Kelam Jurnalı - Dünyada

Böyük Britaniyanın Tehrandakı səfirliyinin tutulmasına etirazlar davam edir. Artıq Almaniya, Fransa və Hollandiya İrandakı səfirlərini geri çağırıblar. В«KƏLAMİNFOВ» В«Lenta.ruВ»ya istinadən xəbər verir ki, Almaniya XİN bəyan edib ki, hazırkı gərgin vəziyyəti nəzərə alaraq Almaniyanın İrandakı səfirini məşləhətləşmək üçün geri çağırır. Fransa və Hollandiyanın Xarici İşlər nazirlikləri də yaydıqları ayrıca bəyanatlarda bu qərara gəldiklərini bəyan ediblər. Analoji addımı İtaliya da atmağa hazırlaşır.

01.12.11

Məqaləni oxumaq

Qırğızıstanın yeni prezidentinin andiçmə mərasimi keçirilib

Bu gün Qırğızıstanın yeni seçilmiş prezidenti Almazbek Atambayevin andiçmə mərasimi keçirilib. Allah və xalq qarşısında and içən prezident çıxışında xalqın birliyini qoruyub saxlayacağına, təhlükəsizliyi təmin edəcəyinə and içib. В«KƏLAMİNFOВ» RİA В«NovostiВ»yə istinadən xəbər verir ki, o, çıxışında ölkənin cənub bölgəsində keçən il baş verən özbək-qırğız qarşıdurmasını qınayaraq, bu cür halların bir daha təkrar olunmasına yol verməyəcəyini bildirib. Prezident çıxışında bütün qırğız xalqını birləşərək ölkənin inkişafı, əmin-amanlığı və rifahı uğrunda mübarizəyə çağırıb. Mərasimdə Türkiyə və Gürcüstan prezidentləri, Qazaxıstan, Özbəkistan, Azərbaycanın və digər ölkələrin baş nazirləri iştirak edib. Mərasimdən sonra hərbi parad keçirilib.

01.12.11

Məqaləni oxumaq

Bolqarıstanda sərt iqtisadi islahatlara qarşı dinc yürüş keçirilib

Bolqarıstanın paytaxtı Sofiyada kütləvi dinc yürüş keçirilib. В«KƏLAMİNFOВ» В«Lenta.ruВ»ya istinadən xəbər verir ki, iyirmi minə yaxın insanın qatıldığı kütləvi nümayişdə etirazçılar hökumətin parlamentə təqdim etdiyi sərt iqtisadi islahatlara və təqaüd yaşının bir il artırılması təklifinə qarşı çıxıb. Bolqarıstan hökuməti isə büdcə xərclərini azaltmaqdan ötrü sərt iqtisadiyyat siyasəti işə salmağa israrlı görünür. Halbuki, hökumətin bundan əvvəl verdiyi bəyanatda, təqaüd yaşının artırılması məsələsinin hazırkı zamanda nəzərdən keçirilmədiyi və qərarın 2021-ci ilə kimi təxirə salındığı deyilirdi.

01.12.11

Məqaləni oxumaq

Dünyanın ən güclü müsəlmanları

Əmmandakı Kral İslam Strateji Araşdırmalar Mərkəzi ən güclü müsəlmanların siyahısını dərc edib. В«KƏLAMİNFOВ» В«CNN TurkВ»ə istinadən xəbər verir ki, ilk 50 nəfərlik siyahıya Səudiyyə Ərəbistanı kralı Abdullah bin Əbdüləziz əs-Səud başçılıq edir. Türkiyənin baş naziri Rəcəb Tayyib Ərdoğan üçüncü, prezident Abdulla Gül isə 27-ci olub. İranın dini lideri Ayətullah Əli Xameneyi 5-ci yerdə qərar tutub. Siyahının ilk onluğunda В«Müsəlman qardaşlarıВ» Birliyinin lideri Məhəmməd Badiyenin, iranlı din xadimi Seyid Əli Sistaninin də adı var. Siyahıda bütövlükdə 500 nəfərin adı var. Fətullah Gülən sırada 15-ci olub. В«RöytersВ»in əməkdaşı Tom Heneqen Ərdoğanın birinci olmamasından təəccübləndiyini yazıb.

30.11.11

Məqaləni oxumaq

ABŞ-ın vitse-prezidenti Co Bayden İraqa gedib

Birləşmiş Ştatların vitse-prezidenti Co Bayden İraqa gözlənilməz səfər edib. В«KƏLAMİNFOВ» В«Lenta.ruВ»ya istinadən xəbər verir ki, onun ölkə rəsmilərilə aparacağı danışıqlarda iki ölkə arasındakı münasibətlərin gələcəyi müzakirə olunacaq. ABŞ ordusu bu ilin sonunadək İraqı tərk etməlidir.

