Kelam Jurnalı - Dünyada

Senatın Beynəlxalq Münasibətlər Komitəsi ermənipərəst senator Robert Menendezin xahişi ilə ABŞ prezidenti tərəfindən Ermənistana səfir vəzifəsinə irəli sürülmüş Con Heffernin namizədliyi ilə bağlı qərarın çıxarılmasını təxirə salıb. В«KƏLAMİNFOВ» В«News.amВ»a istinadən xəbər verir ki, Amerika Erməni Milli Komitəsinin (ANKA) yaydığı məlumata görə, iclasa sədrlik edən komitə sədri Con Kerri bildirib ki, bu, qərar senatorlara Heffernin namizədliyi ilə bağlı daha ətraflı tanış olman üçün atılıb. Bu səbəbdən də onun nominasiyası başqa vaxta salınıb. ANKA-nın rəhbəri Aram Amparyan Menendezə buna görə təşəkkür edib. Onun sözlərinə görə, Heffernin qondarma soyqırımıyla bağlı mövqeyi onlarda narahatçılıq doğurur. Belə ki, bu şəxs bu yaxınlarda Senatda keçirilən müzakirələrdə Osmanlı imperiyasında ermənilərin kütləvi qırğına məruz qalması ilə bağlı irəli sürülən iddiaları В«genosidВ» adlandırmaqdan boyun qaçırıb. Menendezin bununla bağlı sualını cavablandıran Heffern bildirmişdi ki, genosidə xarakteristika vermək siyasi qərardır. Yəni o, məsələ ilə bağlı Obama administrasiyasının irəli sürdüyü standartlardan kənara çıxmayıb.

27.07.11

Məqaləni oxumaq

Obama dünyanın 4 ən böyük cinayətkar təşkilatına sanksiyalar tətbiq edib

ABŞ prezidenti Barak Obama dünyanın 4 ən böyük cinayətkar təşkilatına qarşı sanksiyalar tətbiq edib. Bunlara İtaliyanın вЂњKamorraвЂќ, Yaponiyanın вЂњYakudzaвЂќ, Meksikanın вЂњLos ZetasвЂќ və keçmiş Sovet İttifaqının вЂњQardaşlıq dairəsiвЂќ qrupları daxildir. В«KƏLAMİNFOВ» В«Qolos AmerikaВ»ya istinadən xəbər verir ki, sanksiyalar təşkilatların ABŞ-dakı hesablarının dondurulması və Amerika şirkətlərinin onlarla biznes əlaqələrinin yasaqlanmasını nəzərdə tutur. Konqresə ünvanladığı məktubda Barak Obama bildirir ki, transmilli kriminal təşkilatlar Amerikaya qarşı təhlükə törədir. Prezident mütəşəkkil cinayətkarlığın artıq yerli və ya regional problem olmadığını deyib.

27.07.11

Məqaləni oxumaq

Böyük Britaniya ifrat sağçı qruplara nəzarət məsələsinə yenidən baxacaq

Böyük Britaniyanın baş naziri Devid Kameronun ofisi Norveçdə keçən həftə baş vermiş kütləvi qırğından sonra ifrat sağçı qruplara nəzarət məsələsinə yenidən baxılacağını bildirir. В«KƏLAMİNFOВ» BBC-yə istinadən xəbər verir ki, baş nazir bu gün Milli Təhlükəsizlik Şurasının iclasına sədrlik edib. İclasda Britaniya təhlükəsizlik agentliklərinin ifrat sağçı qruplara şuranın dediyi kimi, adekvat nəzarət edib-etmədiyi məsələsi müzakirə edilib. İclasda, həmçinin Norveçdə 76 adamın ölümülə nəticələnmiş hücumun Britaniya üçün nəticələrinin müzakirəsi də yer alıb. Norveç hücumlarında əsas şübhəli Anders Berinq Breyvikin Britaniyada ifrat sağçılar tərəfindən cəlb edildiyini iddia olunur. Polis hər hansı mümkün əlaqənin olub-olmadığını araşdırır.

