|
Ekspert: “M.Brayza Dağlıq Qarabağ münaqişəsinin həlli istiqamətində müəyyən işlər görəcək”
|
“İstənilən halda Metyu Brayzanın Azərbaycana səfir kimi gəlməsi üstün haldır. Çünki, o, Cənubi Qafqaz regionu, eləcə də Azərbaycanın hökumət və qeyri-hökumət təşkilatları, müxalifəti yaxından tanıyır”. Bunları KƏLAMİNFO-ya müsahibəsində siyasi ekspert Elxan Şahinoğlu bildirib.
O, qeyd edib ki, bir diplomat üçün bu üstünlüklər kifayət qədər vacib haldır. “Ona görə də M.Brayza dərhal işinə başlaya biləcək. M.Brayza hamımıza tanış olan bir şəxsdir. ATƏT-in Minsk Qrupunun həmsədri, Dövlət Departamentinin Cənubi Qafqaz üzrə bölməsində müxtəlif vəzifələrdə çalışıb.
|
09.02.11 Məqaləni oxumaq
|
|
|
Konstitusiya Məhkəməsi Palatasının növbəti iclası keçirilib
|
Konstitusiya Məhkəməsi Palatasının növbəti iclası keçirilib. Konstitusiya Məhkəməsinin mətbuat xidmətindən KƏLAMİNFO-ya verilən məlumata görə, iclasda AR Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən Bakı şəhəri Suraxanı rayon məhkəməsinin müraciətinə baxılaraq onun icraata qəbul edilməsi haqqında qərardad çıxarılıb.
Müraciət mahiyyəti üzrə, tərəflərin iştirakı ilə Konstitusiya Məhkəməsi Plenumunun fevralın 28-nə təyin edilmiş iclasında baxılacaq.
|
09.02.11 Məqaləni oxumaq
|
|
|
ATƏT-in qoşunların təmas xəttində keçirdiyi monitorinq başa çatıb
|
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq bu gün Ağdam rayonu Çəmənli kəndi yaxınlığındakı təmas xəttində monitorinq keçirilib. Müdafiə Nazirliyindən KƏLAMİNFO-ya verilən məlumata görə, monitorinq insidentsiz başa çatıb.
Monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin səhra köməkçiləri Xristo Xristov və Uilyam Praroy, təmas xəttinin qarşı tərəfində isə ATƏT-in fəaliyyətdə olan sədrinin şəxsi nümayəndəsinin ofisinin koordinatoru İmre Palatinus və səhra köməkçisi Jaslan Nurtazin keçiriblər.
|
08.02.11 Məqaləni oxumaq
|
|
|
Litva Seyminin sədri xanım İrena Dyaqutenenin Bakıya səfəri başlayıb
|
Bu gün Litva Seyminin sədri xanım İrena Dyaqutene Azərbaycana rəsmi səfərə gəlib. KƏLAMİNFO xəbər verir ki, Heydər Əliyev Beynəlxalq Hava Limanında Litva Seyminin sədrini Milli Məclis sədrinin müavini Bahar Muradova və digər rəsmi şəxslər qarşılayıblar.
Qeyd edək ki, xanım İrena Dyaqutene rəsmi görüşlərinə bu gün başlayır.
|
08.02.11 Məqaləni oxumaq
|
|
|
Politoloq: “Qərbin mövqelərinin Qafqazda zəifləməsi İranın bu regionda olan marağının artmasına rəvac verdi”
|
“Son bir ildə ABŞ-ın, eləcə də Qərbin mövqelərinin Qafqazda zəifləməsi İranın bu regionda olan marağının artmasına rəvac verdi”. Bunları KƏLAMİNFO-ya müsahibəsində Siyasi İnnovasiya və Texnologiya Mərkəzinin sədri, politoloq Mübariz Əhmədoğlu bildirib.
Politoloqun fikirincə, eyni paraleldə Türkiyənin də Qafqaza marağı qətiyyən azalmayıb. “Rusiyanın xarici işlər naziri Sergey Lavrov Türkiyədə olarkən həmkarı Əhməd Davudoğlu digər məsələlərdən daha çox Qafqazda olan problemləri müzakirə etdi. Belə bir tendensiya Rusiya- Türkiyə arasında son zamanlar daha tez-tez cərəyan etməkdədir. Bu da Ankaranın Qafqazla daha çox maraqlanmasından xəbər verir”,-deyə politoloq vurğulayıb. Onun sözlərinə görə, eyni həmlə ilə İran da regionda olan iri maraqlarını gizlətmir. “Türkiyədən fərqli olaraq Tehran daha aqressiv vasitələrə əl atır ki, son vaxtlar İranla bağlı proseslər buna əyani sübutdur”,-deyə o, əlavə edib.
|
08.02.11 Məqaləni oxumaq
|
|
|
Deputat: “Avropa təşkilatları Ermənistanın işğalçılıq faktının üstündən sükutla keçir”
|
“ATƏT-in faktaraşdırıcı missiyasının əldə etdiyi faktlar yəqin ki, Ermənistanın qanunsuz əməllərini qabarıq şəkildə göstərir”. KƏLAMİNFO xəbər verir ki, bu barədə YAP-ın rəsmi saytına açıqlamasında Milli Məclisin Təhlükəsizlik və müdafiə komitəsinin sədr müavini Aydın Mirzəzadə bildirib.
