|
|
Səhifələr : # « 74 75 76 77 78 79 80 81 82 » #
|
|
Qəddafinin qalası alındı
|
|
Liviyada bu ilin mart ayından bəri Qəddafiyə qarşı davam edən üsyan dalğasının mühasirə xətti getdikcə daralır. “KƏLAMİNFO” BBC-yə istinadən xəbər verir ki, uzun müddətdir ölkənin paytaxtını gözaltı edən üsyançılar nəhayət ki, Tripoliyə daxil olublar. Şəhərin mərkəzinə doğru istiqamət alan üsyançılar əhalidən böyük dəstək görüb. Belə ki, onlar əsl xilaskar ordu kimi qarşılanıb. Üsyançılar isə sevinclərini torpağı öpərək ifadə ediblər. Onların bu addımına daha bir güclü dəstək isə okeanın o tayından gəlib. Belə ki, Birləşmiş Ştatlar prezidenti Obama üsyançıların Tripoliyə girməsi xəbərinin ardından verdiyi açıqlamada: “Qəddafinin sonu gəldi, geri çəkilmək vaxtıdır” - deyə bildirib. İngiltərənin baş naziri Devid Kameron isə Qəddafiyə geri çəkilməyi və üsyançıları Tripolidən çıxarmaq üçün silaha əl atmağa cəhd etməməyi məsləhət görüb.
|
22.08.11 Məqaləni oxumaq
|
| |
|
|
|
İran yenə ABŞ-ı məyus etdi
|
|
İran casusluqda ittiham edilən iki Amerika vətəndaşı – Şeyn Bor və Coş Fattal haqqında səkkiz il azadlıqdan məhrum etmə qərarı alıb. “KƏLAMİNFO” BBC-yə istinadən xəbər verir ki, ABŞ dövlət katibi Hillari Klinton İranın Amerika vətəndaşları haqqında səkkiz illik həbs cəzası qərarı almasının Birləşmiş Ştatları çox məyus etdiyini bildirib. Müttəhimlər isə 2009-cu ildə çıxdıqları dağ səyahəti zamanı ölkə ərazisinə təsadüfən girdiklərini iddia edir və ittihamnamədəki casusluq iddialarını rədd edirlər. Müttəhimlərin iranlı vəkili Məsud Şafiyə: “Onların ikisinin də günahsız olduğuna əminəm. Bu məsələ siyasi səviyyəyə qaldırıldığından həll tapa bilmirlər. Onların casus olduğunu sübuta yetirən bir fakt belə yoxdur”. Məsələ ilə bağlı danışan dövlət katibi Klinton gənclərin dərhal azadlığa buraxılmasını tələb edib: “Onların ailələrinə qovuşmasının vaxtı çoxdan çatıb”.
Məlumat üçün onu da bildirək ki, Şeyn Borun nişanlısı Sara Şurd keçən il həbs edilən iki gənclə birgə ABŞ-ın ödədiyi 500 min dollar təzminat qarşılığında sərbəst buraxılmışdı.
|
|
22.08.11 Məqaləni oxumaq
|
| |
|
|
|
Ərdoğanı müşayiət edən təyyarə qəzaya uğrayıb
|
|
Türkiyənin baş naziri Rəcəb Tayyip Ərdoğanı Somali səfərində müşayiət edəcək iş adamları, siyasətçilər və sənət adamlarından ibarət heyəti Moqadişoya aparan təyyarə qəzaya uğrayıb. “KƏLAMİNFO” “HaberTürk” qəzetinə istinadən xəbər verir ki, “Türk Hava Yolları”na aid “Ordu” adlı təyyarə Moqadişo hava limanına enən zaman baş verib. Uçuş zolağının qısa olması səbəbilə təyyarə enən zaman sağ qanadı yerə sürtülüb. Sürtünməyə rəğmən təyyarədə alışma baş verməyib. Təyyarənin sağ qanadı ciddi zədələnib. Təyyarədə parlamentdə AKP fraksiyasının rəhbəri Mustafa Elitaş, TOBB başqanı Rıfat Hısarcıklıoğlu, “Doğan Holdinq” İdarə Heyətinin sədri Arzuhan Doğan Yalçındağ, İTObaşqanı Nevzat Yalçıntaş, sənətçilə Ajda Pekkan, Sertap Erener, Müəzzəz Ərsoy, Nihat Doğan, jurnalistlər, millət vəkilləri və mühafizə xidməti olub.
