|
|
|
|
Zərdüşt Əlizadə: Bütün dünyanı intizarda qoyan ABŞ borc mübarizəsinin mahiyyəti gələcək prezident seçkiləridir”
|
|
“ABŞ-da yaranan borc böhranı onunla bağlıdır ki, respublikaçılar çalışırlar seçki qabağı prezident Barak Obamanın hörmətini azaltsınlar. Bu da təbii ki, bütün dünyada, o cümlədən Vaşinqtonla ciddi əməkdaşlıq edən regionlarda yeni iqtisadi böhrana səbəb olacaq”. Bunları “KƏLAMİNFO”ya müsahibəsində politoloq Zərdüşt Əlizadə bildirib.
Ekspert deyir ki, bütün dünyanı intizarda qoyan ABŞ borc mübarizəsinin mahiyyəti gələcək prezident seçkiləridir. “İstefaya getməzdən əvvəl Robert Qeyts bildirmişdi ki, ABŞ ciddi şəkildə hərbi xərclərini azaltmalıdır. B.Obama dövründə ABŞ qərara alıb ki, İraqdan da, Əfqanıstandan da çıxsın. Amma mərhələli şəkildə çıxır, çünki birdən çıxsa, bu, məğlubiyyət kimi qələmə verilə bilər. Bununla yanaşı, hərbi xərclər də azalacaq. İndi B.Obama çalışır ki, maliyyə durumunu sağlamlaşdırsın”,-deyə Z.Əlizadə vurğulayıb.
|
04.08.11 Məqaləni oxumaq
|
| |
|
|
|
Mübariz Əhmədoğlu: “Saakaşvili həddindən artıq ermənipərəstliyi ilə diqqət çəkməkdədir”
|
|
“Son vaxtlar Gürcüstan prezidenti Mixail Saakaşvili həddindən artıq ermənipərəstliyi ilə diqqət çəkməkdədir”. “KƏLAMİNFO” xəbər verir ki, bunları Siyasi İnnovasiya və Texnologiya Mərkəzinin sədri Mübariz Əhmədoğlu bu gün keçirdiyi aylıq hesabatında bildirib. Onun sözlərinə görə, Gürcüstanda erməni kilsələrinə statusun verilməsi erməni apostol kilsəsinin rəhbəri II Qaragenin xidməti olsa da, bu işdə ən çox diqqət çəkən Gürcüstan prezidenti Mixail Saakaşvilinin ABŞ-dakı erməni diasporu ilə gizli sövdələşməsidir. “Apostol kilsəsinə status verilməsi səhv addımdır. Ermənistanın BMT-dəki rəsmi nümayəndəsinin timsalında Gürcüstanın ərazi bütövlüyünə hörmətsizlik nümayiş etdirdiyi günlərdə Mixail Saakaşvilinin təhriki ilə Gürcüstan parlamenti erməni apostol kilsəsini neçə yüz illik arzusuna çatdırdı. Bu, düzgün deyil” - deyə M.Əhmədoğlu vurğulayıb.
|
|
03.08.11 Məqaləni oxumaq
|
| |
|
|
|
Ramazan ayında iş saatlarının azaldılması təklif olundu
|
|
“Monitor Konsaltinq” jurnalının redaksiyası oxucuların müraciətlərini nəzərə alaraq Ramazan ayında iş gününün bir saat azaldılması təklifi ilə çıxış edib. “KƏLAMİNFO”ya jurnalın redaksiyasından verilən məlumatda bu təklifin Müqəddəs Ramazan ayının anomal hava şəraitinin üstünlük təşkil etdiyi isti yay günlərinə təsadüf etməsi ilə bağlı olduğu bildirilir. Eyni zamanda qeyd olunur ki, hansı mövsümə düşməsindən asılı olmayaraq, Ramazan ayında əksər müsəlman ölkələrində gündəlik iş saatları müxtəlif müddətlərdə azaldılır.
