Kelam Jurnalı - Dövlət və din

Gələn həftə Nyu-Yorkda Azərbaycan və Ermənistan Xarici İşlər Nazirlərinin (XİN) görüşü olacaq. KƏLAMİNFO xəbər verir ki, bu barədə ATƏT Minsk Qrupunun amerikalı həmsədri Robert Bradtke BBC-yə müsahibəsində bildirib. R.Bratke həmsədrlərin də məsləhətləşmələr üçün Vaşinqtona gələcəklərini söyləyib. вЂњBu məsləhətləşmələr Birləşmiş Ştatların vəzifəli rəsmiləri ilə aparılacaq. Daha sonra biz tərəflərlə görüşmək üçün Nyu-Yorka yollanacağıqвЂќ, -deyə R.Bradtke vurğulayıb. R.Bradtkenin sözlərinə görə, həmsədrlərin münaqişə ilə bağlı yeni ideyaları var. вЂњÖtən həftə biz Bakı və Yerevanı bu ideyalarla tanış etdik. Bundan sonra sentyabrın sonlarında və ya oktyabrın əvvəllərində regiona təkrar səfər edəcəyikвЂќ, вЂ“ Ameriklı həmsədr əlavə edib.

16.09.10

Məqaləni oxumaq

M.Brayza: вЂњMüharibəyə həmişə qarşı olmuşamвЂќ

ATƏT-in Minsk Qrupunun eks amerikalı həmsədri Metyu Brayza müharibənin təkrar başlanmasına həmişə qarşı olduğunu bildirib. KƏLAMİNFO erməni mətbuatına istinadən xəbər verir ki, keçmiş həmsədr son zamanlar Azərbaycan və Ermənistan arasında atəşkəsin pozulmasından narahat olduğunu vurğulayıb. вЂњMinsk Qrupunda və ABŞ dövlət katibinin Avropa və Avrasiya məsələləri üzrə köməkçisinin müavini işlədiyim zaman müharibənin yenidən başlanması istiqamətində olan təhdidləri daima qınamışamвЂќ,-deyən M.Brayza münaqişənin müharibə ilə həll olunmayacağını da qeyd edib. O, ABŞ-ın Azərbaycandakı səfiri təyin ediləcəyi təqdirdə də bu fikirdə qalacağını bəyan edib. M.Brayza əlavə edib ki, Qarabağ probleminin həllində ərazi bütövlüyü ilə yanaşı, beynəlxalq hüququn digər normaları: millətlərin öz müqədəratını həll etmə məsələsi də önə çəkilməlidir. Qeyd edək ki, artıq erməni mətbuatı M.Brayzanin fikirlərinə sərt münasibət bildirib. Onlar keçmiş həmsədrin münaqişənin həllinə bu cür münasibət bildirməklə, özünü daha da çətin vəziyyətə saldığını və ABŞ-ın Azərbaycana səfir vəzifəsindəki namizədin necə də yanlış seçim olduğunu qeyd ediblər.

15.09.10

Məqaləni oxumaq

MDB-nin Baş prokurorları Moskvada bir araya gələcəklər

Sabah Moskvada MDB-yə üzv ölkələrin Baş prokurorlarının Koordinasiya Şurasının (KŞ) iclası keçiriləcək. KƏLAMİNFO MDB İcraiyyə Komitəsinin mətbuat xidmətinə istinadən xəbər verir ki, Rusiyanın Baş prokuroru Yuriy Çaykanın sədrliyi ilə keçiriləcək iclasda Azərbaycan, Belarus, Ermənistan, Qazaxıstan, Qırğızıstan, Moldova, Tacikistan və Ukraynanın Baş prokurorları və onların müavinləri iştirak edəcəklər. İclasda terrorizm və ekstremizm, narkotiklərin qeyri-qanuni dövriyyəsi, insan alveri və qanunsuz miqrasiya ilə mübarizə məsələləri müzakirə ediləcək. Bundan əlavə, KŞ-nin sədri və icraiyyə katibi seçiləcəklər.

