|
|
|
|
Bugünədək 510 dini icma Dini Qurumlarla İş üzrə Dövlət Komitəsində qeydiyyatdan keçib
|
|
Bugünədək 510 dini icma Dini Qurumlarla İş üzrə Dövlət Komitəsində qeydiyyatdan keçib. KƏLAMİNFO xəbər verir ki, bu barədə yap.org.az saytına açıqlamasında Dini Qurumlarla İş üzrə Dövlət Komitəsinin sədri Hidayət Orucov bildirib.
H.Orucov qeyd edib ki, 30 icmanın yenidən qeydiyyata alınmasından isə imtina olunub.
“Dini etiqad azadlığı haqqında” Qanuna edilmiş sonuncu əlavə və dəyişikliklərdən sonra dini icmaların yenidən qeydiyyatına başlanıb. Hazırda bu proses davam edir. Əvvəllər qeydiyyatdan keçmiş dini icmalar 2010-cu ilin yanvar ayının 1-dək Dövlət Komitəsinə müraciət etməli idilər. Həmin dini icmaların böyük əksəriyyəti müraciət ediblər. Müraciətlərə baxılmış və icmaların çoxu qeydiyyata alınıb. Sənədlərində nöqsan və uyğunsuzluq olanların isə qeydiyyata alınmasından imtina edilib.”,-deyə komitə sədri vurğulayıb.
|
25.01.11 Məqaləni oxumaq
|
| |
|
|
|
P.Semnebi: “Avropa İttifaqının Azərbaycanın ərazi bütövlüyü ilə bağlı mövqeyi dəyişməzdir”
|
Avropa İttifaqının Azərbaycanın ərazi bütövlüyü ilə bağlı mövqeyi dəyişməzdir. KƏLAMİNFO xəbər verir ki, bunu Aİ-nin Cənubi Qafqaz üzrə xüsusi nümayəndəsi Piter Semnebi Bakıda jurnalistlərə müsahibəsində deyib.
Diplomat bildirib ki, səfəri çərçivəsində Azərbaycan hökumətinin nümayəndələri ilə məsləhətləşmələr aparacaq, Ombudsman Elmira Süleymanova və vətəndaş cəmiyyətinin təmsilçiləri ilç görüşəcək. “Məni Avropa Komissiyası rəhbərinin Azərbaycana səfərindən sonra xarici siyasətlə bağlı məsələlər maraqlandırır. Gündəlikdə Dağlıq Qarabağ münaqişəsinin nizamlanması ilə bağlı müzakirələr var. Qarabağ probleminin həll olunmamış qalması bizi narahat edir. Biz münaqişənin həlli üçün edilən bütün cəhdlərə diqqət yetiririk. J.M.Barrozunun dediklərinin saytdan çıxarılması ilə bağlı deyilənlərə gəlincə, bunu şişirtmək istəməzdim. Saytda mətnin əvvəlki versiyası olub”,-deyə P.Semnebi vurğulayıb.
|
|
25.01.11 Məqaləni oxumaq
|
| |
|
|
|
Litva seymində Dağlıq Qarabağ münaqişəsinin sülh yolu ilə həllinə dair qətnamə hazırlanır
|
Litva seymində Dağlıq Qarabağ münaqişəsinin sülh yolu ilə həllinə dair qətnamə hazırlanır. AZADINFORM xəbər verir ki, bu barədə Litva dövlət məclisinin spikeri İrina Dequtyena bildirib.
Onun sözlərinə görə, Dağlıq Qarabağın müqəddəratı beynəlxalq ictimaiyyətin səylərindən asılı olacaq. “Seym üzvlərinin böyük qrupu regionda qeyri-sabitliyə şərait yaradan, beynəlxalq hüquqla deyil, zor tətbiqi ilə əldə olunan status-kvonu dəstəkləməkdən imtina eməyi təklif edən qətnamə layihəsini qeydə alıb”,- deyə İ.Dequtyena vurğulayıb. Onun söylədiklərinə əsasən, qətnamə beynəlxalq hüququn aliliyi prinsiplərinin gerçəkləşməsini təmin etmək üçün şərait yarada biləcək. “Düşünürəm ki, qətnamənin taleyi 2011-ci ildə Litvanın ATƏT-in sədri kimi bu münaqişənin həlli üzrə beynəlxalq ictimaiyyətin real səylərini görə bilib-bilməyəcəyindən asılı olacaq”,-deyə İ.Dequtyena bəyan edib.
|
|
24.01.11 Məqaləni oxumaq
|
| |
|
|
|
Politoloq: “Avropanın Azərbaycanının ərazi bütövlüyü ilə bağlı səsləndirdiyi fikirlər səmimi deyil”
|
|
Azərbaycanın ərazi bütövlüyü ilə bağlı Avropa ölkələrinin səsləndirdikləri fikirlər səmimi xarakter daşımır. Onlar dildə Azərbaycanın ərazi bütövlüyünü tanıdıqlarını bəyan etsələr də, özlərinin fəaliyyətlərində, hərəktlərində bunu təsdiq edə bilmirlər. Bu fikirləri KƏLAMİNFO-ya müsahibəsində siyasi elmlər namizədi Elşad Mirbəşiroğlu söyləyib.
