|
|
|
|
Politoloq: “Azərbaycan hərbi strateji müttəfiqlərinin sayını artırmalıdır”
|
|
“Bu gün Azərbaycanın hərbi strategiyasında qarşıda duran ən mühüm məsələ strateji müttəfiqlərinin konkretləşdirilməsi və onlarla hərbi sahədə əməkdaşlıqda lazımı hüquqi bazanın yaradılmasıdır”. Bunları “KƏLAMİNFO”ya müsahibəsində Prezident yanında Geostrateji Araşdırmalar Mərkəzinin direktor müavini, politoloq Elman Nəsirov söyləyib. Türkiyə ilə artıq bu addımın atıldığını deyən E.Nəsirov bu sayın azlığını və bunu digər dövlətlərin timsalında artırılmasının vacibliyini bildirib. O, qeyd edib ki, hərbi strategiyanın güclənməsində Azərbaycanın əlavə silah-sursata da ehtiyacı böyükdür. “Nəzərə alsaq ki, ölkədə hərbi sənaye inkişaf edir, o zaman belə iri silahların Azərbaycanda istehsalı üçün də müvafiq beynəlxalq hərbi sənaye komplekslərindən lisenziya alması da vacibdir.
|
27.04.11 Məqaləni oxumaq
|
| |
|
|
|
Hərbi ekspert hərbi qanunlarımızda ediləcək dəyişikliklərlə bağlı təkliflərini açıqladı
|
|
“Bu gün Azərbaycanda hərbi qanunvericilikdə ediləcək addım doğrudur və buna ehtiyac var. Çünki ölkədə hərbi qanunvericilik sənədlərinin bir çoxu hələ də yenilənməyib və ya onların yenilənməsi işi çox ləng aparılıb”. Bu barədə “KƏLAMİNFO” müsahibəsində hərbi ekspert Cəsur Sümərinli bildirib.
O, qeyd edib ki, indiyə qədər bu dəyişikliyin olmaması səbəbindən xüsusilə hərbi qulluqçuların və onların ailələri, müharibə veteranları, şəhid ailələrinin sosial təminat məsələlərində müəyyən problemlər ortaya çıxırdı. “Bir neçə il öncə hərbi qulluqçuların, onların ailə üzvləri, müharibə veteranları, şəhid ailələrinin güzəşt və imtiyazlarının çoxu ləğv edildi və bu müəyyən problemlər ortaya çıxartdı. Araşdırmalar göstərir ki, Azərbaycanda hərbi qanunvericilk sənədlərində hərbi qulluqçular, onların ailə üzvləri, müharibə veteranları, şəhid ailələrinin sosial rifahının gücləndirilməsi istiqmətində dəyişiklik edilməsinə ciddi ehtiyac yaranıb.
|
|
26.04.11 Məqaləni oxumaq
|
| |
|
|
|
“Dövlət və Din” ictimai fikir toplusunun növbəti nömrəsi çapdan çıxıb
|
|
Dini Qurumlarla İş üzrə Dövlət Komitəsinin (DQİDK) nəşri olan “Dövlət və Din” ictimai fikir toplusunun cari ildə ikinci nömrəsi çapdan çıxıb. DQİDK-dən “KƏLAMİNFO”ya verilıən məlumata görə, dövlət başçısı İlham Əliyevin 8 Mart – Beynəlxalq Qadınlar Günü münasibətilə Azərbaycan qadınlarına təbrik ilə açılan jurnalın “rəsmi guşə”sində ölkə prezidentinin Novruz bayramı münasibətilə xalqımıza təbriki dərc olunub.
Bu rubrika daxilində həmçinin Prezident İlham Əliyevin Gəncədə “İmamzadə” dini kompleksində tikinti-bərpa işlərinin gedişi ilə tanış olması və Xocalı faciəsi qurbanlarının xatirəsinin anma mərasimində iştirakı geniş işıqlandırılıb.