15.09.10

Məqaləni oxumaq

ABŞ rəsmisi ATƏT Minsk Qrupu qarşısında şərt qoydu

ABŞ ATƏT-in Minsk Qrupunun Dağlıq Qarabağ probleminin nizamlanması prosesində fəaliyyətini aktivləşdirməsinə ümid edir. Əks halda bu Qrupun faəliyyəti barədə Vaşinqton hesabat tələb edəcək. KƏLAMİNFO erməni mətbuatına istinadən xəbər verir ki, bunları ABŞ dövlət katibinin Avropa və Avrasiya məsələləri üzrə müavini Tina Kaydanov bazar ertəsi Ermənistan Prezidenti Serj Sarkisyanla görüşdə bildirib. S.Sarkisyan ABŞ nümayəndəsinə ATƏT-in Minsk Qrupu həmsədrlərinin səylərinin davam etdirilməsininin vacibliyini iddia edib. Ermənistan prezidenti bu formatda aparılan danışıqların lazımi nəticə verəcəyinə ümid etdiyinə bildirsə də T.Kaydanov hazırkı fəaliyyətin yararsız olduğunu vurğulayıb.

14.09.10

Məqaləni oxumaq

Azərbaycan-Qazaxıstan arasında Ekspert Şurası yaradılacaq

Bu gün Bakıda, Azərbaycan Prezidenti yanında Strateji Araşdırmalar Mərkəzində ölkəmizdə səfərdə olan Qazaxıstanın Strateji Araşdırmalar Mərkəzinin (SAM) direktoru Bulat Sultanov səfərinin yekunu ilə bağlı mətbuat konfransı keçirib. KƏLAMİNFO xəbər verir ki, B.Sultanov əsasən Azərbaycan-Qazaxıstan arasında olan ikitərəfli əməkdaşlığın inkişafından danışıb.

14.09.10

Məqaləni oxumaq

Prezident M.Saakaşvili Azərbaycana rəsmi səfərə gəlir

Bu gün Gürcüstan prezidenti Mixail Saakaşvili Azərbaycana rəsmi səfər edəcək. KƏLAMİNFO Gürcüstan KİV-lərinə istinadən xəbər verir ki, bu gün onun azərbaycanlı həmkarı İlham Əliyevlə görüşü nəzərdə tutulur. Gürcüstan Prezidenti Administrasiyasının mətbuat xidmətinin məlumatına görə, sabah M.Saakaşvili Bakıda baş tutacaq enerji sammitində iştirak edəcək. Bu gün həmçinin Gürcüstan, Azərbaycan və Rumıniyanın energetika nazirlərinin görüşü keçiriləcək. Tərəflər Azərbaycan-Gürcüstan-Rumıniya birgə enerji layihəsini (AGRI) müzakirə edəcəklər.

14.09.10

Məqaləni oxumaq

вЂњAB-nin Cənubi Qafqazla bağlı siyasətində çatışmazlıqlar varвЂќ

Baş verən son proseslər göstərir ki, Avropa Birliyinin (Aİ) Cənubi Qafqaza marağı azalır. KƏLAMİNFO rus mətbuatına istinadən xəbər verir ki, bu barədə Avropa Parlamentinin polşalı üzvü Tomaş Poreba açıqlama verib. O, qeyd edib ki, AB вЂњNabukkoвЂќ layihəsi və Şərqi Tərəfdaşlıq Proqramının inkişaf etdirilməsi istiqamətində öhdəlik və səylərini azaldıb. вЂњEyni zamanda, Brüssel bilavasitə AB-nin vasitəçiliyi ilə Rusiya ilə Gürcüstan arasında əldə olunmuş anlaşmanın Rusiya tərəfindən yerinə yetirilməsinə can atmır. Bu o deməkdir ki, Brüssel üçün Rusiya ilə iqtisadi maraqlar Birliyin regionda güdməli olduğu strateji məqsədlərdən daha vacibdir. Birliyə üzv olan ölkələrin вЂњŞimal axınıвЂќ və вЂњCənub axınıвЂќ kimi layihələrə cəlb olunması faktı da onların strategiyaya yox, iqtisadi maraqlara əsaslandıqlarına işarədir. Təəssüf ki, AB-nin siyasət təsəvvürlərində çatışmazlıq var. İndiyə qədər Pribaltika ölkələri də daxil olmaqla bir qrup ölkə vardı ki, diqqətlərini Cənubi Qafqaz məsələlərinə yönəldirdilər. Bu yanaşma Polşa prezidenti L,Kaçinskinin ölümündən sonra dəyişibвЂќ,-deyə T.Poreba vurğulayıb.

