|
|
Obama «İrəli» şüarı ilə seçkilərə gedir
|
|
ABŞ prezidenti Barak Obamanın seçki qərargahı yeni şüarla çıxış edib. «KƏLAMİNFO» «Lenta.ru»ya istinadən xəbər verir ki, «İrəli» şüarı ilə seçkiləri udmağı planlaşdıran Obamanın seçki qərargahı 7 dəqiqəlik videorolik də hazırlayıb. Bu təbliğat filmi Obamanın Ohayo və Virciniyada keçirəcəyi təbliğat mitinqlərində nümayiş etdiriləcək.
|
02.05.12 Məqaləni oxumaq
|
| |
|
|
|
Ermənistanda 5 yaşına qədər olan uşaqların 19 faizi inkişafdan geri qalıb
|
|
Ermənistanda 5 yaşına qədər olan uşaqların 19 faizi ya inkişafdan geri qalıb, ya da ki bu yaş üçün boyları xeyli balacadır. Bu, tam qidalanmamağın nəticəsidir. «KƏLAMİNFO» «Aykakan jamanak» qəzetinə istinadən xəbər verir ki, bu məlumat ABŞ-ın Beynəlxalq İnkişaf Agentliyi, Ermənistan Milli Statistika Xidməti və Səhiyyə Nazirliyinin hesabatında əks olunub.
O da bəlli olub ki, 2010-cu il məlumatına görə, Ermənistanda qadınlar orta hesabla 1,7 uşağa malikdirlər.
|
|
01.05.12 Məqaləni oxumaq
|
| |
|
|
|
Obamaya böyük dəstək
|
|
ABŞ prezidenti Barak Obama Bill Klintonla birlikdə kürsüyə çıxıb. “KƏLAMİNFO” “Lenta.ru”ya istinadən xəbər verir ki, ABŞ-da bu ilin noyabrında keçiriləcək prezident seçkiləri kampaniyasını davam etdirən Obama Vircinya ştatındakı bir ianə toplama tədbirinə keçmiş prezident Klintonla birlikdə gedib. Klinton çıxışında Obamanın yenidən prezident seçilməyə layiq olduğunu bildirib: “Çünki onun ölkə üçün konkret hədəfləri var və bu hədəfləri yerinə yetirir”.
Bu, Obama ilə Hillari Klinton arasında 2008-ci ildə yaşanan rəqabətin dostluğa və müttəfiqliyə çevrildiyinin nümayişi kimi dəyərləndirilib.
|
|
01.05.12 Məqaləni oxumaq
|
| |
|
|
|
Sarkozi məğlub olacağı təqdirdə siyasətdən gedəcək
|
|
Fransada prezidentliyə namizədlər arasında teledebat keçirilib. İkinci tura keçən sosialist Fransua Olland və Nikola Sarkozi seçkinin birinci turunda üçüncü olmuş Marin Le Penin dəstəyinə ehtiyacın olduğunu bildiriblər. “KƏLAMİNFO” “Lenta.ru”ya istinadən xəbər verir ki, Fransua Olland seçkidə digər namizəd Jan-Lyuk Melanşona səs verənlərin dəstəyinə də ümid etdiyini bildirib.
Sarkozi məğlub olacağı təqdirdə siyasətdən gedəcəyini də bəyan edib. Ən son rəy sorğularına görə, ikinci turda Fransua Olland Nikola Sarkozidən 10 faiz daha çox səs toplayacaq. İki namizəd arasında növbəti teledebat mayın 2-də keçiriləcək.
|
|
29.04.12 Məqaləni oxumaq
|
| |
|
|
|
Pakistanın baş naziri istefa verməyəcəyini deyib
|
|
Pakistanın baş naziri Yusif Rza Gilani bildirib ki, istefa verməyəcək. “KƏLAMİNFO” TRT-yə istinadən xəbər verir ki, Gilani bunu bu gün parlamentin aşağı palatasının üzvləri qarşısındakı çıxışında bildirib. Baş nazir deyib ki, “məni ancaq parlament tutduğum vəzifədən azad edə bilər”.