26.07.11

Məqaləni oxumaq

PKK terrorçuları 3 türk əsgərini öldürüb

PKK terrorçuları Mardin vilayətində 3 türk əsgərini öldürüb. В«AzadinformВ» TRT-yə istinadən xəbər verir ki, əsgərlər Ömərli postuna qayıdarkən hücuma məruz qalıb. Daha sonra türk silahlı qüvvələri yaraqlıların ələ keçirilməsi əməliyyatına başlayıb. Son həftələr PKK üsyançıları ilə döyüşlər intensivləşib. Bu ayın əvvəllərində PKK yaraqlıları ilə türk əsgərləri arasında atışmalarda 13 türk əsgəri həlak olub və 7 yaraqlı öldürülüb.

26.07.11

Məqaləni oxumaq

İran rialı tarixə qovuşa bilər

İran Mərkəzi Bankı milli məzənnənin denominasiyasını keçirmək niyyətindədir. Bu barədə вЂњAzadinformвЂќ İran mətbuatına istinadən xəbər verir. Ölkənin Mərkəzi Bankının veb-saytında xüsusi bölmə-forum açılıb və vətəndaşlara milli məzənnə üçün təklif edilmiş adlardan birini seçmək təklif olunur. Təkliflər arasında indiki rialdan başqa, duman, parsi və derik pul vahidləri yer alıb. Yaxın vaxtlarda dövriyyəyə buraxılacaq yeni valyuta, Mərkəzi Bankın təklifinə əsasən, dörd sıfırdan məhrum olacaq. Məsələn, 100 000 rial təxminən 9 dolların ekvivalenti olacaq. Qanun layihəsi parlamentə yönəldilməmişdən öncə vətəndaşlar arasında sorğu keçiriləcək.

25.07.11

Məqaləni oxumaq

Sarkisyan Medvedyevin müraciətinə rəsmən cavab verib

Ermənistan prezidenti Serj Sarkisyan Rusiya prezidenti Dmitri Medvedyevin Qarabağ münaqişəsi ilə bağlı müraciətinə rəsmən cavab verib. В«KƏLAMİNFOВ» erməni KİV-inə istinadən xəbər verir ki, bu sözləri jurnalistlərə Ermənistan prezidentinin mətbuat katibi Armen Arzumanyan bildirib. Qeyd edilib ki, az əvvəl Rusiya prezidentinin müraciətində Azərbaycan prezidenti İlham Əliyev cavab verib. Onun cavabını Moskvaya xarici işlər naziri Elmar Məmmədyarov çatdırıb.

23.07.11

Məqaləni oxumaq

ABŞ 500 milyard dollarlıq ixtisar planını açıqlayıb

ABŞ prezidenti Barak Obama respublikaçı və demokrat qanunvericiləri büdcə razılığı ilə bağlı yolların müəyyən edilməsi səylərini davam etdirməyə çağırıb. В«KƏLAMİNFOВ»nun məlumatına görə, hər iki partiya nümayəndələrindən təşkil edilən В«altılar qrupuВ» məsrəflərin 500 milyard dollarlıq ixtisar planını açıqlayıb. Bu, gələn 10 il ərzində xərclərin 4 trilyon azaldılması səylərinin bir hissəsidir. Plan sosial təminat proqramında böyük dəyişikliklərə yol aça və gələn 10 il ərzində vergiləri 1 trilyon artıra bilər. ABŞ prezidenti planı В«balanslı yanaşmaВ» adlandırsa da, onu təsdiq edəcəyi barədə heç nə deməyib.

