başqa, ABŞ-ın Yaxın Şərq ölkələrində xeyli hərbi bazaları da var. Buna görə də, İrana qarşı müharibə başlayarsa, ABŞ Azərbaycana əsasən enereji müttəfiqi kimi yanaşar, nəinki hərbi əməliyyatlar üçün tranzit vasitə kimi. Birləşmiş Statların Azərbaycanla bağlı kifayət qədər enerji layihələri var. O, bunu istənilən şəraitdə digər əməkdaşlıqla əvəz etməz. Buna onun heç ehtiyacı da yoxdur”,-deyə politoloq vurğulayıb.
|
|
16.07.10 Məqaləni oxumaq
|
| |
|
|
|
Abdullah Gül: “Türkiyə Avropa Birliyinə üzvlük üçün fövqəladə səy göstərir”
|
|
Bu gün Türkiyə prezidenti Abdullah Gül Sloveniyaya rəsmi səfərə gedib. KƏLAMİNFO Türkiyə KİV-nə istinadən xəbər verir ki, səfərin ilk günündə prezident A.Gül sloveniyalı həmkarı Danilo Türk tərəfindən Brdo qalasında rəsmi tədbirlə qarşılanıb. Təkbətək və heyətlərarası görüşlərdən sonra keçirilən mətbuat konfransının əsas mövzusu Avropa Birliyi olub. Türkiyənin Avropa Birliyinə üzvlüyünə tam dəstək verdiklərini bildirən Sloveniya prezidenti texniki məsələlərin siyasi məsələlər kimi göstərilməsini doğru hesab etməyib.
Prezident A.Gül bildirib ki, Türkiyə Avropa Birliyi ilə müzakirələri davam etdirməkdədir və rəsmi Ankaranın qruma üzvlüyü strateji qərardır.
A.Gül Sloveniyaya səfəri çərçivəsində bu ölkənin parlamentində də olub. Parlamentin sədri Pavel Qantarla görüşən A.Gül daha sonra baş nazir Borut Pahorla da bir araya gəlib.
|
|
16.07.10 Məqaləni oxumaq
|
| |
|
|
|
DQİDK-nin nəzdində yaradılan Şuranın ilk iclası keçiriləcək
|
|
Yaxın günlərdə Dini Qurumlarla İş üzrə Dövlət Komitəsinin (DQİDK) nəzdində yaradılan Dini ibadət yerinin tikintisi və mövcud dini ibadət yerinin yenidən qurulmasının (bərpası, əsaslı təmiri) məqsədəuyğunluğunu daha obyektiv araşdıracaq Şuranın ilk iclası keçiriləcək. Bu barədə məlumatı KƏLAMİNFO-ya müsahibəsində DQİDK mətbuat xidmətinin rəhbəri Saleh Aslanov verib.
S.Aslanov bildirib ki, Şura yeni yaradılıb və ona DQİDK sədri Hidayət Orucov sədrlik edir. Əsasnaməyə uyğun olaraq, Şuranın tərkibi 5-11 nəfərdən ibarət ola bilər. Şurada AMEA, Dövlət Torpaq və Xəritəçəkmə Komitəsi, Dövlət Arxitektura Komitəsi, yerli icra hakimiyyəti orqanları və digər müvafiq qurumların nümayəndələri təmsil olunur.
|
|
15.07.10 Məqaləni oxumaq
|
| |
|
|
|
Əhməd Davudoğlu Almatıda Elmar Məmmədyarov və Edvard Nalbandyanla danışıqlar aparacaq
|
|
Türkiyənin xarici işlər naziri Əhməd Davudoğlu Almatıda Azərbaycan və Ermənistan xarici işlər nazirləri Elmar Məmmədyarov və Edvard Nalbandyanla danışıqlar aparacaq. KƏLAMİNFO xəbər verir ki, bu barədə məlumatı Türkiyənin "Hürriyyet" qəzeti yayıb.
Görüşlər iyulun 16-17-də Qazaxıstanda təşkil olunacaq ATƏT xarici işlər nazirlərinin qeyri-rəsmi sammiti çərçivəsində keçiriləcək. Məlumatda bildirilir ki, Ə.Davudoğlu E.Məmmədyarov və E.Nalbandyanla ikitərəfli görüşlər aparacaq.
