|
|
|
|
Azərbaycanın ATƏT PA-dakı nümayəndə heyəti Serbiyaya gedib
|
|
Bu gün Milli Məclis sədrinin müavini Bahar Muradovanın rəhbərliyi ilə Azərbaycanın ATƏT Parlament Assambleyasındakı (PA) nümayəndə heyəti Serbiyanın Belqrad şəhərinə səfərə yola düşüb. Bu barədə məlumatı “KƏLAMİNFO”ya parlamentdən veriblər. Qurumun 20-ci yay sessiyasında iştirak edəcək nümayəndə heyətimizin tərkibinə Aqrar siyasət komitəsinin sədri Eldar İbrahimov, İnsan hüquqları komitəsinin sədri Rəbiyyət Aslanova, Regional məsələlər komitəsinin sədr müavini Fəttah Heydərov, deputatlar Ağalar Vəliyev və Azay Quliyev daxildirlər. Beş gün davam edəcək sessiya “ATƏT-in səmərəliliyinin və fəaliyyətinin möhkəmləndirilməsi: Astana Sammitindən sonra yeni start” mövzusuna həsr olunub.
Öncə qurumun Daimi komitəsinin toplantısı keçiriləcək, 2011-2012-ci maliyyə ili üçün büdcənin qəbul edilməsini və bir sıra təşkilati məsələləri əhatə edən gündəlik qəbul olunacaq.
|
05.07.11 Məqaləni oxumaq
|
| |
|
|
|
“Cənubi Tirol Avropa nümunəsi olsa da, bu statusla Dağlıq Qarabağ arasında paralellər aparmaq mümkündür”
|
|
“Bu gün mübahisəli məqamlarla Cənubi Tirol Avropa nümunəsi olsa da, bu muxtariyyət statusu ilə Dağlıq Qarabağ arasında paralellər aparmaq mümkündür”. Bunları “KƏLAMİNFO”ya müsahibəsində siyasi ekspert Elxan Şahinoğlu bildirib.
O, qeyd edib ki, burada ilk oxşarlıq Dağlıq Qarabağda olduğu kimi, Cənubi Tirolun da iki icmadan formalaşmasıdır. Ekspertin fikrincə, ikinci oxşarlıq ondan ibarətdir ki, Cənubi Tirol separatizmi ilk illərdə Avstriyaya arxalanırdısa, Dağlıq Qarabağ separatizmi də Ermənistanın dəstəyinə bağlıdır. “Burada digər bir oxşarlıq da var. Avstriya Cənubi Tirolun beynəlxalq aləmdən müharibədə məğlubiyyətə uğrayan İtaliyadan ayrılmasını tələb etdiyi kimi, Ermənistan da özünün müharibədə qalib çıxdığını iddia edərək, dünyanın Dağlıq Qarabağın “müstəqilliyini” tanımasını tələb edir”,-deyə E.Şahinoğlu vurğulayıb.
|
|
04.07.11 Məqaləni oxumaq
|
| |
|
|
|
NATO baş katibinin xüsusi nümayəndəsi Bakıya iyulun 5-6-da gələcək
|
|
NATO baş katibinin Cənubi Qafqaz və Orta Asiya üzrə xüsusi nümayəndəsi Ceyms Appaturay iyulun 5-6-da Bakıya səfər edəcək. “KƏLAMİNFO” xəbər verir ki, C.Appaturay səfər zamanı Azərbaycanın Xarici İşlər və Fövqəladə Hallar nazirliklərində eləcə də "Fərdi tərəfdaşlıq üzrə fəaliyyət planı" (İPAP) proqramının həyata keçirilməsində iştirak edən digər dövlət qurumlarında görüşlər keçirəcək.
