ABŞ-ın vitse-prezidenti Türkiyə və Yunanıstana səfər edəcək
|
ABŞ-ın vitse-prezidenti Cozef Bayden dekabrın 2-4-də Türkiyə və Yunanıstana səfər edəcək. Bu barədə məlumatı vitse-prezidentin milli təhlükəsizlik üzrə köməkçisi Toni Blinken verib. Bayden İstanbulda qlobal sahibkarlıq sammitində iştirak edəcək. «KƏLAMİNFO» TRT-yə istinadən xəbər verir ki, Blinken Baydenin Türkiyəyə səfəri çərçivəsində ikitərəfli əlaqələri, eləcə də PKK-ya qarşı mübarizədə yardım, kəşfiyyat məlumatlarının mübadiləsi məsələlərini müzakirə edəcək. Vitse-prezidentin köməkçisi bildirib ki, Birləşmiş Ştatlar Türkiyəyə terrorçuluqla mübarizə üçün üç «Kobra» helikopteri verəcək. Bundan başqa, Bayden Türkiyə ilə Ermənistan arasında münasibətlərin normallaşdırılması məsələləri ilə bağlı fikir mübadiləsi aparacaq.
|
29.11.11 Məqaləni oxumaq
|
|
|
Avropa Parlamenti Lissabon müqaviləsinin dəyişdirilməsinə 6 ay müzakirə tələb edir
|
Borc böhranına görə Avropa Birliyinin müqaviləsini dəyişdirmək istəyən Almaniya və Fransaya Avropa Parlamentinin rəhbərlərindən olan Klaus Velle tərəfindən münasibət daxil olub. O bildirib ki, buna 6 ay müzakirə lazımdır. «Avropa Parlamenti 6 aylıq müzakirədə təkid edir» - deyə Klaus Velle bildirib.
Avropa liderləri dekabrın 8-9-undakı sammitdə Almaniyanın və Fransanən müqaviləni dəyişdirmək təklifinə baxmalıdır. Britaniyanın baş naziri Devid Kameron deyib ki, Lissabon müqaviləsinə yenidən baxılsa, onda Britaniya AB-yə verdiyi səlahiyyətlərin bir hissəsini geri almağa çalışacaq.
|
29.11.11 Məqaləni oxumaq
|
|
|
Obama Avropa Birliyindəki böhranı müzakirə edəcək
|
ABŞ prezidenti Barak Obama bu gün Avropa Birliyi ölkələri rəhbərləri nümayəndə heyətini qəbul edəcək. Ağ Evdə keçiriləcək danışıqların əsas mövzusu avrozona ölkələrindəki uzunmüddətli böhran məsələsi olacaq.
«KƏLAMİNFO» «İTAR TASS»-a istinadən xəbər verir ki, bugünkü görüşdə Avropa Birliyinin sədri Herman Van Rompuy, Avropa Komissiyasının prezidenti Joze Manuel Barrozo və Avropa Birliyi xarici siyasət idarəsinin rəhbəri Ketrin Eşton da iştirak edəcək.
|
29.11.11 Məqaləni oxumaq
|
|
|
İraqda kamikadze 11 nəfərin ölümünə səbəb olub
|
Bu gün səhər İraqda kamikadze intiharçı hücum həyata keçirib. Hücumda 11 nəfər ölüb. «KƏLAMİNFO»nun «Lenta.ru»ya istinadən xəbər verir ki, paytaxt Bağdadın Taci qəsəbəsində yerləşən hərbi bazaya edilən kamikadze hücumu nəticəsində 19 nəfər də yaralanıb.
|
28.11.11 Məqaləni oxumaq
|
|
|
Fransa səfirliyi: Minsk qrupundakı yeni həmsədr Jak For missiyasına hazırlaşır
|
Fransanın Azərbaycandakı səfirliyi Bernar Fasyenin ATƏT-in Minsk qrupundakı həmsədrliyi missiyasının başa çatması ilə əlaqədar məlumat yayıb.
