Lavrovun sol əlinin biləyi sınıb
|
Rusiyanın xarici işlər naziri Sergey Lavrovun Türkiyəyə səfəri zamanı insident yaşanıb. “KƏLAMİNFO” “Zaman” qəzetinə istinadən xəbər verir ki, nazir İstanbuldakı otellərdən birində pilləkəndən yıxılıb. Nazir İstanbul klinikalarından birinə çatdırılıb. Onun sol əlinin biləyi sınıb.
Qeyd edək ki, S.Lavrov dünən Rusiya prezidenti Vladimir Putini Türkiyəyə səfəri zamanı müşayiət edib. Bu gün isə o, Rusiya-NATO Şurasının nazirlər görüşündə iştirak etməlidir.
|
04.12.12 Məqaləni oxumaq
|
|
|
Bəşər Əsədin tərəfdarlarının müxalifət sıralarına qoşulması davam edir
|
Suriya lideri Bəşər Əsədin tərəfdarlarının müxalifət sıralarına qoşulma prosesi davam edir. “KƏLAMİNFO” “Reuters”ə istinadən xəbər verir ki, Suriyadakı bir mənbə Xarici İşlər Nazirliyinin mətbuat katibi Cihad Makdissinin ölkədən qaçdığını söyləyib. Mənbə: “Yeganə söyləyə biləcəyim şey Makdissinin hazırda Suriya xaricində olmasıdır” deyib. Onun müxalifətə qoşulduğu və Londona getdiyi bildirilir.
Suriya İnsan Haqlarının Monitorinqi Mərkəzinin rəhbəri Rami Abdulrəhman Prezident Administrasiyasındakı bəzi şəxslərin Makdissiyə istefa verməsi üçün təzyiq etdiklərini söyləyib. Makdissinin hökumətin rəsmi mövqeyini ifadə etməyən açıqlamaları səbəbilə vəzifəsindən azad edildiyi iddia olunurdu.
|
04.12.12 Məqaləni oxumaq
|
|
|
Obama Əsədə açıq xəbərdarlıq edib
|
ABŞ prezidenti Barak Obama Suriya prezidenti Bəşər Əsədə açıq xəbərdarlıq edib. “KƏLAMİNFO” “Qolos Amerika”ya istinadən xəbər verir ki, Obama humanitar yardım təmin etməyə və müxalifətlə görüşlərə davam edəcəklərini, Suriya xalqının haqlı istəklərinə dəstək verəcəklərini söyləyib: “Bu gün Əsəd və onun komandanlığı altında olanları açıqca demək istəyirəm ki, dünyanın gözü üstünüzdədir. Kimyəvi silahlardan istifadə qəbul edilə bilməz. Bu silahlardan istifadə kimi faciəvi səhvə yol versəniz, bunun nəticələri olacaq və məsuliyyət daşıyacaqsınız. 21-ci əsrin 20-ci əsrin ən qorxunc silahlarıyla qaraldılmasına icazə verə bilmərik”.
|
04.12.12 Məqaləni oxumaq
|
|
|
BMT internetə nəzarət problemini müzakirə edəcək
|
Bu gün Birləşmiş Ərəb Əmirliyinin Dubay şəhərində Birləşmiş Millətlər Təşkilatı (BMT) və Beynəlxalq Telekommunikasiya İttifaqının (BTİ) təşkil etdiyi Beynəlxalq Dünya Telekommunikasiya Konfransı (BDTK) işə başlayıb. Dekabrın 14-dək davam edəcək konfrans və “BDTK-12” görüşündə 1988-ci ildə qəbul edilmiş Beynəlxalq Telekommunikasiya Qaydaları (BTQ) nəzərdən keçiriləcək.
Konfransda rabitə şəbəkələrinin iş prinsiplərinin yeni redaksiyasını müzakirəyə qoymaq planlaşdırılır. Müzakirə ediləcək digər məsələlər arasında internetin idarə edilməsi ilə bağlı yeni təkliflər paketinə də baxmaq planlaşdırılır.
