|
|
|
|
Siyasi ekspert: “Avropa Birliyi “dondurulmuş münaqişələr”in həllində öz prinsiplərinə uyğun hərəkət edir”
|
|
Avropa Birliyi “sözükeçən” ölkələrin daxil olduğu bir qurumdur. Təhlükəsizlik Şurasının iki daimi üzvü varsa, bu da Avropa Birliyinə daxil olan ölkələrdir. Təbiidir ki, Təhlükəsizlik Şurasında qəbul edilən qərarlarda, işğalçı ölkələrə təzyiq mexanizminin həyata keçirilməsində, “dondurulmuş münaqişələr”in həllində məhz Avropa Birliyinin rolu böyükdür. Bu barədə KƏLAMİNFO-ya müsahibəsində politoloq Elçin Mirzəbəyli bildirib.
Politoloqun fikrincə, Avropa Birliyi təsiredici imkanlara malikdir. Bu imkanlara təkcə siyasi deyil, həm də iqtisadi mexanizmlər daxildir. Siyasi ekspert bildirib ki, təsir gücü baxımından Avropa Birliyi Cənubi Qafqazdakı münaqişələrin həllində böyük rol oynamağa qadirdir, ancaq imkanlarından istifadə etmir.
|
01.02.11 Məqaləni oxumaq
|
| |
|
|
|
Millət vəkili: “Radikal müxalifət İranın Azərbaycanın daxili işlərinə qarışması ilə bağlı konkret mövqe ortaya qoymalıdır”
|
|
“Azərbaycanda radikal müxalifət mövqeyində olan partiyalar İranın Azərbaycanın daxili işlərinə qarışması ilə bağlı mövqelərini aydın şəkildə ortaya qoymalıdırlar”. Bu barədə KƏLAMİNFO-ya müsahibəsində millət vəkili Musa Qasımlı bildirib.
Onun sözlərinə görə, həmin partiyalardan bəzilərinin İranın “Səhər” televiziya kanalında Azərbaycan əleyhinə edilən təbliğata bənzər mövqedən çıxış etmələri istənilən halda ölkəmiz üçün zərərlidir. “Düşərgəsindən asılı olmayaraq hər bir partiya ilk növbədə ölkəsinin mövqeyinə xidmət etməlidir. Hesab edirəm ki, Azərbaycanda bəzi müxalifət partiyaları bu məsələdə konkret mövqe göstərməlidirlər”,-deyə millət vəkili vurğulayıb.
Qeyd edək ki, ötən həftə İranın “Səhər-2” televiziyası Azərbaycan əleyhinə silsilə verilişlər yayımlayıb.
|
|
01.02.11 Məqaləni oxumaq
|
| |
|
|
|
A.Quliyev: "Milli Məclis İranın iki üzlü siyasətinə qarşı qəti münasibət bildirməlidir"
|
|
"Son günlər İran-Ermənistan arasında Azərbaycanın milli maraqlarını təhdid edəcək dərəcədə olan Saziş imzalanıb". KƏLAMİNFO xəbər verir ki, bunu millət vəkili Azay Quliyev Milli Məclisin bü gün keçirilən iclasında bildirib.
O, qeyd edib ki, Saziş imzalanan zaman İranın neft naziri Məsud Mirkazimi böyük fəxrlə elan edib ki, artıq bu Sazişlə Ermənistanın enerji problemi həll olunub. "Bu Sazişlə Təbrizdən Ermənistana xüsusi neft kəməri istifadəyə verildi. Nəzərə alsaq ki, Təbriz Azərbaycanın yaralı yeridir. "Mən hesab edirəm ki, parlamentdə bununla bağlı qərar qəbul olunmalıdır. Mən bir deputat olaraq İranın iki üzlü siyasətinə etirazımı bildirirəm. Hesab edirəm ki, həmin siyasətin nəticəsidir ki, Ermənistan enerji təchizatını balanslaşdıraraq Dağlıq Qarabağın işğalını davam etdirir və Ermənistan prezidenti Serj Sarkisyan KİV-də sərt bəyanatlarla çıxış edir. Düşünürəm ki, Milli Məclis İranın bu iki üzlü siyasətinə qarşı qəti münasibət bildirməlidir",-deyə A.Quliyev vurğulayıb.
|
|
01.02.11 Məqaləni oxumaq
|
| |
|
|
|
Avropa Birliyi Cənubi Qafqazdakı münaqişələrin həllinə kömək edə bilər
|
|
Avropa Birliyi Cənubi Qafqazdakı münaqişələrin həllinə kömək edə bilər. KƏLAMİNFO xəbər verir ki, bu barədə açıqlama ilə İsveçin Avropa işləri üzrə komitəsinin sədri Karl Hamilton çıxış edib.
