Çizgi film dünyasının ən sevilən xarakterlərindən Mickey Mousenin başı dərddə. “Azadinform” xəbər verir ki, Səudiyyə Ərəbistanında Şeyx Məhəmməd Munajid sevimli siçanı şeytanın əsgəri olduğunu irəli sürərək ölüm fətvasını verib. 

Radikal çıxışları ilə tanınan din adamı deyib: 

Pakistanda həftə sonu başlayan və şimal seqmentlərdə davam edən şiddətli yağışlar səbəbi ilə 33 adam həyatını itirib. Ölkənin şimal-qərbi və Pəncab bölgələrində yağışlar və sel səbəbi ilə 33 adam ölüb, 40-dan çox adam isə yaralanıb.

Ən çox can itkisinin Xeybər-Paktunva əyalətində olduğu, bu ölümlərin ümumisinin torpaq damları çökməsi və selə basma səbəbi ilə reallaşdığı bildirilir.

“Müxalifət olaraq Bəşər Əsədin getməsi şərti ilə siyasi həll yolunun tərəfindəyik. Verəcəyimiz tək güzəşt Bəşər Əsədin vəzifəsini tərk etməsi qarşılığında toxunulmazlığıdır. Bu mövzuda Suriya xalqını razı etməyə çalışacağıq”. Bu barədə açıqlama ilə Suriya müxalifəti və İnqilabçı Güclər Milli Koalisiyasının (SMDK) sözçüsü Vəlid əl-Bunni çıxış edib.

“İsrailin Suriyanın paytaxtı Dəməşq ətrafındakı bir araşdırma mərkəzinə aviazərbəsi ciddi müzakirə olunmalıdır”. İRİB-in məlumatına görə, bunu İranın xarici işlər naziri Əli Əkbər Salehi bildirib. Onun sözlərinə görə, Suriyadakı silahlı qruplaşmalara dəstək verən ölkələr öz siyasətlərini yenidən nəzərdən keçirməli və İsrailin bu hücumuna lazımi qiyməti verməlidirlər: “Həmin dövlətlərin Suriya əleyhinə yürütdüyü siyasət yanlışdır. Onlar İsrailin regiona yönəlik siyasəti məsələsində ayıq-sayıq olmalıdırlar”. 

Çinin Hınan əyalətində bir yük maşınının partlaması nəticəsində yoldakı körpü çöküb. “Azadinform” xəbər verir ki, körpünün 80 metrlik hissəsi çöküb və 26 adam həyatını itirib. Partlayışa səbəb olan yük maşınının hava fişəngi partlayıcılarla yüklü olduğu qeyd edilir. Yerli səlahiyyətlilər partlayışla bağlı olaraq körpünün çökməsi nəticəsində maşınların körpüdən uçduğunu və ölü sayının arta biləcəyini bildiriblər. 

İranın məşhur din adamlarından Ayətullah Nasir Məkarim Şirazi Ankaranın bir zamanlar İslam yolunda olduğunu, ancaq 180 dərəcə dəyişərək İsrail və Amerika ilə birlikdə hərəkət etdiyini açıqlayıb. Şiələrin əhəmiyyətli dini mərkəzlərindən Qum şəhərindəki bir məsciddə çıxış edən Ayətullah Şirazi "Tehran-Ankara arasındakı əlaqələr məni maraqlandırmaz, lakin İran xalqı və ictimaiyyəti tərəfindən Türk dövlət adamlarını xəbərdar edirəm. Bütün İran milləti Türkiyənin etdiklərindən ötəri Ankaradan nifrət edir”-deyə  bildirib. 

 İctimai paylaşma saytı Twitterdə Türkiyənin 9-cu Prezidenti Süleyman Dəmirəlin vəfat etdiyinə dair iddialar yer alıb. Türk mediası xəbər verir ki, Süleyman Dəmirəlin xüsusi həkimi Aylin Cəsur isə bu kimi məlumatları təkzib edib. A.Cəsur qeyd edib ki, ictimai media Twitterdə Süleyman Dəmirəlin vəfat etdiyinə dair bəzi iddialar çıxıb: “Hörmətli Cumhurbaşkanımızın sağlamlığı yerində və özü normal həyatını davam etdirməkdədir.”

Türkiyə, Azərbaycan, Qığızstan və Qazaxstan dövlətləri ortaq ordu qurmaq qərarına gəlib. Türk dünyası artıq hərbi birlik meydana gətirir. Publika.Az türk mediasına istinadən xəbər verir ki, Avrasiya Hərbi Statuslu Daxili Qoşunları adını daşıyan təşkilat ilk toplantısını Azərbaycanda keçirib. Təşkilatın təməlləri Türkiyədə atılmışdı. 2011-ci ildə Ankarada qəbul edilmiş qərarla Avrasiya Hərbi qüvvələrinin yaradılması gündəliyə gətirilib.

Suriya prezidenti Bəşər Əsəd Şamdakı bir məsciddə camaatla birlikdə namaz qılıb. Məscidə özü istifadə etdiyi lüks avtomobillə gələn Bəşər Əsəd sükan arxasında “bu ölkənin sükanında mən varam” mesajını verib. Suriya dövlət televiziyasında canlı yayımlanan görüntülərdə B.Əsəd Baş müfti Əhməd Hassun və din işləri naziri Məhəmməd Abdülsettarla birlikdə oturub.

Prezident Mahmud Əhmədinejad müxtəlif layihələrin açılış mərasimində iştirak etmək üçün səfərdə olduğu Həmədan əyalətində çıxışı zamanı İrana yönələn sanksiyalara münasibət bildirib. M.Əhmədinejad Avropa Birliyinin İrana qarşı neft embarqosunu tənqid edib. “Neft almırsınız almayın, cəhənnəmə qədər yolunuz var, yaxşı ki, almırsınız. İllərlə nailiyyətlər yaradan xalqımız, bunu neftləmi etdi?” - deyə Əhmədinejat sual edib.