|
|
|
|
Avstriya prezidenti Fəxri Xiyabanı və Şəhidlər Xiyabanını ziyarət edib
|
|
Azərbaycanda rəsmi səfərdə olan Avstriyanın prezidenti Haynts Fişer Fəxri Xiyabana gələrək ümummilli lider Heydər Əliyevin xatirəsini ehtiramla yad edib, məzarı önünə əklil qoyub. “KƏLAMİNFO” xəbər verir ki, ali qonaq görkəmli oftalmoloq alim, akademik Zərifə xanım Əliyevanın da xatirəsini anıb, məzarı üstünə tər güllər düzüb.
Sonra Avstriya prezidenti ölkəmizin azadlığı və ərazi bütövlüyü uğrunda mübarizədə canlarından keçən qəhrəman Vətən övladlarının uyuduğu Şəhidlər Xiyabanını ziyarət edib.
Avstriya prezidenti Haynts Fişer “Əbədi məşəl” abidəsinin önünə əklil qoyub.
Sonra Avstriya dövlətinin başçısı Bakının ən hündür nöqtəsindən Azərbaycan paytaxtının mənzərəsini seyr edib. Ali qonağa paytaxtımızda görülən abadlıq-quruculuq işləri barədə məlumat verilib.
|
12.10.11 Məqaləni oxumaq
|
| |
|
|
|
Avstriya prezidentinin rəsmi qarşılanma mərasimi olub
|
|
Azərbaycanda rəsmi səfərdə olan Avstriya Respublikasının Federal prezidenti Haynts Fişerin rəsmi qarşılanma mərasimi olub. “KƏLAMİNFO” xəbər verir ki, hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb. Fəxri qarovul dəstəsinin rəisi prezident İlham Əliyevə raport verib.
Azərbaycan prezidenti və xanımı Mehriban Əliyeva Avstriya prezidenti Haynts Fişeri və xanımı Margit Fişeri səmimiyyətlə qarşılayıblar.
Avstriyanın və Azərbaycanın dövlət himnləri səslənib.
Azərbaycanın dövlət və hökumət nümayəndələri prezident Haynts Fişerə, Avstriya nümayəndə heyətinin üzvləri prezident İlham Əliyevə təqdim olunub.
|
|
12.10.11 Məqaləni oxumaq
|
| |
|
|
|
Elmar Məmmədyarov AŞ PA Prezidenti Mövlud Çavuşoğlu ilə görüşüb
|
|
Xarici işlər naziri Elmar Məmmədyarov Beynəlxalq Humanitar Forumda iştirak etmək üçün Bakıda səfərdə olan Avropa Şurası Parlament Assambleyasının (AŞPA) Prezidenti Mövlud Çavuşoğlu ilə görüşüb. XİN-nin mətbuat xidmətindən “KƏLAMİNFO”ya verilən məlumata görə, ölkəmizin AŞ PA ilə sıx əməkdaşlıq etdiyini qeyd edən nazir E.Məmmədyarov bu əməkdaşlığın bir çox sahələri əhatə etdiyini və faydalı nəticələr verdiyini bildirib.
M.Çavuşoğlu Beynəlxalq Humanitar Forumun yüksək səviyyədə təşkili ilə bağlı təbriklərini çatdırıb və bu Forumun multikulturalizmin inkişafına böyük tövhə verəcəyinə əminliyini bildirib. O, mədəniyyətlərarası dialoqun aparılmasında ölkəmizin rolunun AŞ PA tərəfindən yüksək qiymətləndirildiyini qeyd edib.
Həmçinin görüş zamanı tərəflər qarşılıqlı maraq doğuran digər məsələlər ətrafında müzakirələr aparıblar.
|
|
12.10.11 Məqaləni oxumaq
|
| |
|
|
|
Azərbaycan XİN rəsmisi: Minsk Qrupu Qarabağ münaqişəsinin süni yollarla uzadılmasına imkan yaradır
|
|
“Bu gün ATƏT Minsk Qrupunun həmsədrləri Dağlıq Qarabağ münaqişəsinin süni yollarla uzadılmasına əsl imkanlar yaradır”. “KƏLAMİNFO” xəbər verir ki, bunları bu gün Milli Məclisdə keçirilən tədbirdə Azərbaycan Xarici İşlər Nazirliyinin (XİN) Təhlükəsizlik İdarəsinin 2-ci katibi Elçin Hüseynli deyib.