Onun sözlərinə görə, Avropa Birliyi Cənubi Qafqazda münaqişələri həll edə bilər. “Hesab edirəm ki, Avropa Birliyi regional münaqişələrin həllində böyük rol oynaya bilir. Bu, həm də Avropa ölkələrinin xarici siyasət maraqlarındandır. Məncə bu maraq konfliktlərə diqqət ayırmaq üçün yaxşı vasitə ola bilər”,-deyə diplomat vurğulayıb.
O həmçinin bildirib ki, bu məsələdə yalnız Avropa Birliyinə arxalanmaq da olmaz: “Avropa Birliyi yalnız siyasətinə uyğun olaraq "Şərq Tərəfdaşlığı" çərçivəsində dondurulmuş münaqişələrin həllində iştirak edir”.
|
|
01.02.11 Məqaləni oxumaq
|
| |
|
|
|
Sabah Rəcəb Tayyib Ərdoğan Qırğızıstana səfər edəcək
|
|
Sabah Türkiyənin Baş naziri Rəcəb Tayyib Ərdoğan iki günlük rəsmi səfər proqramı ilə Qırğızıstana yola düşəcək. KƏLAMİNFO Türkiyə mətbuatına istinadən xəbər verir ki, R.T.Ərdoğan Qırğızıstanda yeni hökumətin formalaşmasından sonra bu ölkəyə ilk yüksək səviyyəli rəsmi səfər həyata keçirəcək.
|
|
01.02.11 Məqaləni oxumaq
|
| |
|
|
|
|
|
MTN ABŞ Dövlət Departamentinin Azərbaycanda terror təhlükəsi ilə bağlı yaydığı məlumata münasibət bildirib
|
|
Milli Təhlükəsizlik Nazirliyi (MTN) İctimai əlaqələr mərkəzinin rəhbəri Arif Babayev ABŞ Dövlət Departamentinin Azərbaycanda terror təhlükəsi ehtimalı ilə bağlı yaydığı məlumata münasibət bildirib. A.Babayev KƏLAMİNFO-ya açıqlamasında qeyd edib ki, Azərbaycanın milli təhlükəsizliyinə, maraq və mənafeyinə mümkün təhdidlərin qarşısının alınması üzrə zəruri qabaqlayıcı tədbirlər həyata keçirilir.
“Bu proses ölkəmizin aidiyyəti orqanları, o cümlədən Milli Təhlükəsizlik Nazirliyi tərəfindən əməliyyat şəraitinə nəzarət olunur”,-deyə A.Babayev məsələyə münasibət bildirib.
Qeyd edək ki, ABŞ Dövlət Departamenti vətəndaşlarına Azərbaycanda terrorla bağlı xəbardarlıq edib. “The Washington Post” qəzeti yayıb ki, Xəzər dənizində neftlə zəngin olan keçmiş Sovet Respublikası Azərbaycanda ABŞ vətəndaşlarına qarşı terror təhdidləri mövcuddur.
Məhz bu “terrordan” narahatlıq keçirən ABŞ öz vətandaşlarına xəbərdarlıq edib. Xəbərdarlıqda bildirilib ki, Azərbaycanda Amerika maraqlarına qarşı potensial hücumlar ola bilər.
|
|
31.01.11 Məqaləni oxumaq
|
| |
|
|
|
General Karlos Branko: “Azərbaycanın NATO ilə əlaqələri yüksək şəkildə inkişaf edir”
|
|
“Azərbaycan və NATO əlaqələri yüksələn xətlə inkişaf edir”. KƏLAMİNFO xəbər verir ki, bu barədə jurnalistlərə müsahibəsində NATO-nun Beynəlxalq Hərbi Qərargahının Əməkdaşlıq və Regional Təhlükəsizlik İdarəsinin rəhbəri general-mayor Karlos Branko bildirib.
Onun sözlərinə görə, Azərbaycan həmçinin bir sıra digər birgə layihələrdə, o cümlədən hərbçilər üçün keçirilən treninqlərdə və müdafiə sahəsinə dair islahatlarla bağlı layihələrdə fəal iştirak edir. “Cari ilin fevral ayında da treniqlərin keçirləcək. Bu layihələr gələcəkdə də davam etdiriləcək. Artıq NATO-nun yeni strateji konsepsiyası çərçivəsində əməkdaşlığımızı daha da genişləndirmək və dərinləşdirmək üçün yeni imkanlar yaranıb”,-deyə general vurğulayıb.
|
|
31.01.11 Məqaləni oxumaq
|
| |
|
|
|
|
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
