Kelam Jurnalı - Dünyada

Fransanın xarici işlər naziri Alan Jupe bildirib ki, Suriya prezidenti Bəşər Əsəd nümayişçilərə qarşı zorakı davranışı üzündən ölkəni idarə etmək üçün В«öz legitimliyini itiribВ». В«KƏLAMİNFOВ» RİA В«NovostiВ»-yə istinadən xəbər verir ki, o, bunu mayın 6-da Suriya dövlət televiziyasının hökumət əleyhinə qüvvələrlə toqquşmada ölkənin təhlükəsizlik qüvvələrinə mənsub 120 əməkdaşın öldürülməsi ilə bağlı xəbər yayandan sonra deyib. XİN rəhbəri Vaşinqtonda bildirib ki, ölkəsi nümayişçilərə qarşı zor işlətdiyinə, etirazçıları öldürdüyünə görə Suriya rejimini ittiham edən qətnamənin BMT-nin Təhlükəsizlik Şurasında səsverməyə çıxarılması üçün quruma müraciət etməyə hazırdır.

07.06.11

Məqaləni oxumaq

Obamanın baş iqtisadçısı istefa verdi

Ağ evin İqtisadi Şurasının sədri Ostan Qulsbi istefaya getdiyini bəyan edib. O, əvvəlki iş yerinə - Çikaqo universitetində müəllim vəzifəsinə qayıdıb. В«KƏLAMİNFOВ» В«RöytersВ»ə istinadən xəbər verir ki, Qulsbinin getməsi mühüm hadisədir. Belə ki, o, Barak Obama prezident seçildikdən sonra onun ətrafında qalan sonuncu şəxslərdən idi. İndi Obama ətrafında əvvəlki komandadan tək bir şəxs qalıb. Bu da maliyyə naziri Timoti Qaytrenrdir. Qulsbi və Obama Çikaqo universitetində dərs deyən zaman tanış olublar. Sonradan Qulsbi ona 2004-cü ildə Senat, 2008-ci ildə prezident seçkiləri kampaniyasında kömək edib. O, İqtisadi Şuranın sədri vəzifəsində cəmi bir il işləyib. Onun istefasının səbəbləri açıqlanmır.

07.06.11

Məqaləni oxumaq

Əhmədinejad Ermənistana gedə bilmədi

İran prezidenti Mahmud Əhmədinejadın bu gün Ermənistana nəzərdə tutulan səfəri təxirə düşüb. В«KƏLAMİNFOВ» В«ArmTodeyВ»ə istinadən xəbər verir ki, səfər qeyri-müəyyən vaxta kimi təxirə düşüb. Bu barədə tərəflərin birgə razılığı əldə olunub. Ermənistan prezidentinin mətbuat xidmətinin rəhbəri Armen Arzumanyanın verdiyi məlumata görə, İran prezidentinin səfəri tərəflər üçün əlverişli vaxtda baş tutacaq.

07.06.11

Məqaləni oxumaq

Yəmən prezidentinin üzərində iki uğurlu əməliyyat keçirilib

Cərrahlar Yəmən prezidenti Əli Abdulla Salehin üzərində iki uğurlu əməliyyat həyata keçiriblər. В«KƏLAMİNFOВ» В«İTAR TASSВ»-a istinadən yaydığı xəbərdə bildirir ki, əməliyyat Səudiyyə Ərəbistanının Ər-Riyad şəhərində keçirilib. Ötən cümə yaralanan Yəmən prezidenti müalicə üçün bu ölkəyə gətirilmişdi. Atəş zamanı o, ürək nahiyəsindən qəlpə yarası və üzündə və sinəsində yanıq zədələri almışdı. Səudiyyə Ərəbistanı hakimiyyət orqanlarının məlumatına görə, hazırda prezidentin səhhəti normaldır. Onun iki həftədən sonra vətənə dönəcəyi gözlənilir. В«Əl-ƏrəbiyyəВ» kanalının məlumatına görə, dövlət başçısı yanıqlardan qurtarmaq üçün plastik əməliyyat da olunmalıdır.

06.06.11

Məqaləni oxumaq

Makedoniyada baş nazirin koalisiyası qalib gəldi

Makedoniyada keçirilən parlament seçkilərində baş nazir Nikola Qruevskinin rəhbərlik etdiyi Sağ Mühafizəkar Koalisiya qalib gəlib. В«KƏLAMİNFOВ» RİA В«NovostiВ»yə istinadən xəbər verir ki, seçkilərin rəsmi nəticələrinə görə, koalisiya seçicilərin 39 faizinin səsini yığıb. Müxalifətdə olan sosial demokratlar isə 32 faiz səs toplayıb. Yerli albanları təmsil edən Demokratik İttifaq 10 faiz səslə üçüncü olub. Qruevski bildirib ki, onun hökumətinin əsas prioritetləri iqtisadi islahatlar həyata keçirilməsi, Makedoniyanın Avropa Birliyinə və NATO-ya daxil olmasıdır.