Fransanın Azərbaycandakı səfirliyindən “KƏLAMİNFO”ya verilən məlumatda qeyd edilir ki, səfir Bernar Fasye Minsk qrupundakı Fransa həmsədrliyi missiyasını bu ilin sonunda başa çatdıracaq: “Onu əvəz edəcək, əvvəllər Fransanın Ukraynadakı səfiri olmuş səfir Jak For öz missiyasına hazırlaşır və hazırda Minsk qrupunun Fransa-Amerika-Rusiya həmsədrliyinin fəaliyyətini öyrənməkdədir”.
|
28.11.11 Məqaləni oxumaq
|
|
|
Misirdə parlament seçkiləri başlayıb
|
Misirdə parlament seçkiləri başlayıb. «KƏLAMİNFO» «Lenta.ru»ya istinadən xəbər verir ki, aşağı palataya seçkilər mürəkkəb sxemlə - 3 mərhələdə keçirilir və yanvarın 10-dək davam edəcək.
Bu gün və sabah keçiriləcək birinci mərhələ çərçivəsində Misirin 9 əyalətində, o cümlədən Qahirə və İsgəndəriyyədə səs veriləcək. Bu doqquz əyalətdə səsvermə hüququna malik 50 milyon Misir vətəndaşından 17,5 milyonu yaşayır. Dekabrın 14-15-də və yanvarın 3-4-də növbəti mərhələlər keçiriləcək.
Növbəti parlamentdə islamçı «Müsəlman qardaşlığı» qruplaşmasının üstünlük əldə edəcəyi gözlənilir.
|
28.11.11 Məqaləni oxumaq
|
|
|
Rusiyada prezident seçkiləri martın 4-də keçiriləcək
|
Rusiyada prezident seçkiləri 2012-ci il martın 4-də keçiriləcək. Belə bir qərarı Rusiya Federasiya Şurası qəbul edib. Federasiya Şurasının qərarı noyabrın 26-da dərc olunacaq və həmin gündən etibarən prezident seçkiləri kampaniyasına start verilmiş olacaq. Faktiki olaraq gələn həftədən - Dövlət Dumasına seçkilərə iki həftə qalmış Rusiya prezident seçkiləri marafonuna qoşulmuş olacaq. «KƏLAMİNFO» «İTAR-TASS»-a istinadən xəbər verir ki, həmin gündən etibarən ölkənin ali postuna namizədlərin irəli sürülməsinə başlanıla bilər. Bu prosesə ilk olaraq «Vahid Rusiya» qoşulacaq. Belə ki, noyabrın 27-də hərəkatın qurultayı keçiriləcək.
|
26.11.11 Məqaləni oxumaq
|
|
|
Misirdə toqquşmalarda ölənlərin sayı 41-ə çatıb
|
Misirdə nümayişçilərlə polis arasında baş vermiş toqquşmalarda ölənlərin sayı 41-ə çatıb. «KƏLAMİNFO»nun «Lenta.ru»ya istinadən yaydığı məlumata görə, Misir Səhiyyə Nazirliyi ölənlərdən 36-nın Təhrir meydanında həlak olduğunu açıqlayıb. Yaralıların sayı təxminən 4 min nəfərdir. Xəstəxanalarda 121 nəfər müalicə olunur.
|
25.11.11 Məqaləni oxumaq
|
|
|
Rusiya kompaniyası Ermənistana məxsus AES-i idarə etmək istəmir
|
Ermənistana məxsus AES-də işləyən Rusiya kompaniyası artıq stansiyanı idarə etmək istəmir. «KƏLAMİNFO»nun məlumatına görə, bu barədə «Kommersant» öz yaxın mənbələrinə istinadən xəbər yayıb. Məlumata görə, Rusiyanın «İnter RAO EES» dövlət enerji holdinqi Ermənistanla stansiyanın idarə edilməsi üzrə şərtlərin dəyişdirilməsi barədə danışıqlar aparır. Bu xəbəri qəzetə holdinqə yaxın mənbə çatdırıb. O bildirib ki, «atom energetikası «İnter RAO» üçün profilə uyğun deyil və özündə çoxsaylı riskləri yaradır».
|
25.11.11 Məqaləni oxumaq
|
|
|
İraqdakı partlayışlarda 19 adam ölüb
|
İraqın Bəsrə şəhərində baş verən üç partlayış nəticəsində 19 adam həlak olub, 40 nəfər yaralanıb. Ölənlər arasında polislər və hərbçilər də var. «KƏLAMİNFO» «Lenta.ru»ya istinadən xəbər verir ki, partlayışlar şəhərin mərkəzindəki bazarda olub. Daxili İşlər Nazirliyinin məlumatına görə, iki partlayış eyni vaxtda olub. Üçüncü partlayış əraziyə adamların yığışmasından sonra baş verib.
|
25.11.11 Məqaləni oxumaq
|
|
|
|