Xatırladaq ki, baş nazir Rəcəb Tayyip Ərdoğan bu gün aclıqdan əziyyət çəkən Somaliyə bir günlük səfərə gedib. Ərdoğanı bu səfərdə xanımı Əminə Ərdoğan, baş nazirin müavini Bəkir Bozdağ, Ailə və sosial siyasət naziri Fatma Şahin, səhiyyə naziri Rəcəb Akdağ, xarici işlər naziri Əhməd Davudoğlu, AKP sədrinin müavini Ömər Çelik müşayiət edir.
|
|
20.08.11 Məqaləni oxumaq
|
| |
|
|
|
|
|
Türkiyənin müdafiə naziri: “Bunlar etdiklərinin qarşılığını görəcək”
|
|
Türkiyənin Hakkari vilayətinin Çuxurca kəndində baş verən hadisəyə bu ölkənin müdafiə naziri İsmət Yılmaz münasibət bildirib. “KƏLAMİNFO” “Cnn Türk”ə istinadən xəbər verir ki, hücumdan sonra nazir İsmət Yılmaz deyib ki, PKK terrorla istəyinə nail ola bilməyəcək: “Onlar xəyalla məşğul olurlar. Terrorla Türkiyə Cümhuriyyətindən ala biləcəkləri heç bir şey yoxdur. Türkiyə Cümhuriyyəti bölgədə həm iqtisadi, həm hərbi baxımdan hər kəsin düşünə bilmədiyi qədər liderdir. Yaxşı bunlar nə edəcəklər? Bunlar yalnız bizim səbrimizi daşdırmağa çalışırlar. Onlar hüquq, qayda tanımırlar. İstəyirlər ki, bizi də özlərinə bənzətsinlər. Odur ki, dövlətlə şəbəkə arasındakı fərq budur. Biz hüquq və demokratiya içərisində bunları dəf edəcəyik. Etdiyimizi də hər kəs görəcək”,-deyən İ.Yılmaz deyib ki, onların etdiyi yalnız zülm, təhdid, terrordur: “Amma bunlar etdiklərinin qarşılığını görəcək”.
|
|
19.08.11 Məqaləni oxumaq
|
| |
|
|
|
“Facebook” üsyançılarına həbs qərarı çıxarılıb
|
|
İngiltərədə keçən həftə şiddət və ölümlərlə izlənən üsyanlardan sonra ölkənin təhlükəsizlik xidməti əməkdaşları axtarışlara davam edib. Dünən internetdən paylaşılan çağırışlarla insanları üsyana səsləyən iki nəfər 4 il həbsə məhkum edilib. “KƏLAMİNFO” “The Guardian”a istinadən xəbər verir ki, “Facebook” sosial şəbəkəsindəki “Norviki darmadağın edək” statusunu paylaşdığına və insanları buna dəstək verməyə çağıran 21 yaşlı Cordan Blekşou və 22 yaşlı Perri Kinan “internet üzərindən üsyana və dövlət çevrilişinə cəhd” ittihamı ilə 4 il həbsə məhkum edilib. Baş verənlərlə bağlı hakimlər də sərt mövqe tutublar. Belə ki, hadisələrlə bağlı hakim qarşısına çıxan 1300 nəfərdən 700-ü müxtəlif müddətlərə azadlıqdan məhrum edilib.
|
|
18.08.11 Məqaləni oxumaq
|
| |
|
|
|
ABŞ-da sahibkarlarla rəsmilər üz-üzə gəlib
|
|
ABŞ-ın beş nəhəng siqaret istehsalçısı şirkəti üzərində siqaret çəkməməyə çağıran şəklin məhsulun üzərinə vurulmasını məcburi edən rəsmilərə dava açıb. “KƏLAMİNFO” BBC-yə istinadən xəbər verir ki, şirkət sahibləri “siqaret sağlamlığa təhlükədir” mesajı verən etiketlərin vuruluması məcburiyyətinin qaldırılmasını istəyir. Şirkət hüquqşünasları bu qərarın sahibkarlıq hüquqlarına zidd olduğunu iddia edir. Amerika Qida və Dərman İstehsalı Qurumu isə siqaret istehsal edən şirkətlər üçün müzakirə obyekti olan şəklin vurulmasını məcburi etməkdə israrlıdır. Məcburi vurulacaq etiket şəkillər arasında çürük diş, xəstə ağciyər, infarkt keçirmiş ürək və astma xəstələrinin şəkilləri də var. Rəsmilərə və yuxarıda adıçəkilən şirkəti məhkəməyə verən Reynolds, Lorillard, Commonwealth, Ligett və Santa Fe Natural şirkətlərinin hüquqşünasları 41 səhifəlik şikayət ərizəsi təqdim ediblər.
