Prezident İlham Əliyev Horadiz şəhərində Muğam Mərkəzinin açılışında iştirak edib
|
Prezident İlham Əliyev Füzuli rayonuna səfəri çərçivəsində bu gün Horadiz şəhərində Muğam Mərkəzinin açılışında iştirak edib. KƏLAMİNFO xəbər verir ki, prezident İlham Əliyev açılışı bildirən lenti kəsib və mərkəzdə yaradılmış şəraitlə tanış olub. Foyedə ulu öndər Heydər Əliyevin və prezident İlham Əliyevin milli musiqimizə qayğı və diqqətini əks etdirən fotostend vardır. Dövlət başçısına məlumat verilib ki, mərkəzin tikintisinə ARNDŞ-in Sosial İnkişaf İdarəsi tərəfindən 2010-cu ilin mayında başlanılıb. Üç hektar ərazisi olan mədəniyyət ocağı prezident İlham Əliyevin göstərişi ilə inşa olunub. Azərbaycanın qədim musiqi alətlərindən olan tar formasında tikilmiş mərkəz üçmərtəbəlidir və bir-birinə bitişik üç korpusdan ibarətdir. Mərkəzə aid olan muğam məktəbində müxtəlif təyinatlı 31 sinif otağı yerləşir. Binanın divarlarında Azərbaycanın muğam ustadlarının, habelə milli musiqi alətlərimizin şəkilləri asılıb. Prezident İlham Əliyev və xanımı Mehriban Əliyeva mərkəzin eskiz layihəsinə baxıblar.
|
12.11.10 Məqaləni oxumaq
|
|
|
İran prezidenti Azərbaycana səfərə gələcək
|
Gələn həftə İran prezidenti Mahmud Əhmədinejad Azərbaycana səfərə gələcək. KƏLAMİNFO xəbər verir ki, bu barədə məlumatı İranın İSNA Agentliyi yayıb. İran prezidentinin səfərində məqsəd Xəzəryanı dövlət başçılarının sammitində iştirak etməkdir. Səfər çərçivəsində Azərbaycan və İran prezidentləri, eləcə də iki ölkənin digər yüksək vəzifəli rəsmi şəxsləri arasında görüşlər keçiriləcək. Qeyd edək ki, Xəzəryanı dövlət başçılarının sammiti noyabrın 18-də Bakıda keçiriləcək. Ötən gün isə Tehranda Xəzəryani ölkələrin nümayəndələrinin ikigünlük toplantısı keçirilib. Sammit öncəsi keçirilən toplantı bu gün başa çatır.
|
11.11.10 Məqaləni oxumaq
|
|
|
Zbiqnev Bjezinski: “Senatın razılığı olmadan da M.Brayzanı Azərbaycana səfir göndərmək olardı”
|
Erməni diasporunun Metyu Brayzanın ABŞ-ın Azərbaycanda səfiri vəzifəsinə təyin olunmasına mane olmaq cəhdi yalnış xarici siyasət metodudur. KƏLAMİNFO erməni mətbuatına istinadən xəbər verir ki, bunları məhşur politoloq, ABŞ prezidentinin milli təhlükəsizlik məsələləri üzrə sabiq məsləhətçisi Zbiqnev Bjezinski Vaşinqtonda jurnalistlərə açıqlamasında bildirib.
O, qeyd edib ki, səfirlərin digər ölkələrə təyin olunmasına mane olmaq cəhdi düzgün xarici siyasət metodu deyil. “Birləşmiş Ştatlar vətəndaşlarının istənilən milli qrupunun xarici siyasətlə bağlı öz fikrini söyləmək hüququ var. Başqa məsələlər hakimiyyətin xüsusilə birtərəfli tələblərini irəli sürən qrupu nəzərə alıb-almamasından ibarətdir. Bu halda baş vermiş hadisələrə dəqiq qiymət vermək lazımdır. M.Brayzanı senatın razılığı olmadan da ABŞ-ın Azərbaycandakı missiyasının prezident nümayəndəsi təyin etmək olardı”,-deyə politoloq vurğulayıb.