Qeyd edək ki, sammit çərçivəsində Azərbaycan və Ermənistan xarici işlər nazirlərinin ATƏT-in Minsk Qrupunun həmsədr ölkələri - Fransa, Rusiya və ABŞ xarici işlər nazirləri ilə Dağlıq Qarabağ münaqişəsinin nizama salınması üzrə birgə görüşlərinin keçirilməsi planlaşdırılır. Təxmin olunan görüş tarixində - 17 iyulda tərəflərin danışıqların yekunlarına dair birgə bəyanatla çıxışları gözlənilir.
|
|
15.07.10 Məqaləni oxumaq
|
| |
|
|
|
|
|
Ziyafət Əsgərov ABŞ müdafiə katibi müavininin köməkçisi xanım Seleste A.Uollanderlə görüşüb
|
|
Milli Məclis sədrinin birinci müavini, Təhlükəsizlik və müdafiə komitəsinin sədri Ziyafət Əsgərov ölkəmizdə səfərdə olan ABŞ müdafiə katibi müavininin köməkçisi xanım Seleste A.Uollanderlə görüşüb. Parlamentin mətbuat xidmətindən KƏLAMİNFO-ya verilən məlumata görə, Z.Əsgərov Azərbaycanla ABŞ arasında münasibətlərin yeni inkişaf mərhələsinə qədəm qoyduğunu vurğulayıb və ABŞ-ın dövlət katibi Hillari Klintonun və müdafiə naziri Robert Geytsin ölkəmizə bu yaxınlarda etdikləri səfərləri xatırladıb. Ermənistan - Azərbaycan, Dağlıq Qarabağ münaqişəsi barədə söz açan Z.Əsgərov bildirib ki, Azərbaycanın 20 faiz torpağı hələ də ermənilər tərəfindən işğal altında saxlanılır, 1 milyondan artıq vətəndaş öz doğma yurd-yuvasından didərgin düşüb. “Ermənistan isə problemin sülh yolu ilə həlli istiqamətində atılan addımlara etinasız yanaşır, BMT Təhlükəsizlik Şurası, BMT Baş Assambleyası, Avropa İttifaqı, Avropa Şurası və digər beynəlxalq təşkilatların qəbul etdikləri qətnamə və qərarlara məhəl qoymur”,-deyə vitse-spiker vurğulayıb.
|
|
14.07.10 Məqaləni oxumaq
|
| |
|
|
|
Prezident İlham Əliyev MSK-nın yeni inzibati binasının açılışında iştirak edib
|
|
Bu gün Azərbaycan prezidenti İlham Əliyev Mərkəzi Seçki Komissiyasının (MSK) yeni inzibati binasının açılışında iştirak edib. KƏLAMİNFO xəbər verir ki, komissiyanın üzvləri və əməkdaşları dövlət başçısını hərarətlə qarşılayıblar.
Prezident İlham Əliyev yeni binanın istifadəyə verilməsi münasibətilə komissiya üzvlərini və əməkdaşlarını təbrik edib.
Dövlət başçısı açılışı bildirən lenti kəsib və bina ilə yaxından tanış olub.
Məlumat verilib ki, milli eklektika üslubunda inşa olunmuş doqquzmərtəbəli binada komissiya üzvləri və əməkdaşların fəaliyyəti üçün hər cür şərait yaradılıb. Hündürlüyü 39 metr olan binanın ümumi tikinti sahəsi 9600 kvadratmetrdir. Binada xidməti otaqlarla yanaşı, kitabxana, arxiv, konfrans və müşavirə zalları, “Seçkilər” İnformasiya Mərkəzi, seçki məntəqələrindəki veb-kameralara nəzarət mərkəzi, yeməkxana və digər yardımçı otaqlar var. Binada müasir işıqlandırma, havalandırma, yanğından mühafizə, rabitə, videomüşahidə sistemləri quraşdırılıb, ətrafda abadlıq və yaşıllaşdırma işləri aparılıb.
|
|
13.07.10 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