O, qeyd edib ki, Minsk Qrupunun üzərinə iyirmi ildir ciddi məsuliyyət düşməsinə baxmayaraq, onlar hələ də bunu hiss etmirlər. “Çox təəssüf edirik ki, Ermənistan-Azərbaycan münaqişəsinin həlli ilə məşğul olan beynəlxalq vasitəçilər olan ATƏT Minsk Qrupunun həmsədrləri Dağlıq Qarabağ münaqişəsinin həllinə kömək etmək əvəzinə, bu münaqişənin süni yollarla uzadılmasına imkan yaradırlar. Onlar öz missiyalarının öhdəsindən layiqincə gəlmirlər. Münaqişənin həll olunması prosesinə öz töhfələrini vermirlər. Bu qəbul olunmaz bir haldır”,-deyə E.Hüseynov vurğulayıb. Onun sözlərinə görə, Minsk Qrupunun Dağlıq Qarabağ münaqişəsinin həllində bu cür passivliyi qurumun Qafqazdakı nüfuzunu ciddi zərbə altına ala bilər.
|
|
12.10.11 Məqaləni oxumaq
|
| |
|
|
|
Dövlət büdcələrinin təhlili Ermənistanın daha çox hərbiləşdiyini göstərir
|
|
Bu gün Ermənistan əsassız olaraq Azərbaycanı regionda silahlanma balansını pozmaqda günahlandırır. Lakin dövlət büdcələrinin təhlili Ermənistanın daha çox hərbiləşdiyini göstərir. Təkcə ötən il Ermənistan 16 min, ondan əvvəlki il isə 78 min ədəd “Kalaşnikov” avtomatı alıb. “KƏLAMİNFO” xəbər verir ki, bunları bu gün Milli Məclisdə GUAM Parlament Assambleyası və Baltik Assambleyasının keçirdiyi Dəyirmi masada Azərbaycan Xarici İşlər Nazirliyinin (XİN) Təhlükəsizlik Problemləri İdarəsinin katibi Elçin Hüseynli bildirib.
|
|
11.10.11 Məqaləni oxumaq
|
| |
|
|
|
Elmar Məmmədyarov YUNESKO-nun Baş direktorunun müavinini qəbul edib
|
|
Xarici işlər naziri Elmar Məmmədyarov Beynəlxalq Humanitar Forumda iştirak etmək üçün Bakıda səfərdə olan YUNESKO-nun Baş direktorunun müavini Yanis Karklinsin başçılıq etdiyi nümayəndə heyətini qəbul edib. XİN-nin mətbuat xidmətindən “KƏLAMİNFO”ya verilən məlumata görə,görüşdə ölkəmizlə YUNESKO arasındakı əməkdaşlıq barədə ətraflı fikir mübadiləsi aparılıb və əlaqələrin səviyyəsindən məmnunluq bildirilib.
Elmar Məmmədyarov YUNESKO-nun dünyada elm və mədəniyyətin inkişaf etdirilməsində rolunu vurğulayıb və bu istiqamətdə kifayət qədər mandata sahib olan bir institut olduğunu diqqətə çatdırıb. Bakıda keçirilən Beynəlxalq Humanitar Forumun dünyada elm və mədəniyyətin üzləşdiyi çağırışları cavablandırmaqda mühüm rol oynayacağı vurğulanıb.
|
|
11.10.11 Məqaləni oxumaq
|
| |
|
|
|
Mixail Qusman: Sosial media hətta tarixin kursunu da dəyişə bilər
|
|
Bugün paytaxtda Beynəlxalq Humanitar Forumun “Sosial jurnalistika və yüksək texnologiyalar” istiqaməti üzrə iclası keçirilib. “KƏLAMİNFO” xəbər verir ki, forumda ənənəvi xəbər sənayesi və sürətlə inkişaf edən sosial media arasındakı qarşılıqlı əlaqələr, həmçinin qloballaşma dövründə informasiya sahəsində yeni meyillər müzakirə edilib. “AzərTac” Dövlət Agentliyinin təşkilatçılığı ilə keçirilən beynəlxalq forumda dövlət agentliyinin direktoru Aslan Aslanov ənənəvi medianın necə dəyişdiyini, informasiya istehsalına və onun istehlakçılarına təsir göstərilməsindən danışıb.
|
|
11.10.11 Məqaləni oxumaq
|
| |
|
|
|
Deputat Elman Məmmədov: BMT-nin və NATO-nun Ermənistana gücü çatmır
|
|
“ATƏT Minsk Qrupunun həmsədr ölkələri Azərbaycanın ərazi bütövlüyünü tanıdığını desə də, buna baxmayaraq ABŞ hər il Ermənistana yardımlar edir, Rusiya bu ölkəni silahla doldurur, Fransa isə ermənilərə öz bacısı kimi baxır”. “KƏLAMİNFO” xəbər verir ki, bunları bu gün GUAM PA-nın Milli Məclisdə təşkil etdiyi Dəyirmi masada Azərbaycanın qurumdakı üzvü, deputat Elman Məmmədov deyib.
