Kelam Jurnalı - Dünyada

ABŞ prezidenti Barak Obama Pentaqon və Mərkəzi Kəşfiyyat İdarəsinin yeni rəhbərlərinin adlarını açıqlayıb. ABŞ müdafiə idarəsinə Mərkəzi Kəşfiyyat İdarəsinin rəhbəri Leon Panetta rəhbərlik edəcək. Onun yerini isə NATO-nun Əfqanıstandakı qüvvələrinin komandanı Devid Petreus tutacaq. В«KƏLAMİNFOВ»nun В«Associated PressВ»ə istinadən yaydığı məlumata görə, Panetta öz səlahiyyətlərinin icrasına yayda başlayacaq. Məhz o zaman Pentaqonun indiki rəhbəri Robert Geyts təqaüdə çıxacaq. Petreus beləliklə, öz səlahiyyətlərinin icrasına payızdan tez başlamayacaq. Əfqanıstandakı ABŞ qoşunlarına komandanlıq isə Con Allenə keçəcək. Obama ABŞ-ın Əfqanıstandakı səfirinin də adını açıqlayıb. Bu, Rayan Krouer olub. Yeni təyinatlar heç kim üçün gözlənilməz olmayıb. Belə ki, bu təyinatlar barədə ABŞ KİV-də məlumatlar hələ aprelin əvvəlində yayılmışdı.

29.04.11

Məqaləni oxumaq

Əhmədinejadın impiçmenti proseduruna başlanılıb

İran parlamentində ölkə prezidenti Mahmud Əhmədinejadın impiçmenti proseduruna başlanılıb. вЂњThe GuardianвЂќ yazır ki, deputatların prezidenti vəzifəsindən uzaqlaşdırmaq cəhdinə səbəb onun ali dini lider Əli Xameneyi ilə aralarında yaranmış fikir ayrılığıdır. В«KƏLAMİNFOВ» bu barədə məlumatı В«Lenta.ruВ» ya istinadən yayıb. Nəşrin məlumatına görə, tərəflər arasında qarşıdurmanın yarandığını göstərən əsas hadisə prezidentin kəşfiyyat işləri üzrə nazir Heydər Möslehini istefaya göndərmək cəhdi olub. Aprelin 17-də nazir prezidentin təzyiqi ilə istefaya çıxsa da, ali dini lider tərəfindən vəzifəsinə bərpa edilib. Prezident və ali dini lider arasında fikir ayrılıqları əvvəl də baş verib.

29.04.11

Məqaləni oxumaq

NATO Liviyada üsyançıları bombaladı

NATO qüvvələrinin Liviyanın Misuratu liman şəhərini bombalaması nəticəsində 11 üsyançı həlak olub. İki üsyançı isə yaralanıb. Bu barədə məlumatı В«KƏLAMİNFOВ» В«CNNВ»-ə istinadən məlumat yayıb. Məlumata görə, üsyançılar liman şəhərinin yaxınlığında olarkən NATO təyyarələri onları bombalayıb. CNN-nin əməkdaşı həlak olanların meyitlərini gördüyünü deyib. NATO-nun rəsmi nümayəndəsi Erik Pouvel baş verənlər barədə nəsə deyə bilməyəcəyini söyləyib. Bombardman nəticəsində həmçinin binalara da çoxsaylı zərər dəyib.

28.04.11

Məqaləni oxumaq

Putin İsveç kralının qəbuluna gecikib

İsveçdə səfərdə olan Rusiyanın baş naziri Vladimir Putin isveçlilərin yaddaşında bir sıra kuryozlarla yadda qalıb. Belə ki, yarım saat kral XYI Qustavın qəbuluna gecikən baş nazir sonra isveçli həmkarı Reynfeldin yanında В«ilişibВ» qalıb. Sonda isə təyyarəyə 40 dəqiqə gecikib ki, bu da Stokholmda tıxaclara səbəb olub. В«KƏLAMİNFOВ» İsveçin В«Svenska DagbladetВ» qəzetinə istinadən yazır ki, ən maraqlı hadisə kralın qəbulunda yaşanıb. Özünün zirehli В«Mercedes Long-LongВ»unda kral sarayına gələn Putin bu zaman maşınını oradakı В«Volvo S-40В» avtomobilinin düz qabağında saxlayıb. Bu zaman kral sarayının protokol xidməti ona bildirib ki, maşınını geri çəksin. Çünki həmin maşın kral məxsusdur. Bu isə jurnalistlərdə təəccüb doğurub. Yəni kralın adi maşında gəzməsinə onlar inanmayıb. Lakin az sonra kralın maşının rolunun arxasında əyləşib yola düşməsi onların təəccübünü yoxa çıxardıb. Maraqlıdır ki, Putin burada keçirdiyi mətbuat konfransında prezident seçkilərinə də toxunub. В«Hər şeyin vaxtı var və biz qərar çıxaracağıq və bu sizin xoşunuza gələcək. Razı qalacaqsınızВ».