Aprelin 26-da Pakistan Ali Məhkəməsi Gilanini məhkəməyə hörmətsizlikdə ittiham edib.
|
|
28.04.12 Məqaləni oxumaq
|
| |
|
|
|
Ermənistanın xarici işlər naziri İrana rəsmi səfər edəcək
|
|
Aprelin 29-30-da Ermənistanın xarici işlər naziri Edvard Nalbandyan İrana rəsmi səfər edəcək. «KƏLAMİNFO» «NEWS.am»a istinadən xəbər verir ki, bunu Ermənistanın Xarici İşlər Nazirliyinin mətbuat xidməti yayıb. Məlumatda göstərilib ki, nazir səfər zamanı İranın yüksək rütbəli rəsmiləri ilə görüşlər keçirəcək.
|
|
28.04.12 Məqaləni oxumaq
|
| |
|
|
|
Medvedyev özünü təriflədi
|
|
Rusiya prezidenti Dmitri Medvedyev bəyan edib ki, onun dövlət başçısı olduğu dövrdə Rusiya vətəndaş azadlıqlarının inkişaf planında xeyli irəliləyib. “KƏLAMİNFO” xəbər verir ki, beş telekanala müsahibəsində prezident «kiməsə bu proses kövrək, kiməsə həddini aşmış kimi görünə bilər» deyib. “Lakin mənim qənaətimcə, biz irəliyə doğru getmişik və çox ciddi şəkildə” - deyə o əlavə edib. Medvedyev təklif edib ki, müxtəlif meydanlara çıxan insanların mövqeyi ilə maraqlanılsın.
|
|
27.04.12 Məqaləni oxumaq
|
| |
|
|
|
İran 10 əsas ərzaq məhsulunun ehtiyat fondunu yaradır
|
|
İran hökuməti 10 əsas ərzaq məhsulunun toplanması üçün göstəriş verib. Dövlət qurumlarına və özəl sektora başda ət, süd və düyü olmaqla 10 əsas ərzaq məhsulunun ehtiyat fondunun yaradılması tapşırılıb. “KƏLAMİNFO” “Lenta.ru”ya istinadən xəbər verir ki, buna İranın embaqrolar səbəbilə qarşılaşdığı çətinliklərin səbəb olduğu bildirilir. İranın xüsusilə bəzi Avropa ölkələrinə neft satışını dayandırmasından sonra nağd pul ödəmə çətinliyi çəkdiyi bildirilir. Başqa bir səbəb isə nüvə müzakirələrində istənilən nəticə əldə edilməyəcəyi təqdirdə ölkəyə tətbiq ediləcək ərzaq embarqosudur.
|
|
26.04.12 Məqaləni oxumaq
|
| |
|
|
|
Suriyada müşahidəçilər getdi, qətliam yenidən başladı
|
|
Suriyada BMT müşahidəçilərinin tərk etdiyi yerlərdə yenidən əməliyyatlar başlayıb. “KƏLAMİNFO” TRT-yə istinadən xəbər verir ki, Suriya İnqilab Şurasının üzvü Ebu Ubeydə “Anadolu” Agentliyinə verdiyi açıqlamada Kofi Annanın atəşkəs planının monitorinqini aparmaq üçün gələn müşahidəçilərin tankların kölgəsində araşdırmalar apardığı, müşahidəçilərin bir çox hadisəyə şahidlik etdiyini və rejimin bundan narahat olduğunu bildirib. Ubeydə müşahidəçilərin şəhərdə böyük bir aksiya ilə qarşılandığını deyib: "Müşahidəçilər ağır silahların çəkilmədiyini öz gözləriylə gördülər. Onların ətrafına kimsə toplanmasın deyə təhlükəsizlik qüvvələri aksiyaya müdaxilə etdi. Müdaxilə nəticəsində çox sayda nümayişçi yaralandı".
|
|
26.04.12 Məqaləni oxumaq
|
| |
|
|
|
BMT müşahidəçilərin sayını artırmaq istəyir
|
|
BMT-nin və Ərəb Dövlətləri Liqasının xüsusi nümayəndəsi Kofi Annan Suriyada zorakılıqların qarşısının alınması üçün müşahidəçilərin sayının artırılmasına çağırıb. “KƏLAMİNFO” RİA “Novosti”yə istinadən xəbər verir ki, iki həftə əvvəl Suriyaya BMT-nin 11 müşahidəçisinin gəlməsinə baxmayaraq, ölkədə qanlı qarşıdurmalar davam edir. BMT Suriyaya göndərəcəyi müşahidəçilərin sayını 300-ə çatdırmaq istəyir.
|
|
26.04.12 Məqaləni oxumaq
|
| |
|
|
|
Açılış Səhifəsi et 
