Özbəkistanda amnistiya verilib
|
Özbəkistan Senatı ölkə Konstitusiyasının 19 illiyi münasibətilə amnistiya qanunu təsdiq edib. «KƏLAMİNFO» «Lenta.ru»ya istinadən xəbər verir ki, sənəd prezidentin də təsdiqindən sonra qüvvəyə minəcək. Qanun qadınlar, yaşı 60-dan yuxarı olan kişi, milli azlıqlar və əcnəbi məhbuslara aid edilir. Amma terrorizm, başqa ciddi cinayətlərdə ittiham edilənlərə bu amnistiya şamil olunmur.
|
07.12.11 Məqaləni oxumaq
|
|
|
Liviyada yeni hökumət and içdi
|
Liviyada yeni keçid hökuməti and içib. Yeni hökumət iyuna - ölkədəki parlament seçkiləri keçirilənədək işləyəcək. “KƏLAMİNFO” RİA «Novosti»yə istinadən xəbər verir ki, nazirlərin arasında iki qadın - ictimaiyyətlə işlər üzrə nazir Məbrukə əl-Cibril və dörd uşaq anası, həkim-oftalmoloq Fatma Xamruş da var. O, uzun müddət İrlandiyada yaşayıb və poçtla özü barədə məlumatları göndərərək, səhiyyə naziri təyin olunub. Liviyalıların fikrincə, ən çətin iş müdafiə naziri Uçsəma əl-Cuvalininkidir. O, silahlı qüvvələrdə islahatlar aparmalı, müxalifət tərəfindən döyüşmüş təxminən 50 min nəfəri ordu sıralarına cəlb etməlidir.
|
06.12.11 Məqaləni oxumaq
|
|
|
Ərdoğanın istirahət müddəti daha bir neçə gün uzadılıb
|
Noyabrın 26-da həzm sistemi əməliyyatı keçirən və noyabrın 29-da xəstəxanadan çıxan baş nazir Rəcəb Tayyib Ərdoğan İstanbuldakı evində dincəlir. «KƏLAMİNFO» TRT-yə istinadən xəbər verir ki, baş nazir Ərdoğan cümə günü Böyük Millət Məclisinin sədri Cəmil Çiçək, şənbə günü isə ABŞ vitse-prezidenti Cozef Baydenlə görüşüb. İnfeksiya riski səbəbilə baş nazirin yanına ailə üzvləri xaricində ziyarətçi qəbul edilmir. Həkimlərin məsləhəti ilə Ərdoğanın istirahət müddəti daha bir neçə gün uzadılıb. Bu səbəbdən Nazirlər Kabinetinin bugünkü toplantısı təxirə salınıb.
Ərdoğanın 10-12 dekabr tarixləri arasında keçiriləcək Mədəniyyətlər İttifaqı sammitində iştirak üçün dekabrın 10-da Qətərin paytaxtı Dohaya getməsi gözlənilir. Baş nazir bu tarixə qədər İstanbulda qalacaq.
|
06.12.11 Məqaləni oxumaq
|
|
|
Ermənistan prezidenti tibbi müayinədən keçib
|
Ermənistan prezidenti Serj Sarkisyan «Nairi» tibb mərkəzində iki saat vaxt keçirib. «KƏLAMİNFO»nun məlumatına görə, bu barədə Yerevanda dərc edilən «168 jam» qəzeti məlumat yayıb. Ermənistan prezidentinin mətbuat katibi Armen Arzumanyan bununla bağlı aşağıdakıları bildirib: «Ermənistan prezidentinin səhhəti ilə bağlı hər hansı bir problem mövcud deyil. Onun səfərinin məqsədi isə planlı tibbi müayinədən keçmək olub. Mən artıq demişəm və təkrar edirəm, istənilən şəxs mütəmadi olaraq tibbi müayinədən keçməlidir».
|
05.12.11 Məqaləni oxumaq
|
|
|
Rusiyada 4 partiya baryeri aşa bilib
|
Rusiya Mərkəzi Seçki Komissiyasının rəhbəri Vladimir Çurov 450 yerlik Dövlət Dumasına seçkilərin nəticələrini açıqlayıb. «KƏLAMİNFO» «Lenta.ru»ya istinadən xəbər verir ki, MSK bülletenlərin 96 faizinin hesablanmasını başa çatdırıb. Yekun olmayan nəticələrə görə, parlamentin aşağı palatasında «Vahid Rusiya» 238, Kommunist Partiyası 92, Liberal Demokrat Partiyası 56, «Ədalətli Rusiya» bloku isə 64 deputat yeri qazanıb. Digər siyasi partiyalar 7 faizlik minimum baryeri aşa bilməyiblər.