13.09.10

Məqaləni oxumaq

Həmsədrlər cəbhə bölgəsinə səfər ediblər

ATƏT-in Minsk Qrupunun həmsədrləri Robert Bradtke (ABŞ), Bernar Fasie (Fransa), İqor Popov (Rusiya) və ATƏT-in fəaliyyətdə olan sədrinin şəxsi nümayəndəsi Anjey Kaspşik (Polşa) cəbhə bölgəsinə səfər ediblər. KƏLAMİNFO xəbər verir ki, bu gün səhər Bərdə rayonuna gələn diplomatlar rayon İcra Hakimiyyətində görüş keçirdikdən sonra Tərtərə yollanacaqlar. Onlar Tərtər rayon İcra Hakimiyyətində də görüş keçirdikdən sonra Azərbaycan və Ermənistan qoşunlarının təmas xəttində keçiriləcək monitorinqi izləyəcəklər. Monitorinq zamanı onların təmas xəttinin qarşı tərəfinə keçməsi planlaşdırılır. Qeyd edək ki, həmsədrlər sentyabrın 7-də Bakıda Azərbaycan prezidenti İlham Əliyev və xarici işlər naziri Elmar Məmmədyarovla danışıqlar aparıb, вЂњAzərbaycan Respublikasının Dağlıq Qarabağın bölgəsinin azərbaycanlı icmasıвЂќ İctimai Birliyinin üzvləri ilə görüşüblər. Onların bu gün Xankəndində, sabah isə İrəvanda görüşləri nəzərdə tutulur.

09.09.10

Məqaləni oxumaq

Qazaxıstanlı diplomatın SAM-da məruzəsi olacaq

Azərbaycan Prezidenti yanında Strateji Araşdırmalar Mərkəzinin (SAM) dəvəti ilə Qazaxıstan Prezidenti yanında Strateji Araşdırmalar Mərkəzinin direktoru Bulat Sultanov sentyabrın 12-dən 15-dək Bakıda səfərdə olacaq. SAM-ın mətbuat xidmətindən KƏLAMİNFO-ya verilən məlumata görə, səfər çərçivəsində sentyabrın 13-ü B.Sultanov Fəxri Xiyabanda ulu öndər Heydər Əliyevin və Şəhidlər Xiyabanında Azərbaycanın azadlığı və suverenliyi uğrunda şəhid olan qəhrəman Vətən övladlarının məzarlarını ziyarət edəcək. Həmin gün o, SAM-da təşkil olunacaq вЂњAzərbaycan-Qazaxıstan: ikitərəfli münasibətlər və qarşılıqlı regional əlaqələrвЂќ mövzusunda Dəyirmi masada əsas məruzəçi qismində iştirak edəcək. SAM-ın və XİN-in məsul əməkdaşları, millət vəkilləri, Azərbaycanda akkreditə olunan diplomatik nümayəndəliklərin təmsilçiləri, regional və beynəlxalq münasibətlər üzrə mütəxəssislərin də iştirak edəcəyi toplantıda iki ölkə arasında mövcüd siyasi, iqtisadi və mədəni əlaqələrə nəzər yetiriləcək, münasibətlərin inkişaf perspektivləri müzakirə ediləcək, regional və beynəlxalq məsələlərə dair fikir mübadiləsi aparılacaq.

08.09.10

Məqaləni oxumaq

AŞ PA-nın seçki missiyası 30 nəfərdən ibarət olacaq

Oktyabrın ortalarında Avropa Şurasının 5 nəfərlik seçkiqabağı missiya Azərbaycana gələcək. KƏLAMİNFO xəbər verir ki, bu barədə açıqlamanı Avropa Şurası Baş katibinin Azərbaycandakı xüsusi nümayəndəsi Veronika Kotek söyləyib. O qeyd edib ki, həmin missiya Bakıda hökumət və siyasi partiya nümayəndələri ilə danışıqlar aparacaq. Onun sözlərinə görə, AŞ Parlament Assambleyasının (AŞ PA) seçki missiyası isə 30 nəfərdən ibarət olacaq və onlar Azərbaycana seçkidən bir neçə gün əvvəl gələcəklər. вЂњÜmid edirik ki, hər kəs seçki hüququndan istifadə edərək, öz qərarını ifadə edəcək. Biz bunu ümumi seçki adlandırırıq və ölkənin gələcəyi baxımından çox əhəmiyətli seçki hesab edirikвЂќ,-deyə V.Kotek əlavə edib.