Avropa Komissiyasının rəsmi internet səhifəsində qurumun rəhbəri Barozzonun Azərbaycanın ərazi bütövlüyünün dəstəkləməsinə aid bəyanatının çıxarılması və onun yerinə başqa fikirlərin yerləşdirilməsi məsələsinə toxunan E.Mirbəşiroğlu qeyd edib ki, bu günə kimi kifayət qədər təsir imkanlarına malik Avropa işğalçı Ermənistana qarşı heç bir təzyiq riçağından istifadə etməyib. “Saytdan Barozzonun Azərbaycanın ərazi bütövlüyünün tanınması haqqında sözlərin çıxarılması bir daha onu göstərir ki, Avropa məsələyə hansı prizmadan yanaşır. Bununla da açıq görünür ki, Avropa həmişəki ikili standartlarını bir daha sərgiləməkdədir. Xarici İşlər Nazirliyindən bu məsələyə münasibət bildirilib, ancaq hesab edirəm ki, bunun ardınca digər qurumlar da bu məsələyə münasibətlərini ifadə etməlidirlər. Bu, münasibətlərə kölgə salan bir haldır.
|
|
22.01.11 Məqaləni oxumaq
|
| |
|
|
|
Cənubi Qafqazda təhlükəsizlik məsələlərinə dair bir sıra layihələr həyata keçirilir
|
|
Azərbaycan NATO ilə elmi fəaliyyətə 1992-c ildən başlayıb. Həmin vaxtdan bu günə qədər Azərbaycan alimləri və ekspertləri NATO-nun 87 tədbirində iştirak edib. KƏLAMİNFO xəbər verir ki, bu fikirləri NATO-nun Azərbaycandakı nümayəndəliyinin rəhbəri, Rumıniyanın ölkəmizdəki səfiri, Nikolae Ureki söyləyib.
O qeyd edib ki, hazırda Azərbaycan, Türkiyə, Gürcüstan, ABŞ, İtaliya, Yunanıstan, Kanada və Ermənistandan olan alimlər “Qafqazda seysmik fövqəladə hallara cavab tədbirlər” adlı yeni bir layihə ilə bağlı əməkdaşlıq edirlər. Onun sözlərinə görə, layihənin həyata keçirilməsində məqsəd hərtərəfli seysmik müşahidələrin aparılması, Cənubi Qafqaz regionunda fövqəladə hallarda çevik cavab tədbirlərinin görülməsi üçün hazırlıq işlərinin nəzərdən keçirilməsidir. Səfir qeyd edib ki, dəgər bir layihə isə ekoloji təhlükəsizlik sahəsinə aidddir. Onun sözlərinə görə, Azərbaycan, Kanada və ABŞ-dan olan alimlər tərəfindən həyata keçirilən layihə “Azərbaycandakı şəhər su ehtiyatlarının idarə edilməsi və davamlı inkişafı” adlanır.
|
|
20.01.11 Məqaləni oxumaq
|
| |
|
|
|
Erməni: "Barrozu üçün ermənilərin maraqları, mənafeləri və dəyərləri heç bir əhəmiyyət kəsb etmir"
|
|
Azərbaycanın hərbi ritorikası Dağlıq Qarabağ münaqişəsinin dinc danışıqlar yolu ilə müzakirəsini praktiki olaraq mümkünsüz edir. KƏLAMİNFO erməni mətbuatına istinadən xəbər verir ki, bu barədə Avropa Erməni Federasiyasının sədri Hilda Çobanyan bildirib.
H.Çobanyan Avropa Komissiyasının sədri Joze Manuel Barrozunun Bakıya səfər etməsini də sərt tənqid edib. “Azərbaycana rəsmi səfər etmiş Barrozu Bakıda “öldürülmüş ermənilər”in xatirəsini yad etməyib, onların acı taleyindən bir kəlmə də danışmayıb. Barrozu üçün ermənilərin maraqları, mənafeləri və dəyərləri heç bir əhəmiyyət kəsb etmir. Lakin cənab Barrozu bilməlidir ki, ermənilər belə davranışlarla barışmaq, olanları laqeyd seyr etmək niyyətində deyillər və baş verənlərə mütləq cavab verəcəklər",-deyə H.Çobanyan vurğulayıb.
|
|
19.01.11 Məqaləni oxumaq
|
| |
|
|
|
“Qriqol Vaşhadzenin 2011-ci ilin ilk rəsmi səfərini Azərbaycana etməsi daha çox siyasi hörmət mənasını daşıyır”
|
|
“Gürcüstanın xarici işlər naziri Qriqol Vashadzenin 2011-ci ilin ilk rəsmi səfərini Azərbaycana etməsi daha çox siyasi hörmət, ehtiram mənsını daşıyır”. Bu barədə KƏLAMİNFO-ya müsahibəsində Siyasi İnnovasiya və Texnologiya Mərkəzinin sədri, politoloq Mübariz Əhmədoğlu bildirib.