28.04.11

Məqaləni oxumaq

Putin Qəddafinin müdafiəsinə qalxdı

Kopenhagendə çıxış edən Rusiyanın baş naziri Vladimir Putin polkovnik Müəmmar Qəddafinin müdafiəsinə qalxıb. RİA В«NovostiВ»nin yaydığı məlumatda qeyd edilir ki, baş nazir dünyanın heç bir ölkəsinin Liviya liderini öldürməyə sanksiyası olmadığını dilə gətirib. В«Deyirdilər ki, Qəddafini öldürmək planımız yoxdur. İndi bir sıra rəsmi şəxslər deyir ki, Qəddafini məhv etmək istəyirlər. Bunu sizə kim icazə verib? Məgər məhkəmə olub? İnsanın öldürülməsi barədə qərarı kim çıxarıb?В» - deyə o vurğulayıb. Onun sözlərinə dünya ölkələri beynəlxalq hüquq normalarına uyğun hərəkət etməlidirlər. В«KƏLAMİNFOВ»un məlumatına görə, baş nazir əlavə edib ki, bu dəqiqə əsas maraq Liviyanın təbii ehtiyatlarına yönəlib: В«Məndə olan məlumata görə, Liviya Afrikada neft ehtiyatlarına görə birinci, qaza görə isə dördüncü yerdədirВ».

28.04.11

Məqaləni oxumaq

Litva prezidentinin səfəri Cənubi Qafqaz ölkələri ilə dialoqun qurulmasına həsr olunacaq

Litva prezidenti Dali Qribauskaytenin Qafqaza səfəri Cənubi Qafqaz ölkələri ilə dialoqun qurulmasına həsr olunacaq. Bunu Litva dövlət başçısının müşaviri Linas Balsis bildirib. В«KƏLAMİNFOВ» bu məlumatı В«ZINIU RADIJASВ» radiostansiyasına istinadən yayıb. Onun sözlərinə görə, Litvanın dövlət başçısı həllini tapmayan münaqişələrlə tanınan ölkələrdə dialoqun başlanması və qarşılıqlı inamın yaranması üçün azacıq da olsa bir addım atmaq istəyir. В«ATƏT-in prinsipləri insanın maraqlarıdır. Gəlin dialoqa başlayaq, münaqişələri və ambisiyaları yaddan çıxaraq. İnsanların həyatını müəyyən edən məsələləri müzakirə edəkВ» - deyə Linas Balsis vurğulayıb.

27.04.11

Məqaləni oxumaq

Çexiya müxalifəti hökuməti istefaya göndərə bilməyib

Çexiya müxalifəti sağ mərkəzçi hökuməti istefaya göndərməyə müvəffəq ola bilməyib. Səsvermə zamanı 114 deputat hökuməti dəstəkləyib. Hökuməti istefaya göndərmək istəyənlər isə azlıqda qalıb. Belə ki, istefa çağırışına 84 nəfər səs verib. Bu barədə məlumatı В«KƏLAMİNFOВ» В«MIGnews.comВ»a istinadən yayıb. Qeyd edək ki, hökumət korrupsiya və bir sıra siyasətçilərin qeyri-qanuni olaraq dinlənilməsi barədə yaşadığı qalmaqallardan sonra müxalifət onun istefaya çıxmasını tələb edib.

27.04.11

Məqaləni oxumaq

Britaniya şahzadəsinin toy mərasimini 1000-ə yaxın polis əməkdaşı qoruyacaq

Şahzadə Uilyam və Keyt Middltonun toy mərasimini təqribən 1000-ə yaxın В«bobbiВ» - polis əməkdaşı qoruyacaq. В«MIGnews.comВ»un məlumatına görə, onlar Londonun mərkəzi meydanı, Bukinqem sarayı və Vestminister abbatlığının təhlükəsizliyə cavabdeh olacaqlar. Belə ki, son günlər Britaniya taxt-tacının vəliəhdinin təntənəli mərasiminə qarşı hədələr edilir. вЂњKƏLAMİNFOвЂќ xəbər verir ki, polislərin bir qrupu mülki formada əhalinin arasında asayişin keşiyində olacaq. Artıq Vestminister abbatlığına tamaşaçılar və KİV nümayəndələri axışmaqdadır. Toy mərasimi aprelin 29-da keçiriləcək.

27.04.11

Məqaləni oxumaq

Ərdoğan Obama ilə danışıb

Türkiyənin baş naziri Rəcəb Tayyib Ərdoğanla ABŞ prezidenti Barak Obama arasında telefon danışığı baş tutub. В«KƏLAMİNFOВ» В«AnadoluВ» agentliyinə istinadən xəbər verir ki, Suriya və Liviya olmaqla bir çox regional məsələlər barədə fikir mübadiləsi aparılıb. Qeyd edək ki, telefon danışığı təşəbbüsünün tərəflərdən hansına məxsus olduğu açıqlanmayıb.

27.04.11

Məqaləni oxumaq

Suriyada kütləvi həbslər

Suriyanın təhlükəsizlik qüvvələri aprelin 26-na keçən gecə bütün ölkə boyu həbslər həyata keçirib. Məlumata görə, ən azı 500 nəfər həbs edilib. В«KƏLAMİNFOВ» bu barədə В«RöytersВ»ə istinadən məlumat yayıb. Müstəqil təşkilatların məlumatına görə, Deraa şəhərində ən azı 20 nəfər öldürülüb. Aprelin 25-i gecə şəhərə zirehli texnika və piyada qoşunları yeridilib. Şəhərlə əlaqə tam kəsilib. ABŞ Dövlət Departamenti isə Dəməşqdəki diplomatik korpusunun və onların ailə üzvlərinin köçürülməsi barədə qərar qəbul edib. Eyni zamanda ABŞ vətəndaşlarına bu ölkəyə getməmək tövsiyə olunub.

26.04.11

Məqaləni oxumaq