06.06.11

Məqaləni oxumaq

Ladeni donuz yağı ilə yağlanmış güllə ilə öldürüblər

ABŞ-ın xüsusi təyinatlı dəstəsi Üsəma bin Ladeni donuz yağı ilə yağlanmış güllə ilə öldürüb. В«KƏLAMİNFOВ» В«The Daily MailВ»ə istinadən xəbər verir ki, bu güllələri ABŞ dəniz piyadaları da alır. Bu güllələrin 13 faizi qatı donuz yağından hazırlanır. Belə güllələr 2004-cü ildən hazırlanır.

04.06.11

Məqaləni oxumaq

Peruda spirtli içkilərin satışı qadağan olunub

Peruda iyunun 5-də keçiriləcək prezident seçkiləri ərəfəsində spirtli içkilərin satışını qadağan edən qanun qüvvəyə minib. В«KƏLAMİNFOВ» RİA В«NovostiВ»yə istinadən xəbər verir ki, qanun bu gün saat 24.00-dan, birinci gün saat 12.00-a kimi qüvvədə olacaq. Seçkilər haqqında qanunun 390-cı maddəsinə uyğun olaraq alkoqollu içkilərin satışı barlarda, restoranlarda, diskoteka, kafe, bar və mağazalarda qadağan edilib. Bu qanunu pozan sahibkarlar 640 dollar cərimə olunurlar. Qanunun yerinə yetirilməsini 10 insan izləyəcək. Peru hakimiyyət orqanları vətəndaşları qanuna əməl etməyə çağırıblar.

03.06.11

Məqaləni oxumaq

Sarkisyan erməni-türk protokollarına atdığı imzanı geri götürməsini istisna etmir

Ermənistan prezidenti Serj Sarkisyan rəsmi Yerevanın erməni-türk protokollarına atdığı imzanın geri götürülməsi imkanlarını istisna etmir. В«KƏLAMİNFOВ»nun məlumatına görə, bunu В«QraparakВ» qəzeti öz mənbələrinə istinadən yayıb. Qəzetdə dərc edilən məqalədə göstərilib ki, prezident bunu qondarma erməni soyqırımının 100 illiyinə həsr olunmuş qapalı müşavirədə səsləndirib. Məlumata görə, В«İrsВ» Partiyasının sədri Raffi Ovannisyan toplantıda prezidentdən erməni-türk protokollarına atdığı imzanı geri götürmək fikri olub-olmadığını soruşub. Sarkisyan da bununla bağlı müzakirə açmağın əleyhinə olduğunu deyib. Lakin Ovannisyan məsələnin müşavirə iştirakçıları üçün vacib əhəmiyyətli olduğunu deyib. В«Mən bunu istisna etmirəmВ» - deyə prezident vurğulayıb. Raffi Ovannisyan В«QraparakВ»ın bu informasiyasını təsdiqləyib: В«Bu informasiya həqiqətə uyğundur. İmzaların geri götürülməsini yaxşı start adlandırıram. Mən ümidvaram ki, hələ ki gec deyil, buna tam şəkildə cavab veriləcəkВ».

03.06.11

Məqaləni oxumaq

Türkmənistan prezident seçkisi ilə bağlı yeni qanun qəbul edib

Türkmənistanda prezident seçkisi ilə bağlı yeni qanun qəbul edilib. В«KƏLAMİNFOВ» В«Xronika TurkmenistanaВ»ya istinadən xəbər verir ki, indən belə prezidentliyə namizədlərin qeydiyyatdan keçməsi üçün siyasi partiyaların dəstəyi və ya 50 min imza toplamaq lazım gələcək. Qeyd edək ki, hazırda Türkmənistanda cəmi bir - indiki prezident Qurbanqulu Berdımuhamedovun rəhbərlik etdiyi Demokrat Partiyası mövcuddur.

02.06.11

Məqaləni oxumaq

Əhmədinejadın məsələsinə məhkəmə baxacaq

İran parlamenti prezident Mahmud Əhmədinejadla bağlı işi məhkəmə orqanlarına göndərib. Parlamentarilərin qərarında göstərilib ki, prezident neft məsələləri üzrə naziri vəzifəsindən azad etdikdən sonra ona rəhbərliyi öz üzərinə götürüb. В«KƏLAMİNFOВ» В«MehrВ» agentliyinə istinadən yaydığı məlumatda göstərib ki, işin məhkəməyə verilməsi ilə bağlı keçirilən səsvermədə 165 nəfər bunun lehinə, bir nəfər əleyhinə, 13 nəfər isə bitərəf qalıb. İran Konstitusiya Keşikçiləri Şurası bu günlərdə bəyan edib ki, İran prezidenti neft məsələləri üzrə nazir vəzifəsini icra edə bilməz. Müvafiq qanunvericiliyə görə, prezident üç aylıq müddət ərzində parlamentə yeni nazirlərin namizədliyini təqdim edə bilər. Bu müddət ərzində o, nazir postuna səlahiyyətlərini icra edən şəxsi təyin etməlidir. Eyni zamanda özü də bu vəzifəni icra edə bilər.

01.06.11

Məqaləni oxumaq