“Bizə oxunan moizələrlə bağlı məscidlərdən çoxlu şikayət gəlir”. APA-nın məlumatına görə bu barədə Qafqaz Müsəlmanları İdarəsinin sədri, Şeyxülislam Allahşükür Paşazadə deyib. Şeyxin sözlərinə görə, şikayətlərdə əsasən məscidlərdə oxunan moizələrdə təkrarçılığa, qəm-qüssəyə, ağlaşmaya daha çox yol verildiyi bildirilir: “Mən bu şikayətləri, oxunan həmin moizələri yığıb baxıram. Həqiqətən də qeyd olunan xarakterli moizələr çoxluq təşkil edir, bu isə bizim dinimizi zəif formada göstərir”.

Bu gün Qafqaz Müsəlmanları İdarəsində (QMİ) Dini Araşdırmalar Mərkəzi tərəfindən çap olunan “Axund və imamlar üçün xütbə nümunələri” adlı kitabın təqdimatı keçirilib. Qurani-Kərimdən ayələr oxunması ilə başlayan mərasimdə çıxış edən QMİ sədri Allahşükür Paşazadə kitabdakı moizə və xütbələr din xadimindən bütün daxili potensialını səfərbər etməsini, məsələyə yaradıcı yanaşmasını tələb edir.

Prezident İlham Əliyev “Dini etiqad azadlığı haqqında” Azərbaycan Respublikası Qanununa dəyişiklikləri təsdiq edib.  Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq qərara alır: “Dini etiqad azadlığı haqqında” Azərbaycan Respublikası Qanununun (Azərbaycan Respublikası Ali Sovetinin Məlumatı, 1992, В№ 16, maddə 694; Azərbaycan Respublikasının Qanunvericilik toplusu, 1997, В№ 3, maddələr 171, 226, В№ 4, maddə 287; 1998, В№ 1, maddə 16; 2001, В№ 12, maddə 736; 2002, В№ 6, maddə 328, В№ 12, maddə 692; 2003, В№ 1, maddə 16; 2005, В№ 8, maddə 684; 2009, В№ 5, maddə 314, В№ 7, maddələr 512, 517; 2011, В№ 2, maddə 71, В№ 7, maddə 604) 18-ci maddəsində aşağıdakı dəyişikliklər edilsin:

“Kəlam” elmi-ədəbi, publisistik jurnalının 60-cı sayı işıq üzü görüb. Jurnalın səhifələri hər dəfə olduğu kimi, bu dəfə də ilk olaraq ölkədə baş verən hadisələrə münasibətlə açılır. Jurnal “Azarbaycan kosmik ölkə oldu” başlıqlı – dövlət başçısının böyük diqqətinin nəticəsi olaraq ölkədə yüksək texnologiyaların tətbiqinə və kosmik sənayenin yaradılmasından bəhs edən məqaləni prioritet kimi seçib. Dini özəlliklərin fonunda çağdaşlığı təbliğ edən jurnalda “Mövlud və vəhdət həftəsinin nuru” adlı məqalədə Qafqaz Müsəlmanları İdarəsində (QMİ) Məhəmməd Peyğəmbərin (s) mövludu ilə bağlı keçirilən tədbir haqqında geniş məlumat verilir. 

“Bizlər – müsəlmanlar missioner yetişdirmirik. İslam terrora yox deyir, amma bizi terrorçuluqda ittiham edirlər. İş o yerə gəlib çatıb ki, dövlətlər öz siyasi mübarizələrində dini faktorlardan istifadə etməyə başlayıblar. Həm də o dövlətlər ki, dünyada demokratiyanın, tolerantlığı yaymaq iddiası ilə çıxış edirlər”. Bu barədə açıqlamanı “Azadinform”a Qafqaz Müsəlmanları İdarəsini Fətva şöbəsinin müdiri Qazi Hacı Mirəziz Seyidzadə verib.

Azərbaycanda 2012-ci ildə təqdim etdikləri sənədlər qanunvericiliyin tələblərinə cavab vermədiyinə görə 27 dini icma qeydiyyata alınmayıb. Bu barədə hökumətin ötən il üzrə hesabatında bildirilir. İndiyədək dövlət qeydiyyatından keçmiş 576 dini qurumdan 555-i İslam, 21-i qeyri-İslam təmayüllüdür. 

Bu il azərbaycanlı zəvvarlar üçün Həcc ziyarətinin qiymətləri məlum olub. Qafqaz Müsəlmanları İdarəsindən (QMİ) APA-ya verilən məlumata görə, otellərin xərclərindən asılı olaraq ziyarət xərclərinin qiyməti iki variantda təklif olunur. Nisbətən şəraiti zəif və gündə iki dəfə yemək verilən otellərdə qalanlar üçün ümumi ziyarət xərci 3250 manat, daha yaxşı şəraitli və yeməkləri daha çeşidli olan otellərdə qalmaq istəyənlər üçün ümumi xərc isə 4100 manatdan ibarətdir.