Qeyd edək ki, konfransda iştirak edən bir sıra ölkələr domen sisteminin idarə edilməsi səlahiyyətlərinin Beynəlxalq Telekommunikasiya İttifaqına (BTİ) verilməsini təkid edir. Həmin ölkələrin əsas 2 arqumenti var: birincisi, hazırda internetin domen sistemi Amerikanın “ICANN” təşkilatı tərəfindən idarə olunur və o, öz növbəsində ABŞ-ın Ticarət Nazirliyindən asılıdır. İkincisi, ölkələrin əksəriyyəti şəxsi milli domen zonalarını müstəqil idarə etmək səlahiyyəti əldə etmək üçün səlahiyyətlərin BMT-yə verilməsini xahiş edirlər.
|
04.12.12 Məqaləni oxumaq
|
|
|
ABŞ-da yeni kəşfiyyat qurumu yaradılacaq
|
“Vaşinqton Post” qəzetinin dərc etdiyi xəbərdə deyilir ki, ABŞ Müdafiə Nazirliyi Mərkəzi Kəşfiyyat İdarəsinin casus şəbəkəsindən daha böyük biri şəbəkə yaratmaq kimi “iddialı” planı var. “KƏLAMİNFO” xəbər verir ki, qəzet yazır ki, layihənin məqsədi baş verə biləcək təhlükələrə yönələcək casus xidməti yaratmaqdır. Xəbərdə qurumun MKİ və elit hərbi birləşmələrlə daha da sıx əməkdaşlıq edəcəyi bildirilib. Qəzet Müdafiə Kəşfiyyatı İdarəsinin böyüyərək dünya üzrə 1600 kəşfiyyat “kollektorlarının” cəlb olunacağının gözlənildiyini yazır. İdarənin xaricdəki əməkdaşlarının ümumi sayının son zamanlar üç rəqəmli ədədə qədər artaraq “görünməmişâ€ť həddə çatdığı bildirilir.
Qəzet ABŞ rəsmilərinə istinadən gizli əməliyyatçı nəslinin yetişdirilməsinə beş il vaxt sərf olunacağını bildirib. Kəşfiyyat agentlərinin Mərkəzi Kəşfiyyat İdarəsi tərəfindən hazırlanacağı, lakin kəşfiyyat xarakterli tapşırıqları Müdafiə Nazirliyindən alacağı qeyd olunub.
|
03.12.12 Məqaləni oxumaq
|
|
|
Saakaşvili Yerevana gedib
|
Gürcüstan prezidenti Mixail Saakaşvili Avropa Xalq Partiyasının “Şərq tərəfdaşlığı” sammitinin ikinci sammitində iştirak etmək üçün Yerevana gəlib. “KƏLAMİNFO” “ArmTodey”ə istinadən xəbər verir ki, səfər çərçivəsində onun Avropa Komissiyasının prezidenti Jozu Manuel Barrozu ilə görüşü nəzərdə tutulub. Sammitdə iştirak etmək üçün AXP sədri Vilfred Martens və Moldova baş naziri Vladimir Filat da Yerevana gələcək.
Avropa Xalq Partiyasının “Şərq tərəfdaşlığı” birinci sammiti bu ilin iyulunda Batumidə keçirilib.
|
01.12.12 Məqaləni oxumaq
|
|
|
Suriya hakimiyyəti ölkədə interneti kəsib
|
Suriya hakimiyyəti ölkədə internet əlaqəsini kəsib. “KƏLAMİNFO” BBC-yə istinadən xəbər verir ki, bu barədə ABŞ-ın internet monitorinq şirkətləri xəbər verir. «Renesys» şirkəti bunun günorta baş verdiyini deyir. Məlumatı ABŞ-ın «Akamai Technologies» şirkəti də təsdiqləyib.
