|
|
Səhifələr : # « 37 38 39 40 41 42 43 44 45 » #
|
|
Bu il Əfqanıstanda NATO-nun 16 əsgəri öz əfqan həmkarları tərəfindən öldürülüb
|
|
Bu il Əfqanıstanda NATO qüvvələrində xidmət edən ən azı 16 əsgər öz əfqan həmkarları tərəfindən öldürülüb. Bazar ertəsi iki britaniyalı və bir amerikalı hərbçi iki müxtəlif insident nəticəsində güllələnib. “KƏLAMİNFO” “Lenta.ru”ya istinadən xəbər verir ki, NATO rəsmisi deyib ki, britaniyalılar cənubi Helmand əyalətində əfqan əsgər tərəfindən öldürülüb, amerikalının isə əfqan polis əməkdaşının vurduğu bildirilir.
NATO qoşunlarına əfqan hərbçilərinin hücumları fevral ayında Qurani-Kərimin yandırılmasından və amerikalı əsgərlərin 17 sıravi əfqan vətəndaşını öldürməsindən sonra çoxalıb.
|
27.03.12 Məqaləni oxumaq
|
| |
|
|
|
Türkiyə Suriyadakı səfirliyini bağladı
|
|
Türkiyə rəsmiləri Suriyada vəziyyətin getdikcə ağırlaşması səbəbindən bu ölkədəki səfirliyin bağlandığını bildirib. “KƏLAMİNFO” “Lenta.ru”ya istinadən xəbər verir ki, hələ keçən həftə Türkiyə Dəməşqdəki səfirliyini bağlayacağı və vətəndaşlarını geri çağıracağı barədə xəbərdarlıq etmişdi.
Son zamanlar Suriyadakı döyüşlər üzündən Türkiyəyə 17 minə qədər suriyalı keçib. Türkiyə Bəşər Əsəd hökumətini zorakılıqları dayandırmağa çağırmaqda davam edir. Türkiyə eləcə də Birləşmiş Ştatların Suriyadakı üsyançılara yardım təklifini müzakirə etmək üçün gələn həftə keçiriləcək yığıncaqda iştirak etməyə hazırlaşır.
|
|
27.03.12 Məqaləni oxumaq
|
| |
|
|
|
ABŞ-dan İraqa xəbərdarlıq
|
|
ABŞ İranın İraq üzərindən Suriyaya silah daşımasından narahatdır. “KƏLAMİNFO” BBC-yə istinadən xəbər verir ki, Dövlət Departamentinin mətbuat katibi Viktoriya Nuland bu səbəbdən İraqa xəbərdarlıq etdiklərini deyib. Nuland İranın silah ixrac etməsinin BMT qərarlarına zidd olduğunu bildirərək İraqa bunu yenidən xatırlatdıqlarını bildirib.
İraqın baş naziri Nuri Əl Maliki isə İraq üzərindən Suriyaya gedən bütün təyyarələrin humanitar yardım məqsədli olduğunu qeyd edib.
|
|
20.03.12 Məqaləni oxumaq
|
| |
|
|
|
Fransada üç məktəbli öldürülüb
|
|
Fransada yəhudi məktəbinin kənarında üç məktəbli öldürülüb. “KƏLAMİNFO” “Lenta.ru”ya istinadən xəbər verir ki, hadisə Tuluza şəhərində yerləşən məktəb ətrafında baş verib. Hücum zamanı iki uşaq və bir yeniyetmə həlak olub. Hadisəni motosikletlə olan və hadisə yerini tərk edən şəxsin törətdiyi ehtimal edilir.
Bu hadisədən əvvəl üç fransız əsgəri motosikletdə olan bir adam tərəfindən güllələnib. Hər iki hadisə eyni regionda baş verib. Hələ ki, hər iki hadisə arasında əlaqə olub-olmadığı aydın deyil.
|
|
19.03.12 Məqaləni oxumaq
|
| |
|
|
|
SWIFT İrana qarşı sanksiyalara qoşuldu
|
|
ABŞ elektron pul hesablamaları üzrə SWIFT (Beynəlxalq Banklararası Maliyyə Telekommunikasiya Birliyi) sisteminin qərarını alqışlayıb. “KƏLAMİNFO” BBC-yə istinadən xəbər verir ki, beynəlxalq banklararası ödəmə sistemi olan SWIFT İranın Avropa Birliyinin sanksiyaları ilə üzləşən maliyyə təşkilatlarına xidməti dayandırmaq qərarı verib. SWIFT-in baş direktoru Lasaro Kampos deyib ki, İran banklarına xidmətin dayandırılması fövqəladə bir addımdır və maliyyə sanksiyalarının gücləndirilməsi beynəlxalq və çoxtərəfli addımların birbaşa təsiridir.