Toplunun “Azərbaycan gerçəkliyi”, “Cəmiyyət və din”, “İslam həqiqətləri”, “Tarixə pəncərə” və “Dinlər, təriqətlər” rubrikaları və bölmələrində müxtəlif mövzulara həsr edilən yazılar dərc edilib.
|
|
26.04.11 Məqaləni oxumaq
|
| |
|
|
|
Fikrət Sadıxov: BMT-ni günahlandırmaqla vaxt itiririk
|
|
“BMT kimi təşkilatların Dağlıq Qarabağla bağlı qətnamələrinin reallaşmamasının günahını təmin təşkilatda yox, artıq onu yönəldən dövlətlərdə axtarmaq vaxtı gəlib çatıb”. Bunu “KƏLAMİNFO”ya müsahibəsində politoloq Fikrət Sadıxov bildirib. Onun sözlərinə görə, son illərin reallıqları beynəlxalq münasibətlərdə ciddi dəyişikliyin olmasından xəbər verir. “Dünyadakı hadisələr və BMT-nin onlara yanaşması göstərir ki, burada millətlərin mənafeyindən çox qurumun Təhlükəsizlik Şurasına üzv ölkələrin maraqları daha çox əhəmiyyət daşıyır” - deyə F.Sadıxov vurğulayıb. O qeyd edir ki, bu qətnamələrin reallaşmasında BMT-ni suçlamaqla vaxt itirməkdənsə, ictimaiyyət həmin ölkələrdən bu məsələnin reallaşmasını tələb etməlidir. “Onlardan bir çoxu, məsələn, ABŞ, Rusiya və b. Azərbaycanın strateji partnyorudur. Onlarla əməkdaşlıqda Bakı ortaya qoymalıdır ki, necə olur bizimlə bağlı qəbul olunan 18 ildir gecikən qətnamələr Liviyada cəmi iki günə reallaşdı? Bu məsələlərə artıq rəsmi olaraq aydınlıq gətirməyin vaxtı çatıb” - deyə o, əlavə edib.
|
|
25.04.11 Məqaləni oxumaq
|
| |
|
|
|
Oqtay Əsədov Astanaya gedir
|
|
Aprelin 26-da Milli Məclisin sədri Oqtay Əsədovun başçılıq etdiyi parlament nümayəndə heyəti TÜRKPA-nın II Plenar iclasında iştirak etmək üçün Qazaxıstanın paytaxtı Astanaya səfər edəcək. Bu barədə jurnalistlərə açıqlamasında parlamentin mətbuat katibi Akif Təvəkküloğlu bildirib. Onun sözlərinə görə, iclas zamanı TÜRKPA yaranan zaman imzalanmış İstanbul sazişinə əlavə və dəyişikliklər edilməsi ilə bağlı protokol, Türkdilli ölkələrin parlamentlərinin kitabxanaları arasında əməkdaşlıq haqqında protokol imzalanacaq. “Bütün görüşlərin yekunu olaraq isə Astana bəyannaməsinin qəbul olunması gözlənilir” - deyə A.Təvəkküloğlu bildirib. İclas çərçivəsində TÜRKPA-nın gerbinin və bayrağının müəyyən olunması da müzakirə olunacaq.
|
|
25.04.11 Məqaləni oxumaq
|
| |
|
|
|
Zahid Oruc: “Azərbaycanın uzlaşdırılmış siyasəti başadüşüləndir”
|
|
ABŞ və Azərbaycan arasında çoxdan sözügedən hərbi təlimlərin gecikməsi ictimai mühitdə kifayət qədər narahatlıq yaratmaqdadır. Bir çox ekspert bu məsələdə hətta Rusiyanı ittiham edirlər. Milli Məclisin Təhlükəsizlik və Müdafiə Komitəsinin üzvü Zahid Oruc isə “KƏLAMİNFO”ya müsahibəsində bildirir ki, bu təxirəsalmanı xüsusi siyasi səbəblərlə əlaqələndirmək düzgün deyil.
O qeyd edib ki, Azərbaycanın Rusiyanın təsiri altında bundan imtinasını real saymır. “ABŞ-Azərbaycan hərbi əməkdaşlığı müəyyən həddə çatıb. Amma iki ölkə arasındakı əməkdaşlıq strateji münasibətlər səviyyəsində deyil. Bizim arzu etdiyimiz iki ölkə münasibətlərinin sırf hərbi əməkdaşlıq, yardımlaşma səviyyəsinə çatması üçün birinci növbədə ABŞ daha real addımlar ata bilər. Söhbət regiondakı risklərə qarşı açıq olmaqdan gedir.
|
|
25.04.11 Məqaləni oxumaq
|
| |
|
|
|
Gürcüstanın iqtisadiyyat və davamlı inkişaf naziri Bakıda səfərdədir
|
|
Gürcüstanın iqtisadiyyat və davamlı inkişaf naziri xanım Vera Kobaliyanın başçılıq etdiyi nümayəndə heyəti Bakıda səfərdədir. “KƏLAMİNFO” xəbər verir ki, xanım Vera Kobaliya bu gün Fəxri xiyabana gələrək ümummilli lider Heydər Əliyevin məzarını və şəhidlər Xiyabanını ziyarət edib.