|
|
18.08.11 Məqaləni oxumaq
|
| |
|
|
|
Qırğızıstanda prezident seçkilərində iştirak etmək istəyən 83 namizəd var
|
|
Bu il Qırğızıstanda keçiriləcək prezident seçkilərinə namizədlərin sayı açıqlanıb. “KƏLAMİNFO” xarici mətbuata istinadən xəbər verir ki, Qırğızıstanın Mərkəzi Seçki Komissiyası prezident seçkilərində iştirak edəcək 83 namizədin qeydiyyatdan keçdiyini bildirib. Onların 16 nəfərinin namizədliyi siyasi partiyalar tərəfindən, 67 nəfərinin isə müstəqil namizəd kimi irəli sürülüb.
Qeyd edək ki, bu namizədlər seçkilərdə iştirakları üçün tam hüquq qazanmaq üçün 3 min imza toplamalı, 2 min dollar məbləğində pul köçürməlidir. Əsas şərtlərdən biri isə namizədlərin sentyabrın 25-dək qırğız dilindən imtahan verməsidir.
Qabaqcıl namizədlər siyahısında isə Qırğızıstanın hazırkı Baş naziri, Sosial Demokrat Partiyasının sədri Almazbek Atambayev və millətçi Ata Jurt Partiyasının sədri Kamçubek Taşiyev qərar tutub.
Xatırladaq ki, Qırğızıstanda prezident seçkiləri cari ilin oktyabrın 30-da keçiriləcək.
|
|
18.08.11 Məqaləni oxumaq
|
| |
|
|
|
Yəmən prezidenti ölkəsinə qayıtmaq istəyir
|
|
Yəmən prezidenti Əli Abdullah Saleh ölkəyə qayıdır. Müxalif partiya liderləri isə prezident Əli Abdullah Salehi verdiyi sözdə durmamaqda ittiham edir və ona Yəməndə liderlik fürsəti verməyəcəklərini bildirir. “KƏLAMİNFO” BBC-yə istinadən xəbər verir ki, Yəmənin Səudiyyə Ərəbistanında müalicə alan prezidenti Abdullah Salehin videolenti paytaxtda onu dəstəkləyən tayfa liderləri tərəfindən dövlət televiziyasında yayımlanıb. Saleh tezliklə vətənə dönəcəyini bildirməklə yanaşı, onun Yəmənə qayıtmayacağını iddia edənləri “dar düşüncəli insanlar” adlandırıb, müxalifləri silkələməyi də unutmayıb. Məlumat üçün bildirək ki, Salehi taxtdan salmaq üçün müxalifət liderlərinin başçılığı ilə fevral ayında başlayan üsyanlarda 400 nəfər həyatını itirib. Üsyanlar zamanı Prezident sarayına silahlı hücum edilib və ağır bədən xəsarətləri alan prezident müalicə üçün Səudiyyə Ərəbistanına gedib.
|
|
17.08.11 Məqaləni oxumaq
|
| |
|
|
|
ABŞ-da iranlı biznesmen azadlıqdan məhrum olunub
|
Amerika Birləşmiş Ştatlarının Kaliforniya ştatında iranlı biznesmen ölkəsinə raket hissələri və radio avadanlığı göndərməkdə ittiham edilərək 4 il müddətinə azadlıqdan məhrum olunub. «KƏLAMİNFO» «Lenta.ru»ya istinadən xəbər verir ki, Davud Baniameri may ayında ABŞ hökumətinin icazəsi olmadan İrana müxtəlif texnika və müdafiə məqsədilə avadanlıq göndərdiyini boynuna alıb. Rəsmilər bu materialların heç birinin İrana çatmadığını bildirir.
Davud Baniameri 2009-cu ildə həbs edilmişdi. İşlə əlaqədar daha iki şəxsə qarşı ittihamlar irəli sürülüb. Onlardan biri ABŞ-da vətəndaşlıq almış əslən iranlı Andro Letemi məhkəməni gözləyir. ABŞ Ədliyyə Nazirliyi bəyan edir ki, İran vətəndaşı olan Səid Məcid Musəvi adlı üçüncü şəxs axtarışdadır. Onun İranda olduğu ehtimal edilir.
|
|
17.08.11 Məqaləni oxumaq
|
| |
|
|
|
Səhifələr : # « 74 75 76 77 78 79 80 81 82 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