Qərar martın 17-dən qüvvəyə minəcək.
|
|
16.03.12 Məqaləni oxumaq
|
| |
|
|
|
Fransada 3 əsgər öldürülüb
|
|
Fransada 3 əsgər öldürülüb. Polisin məlumatına görə, motosiklda olan naməlum adamlar Montoban şəhərində əsgərləri atəşə tutaraq hadisə yerindən uzaqlaşıblar. “KƏLAMİNFO” “Lenta.ru”ya istinadən xəbər verir ki, hadisə hərbi hissənin ətrafında baş verib. Əsgərlərdən ikisi yerindəcə, biri isə hospitalda keçinib.
Cinayətin motivi bəlli deyil, istintaq gedir.
|
|
16.03.12 Məqaləni oxumaq
|
| |
|
|
|
|
|
İran prezidenti millət vəkillərinin suallarına cavab verib
|
|
Mahmud Əhmədinejad İran İslam İnqilabından bu yana millət vəkillərinin suallarına cavab vermək üçün parlamentə çağırılan ilk ölkə prezidenti olub. “KƏLAMİNFO” BBC-yə istinadın xəbər verir ki, 15 dəqiqə ərzində millət vəkilləri prezidentə suallarını oxuyublar. Parlament üzvlərini iqtisadiyyatın idarə olunması və prezidentin dini rəhbərlə açıq mübahisəsi maraqlandırıb. Bir saat ərzində suallara cavab verən Mahmud Əhmədinejad siyasətinin və verdiyi qərarların qanun çərçivəsində olduğunu bildirib.
“Prezidentin parlamentə çağırılması mühafizəkar siyasi elita arasında parçalanmadan xəbər verir” - deyə BBC müxbiri Ceyms Reynoldsun təhlilində bildirilib.
|
|
15.03.12 Məqaləni oxumaq
|
| |
|
|
|
Serj Sarksiyan təkrarən partiya sədri olub
|
|
Ermənistanın hakim Respublika Partiyasının qurultayı Serj Sarksiyanı təkrarən partiyanın sədri vəzifəsinə təsdiq edib. «KƏLAMİNFO» «News.am»a istinadən xəbər verir ki, onun namizədliyi eks-spiker Ovik Abramyan tərəfindən irəli sürülüb və 1801 qurultay iştirakçısı tərəfindən təsdiqlənib. Partiyadaşlarına təşəkkür edən Sarkisyan bildirib ki, ölkə və xalqı üçün bütün enerjisi və məsuliyyəti ilə işləyəcək: «Bizim başqa məqsədimiz yoxdur».
|
|
14.03.12 Məqaləni oxumaq
|
| |
|
|
|
Yaponlar planetin ən uzunömürlü insanlarıdır
|
|
Yaponlar planetin ən uzunömürlü insanları kimi tanınıb. İqtisadi Əməkdaşlıq və İnkişaf Təşkilatının 2010-2011-ci il hesabatına görə, 1960-cı il məlumatına əsasən, təşkilata üzv ölkələr arasında orta yaşam dövrü 68-dən 79-a çatıb. “KƏLAMİNFO” “Lenta.ru”ya istinadən xəbər verir ki, hesabatda bildirilib ki, ən çox uzunömürlülük dövrü yaponlarda qeydə alınıb. Bu yaş onlarda 81,5, İsveçrədə isə bu rəqəm 81-dir. Üçüncü sırada isə İspaniyadır. 80 yaşı keçən ölkələr sırasında, həmçinin İtaliya, Avstraliya, Belçika, İrlandiya, Finlandiya, Fransa, Almaniya, Yunanıstan, İslandiya, İsrail, Koreya, Lüksemburq, Niderland, Yeni Zelandiya, Norveç, İsveç, Kanada və Böyük Britaniya da var.
Ən qısa yaşayış həddi isə CAR-da (64) qeydə alınıb. Sonrakı yeri Hindistan (68) və MDB ölkələri tutub. Türkiyədə uzunömürlülük göstərici 73 yaşdır.
|
|
13.03.12 Məqaləni oxumaq
|
| |
|
|
|
Səhifələr : # « 37 38 39 40 41 42 43 44 45 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