|
05.12.11 Məqaləni oxumaq
|
|
|
Əhməd Davudoğlu Tehran və Londonu barışdırmağa cəhd göstərir
|
Türkiyənin xarici işlər naziri Əhməd Davudoğlu Tehran və Londonu barışdırmağa cəhd göstərir. «KƏLAMİNFO» İranın «FARS» agentliyinə istinadən xəbər verir ki, Davudoğlu İran və Britaniya XİN rəhbərlərinə zəng edib. O, iki dövlət arasında münasibətlərin tamam şəkildə kəsilməsinin qarşısının alınması ümidi ilə bu addımı atıb.
|
03.12.11 Məqaləni oxumaq
|
|
|
“Reuters”-in rəhbəri istefaya gedir
|
Dünyanın ən məşhur informasiya agentliklərindən biri – “Thomson Reuters”-in rəhbəri Tom Qloser istefaya gedir. Yanvarın 1-dən onun yerini holdinqin idarəedici direktoru Ceyms Smit tutacaq. Bu şəxs agentliyin əsasını qoyan ailəyə yaxınlığı ilə seçilir. «KƏLAMİNFO» «Accosiated Press»ə istinadən xəbər verir ki, Qloserin istefaya göndərilməsinə səbəb agentliyin gəlirinin aşağı düşməsidir.
Tomson ailəsinə «Reuters»in səhmlərinin 55 faizi məxsusdur. Artıq onun 5 mlrd. dollar itirdiyi bildirilir. İlin əvvəlindən isə «Reuters»in səhmlərinin qiyməti 29 faiz ucuzlaşıb.
|
02.12.11 Məqaləni oxumaq
|
|
|
ABŞ Senatı İrana qarşı sanksiyaları təsdiq edib
|
ABŞ Senatı İranın Mərkəzi Bankı ilə əlaqələrin kəsilməsi də daxil olmaqla bu ölkəyə qarşı sanksiyaları təsdiq edib. «KƏLAMİNFO» «Lenta.ru»ya istinadən xəbər verir ki, Obama administrasiyası bu sanksiyaların ABŞ-ın müttəfiqlərlə münasibətlərini korlaya biləcəyini bildirib. Yeni qanun layihəsinə görə, İran Mərkəzi Bankı ilə işgüzar əlaqələr qurmuş əcnəbi bankları ABŞ-da cəzalandıracaqlar.
Qanun layihəsi bundan sonra Nümayəndələr Palatasında müzakirə olunacaq.
|
02.12.11 Məqaləni oxumaq
|
|
|
Azərbaycandan Əfqanıstana 15 min ədəd mina təhlükəsinə dair maarifləndirmə dərsliyi göndəriləcək
|
Bu ilin dekabr ayının 25-nə qədər Azərbaycanın yardımları çərçivəsində 15 min ədəd mina təhlükəsinə dair maarifləndirmə dərsliyi Dari dilində nəşr olunaraq Əfqanıstana göndəriləcək. “KƏLAMİNFO” xəbər verir ki, bu barədə Azərbaycan Ərazilərinin Minalardan Təmizlənməsi üzrə Milli Agentliyin (ANAMA) meneceri Musa Cəlalov bildirib. O qeyd edib ki, gələn il ANAMA nümayəndələri Əfqanıstana gedərək həmin dərsliklərin təqdimatını keçirəcək və həmin fənni tədris edən əfqan müəllimləri üçün kurslar təşkil edəcək. “Eyni zamanda, bu il ANAMA tərəfindən 10500 dərslik nəşr olunaraq Əfqanıstana göndərilib”-deyə o, əlavə edib.
|
02.12.11 Məqaləni oxumaq
|
|
|
Ermənistanda əhalinin 35,8 faizindən çoxu yoxsulluqdan aşağı səviyyədə yaşayır
|
Ermənistanın Milli Statistika Xidmətinin «Ermənistanın sosial mənzərəsi və yoxsulluq» məruzəsi bu ölkədə əhalinin 35,8 faizindən çoxunun yoxsulluqdan aşağı səviyyədə yaşadığını üzə çıxarıb. Məruzə 2010-cu ildə ailə təsərrüfatlarının yaşayış səviyyəsinin iqtisadi-statistik analizinin nəticələrinə əsasən hazırlanıb. Yoxsulluq səviyyəsindən aşağı yaşayan vətəndaşların 21,3 faizi çox yoxsul, 3 faizi son dərəcə yoxsullar kateqoriyasına aid edilir. Son iki il ərzində yoxsullar siyahısına daha 270 min adam əlavə olunub. Onların təxminən 2500-i son dərəcə yoxsullardır.
Məruzə Dünya Bankı, «Minilliyin çağırışları» fondunun ayırdığı 300 min dollar maliyyə yardımı ilə hazırlanıb. Tədqiqatlar Ermənistanın 46 şəhər və 307 kəndində aparılıb.
|
02.12.11 Məqaləni oxumaq
|
|
|
|