|
10.11.10 Məqaləni oxumaq
|
|
|
|
MDB və MDB PA-nın müşahidə missiyaları seçkilərlə bağlı ilkin fikirlərini açıqladı
|
Azərbaycanda keçirilən parlament seçkiləri ilə bağlı ölkədə müşahidə aparan MDB və MDB Parlamentlərarası Assambleyanın (PA) müşahidə missiyalarının üzvləri bu gün birgə mətbuat konfransı keçiriblər. KƏLAMİNFO xəbər verir ki, MDB müşahidə missiyasının rəhbəri Serqey Lebedev bildirib ki, parlament seçkiləri Azərbaycanın seçki qanunvericiliyinə uyğun, yüksək səviyyədə keçirilib.
|
08.11.10 Məqaləni oxumaq
|
|
|
|
Türkiyəli deputat: “İşğal olunmuş torpaqlar azad olmayana qərəd Türkiyə-Ermənistanla sərhədləri açmayacaq”
|
Türkiyə rəsmi səviyyədə açıqlayıb ki, Azərbaycanın işğal olunmuş 20% torpağı azad olunmayana qədər Türkiyə və Ermənistan sərhədlərinin açılması müzakirə mövzusu ola bilməz. KƏLAMİNFO xəbər verir ki, bu sözləri Türkiyə parlamentinin millət vəkili, Ədalət və İkişaf partiyasının sədr müavini Haluk İpek bildirib. “Mətbuatda Türkiyə ilə Ermənistan sərhədlərin açılması ilə bağlı müxtəlif məlumatlar oxuyuruq. Niyə görəsə bir çox jurnalistlər bu məsləni daima gündəmdə saxlamağa və Azərbaycanda Türkiyə sevgisini azaltmağa çalışırlar. Türkiyə hər zaman sərhədlərin nə səbəbə bağlandığını bəyan edib və o səbəb həllini tapmayana qədər də sərhədlər açılmayacaq. Bu problemi gündəmdə saxlayan insanlar bilməlidir ki, “ayıb” bir şey edirlər”,-deyə H.İpək vurğulayıb.
|
08.11.10 Məqaləni oxumaq
|
|
|
MSK daha 10 dairədə səslərin hesablanmasını başa çatdırıb
|
Mərkəzi Seçki Komissiyası 1 saylı Şərur-Sədərək, 58 saylı Hacıqabul-Kürdəmir, 83 saylı Ağcabədi-Füzuli, 84 saylı Füzuli, 113 saylı Şəki şəhər, 115 saylı Şəki ikinci kənd, 118 saylı Ağdam şəhər, 120 saylı Cəbrayıl-Qubadlı, 121 saylı Laçın və 125 saylı Zəngilan-Qubadlı seçki dairələrində səsvermənin nəticələrinin hesablanmasını başa çatdırıb. KƏLAMİNFO MSK-nın rəsmi saytına istinadən xəbər verir ki, bu dairələr üzrə qaliblər aşağıdakı şəkildə müəyyənləşiblər:
|
08.11.10 Məqaləni oxumaq
|
|
|
Prezident İlham Əliyev səsvermədə iştirak edib
|
Azərbaycan prezidenti İlham Əliyev səsvermədə iştirak edib. KƏLAMİNFO xəbər verir ki, dövlət başçısı ailə üzvləri ilə birlikdə 29 saylı Səbail Seçki Dairəsinin 6 saylı seçki məntəqəsində səs verib. Qeyd edək ki, bu gün Azərbaycanda parlament seçkiləri keçirilir. 125 deputat yeri uğrunda 690 nəfər mübarizə aparır.
|
08.11.10 Məqaləni oxumaq
|
|
|
Azərbaycan parlamentinin spikeri səs verib
|
Azərbaycan parlamentinin spikeri Oqtay Əsədov Milli Məclisə keçirilən seçkilərdə səs verib. KƏLAMİNFO xəbər verir ki, O. Əsədov 23 saylı Nəsimi-Səbail Seçki Dairəsinin 22 saylı məntəqəsində səs verib.
Qeyd edək ki, parlamenti formalaşdıracaq 125 deputat mandatı uğrunda 690 namizəd mübarizə aparır.
|
07.11.10 Məqaləni oxumaq
|
|
|
|