O, qeyd edib ki, Q.Vaşhadze Elmar Məmmədyarovla görüşməli olsa da, səfərin mahiyyətində daha çox nəqliyyat məsələləri dayanır. “Çünki Azərbaycan Gürcüstan üçün Şərqə qapı olduğu kimi, Gürcüstan da Azərbaycan üçün Qərbə qapı rolunu oynayır”,-deyə politoloq vurğulayıb. M.Əhəmədoğlu deyir ki, ölkə arasında ən çox müzakirə olunan nəqliyyat, kommunikasiya məsələləridir. “Bakı-Tbilisi-Ceyhan, Bakı- Tbilisi-Ərzrum oradan keçir. Bakı-Tbilisi-Qars yaxın illərdə istifadəyə veriləcək. Avropadan yüklərin böyük qismi Gürcüstanın Qara dəniz limanları vasitəsilə Azərbaycana gəlir. Mərkəzi Asiyadan gələn yüklərin böyük qismi Azərbaycandan keçib Gürcüstan ərazisi ilə gedir. Yəni bütün bunların hamısında nəqliyyat məsələsi ön plandadır”,-deyə ekspert əlavə edib.
Qeyd edək ki, Q.Vaşhadze ötən gündən ölkəmizdə səfərdədir.
|
|
19.01.11 Məqaləni oxumaq
|
| |
|
|
|
İqbal Ağazadə: “Mən kimsənin cızdığı dairədə oynayan adam deyiləm”
|
|
Azərbaycanın “Ümid” Partiyası artıq 2011-2013- cü illər üçün partiyanın üçillik proqramını tərtib edib. Bu barədə KƏLAMİNFO-ya müsahibəsində partiya sədri, millət vəkili İqbal Ağazadə bildirib.
O, qeyd edib ki, 1 aya yaxındır ki, proqram partiyanın strukturlarında müzakirə olunur. “Biz qarşıdan gələn prezident seçkilərinə indidən hazırlaşırıq. Əgər bu proqramı reallaşdıra bilsək, onda seçkidə qələbəni əldə etməyimiz qətiyyən şübhəsiz olacaq”,-deyə İ.Ağazadə vurğulayıb. Partiya sədri bildirib ki, müxalifətin təşkil etdiyi İctimai Palataya onu da cəlb etmək istəsələr də sonradan dairəni daraldıblar. “Onlar prosesə daha çox insan cəlb etmək, siyasi prosesi daha çox insanla aparmaq əvəzinə dairəni kiçik cızırlar. Qoy cızsınlar. Nəyə nail olacaqlar? Nə qazanacaqlar? Mən Ümid Partiyasının sədri olaraq kimsənin cızdığı dairədə oynayan adam deyiləm”,-deyə sədr fikrini açıqlayıb.
|
|
19.01.11 Məqaləni oxumaq
|
| |
|
|
|
Şeyxülislam Hacı Allahşükür Paşazadə Rusiya və Belarusun ölkəmizdəki səfirlərini qəbul edib
|
|
Bu gün Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Rusiyanın ölkəmizdəki fövqəladə və səlahiyyətli səfiri Vladimir Doroxini və Belarusun ölkəmizdəki fövqəladə və səlahiyyətli səfiri Nikolay Patskeviçi onların xahişi ilə qəbul edib. Bu barədə məlumatı KƏLAMİNFO-ya QMİ-nin mətbuat xidmətindən veriblər.
Görüşdə ölkələrimiz üçün önəm kəsb edən mənəvi əlaqələrin daha da inkişaf etdirilməsi perspektivləri müzakirə edilib.
|
|
19.01.11 Məqaləni oxumaq
|
| |
|
|
|
Politoloq: “Ötən il Dağlıq Qarabağla bağlı Rusiyanın etdiyi canfəşanlıqlar ancaq siyasi şou idi”
|
|
“2010-cu il boyunca Dağlıq Qarabağ münaqişəsinin həlli ilə bağlı bəyanatlar Qərbdən və Rusiyadan yetərincə səsləndi. Ancaq səsləndi, bir addım belə dəyişiklik olmadı”. Bu barədə KƏLAMİNFO-ya müsahibəsində siyasi ekspert Elxan Şahinoğlu bildirib.
O, qeyd edib ki, ötən il ərzində regional siyasi maraqları üçün Rusiya problemin həllində təşəbbüskar kimi canfəşanlıq göstərsə də, bu, quru bəyənatlardan o tərəfə getmədi. “2010-cu ildə Qarabağ danışıqları Soçidən start götürdü və Rusiya problemin həllinə çalışırmış kimi çoxsaylı təşəbbüslər etdi. Amma, ilin sonunda Astana sammitində bütün bunların Moskva tərəfindən siyasi şou olması konkret olaraq üzə çıxdı”,-deyə ekspert vurğulayıb. E.Şahinoğlunun fikirincə, bu il “Qarabağ ili” olarsa, mütləq Rusiyadan konkret nəticələr tələb olunacaq. “Çünki, artıq beynəlxalq və regional siyasət bu zərurətdən çıxış edir”,-deyə o, əlavə edib.
|
|
18.01.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