Bütün bunları nəzərə alan, “Monitor Konsaltinq”inn redaksiyası əmək və əhalinin sosial müdafiəsi naziri Füzuli Ələkbərova, Dini Qurumlarla İş üzrə Dövlət Komitəsinin sədri Hidayət Orucova və Qafqaz Müsəlmanları Ruhani İdarəsinin sədri, Şeyxülislam Hacı Allahşükür Paşazadəyə rəsmi müraciət göndərib.
|
|
03.08.11 Məqaləni oxumaq
|
| |
|
|
|
Prezident İlham Əliyev Vyetnam Sosialist Respublikasının prezidentini təbrik edib
|
|
Prezident İlham Əliyev Vyetnam Sosialist Respublikasının prezidenti Çıonq Tan Şanqa təbrik məktubu göndərib. “KƏLAMİNFO” xəbər verir ki, təbrikdə deyilir: “Hörmətli cənab Prezident, Vyetnam Sosialist Respublikasının Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm. Əminəm ki, Azərbaycan Respublikası ilə Vyetnam Sosialist Respublikası arasında təşəkkül tapmış dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcək. Sizə möhkəm can sağlığı, xoşbəxtlik, dost Vyetnam xalqının rifahı naminə qarşıdakı fəaliyyətinizdə uğurlar arzulayıram.”
|
|
03.08.11 Məqaləni oxumaq
|
| |
|
|
|
Fikrət Sadıxov: “Metyu Brayza bilir ki, nə vaxtsa sülh olacaq…”
|
|
“ABŞ-ın Azərbaycandakı səfiri Metyu Brayzanın Bakıda erməni kilsəsinin açılması ilə bağlı bəyanatı sülhə, tərəflər arasında gərginliyin azaldılmasına çağırışdır”. Bunları “KƏLAMİNFO”ya müsahibəsində politoloq Fikrət Sadıxov bildirib.
Politoloq deyib ki, amerikalı diplomat bununla regionda sülhə çağırış etmək istəyib. “Amma Azərbaycanda erməni kilsəsi o vaxt açıla bilər ki, Dağlıq Qarabağ münaqişəsi sülh yolu ilə həll olunsun. M.Brayza bilir ki, nə vaxtsa sülh olacaq və bundan sonra bütün əlaqələr düzələcək. Diplomat bununla işarə edib ki, haçansa Azərbaycan və Ermənistan arasında sülh müqaviləsi bağlanacaq və ölkələr dost olacaq. Ondan sonra hər iki ölkədə kilsə, məscid açıla və tikilə bilər”,-deyə politoloq vurğulayıb.
Qeyd edək ki, ötən günlərdə M.Brayza mətbuat vasitəsilə erməni kilsəsinin Bakıda açılmasına ümid bəslədiyini bəyan edib.
|
|
02.08.11 Məqaləni oxumaq
|
| |
|
|
|
Hərbçilərimiz xaricdə keçirilən bir sıra tədbirlərdə iştirak edəcək
|
|
Azərbaycan Silahlı Qüvvələrinin nümayəndələri xaricdə keçirilən bir sıra tədbirlərdə iştirak edəcək. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, Azərbaycan-Türkiyə ikitərəfli əməkdaşlıq planına əsasən, avqustun 8-dən 12-dək İsparta şəhərindəki Eğirdir mərkəzində xüsusi təyinatlılar üçün maneələri dəf etmək üzrə təlimatçı kursu, avqustun 15-dən 26-dək İzmir şəhərində partlatma üsulları, mina və tələ-minalar üzrə kurs, Azərbaycan-Litva ikitərəfli hərbi əməkdaşlıq planına əsasən, avqustun 8-dən 2012-ci il iyunun 15-dək Estoniyanın Tartu şəhərində Birləşmiş Komandanlıq və Baş Qərargah kursu, avqustun 22-dən dekabrın 23-dək Vilnüs şəhərində ingilis dili kursu keçiriləcək. Azərbaycan-Pakistan ikitərəfli əməkdaşlıq planına əsasən, avqustun 8-dən 2012-ci il may ayının 26-dək Lahor şəhərində Hərbi Dəniz Qərargah kursu, avqustun 29-dan 2012-ci il aprelin 7-dək Kəraçi şəhərində Tərəfdaş Zabitlərin Sualtı Əsas Əməliyyat kursu, Azərbaycan-ABŞ iş planına əsasən, avqustun 10-dan 2012-ci il dekabrın 14-dək San-Antonio şəhərində Quru Qoşunları Komanda Qərargah Akademiyasında, avqustun 10-dan 2012-ci il may ayının 20-dək Piyada zabitin təməl kursu, Piyada kapitanları kursu keçiriləcək.
|
|
02.08.11 Məqaləni oxumaq
|
| |
|
|
|
Azərbaycanın xaricdəki hərbi attaşelərinin toplantısı keçiriləcək
|
|
Azərbaycanın xaricdəki hərbi attaşelərinin toplantısı keçiriləcək. Bu barədə məlumatı “KƏLAMİNFO”ya Müdafiə Nazirliyinin mətbuat xidmətindən məlumat verilib.