|
30.11.12 Məqaləni oxumaq
|
|
|
Ərdoğan: Suriyanın açarı Rusiyanın əlindədır
|
Türkiyə baş naziri Rəcəb Tayyib Ərdoğan İspaniyadan qayıdarkən təyyarədə jurnalistlərin suallarını cavablandırıb. “KƏLAMİNFO” Türkiyə mətbuatına istinadən xəbər verir ki, Ərdoğan İspaniya nümunəsini gətirərək “PKK silahla təzyiq göstərməsə, BDP səs ala bilməz, elektoratı yoxdur” deyib. Baş nazir BDP-yə “Siyasəti terrorizə edərsən, qarşını kəsərlər” - deyə mesaj göndərib və İspaniyada siyasətlə terroru qarışdıranların siyasətdən uzaqlaşdırıldığını söyləyib. Baş nazir PKK-dan tələblərinin silahların susması deyil, atılması olduğunu deyib: “Silahlar atılmalıdır. Susmaq deyə bir şey olmaz. Kandildə durursa, dursun. Bizim addımlarımız eyni şəkildə davam edər”.
Baş nazir Suriya ilə bağlı sualın cavabında hazırda açarın Rusiyanın əlində olduğunu deyib və Putinin dekabrın 3-də Türkiyəyə səfər edəcəyini xatırladıb.
Ərdoğan İraq hökumətinin ölkənin şimalındakı gərginliklə bağlı Türkiyəni ittiham etməsinə də münasibət bildirib: “Bunlar xəyaldır. Bizim işimiz-gücümüz yoxdurmu ki, İraqın daxili işləriylə məşğul olaq?”
|
30.11.12 Məqaləni oxumaq
|
|
|
Türkmənistan prezidenti Sarkisyanla Qarabağ münaqişəsinə dair fikir mübadiləsi aparıb
|
Türkmənistan prezidenti Qurbanqulu Berdiməhəmmədovun Ermənistana rəsmi səfəri çərçivəsində prezident Serj Sarkisyanla Dağlıq Qarabağ münaqişəsi ilə bağlı geniş fikir mübadiləsi aparılıb. “KƏLAMİNFO” erməni mətbuatına istinadən xəbər verir ki, Ermənistan prezidenti Qarabağ probleminin yalnız beynəlxalq hüquq normaları çərçivəsində həll oluna biləcəyini deyib. Onun sözlərinə görə, uzun illərdir davam edən Dağlıq Qarabağ münaqişəsinin sülh yolu ilə həlli mümkündür. Erməni prezident yalnız bu yolla problemin uzunmüddətli həllinin təmin edilə biləcəyini vurğulayıb.
|
29.11.12 Məqaləni oxumaq
|
|
|
ABŞ-ın Əfqanıstan və Pakistan üzrə xüsusi nümayəndəsi dekabrda postunu tərk edəcək
|
ABŞ-ın Əfqanıstan və Pakistan üzrə xüsusi nümayəndəsi Mark Qrossman dekabrda öz postunu tərk edəcək. “KƏLAMİNFO” BBC-yə istinadən xəbər verir ki, bu barədə onun mətbuat katibi Laura Lukas məlumat verib. “O, bu vəzifədə iki illik xidmət müddətindən sonra dövlət katibi Hillari Klintonun razılığı ilə istefaya gedəcək” - deyə L.Lukasın bəyanatında bildirilir.
Öz növbəsində, prezident Barak Obama tərəfindən varisi təyin olunduqdan sonra istefaya gedəcək Klinton “diplomatik nailiyyətlər”inə görə Qrossmana təşəkkür edib. M.Qrossman dövlət katibi tərəfindən ABŞ-da xüsusi nümayəndə vəzifəsinə 2010-cu ilin dekabrında Riçard Holbrukun ölümündən sonra təyin edilib.
|
29.11.12 Məqaləni oxumaq
|
|
|
|