İŞİD-i Qətər dövlətinin (başqa dövlətlərin də adları hallanır –K.R) yaratması, yəni sırf siyasi layihə olması iddiaları da ciddi qəbul oluna bilməz. Məlum olduğu kimi bu cür qruplaşmalara qoşulan insanlar daha sonra ortalama 3-5 il yaşayır, bu insanların çox hissəsi ölümü gözə alır, “şəhadət” ideyası uğurunda canlarından keçir. 

Halkalı Zeynəbiyyə məscidində qılınan Cümə namazında minlərlə adama səslənən Türkiyə Cəfəriləri lideri Səlahəddin Özgündüz kimsənin hüququn üstündə olmadığını söyləyib. Kelaminfo zeynebiyye.com-a istinadən xəbər verir ki, Səlahəddin Özgündüz Suriyada verilən vəkalət döyüşündə, Suriya xalqının qələbə qazandığını və onlara döyüş açanların isə məğlub olduğuna vurğulayıb: “Suriyanı dəstəkləyənlər də başdan bəri bunu deyirlər ki, ölkə mənasında, fərd mənasında Suriya suriyalılarındır. Dünyadan gətirdiyiniz pozğun - qopuq, psixopatları çəkin oradan... 80-i aşan ölkədən nə qədər psixopat varsa oraya doldurmuşsunuz. 

Məkkə şəhərində Kəbə evinin yuyulması və açarının dəyişdirilməsi mərasimi keçirilib. Mərasimdə iştirak edən Məkkənin valisi Xalid Feysəl Kəbənin açarını onun xidmətçisi Əbdül-Qadir Şeybiyə verib. Bu mərasimdə islam ölkələrindən gələn bir sıra qonaqlar və yerli nazirlər də iştirak ediblər. Kəbə evinin dəyişdirilmiş açarı xalis qızıldan hazırlanıb və onun üzərində Quranı-Kərimin Maidə surəsinin 97 və Ali-İmran surəsinin 96-cı ayələri, eləcə də bir sıra zikrlər və dualar yazılıb.

Almaniyada Bremen və Hamburq əyalətlərinin ardından Aşağı Saksoniya əyalətində də “İslam” dininin rəsmi din olaraq qəbul edilməsi məqsədi ilə müqavilə imzalanıb. Aşağı Saksoniya əyalətinin Baş naziri Stepan Veil əyalətin hökumət evində  вЂњİslam” təşkilatlarının nümayəndələri ilə bir araya gələrək ölkədə “İslam”ın rəsmi din olaraq qəbul edilməsi məqsədilə müqavilə imzalayıb. Baş nazir mövzu ilə bağlı açıqlamasında müsəlmanların Aşağı Saksoniya əyaləti cəmiyyətinin əhəmiyyətli bir parçası olduğunu ifadə edərək "Keçmiş zamanda qarşılıqlı olaraq etibarsızlıq meydana gəlmişdi. Hökumətimiz bu razılaşma ilə Müsəlmanlara hörmətini göstərməkdədir. Bundan sonar “İslam”ı rəsmi dinimiz kimi qəbul etmək istəyirik" deyib.

İran səfirliyi Türkiyədə ələvilərə iftar yeməyi təşkil edəcək. Türkiyə mətbuatına istinadla verdiyi xəbərə görə, İranın Ankaradakı səfirliyi Türkiyədəki ələvilər üçün iftar proqramı təşkil edib. Avqustun 4-də baş tutması gözlənilən iftar proqramına çoxlu sayda ələvi nümayəndəsi dəvət edilib. Onlardan bəziləri iftar yeməyinə gələcəklərini bildirsələr də, aralarında Cem Vəqfi sədri İzzəddin Doğanın da olduğu bəzi ələvi nümayəndələri yeməkdə iştirak etməyəcəklərini bildiriblər.