21.07.11

Məqaləni oxumaq

Axtarışda olan sonuncu hərbi cani həbs edildi

Serbiyanın hakimiyyət orqanları Qoran-Hadcicin həbs edildiyi barədə məlumat yayıb. Haaqa tribunalı tərəfindən Balkanlarda müharibə zamanı hərbi cinayətlər törətdiyinə görə axtarışda olan bu şəxsin həbsi barədə məlumatı Serbiya prezidenti Boris Tadiç verib. В«KƏLAMİNFOВ» В«B92В» telekanalına istinadən xəbər verir ki, serb mənşəli xorvat siyasətçi Xorvatiya ərazisində 1992-1993-cü illərdə fəaliyyət göstərmiş tanınmamış Serbskaya Kraina Respublikasının rəhbəri olub. 2004-cü ildə Haaqa məhkəməsi ona qarşı 14 epizod üzrə ittiham irəli sürüb. O, xorvat əhalisinin qətlində və deportasiyasında günahlandırılır. Onun ələ keçirilməsi üçün ABŞ hökuməti beş milyon dollarlıq mükafat təyin etmişdi. Əlavə 1,4 mln. dollar isə Serbiya hökuməti təyin etmişdi. Ratko Mladiçin həbsindən sonra o, Haaqa məhkəməsinin Serbiyadan tələb etdiyi sonuncu cinayətkar idi. Hərbi cinayətkarların təhvil verilməsi Serbiyanın AB-yə üzvlüyündə əsas şərtlərdən biridir.

21.07.11

Məqaləni oxumaq

Angela Merkel avro ilə bağlı nikbin danışıb

Almaniya kansleri Angela Merkel Avrozona ölkələri ilə bağlı açıqlama verib. вЂњKƏLAMİNFOвЂќnun məlumatına görə, öz ölkəsinin KİV-lərinə danışan kansler hesab edir ki, bəzi avrozona ölkələrinin borc problemləri vahid Avropa valyutası üçün təhlükə deyil. вЂњAvro böhranı yoxdurвЂќ deyən Merkelin fikrincə, hazırda yalnız ayrı-ayrı ölkələrə münasibətdə böhran barəsində danışmaq olar: вЂњBiz avronun sabit valyuta olması üzərində çalışırıq. Ümumavropa pul vahidi Almaniyaya çox lazımdır. Avro Avropa eyniliyinin bir hissəsidirвЂќ. Merkel Yunanıstanın borcunun restrukturizasiyasını artıq istisna etməyib və eyni zamanda bunun arzuolunmayan ssenari olduğunu vurğulayıb. O, əmin olduğunu bildirib ki, avrozona ölkələrinin iyulun 21-nə nəzərdə tutulmuş növbədənkənar zirvə görüşündə Yunanıstana yardım göstərilməsi məsələsində yekdillik əldə ediləcək: вЂњYalnız konkret nəticələrin əldə edilməsinin mümkün olacağı təqdirdə həmin danışıqlara qatılacağamвЂќ. ABŞ-ın reytinq agentliklərinin fəaliyyətinə toxunan A.Merkel vurğulayıb ki, problem agentliklər deyil, borclardır, lakin böhranlı anlarda bu qurumlar problemi daha da ağırlaşdırırlar. Kansler Avropa Reytinq Agentliyinin yaradılması arzusunda olduğunu da gizlətməyib.

19.07.11

Məqaləni oxumaq

Mübarək komadadır

Misirin sabiq prezidenti, kütləvi xalq etirazları ilə hakimiyyətdən düşürülən Hüsnü Mübarək komaya düşüb. В«KƏLAMİNFOВ» В«CihanВ»a istinadən xəvər verir ki, bu barədə məlumatı Mübarəkin vəkili Fərid əl Deeb verib. Deeb Hüsnü Mübarəkin Şarm əl-Şeyx şəhərindəki xəstəxanada komaya düşdüyünü deyib: В«Mənə xəbər gəldi ki, Hüsnü Mübarəkin səhhəti qəfildən pisləşib. İndi Şarm əl-Şeyxə gedirəm. Hal-hazırda bildiyim bir şey var ki, Mübarək komadadırВ».