“Türkiyənin Suriya sərhədinə yerləşdiriləcək Patriot raketlərinin hədəfi Rusiyadır. Mərmilər Suriyadan yönələ biləcək hücumdan daha çox, Müstəqil Dövlətlər Birliyi,  Kollektiv Təhlükəsizlik Razılaşması Təşkilatı üzvü ölkələri və Rusiyanı hədəf alır”. Bu barədə açıqlama ilə Rusiya Hava Qüvvələrinin sabiq komandiri Anatoli Kornukov çıxış edib.

Türkiyənin Baş nazir Rəcəb Tayyip Ərdoğan etnik, regional dini milliyyətçiliyə qarşı olduğunun bəyan edib.  Qaziantepə səfəri zaman belə bir açıqlama verən Ərdoğan bəzilərinin rahat dayanmadığını bildirib. “Mən kürd problemi deyə bir şey tanımıram. Kürdçülüyə qarşıyam. Kürd qardaşlarımızı sevirəm, amma kürdçülüyü rədd edirəm. Mən türkə, kürdə, ərəbə və bütün qardaşlarıma bərabər məsafədən baxıram.

Federasiyasının paytaxtı Moskva şəhərində məşhur kriminal avtoritet, “Ded Xasan” ləqəbli Aslan Usoyan qətlə yetirilib. Rusiya Daxili İşlər Nazirliyinin Moskva Baş İdarəsindən bildiriblər ki, sui-qəsd Povarsk küçəsində gerçəkləşdirilib. Yerli vaxtla saat 14.30-da A. Usoyan “Karetnıy dvor” adlı restorandan çıxarkən snayperdən açılan atəşlə öldürülüb. Xəstəxanaya çatdırılsa da, onun həyatını xilas etmək mümkün olmayıb. Qeyd edək ki, A. Usoyan 1937-ci ildə Gürcüstanda doğulub. O, Rusiyadakı ən iri kriminal qruplaşmalardan birinin lideri idi.  

Bu gün Suriyada Bəşər Əsədə bağlı ordunun əməliyyatları və müxalif əsgərlərlə yaşanan qarşıdurmalarda ölkə daxilində 181 adamın öldüyü bildirilir. Ölənlərin 15-nin uşaq, 10-nun qadın olduğu qeyd edilir. Suriya Yerli Koordinasiya Komitələri Hələbdə 69, Humusta 61, Şam və ətrafında 20, Hamada 14, Derada 10, İdlibde 3, Deyrezzor və Rakkada 1 olmaq üzrə ölkə daxilində 181 adamın öldüyünü bildirir.

Prezident Bəşər Əsəd və ailəsinin Suriya açıqlarındakı rus döyüş gəmilərindən birində qaldığı iddia edilir. В Səudiyyə Ərəbistanı qəzeti "Əl Vətən" Suriya dövlət başçısının və ailəsinin Suriya açıqlarındakı Rus döyüş gəmilərindən birində qaldığını irəli sürüb. Qəzetə görə, Əsəd rus döyüş gəmisində özünü daha çox etibarda hiss edir. В "Əl Vətən" qəzetinin kəşfiyyat qaynaqlarına söykədiyi xəbərində Bəşər Əsədin ailəsi və ona yaxın adamların Rusiya qorumasında olduğu iddia edilib. "Əl Vətən"ə görə Suriya dövlət başçısı canlı təmasları və danışıqları olduğu zaman Şama vertolyotla gedir. Şamda isə vətəndaşlar arasında möhkəm bir qoruma altında hərəkət edir.

Misirdə səfərdə olan İran xarici işlər naziri Əli Əkbər Salehi həmkarı Məhəmməd Kamil Amr ilə birgə mətbuat konfransı keçirib. “Azadinform” xəbər verir ki, Salehi Suriya böhranı və regional inkişafla bağlı qiymətləndirmələrdən danışıb.  Qərb mətbuatının Ərəb ölkələrindəki ''şiə qorxusunu qızışdırdığını və İranı İsrailin yerinə Ərəb düşməni olaraq göstərmək istədiyini'' irəli sürən Salehi  bildirib ki, əgər sünnilik Həzrət Peyğəmbərin (s) yolunu davam etdirməkdirsə, onda bütün İranlılar sünnidirlər, əgər şiəliyin mənası Əhli-Beyt sevgisidirsə, onda bütün sünnilərin şiə olduğunu bildirib.  

Türkiyənin Baş naziri Rəcəb Tayyib Ərdoğan İmralı ilə görüşmələrinə münasibət bildirərkən terror təşkilatı kadrlarının silah buraxaraq ölkəni tərk etmələrinin lazım olduğunu söyləyib. Baş nazir Rəcəb Tayyib Ərdoğan bu barədə açıqlamanı Niger prezidenti Məhəmməd Yusuf ilə birgə keçirdiyi mətbuat konfransında bildirib. R.T.Ərdoğan İmralı görüşmələrində hamını diqqətli olmağa çağırıb.  Ərdoğan separatçı terror təşkilatının təxribatlarının yeni olmadığını söyləyib: ''Bu cür sülhə istiqamətli cəhdlərə hər zaman separatçı terror təşkilatı tərəfindən mənfi səy göstərilib. Əməliyyatlar mövzusunda separatçı terror təşkilatıyla mübarizəmiz davam edəcək". 

MHP sədri Dövlət Baxçalı partiyasının qrup toplantısında etdiyi çıxışda "sülh" Tweet'in atan məşhur türküçü İbrahim Tatlısəsə reaksiya verib. "Azadinform" xəbər verir ki, D.Baxçalı İ.Tatlısəsin açıqlamasına "millətimizin yaxından tanıdığı Urfalı bir türkücümüz ictimai media üzərindən "sülh olsun" deyərək mesaj göndərib. Hesab edirəm bu adam sulh yolunun İmralıdan keçdiyini bilməyəcək qədər zehniyətsizdir" cavabını verib. 

Dövlət Baxçalının İbrahim Tatlısəsi tənqid etməsinə ikincinin cavabı çox sakit olub: "Dövlət bəy məni zehniyətsiz olaraq qiymətləndirə bilər. Onun fikirlərinə hörmət göstərirəm. Ancaq mən də öz fikrimi açıqlamaq da azadam. 

Pakistanın şimal-qərbindəki Sibbidə hərəkət edən qatar silahlı şəxslər tərəfindən gülləbaran edilib. Nəticədə 5 nəfər ölüb, 24 adam yaralanıb. Təhlükəsizlik qüvvələri bildirib ki, Peşaverə İran sərhədindəki Kettaya sərnişin daşıyan qatarın, Sibbidə şəxsiyyəti məlum olmayan insanlar tərəfindən hücuma uğrayıb. 

Rusiya Ukrayna üçün qaz qiymətlərini endirməyəcək. ANS PRESS-in "İnterfaks"a istinadən verdiyi məlumata görə, bunu Rusiya XİN-in iqtisadi əməkdaşlıq departamentinin direktoru Aleksandr Qorban bəyan edib. "Ukraynaya qazı Belarusla eyni qiymətə satmaqla bağlı tələbələrə gəldikdə, bu, mümkün deyil. Rusiya buna getməyəcək. Nəyə görə bunu etməlidir?", - Rusiya XİN-in rəsmisi bildirib.