30.11.11

Məqaləni oxumaq

Böyük Britaniya İrana qarşı cavab tədbiri görəcək

Böyük Britaniya Tehrandakı səfirliyinə hücumla bağlı İrana xəbərdarlıq edib. Britaniyanın baş naziri Devid Kemeron baş verənlərə görə ölkəsinin cavab tədbirləri görəcəyini bildirib. Böyük Britaniya Xarici İşlər Nazirliyinin bəyanatında isə səfirliyə hücumun heç bir məntiqə sığmadığı bildirilir. В«KƏLAMİNFOВ» В«İTAR TASSВ»a istinadən xəbər verir ki, İran hökumətindən bu cür hərəkətlərin qarşısını almaq və beynəlxalq qanunlar əsas gətirilərək səfirlik əməkdaşlarının təhlükəsizliyini təmin etmək tələb olunub. İranın Xarici İşlər Nazirliyi isə baş verənlərdən təəssüfünü bildirib.

30.11.11

Məqaləni oxumaq

Misirdəki qarşıdurmalarda 80-ə yaxın adam yaralanıb

Misirin paytaxtı Qahirədə parlament seçkiləri keçirilən iki gün ərzində qarşıdurmalar olub. Qarşıdurmalarda 80-ə yaxın adam yaralanıb. В«KƏLAMİNFOВ» В«ReutersВ» agentliyinə istinadən xəbər verir ki, Təhrir meydanında radikal əhval-ruhiyyəli gənclər yandırıcı maddələrdən istifadə ediblər. Artıq 11-ci gündür ki, Hərbi Şuranın hakimiyyətdən getməsi tələbi ilə etirazçılar Təhrir meydanında oturaq aksiya keçirirlər. Bu gün səsvermənin ilkin nəticələrinin elan olunacağı gözlənilir. Misirdəki üç mərhələli parlament seçkiləri mart ayında sona çatacaq. Bundan sonra prezident seçkisi olacaq.

30.11.11

Məqaləni oxumaq

Qəddafinin qızı liviyalıları hökuməti devirməyə çağırdı

Liviyanın keçmiş lideri Müəmmar Qəddafinın qızı Aişə Qəddafi liviyalıları Milli Keçid Şurasını devirməyə çağırıb. В«KƏLAMİNFOВ»nun məlumatına görə, В«Assoşieyted PressВ» bu barədə məlumatı Suriyanın В«Ər-RayВ» telekanalına istinadən yayıb. В«Mənim atam sizləri tərk etməyib. O, hər zaman bizlərlədir. Onun əmrlərini yaddan çıxarmayın. Siz onun səsini eşitməsəniz belə, mübarizə aparmalısınızВ» - deyə Aişə atasının 40 mərasiminin başa çatması ilə bağlı bildirib.

30.11.11

Məqaləni oxumaq

Ermənilərin 40 faizi ölkədən gedir

Erməni Sosioloji Assosiasiyasının xəbərinə görə, ölkədə miqrasiyanın göstəricisi 40 faiz təşkil edir. Assosiasiyanın sədri Qevorq Poqosyan bildirib ki, bu gün Ermənistanın qarşısında duran əsas məsələ demoqrafiya məsələsidir: В«Bu, adi miqrasiya deyil, bu, erməni əhalisinin gedişidirВ». В«KƏLAMİNFOВ» В«LRAGİRВ» portalına istinadən xəbər verir ki, Poqosyan bildirib ki, miqrantlar hər bir ölkədə var və bu normaldır: В«Lakin əhalinin 30 faizi gedirsə, bu, nəticə deməkdirВ». Onun sözlərinə görə, doğumun səviyyəsi 2 dəfə aşağı düşüb və ailələrin də sayı azalıb. В«Əgər biz yol tikintisi, orduya investisiya üçün pul tapa biliriksə, doğumun səviyyəsinin artmasına da pul tapa bilərikВ» - deyə o, əlavə edib. Miqrasiyanı doğuran problem kimi təhsil almaq, işsizlik və iqtisadiyyatın ağır vəziyyəti də göstərilir.

30.11.11

Məqaləni oxumaq

Avropa liderləri Obamaya söz veriblər

Avropa liderləri ABŞ prezidenti Barak Obama ilə keçirilən görüşdə borc böhranını həll etmək üçün 17 ölkənin yaratdığı avrozonada daha güclü iqtisadi inteqrasiyaya nail olmağa söz veriblər. В«KƏLAMİNFOВ» RİA В«NovostiВ»yə istinadən xəbər verir ki, Avropa Şurasının prezidenti Herman Van Rompuy və Avropa Komissiyasının prezidenti Jose Manuel Barrozo avro valyutasından istifadə edən ölkələrdə hökumət xərclərinə nəzarət edilməsinə çağırıb. Van Rompuy avrozona üçün yeni iqtisadi plana dair yol xəritəsinin dekabrın əvvəli Avropa İttifaqının zirvə görüşündə təqdim ediləcəyini bildirib. Ağ Evdə prezident Obama ilə Avropa-ABŞ zirvə görüşündən sonra Barrozo deyib ki, Avropa liderləri hazırkı çətinlikləri aradan qaldırmaq əzmindədir.