O, qeyd edib ki, Ermənistan kimi bu cırtdan ölkəyə BMT-nin, ya da NATO-nun gücü çatmır. “1990-cı illərin əvvəllərində Ermənistan Azərbaycan torpaqlarını işğal edəndə dünyanın yadına sülh və demokratiya düşmürdü. İndi Azərbaycan güclənib, güclü ordusu var. Bunu görən dünya birliyinin yadına demokratiya və sülh düşür? Biz hamıdan çox sülh istəyirik. Amma dünya birliyinin çıxardığı qərarlara hörmət etməyən qüvvələr tərəfindən biz müharibəyə təhrik edilirik”,-deyə azərbaycanlı deputat bildirib.
|
|
11.10.11 Məqaləni oxumaq
|
| |
|
|
|
“Dağlıq Qarabağ kimi münaqişələr regional və qlobal əməkdaşlığa ciddi təhlükə yaradır”
|
|
“Müasir dünyada dondurulmuş, həllini gözləyən problemlər, xüsusilə də GUAM məkanındakı Dağlıq Qarabağ kimi dondurulmuş münaqişələr regional və qlobal əməkdaşlığa ciddi təhlükə yaradır, sülhə, sabitliyə ciddi əngəllər törədir”. “KƏLAMİNFO” xəbər verir ki, bunları Azərbaycanda səfərdə olan Baltikyanı Assambleyadakı (BA) Litva nümayəndə heyətinin rəhbəri İrena Siauliene bildirib.
O, qeyd edib ki, istənilən halda münaqişələrin hərb yolu ilə həlli yeganə çıxış yolu deyil. “Biz münaqişələrin dinc, danışıqlar yolu ilə həllinə tərəfdarıq. BA-nın bir müddət öncə qəbul etdiyi qətnamədə Dağlıq Qarabağ münaqişəsi ilə bağlı da müddəalar öz əksini tapıb və orada qeyd olunub ki, bu münaqişə sülh yolu ilə öz həllini tapmalıdır. Biz bu münaqişənin sülh yolu ilə həllini istəyirik”,-deyə İ.Siauliene vurğulayıb.
Onun sözlərinə görə, bu gün təhlükəsizliklə bağlı çağırışlar da müxtəlifdir. “Yeni təhlükəsizlik aspektləri ortaya çıxıb. Ona görə də təhlükəsizliyə ciddi əngəl yaradan problemlərin aradan qaldırılması üçün regional əməkdaşlığı daha yüksək səviyyədə qurmalıyıq. İlk siyasi diskussiyaların müxtəlif formalarını təşkil etməliyik”,-deyə o, əlavə edib.
|
|
11.10.11 Məqaləni oxumaq
|
| |
|
|
|
Mövlud Çavuşoğlu: “Ermənistan AŞ PA-nın verdiyi qərara hörmət etmir”
|
|
“AŞ PA-nın Dağlıq Qarabağ alt komitəsi olaraq indi biz daha əvvəl ortaya atılmış qətnamə layihəsini müzakirə edirik”. “KƏLAMİNFO” xəbər verir ki, bunları jurnalistlərə açıqlamasında Bakıda səfərdə olan AŞ PA sədri Mövlud Çavuşoğlu bildirib. O qeyd edib ki, qurumda dağlıq Qarabağla bağlı alt komitənin yaradılmasında əsas məqsəd mövcud olan problemlərin beynəlxalq hüquq çərçivəsində həllinə nail olmaqdır. “Bu gün Azərbaycanın işğal edilmiş torpaqları ilə bağlı insani problemlər var və Azərbaycanda bu torpaqlardan didərgin düşmüş 1 milyondan artıq qaçqın və məcburi köçkünlər var. Baxmayaraq ki, Azərbaycan prezidenti onların problemlərinin həlli ilə məşğul olur, amma bir milyondan artıq insanın normal yaşayış səviyyəsini saxlamaq asan deyil. Çünki həmin insanlar öz doğma torpaqlarına qayıtmaq istəyirlər və qayıtmalıdırlar.
|
|
11.10.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