Avqustun 3-dən 5-dək Bakıda keçiriləcək toplantıda Azərbaycan Silahlı Qüvvələrin xarici ölkələrdə və beynəlxalq təşkilatlarda akkreditə olunmuş hərbi attaşe və hərbi nümayəndələri iştirak edəcək.
Qeyd edək ki, hərbi attaşelərin toplantısı ildə bir dəfə keçirilir.
|
|
01.08.11 Məqaləni oxumaq
|
| |
|
|
|
Ekspert: “Rəsmi Bakı Ərdoğana səmimi cavab verdi”
|
|
“Şübhəsiz ki, Türkiyə baş naziri R.T.Ərdoğanın Bakı səfərində bağlı qapılar arxasında ciddi müzakirələr gedib”. Bunları “KƏLAMİNFO”ya müsahibəsində siyasi ekspert Elxan Şahinoğlu bildirib.
Ekspertin fikrincə, əslində həllini gözləyən mövzular artıq məlumdur. “Birincisi, Azərbaycan qazının Türkiyə üzərindən üçüncü ölkələrə daşınmasının iqtisadi-texniki məsələləri həll olunmayıb və bu proses uzanır. Təsadüfi deyil ki, R.T.Ərdoğan danışıqların sonrakı mərhələsini gözləmədən bu mövzunu nazirinə tapşıraraq Bakını tərk edib. Demək müzakirələr hələ çox çəkəcək. Elə Azərbaycan rəsmiləri də Türkiyə ilə tranzit anlaşmasıyla bağlı danışıqlarda mühüm amillərin hələ həll olunmadığını etiraf edirlər. İkincisi, Türkiyə-Azərbaycan Yüksək Səviyyəli Strateji Əməkdaşlıq Şurasının fəaliyyəti dalana dirənib. Halbuki Şuranın yaradılmasına dair anlaşma Ərdoğanla İlham Əliyev arasında hələ ötən ilin sentyabrında İstanbulda imzalanmışdı. Qurumun komitələri də indiyə qədər formalaşdırılmayıb”,-deyə E.Şahinoğlu vurğulayıb.
|
|
01.08.11 Məqaləni oxumaq
|
| |
|
|
|
Araz Əlizadə: “Qarabağ probleminin həlli üçün peşəkar ordu yaratmalıyıq”
|
|
“Bundan sonra çətin ki, Azərbaycan, Ermənistan və Rusiya prezidentlərinin birgə görüşü keçirilsin”. Bunları “KƏLAMİNFO”ya müsahibəsində politoloq Araz Əlizadə bildirib. O qeyd edib ki, bu üçlük danışıqlardan heç bir şey gözləmir. “Qarabağ probleminin həlli üçün Azərbaycanda peşəkar ordu yaratmalıyıq və yaradırıq. Bundan sonra da müharibə yolu ilə torpaqlarımızı azad etməliyik. Ayrı çıxış yolu yoxdur. Bu mənim hər zamankı mövqeyimdir” - deyə politoloq vurğulayıb.
Qeyd edək ki, ötən həftə Rusiya Prezident Administrasiyası yaxın vaxtlarda Soçidə Ermənistan və Azərbaycan prezidentləri arasında növbəti görüşün təşkilinin planlaşdırılması barədə məlumat yayıb. Bu dəfə görüşə ABŞ və Fransa prezidentlərinin də qatılacağı istisna deyil.
|
|
01.08.11 Məqaləni oxumaq
|
| |
|
|
|
Əli Həsənov: Azərbaycan ötən il dünya dövlətləri arasında iqtisadi artımına görə lider olub
|
|
“Azərbaycan bu il rekord vuraraq dövlət büdcəsini 20 milyard manata çatdırıb”. “KƏLAMİNFO” xəbər verir ki, bu barədə jurnalistlərə açıqlamasında Prezident Administrasiyasının ictimai-siyasi şöbəsinin müdiri Əli Həsənov deyib. Onun sözlərinə görə, Azərbaycan ötən il dünya dövlətləri arasında iqtisadi artımına görə lider olub: “Yeddi il bundan əvvəl dövlət büdcəsi 1.4 milyard manat təşkil edirdi. 2008-ci ildə bütün ölkələr iqtisadi böhrana batsa da Azərbaycan bundan yan keçdi və büdcəsini 20 milyarda çatdırdı”.
|
|
30.07.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