İşgüzar səfər zamanı gürcüstanlı nazirin Azərbaycan tərəfi ilə sərmayələrin təşviqi, turizm, nəqliyyat və digər sahələrdə əməkdaşlığın perspektivləri ilə bağlı məsələləri müzakirə edəcəyi gözlənilir.
|
|
25.04.11 Məqaləni oxumaq
|
| |
|
|
|
Hulusi Kılıc: “Türkiyənin Ermənistan ilə sərhədi lazım gələrsə 180 il də bağlı qalar”
|
|
Türkiyənin Ermənistan ilə sərhədi 18 ildir bağlıdır, lazım gələrsə 180 il də bağlı qalar. “KƏLAMİNFO” xəbər verir ki, bu barədə jurnalistlərə açıqlamasında Türkiyənin Azərbaycandakı səfiri Hulusi Kılıc bildirib.
O qeyd edib ki, bu məsələdə Türkiyənin yeganə şərti ədalətdir, işğal olunan Azərbaycan torpaqlarının azad olunmasıdır. Səfir deyib ki, dünya dövlətlərinin bölgədəki ədalətsizliyi görməsi çox zəruridir. “Azərbaycanın işğal olunmuş torpaqları ilə bağlı BMT-nin 4 qətnaməsi var. Bunlar yerinə yetirilməlidir. Bu gün Türkiyəyə təzyiq edənlər, “sərhədi aç” deyərək basqı yapanlar bu qətnamələri görmürlərmi? Türkiyə Azərbaycan torpaqlarının işğal olunması səbəbindən sərhədlərini bağlayıb. Əvvəlcə bu səbəb aradan qaldırılmalıdır. İşğal aradan qalxmayınca, sərhədlər açılmayacaq.
|
|
23.04.11 Məqaləni oxumaq
|
| |
|
|
|
Prezident Avropa Parlamentinin üzvünü qəbul edib
|
|
Prezident İlham Əliyev bu gün Avronest Assambleyasının prezidenti, Avropa Parlamentinin üzvü Kristian Vigenini qəbul edib. “KƏLAMİNFO” xəbər verir ki, Kristian Vigenin ölkəmizə səfərinin əsas məqsədinin Avropa İttifaqının “Şərq tərəfdaşlığı” Proqramı çərçivəsində yaradılan Parlament Assambleyası, həmçinin Avropa İttifaqı, Avropa Parlamenti ilə Azərbaycan Respublikasının Milli Məclisi arasında əməkdaşlıq məsələlərinin müzakirə edilməsindən ibarət olduğunu bildirib. O, dövlət başçıları səviyyəsində bu əlaqələrə maraq göstərilməsinin önəmini vurğulayıb.
Bu təşəbbüsün və proqramın ölkəmiz üçün əhəmiyyətli olduğunu qeyd edən dövlət başçısı İlham Əliyev Kristian Vigeninin səfərinin bu sahədə gələcək əməkdaşlığımız üçün faydalı olacağına əminliyini bildirib.
|
|
23.04.11 Məqaləni oxumaq
|
| |
|
|
|
Bahar Muradova: İctimai Palata iflasını uydurmalarla ört-basdır etmək istəyir
|
“Milli İstiqlal Partiyası (AMİP) iqtidarın təhriki ilə İctimai Palata girməyib ki, indi də iqtidarın təhriki ilə bu qurumdan çıxsın. Bu, sadəcə, radikal müxalifətin uydurduğu cəfəngiyatdır”. “KƏLAMİNFO”nun məlumatına görə, bu barədə jurnalistlərə açıqlamasında vitse-spiker Bahar Muradova bildirib.
B.Muradova qeyd edir ki, oyuncaq qurum olan İctimai Palata iflasa uğradığını hiss edib uydurmalarla bunu ört-basdır etmək istəyir. Ölkədəki siyasi prosesləri kifayət qədər normal qiymətləndirən B.Muradova bir qrup radikalın bundan narahat olduğunu bildirib. “Həmin radikallar düşünür ki, iqtidar legitim deyil, iqtidarın atdığı addımlar yanlışdır. Onlar öz fəaliyyətlərinin iflasa uğramaları səbəbindən belə yalanlara əl atırlar. Çünki iqtidar öz fəaliyyətini düzgün istiqamətdə qurub və dövlətin, xalqın mənafeyini güclü müdafiə etməkdə davam edir” - deyə B.Muradova vurğulayıb.
|
|
22.04.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