Qeyd edək ki, bu C.Appaturayın NATO-nun xüsusi nümayəndəsi vəzifəsində Bakıya ilk səfəri olacaq.
|
|
02.07.11 Məqaləni oxumaq
|
| |
|
|
|
Rasim Ağayev: “Metyu Brayzanın bəyanatı bir işarədir”
|
|
“Kazan görüşündən dərhal sonra ABŞ-ınAzərbaycandakı səfiri Metyu Brayzanın bəyanatı bizim bəzi çaşmış siyasi ekspertlərə və siyasətçilərə bir işarədir”. Bunu “KƏLAMİNFO”ya müsahibəsində politoloq Rasim Ağayev bildirib. Politoloq deyir ki, Kazan görüşünün nəticələrinə münasibət bildirən səfirin sözlərində həqiqət çoxdur. “Əslində, onun dediyində yeni bir şey yoxdur. Dünyanın hər hansı bir nöqtəsində hansısa bir radikal dəyişikliklər ABŞ-ın xəbəri, razılığı olmadan həllini tapa bilməz, o ki, qaldı Qarabağ kimi mühüm problem olsun. Bu problem Cənubi Qafqazdadır - ABŞ-ın meqalayihələrini həyata keçirmək istədiyi yerdədir. Ona görə də Metyu Brayza Moskvaya mesaj göndərir ki, hətta Rusiya prezidenti Dmitri Medvedyev və baş nazir Vladimir Putin bir yerdə bu problemi həll etməyə çalışsalar da, heç nə alınmayacaq.
|
|
02.07.11 Məqaləni oxumaq
|
| |
|
|
|
Argentinanın iki aparıcı jurnalları son nömrələrini Azərbaycana həsr ediblər
|
|
Bakının “İçəri Şəhər” metro stansiyası ilə “Köhnə Qala” divarlarının kəsişdiyi fotoşəkil yerləşdirilmiş “İmagen Diplomatica” jurnalının sonuncu nömrəsi “Azərbaycan – qədim tarixin müasirliklə qovuşduğu nöqtə” adlanır. Bu barədə məlumatı “KƏLAMİNFO”ya Azərbaycanın Argentinadakı səfirliyindən veriblər.
Jurnalda Azərbaycan Dövlət Gömrük Komitəsinin sədri Aydın Əliyevin cari ilin fevral ayında Argentinaya səfəri, bu çərçivədə təşkil olunmuş görüş və tədbirlər, ümumilikdə ölkəmizin həqiqətləri, tarixi-mədəni irsi, Ermənistanın Azərbaycana qarşı təcavüzü, ölkəmizin sosial-iqtisadi inkişafı, Argentina ilə əməkdaşlığı, habelə cari ildə Buenos-Ayresdə qeyd olunmuş Azərbaycanın Respublika Günü, ölkəmizin 37-ci Buenos-Ayres Beynəlxalq Kitab Yarmarkasında iştirakını əks etdirən məqalələr dərc olunub. Jurnalda ölkəmizin müxtəlif görməli yerləri ilə bağlı fotoşəkillər də yerləşdirilib.
|
|
01.07.11 Məqaləni oxumaq
|
| |
|
|
|
Bakıda NATO-Azərbaycan Beynəlxalq Məktəbinin yay sessiyası keçiriləcək
|
|
İyulun 3-də Bakıda NATO-Azərbaycan Beynəlxalq Məktəbinin “Yaxın Şərq problemi: Təhlükəsizlik və Demokratiya” adlı (“The Middle East Puzzle: Security and Democracy”) yay sessiyası başlayacaq. “KƏLAMİNFO” NİSA-nın saytına istinadən xəbər verir ki, sessiya iyulun 9-dək davam edəcək.
Sessiyada Yaxın Şərqdəki iğtişaşlar, onların kökləri və səbəbləri (siyasi və sosial-iqtisadi motivlər, xarici iştirakçıların rolu, daxili amillər), informasiya texnologiyaları, sosial şəbəkələr və kütləvi informasiya vasitələrinin rolu, beynəlxalq cavab, insan hüquqları, hüquq və təhlükəsizlik, perspektivlər müzakirə olunacaq.
|
|
01.07.11 Məqaləni oxumaq
|
| |
|
|
|
Konstitusiya Məhkəməsi Palatasının növbəti iclası keçirilib
|
|
Konstitusiya Məhkəməsi Palatasının növbəti iclası keçirilib. Konstitusiya Məhkəməsinin mətbuat xidmətindən “KƏLAMİNFO”ya verilən məlumata görə, iclasda AR Konstitusiyasının 130-cu maddəsinin IV hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, AR Prokurorluğunun Cinayət Məcəlləsinin 182.2.4-cü maddəsinin şərh olunmasına dair sorğusuna baxılaraq onun icraata qəbul edilməsi haqqında qərardad çıxarılıb.