O, hesab edir ki, bu səbəbdən missiya balanslaşdırıcı məruzə hazırlaya bilmir və indiyə qədər hesabatı təqdim etmir. “Hələ 2005-ci ildə faktaraşdırıcı missiya öz hesabatında məsələni nə qədər yumşaltmağa çalışsa da, Ermənistan tərəfindən aparılmış qanunsuz məskunlaşmanı etiraf etməyə məcbur olub.
|
08.02.11 Məqaləni oxumaq
|
|
|
AMEA-nın Milli Məclisə göndərdiyi soyadlarla bağlı qanun layihəsində dəyişikliklər olacaq
|
AMEA-nın təsdiq edib Milli Məclisə göndərdiyi soyadlarla bağlı qanun layihəsində dəyişikliklər olacaq. Bu barədə KƏLAMİNFO-ya müsahibəsində Milli Məclisin Mədəniyyət komitəsinin üzvü Jalə Əliyeva bildirib.
Onun sözlərinə görə, soyadlarla bağlı təsdiqlənən yeni seçim sistemi millilik baxımından çox əhəmiyyətli və təqdiredici olsa da, bunlardan birinin tətbiqi mürəkkəb məqamlar yaradacaq. “Bu da vətəndaşın soyad sonluğu kimi “-oğlu” və ya “-qızı” sonluğunu seçməsindən gedir. Burada göstərilir ki, valideynin mövcud soyadını bildirən sözün kökünə və ya soyad tərkibinin hər hansı hissəsinə “-oğlu” və ya “-qızı” sonluğu artırıla bilər.
|
08.02.11 Məqaləni oxumaq
|
|
|
Millət vəkili: “Şəxsiyyət vəsiqələrində müəyyən anlaşılmazlıqlar var”
|
“Bu gün Azərbaycanda tətbiq edilən şəxsiyyət vəsiqələrində vətəndaşın soyad və adı, atasının adı qrafasında müəyyən anlaşılmazlıqlar var”. Bu barədə KƏLAMİNFO-ya müsahibəsində millət vəkili Jalə Əliyeva bildirib.
O, qeyd edib ki, nədənsə indiyədək bu istisna hal kimi nəzərdən qaçıb. “Məsələn, soyad Məmmədova, adı Lalə, atasının adı qrafasında isə Həsən qızı yazılır. Burada söhbət şəxsin cinsindən gedirsə, həmin şəxsiyyət vəsiqəsinin arxa hissəsində cinsiyyətlə bağlı qrafa var və orada şəxsin qadın və ya kişi olduğu göstərilir. O halda mənə elə gəlir ki, atanın adı qrafasında “qızı” və ya “oğlu” sözü yazılmasının heç bir mənası yoxdur”,-deyə millət vəkili vurğulayıb.
|
08.02.11 Məqaləni oxumaq
|
|
|
AŞ PA Monitorinq Komitəsinin həmməruzəçiləri Baş prokurorla görüşüblər
|
Bakıda səfərdə olan Avropa Şurası Parlament Assambleyasının (AŞ PA) Monitorinq Komitəsinin həmməruzəçiləri Jozef Debono Qrex və Pedro Aqramuntu de Moron Baş prokuror Zakir Qaralovla görüşüblər. Baş Prokurorluqdan KƏLAMİNFO-ya verilən məlumata görə, görüşdə Azərbaycanın bu təşkilatla faydalı əməkdaşlığının əhəmiyyətini vurğulayan Z.Qaralov son illərdə ölkəmizin həyatında baş verən mütərəqqi dəyişikliklər və prokurorluq orqanlarında həyata keçirilən islahatlar barədə məlumat verib.
|
05.02.11 Məqaləni oxumaq
|
|
|
Bu gün Münhen təhlükəsizlik konfransı işinə başlayır
|
Bu gün ənənənəvi Münhen təhlükəsizlik konfransı işinə başlayır. KƏLAMİNFO xəbər verir ki, tədbirdə Azərbaycanı xarici işlər naziri Elmar Məmmədyarov təmsil edir.
Konfransın əsas müzakirə mövzuları Avropa təhlükəsizlik strategiyası, Rusiya və NATO arasında qarşılıqlı əməkdaşlıq, Misirdəki daxili siyasi vəziyyət olacaq.
|
05.02.11 Məqaləni oxumaq
|
|
|
|
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|