Sorğuya mahiyyəti üzrə Konstitusiya Məhkəməsi Plenumunun iyulun 12-nə təyin edilmiş iclasında baxılacaq.
|
|
30.06.11 Məqaləni oxumaq
|
| |
|
|
|
Azərbaycan və Qazaxıstan Hərbi Dəniz Qüvvələri arasında əməkdaşlıq müzakirə olunacaq
|
|
Azərbaycan və Qazaxıstan Hərbi Dəniz Qüvvələri (HDQ) arasında əməkdaşlıq məsələləri müzakirə olunacaq. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, Azərbaycan-Qazaxıstan ikitərəfli əməkdaş planına əsasən, iyulun 19-dan 21-dək Astana şəhərində hidroqrafiya sahəsində əməkdaşlıq və Qazaxıstan HDQ üçün kadrların hazırlanması məsələləri üzrə işçi görüşü təşkil olunacaq. Həmin tarixdə, həmçinin Astanada Azərbaycan Müdafiə Nazirliyinin nümayəndələrinin iştirakı ilə başqa bir görüş keçiriləcək. Görüşdə Qazaxıstan HDQ üçün mütəxəssislərin hazırlanması və gəmi təmiri məsələlərinin müzakirəsi nəzərdə tutulur.
|
|
30.06.11 Məqaləni oxumaq
|
| |
|
|
|
Mahmud Abbas Heydər Əliyev Fondunda olub
|
|
Fələstin dövlətinin Prezidenti Mahmud Abbas bu gün Heydər Əliyev Fondunda olub. “KƏLAMİNFO” xəbər verir ki, Fələstin Dövlətinin başçısını Azərbaycan prezidenti İlham Əliyev və xanımı Mehriban Əliyeva qarşılayıb.
Prezident İlham Əliyev və xanımı Mehriban Əliyeva ali qonağa Azərbaycanın ümummilli liderinin xatirəsinə yaradılmış Fondun məqsədi və fəaliyyəti barədə məlumat veriblər. Bildirilib ki, Fond ümummilli liderin zəngin irsini öyrənir və təbliğ edir, müxtəlif sosial–iqtisadi, humanitar layihələr həyata keçirməklə Azərbaycanın tərəqqisinə, mədəniyyətinin inkişafına və tarixinin öyrənilməsinə kömək göstərir.
Prezident Mahmud Abbas ulu öndərin şəxsi arxivindən götürülmüş və onun fəaliyyətinin ayrı-ayrı dövrlərinə aid fotoşəkillərlə, habelə müxtəlif eksponatlarla tanış olub.
Prezident Mahmud Abbas Fondla tanışlıqdan sonra Xatirə kitabına ürək sözlərini yazıb.
Heydər Əliyev Fondunun prezidenti Mehriban xanım Əliyeva Fələstin Dövlətinin Prezidentinə xatirə hədiyyəsi və Fondun fəaliyyətindən bəhs edən kitab təqdim edib.
|
|
30.06.11 Məqaləni oxumaq
|
| |
|
|
|
NATO-nun ekspert qrupları Azərbaycana gəlir
|
|
İyulun 5-i və 6-da NATO və ABŞ ekspertləri Azərbaycana səfər edəcək. Bu barədə məlumatı “KƏLAMİNFO”ya Müdafiə Nazirliyinin mətbuat xidmətindən veriblər.
Səfər zamanı Azərbaycan Silahlı Qüvvələrinin Hərbi Akademiyasına təhsil sahəsində ekspert yardımının davam etdirilməsi məsələləri müzakirə olunacaq.
İyulun 10-dan 12-dək isə NATO-nun Neapol Birləşmiş Qüvvələr Komandanlığının hüquq üzrə mobil təlim qrupu Bakıda səfərdə olacaq.
Azərbaycan-NATO əməkdaşlığı çərçivəsində iyulun 20-dən 23-dək Bakıda NATO-nun İzmirdəki Hərbi Hava Qüvvələri Komandanlığının nümayəndələrinin iştirakı ilə ekspert qərargah görüşü keçiriləcək.
|
|
29.06.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
