|
|
Səhifələr : # « 28 29 30 31 32 33 34 35 36 » #
|
|
Ermənistan hökuməti istefaya gedir
|
|
Ermənistan hökumətinin bu gün keçirilən iclasında baş nazir Tiqran Sarkisyan bildirib ki, prezidentə kabinetin istefası barədə müraciət edəcək. “KƏLAMİNFO” “Reqnum”a istinadən xəbər verir ki, baş nazir deyib ki, “yeni çağırış parlamentin ilk iclasının başlanması ilə əlaqədar mən prezidentə hökumətin istefası barədə müraciət etmişəm”. Onun sözlərinə görə, hökumət yeni kabinet formalaşana kimi fəaliyyətini davam etdirməlidir.
|
01.06.12 Məqaləni oxumaq
|
| |
|
|
|
Klinton 7 ölkəyə 9 günlük səfərə çıxıb
|
|
ABŞ dövlət katibi Hillari Klinton 7 ölkəyə 9 günlük səfərə çıxıb. “KƏLAMİNFO” BBC-yə istinadən xəbər verir ki, onun ilk dayanacağı Kopenhagen olacaq. Klinton Danimarka rəsmiləri ilə yaşıl texnologiyanın inkişafı məsələsini müzakirə edəcək. O, iyun ayının 1-i Norveçdə, 3-ü isə İsveçdə olacaq. Daha sonra dövlət katibi Qafqaz respublikalarında demokratiya, iqtisadi inkişaf və regional təhlükəsizlik məsələlərini müzakirə edəcək.
|
|
31.05.12 Məqaləni oxumaq
|
| |
|
|
|
Peyğəmbərin ünvanına qeyri-etik ifadələr işlədən erməni jurnalistə hücum olub
|
Moskvada “Exo Moskvı” və “Mayak” radiostansiyalarının avtomobil şərhçisi Sergey Aslanyana hücum olub. Jurnalist 20 bıçaq zərbəsi və beyin silkələnməsi alıb.
“KƏLAMİNFO” “Life News”a istinadən xəbər verir ki, jurnalist bu günlərdə Məhəmməd peyğəmbərin ünvanına qeyri-etik ifadələr işlədib. Bu da müsəlmanların qəzəbinə səbəb olub. Onlar Rusiya baş prokuroruna ünvanladıqları müraciətdə təhqir olunduqlarını bildiriblər.
|
|
30.05.12 Məqaləni oxumaq
|
| |
|
|
|
Saakaşvili: “Gürcüstan bir daha kiminsə çəkmələrini yalamayacaq”
|
|
Gürcüstan prezidenti Mixail Saakaşvili parlamentdə Müstəqillik gününə həsr olunmuş tədbirdə bildirib ki, ölkəsi bir də heç vaxt kiminsə müstəmləkəsi olmayacaq: “Beşinci kolon Gürcüstanı kiminsə çəkmələrini yalamağa qaytara bilməyəcək”. Onun sözlərinə görə, Gürcüstan özünü regionun maliyyə, təhsil, texnologiya mərkəzinə çevrilməsi istiqamətində irəliləyəcək. “KƏLAMİNFO” “Qazeta ru”ya istinadən xəbər verir ki, o bildirib ki, gürcülərin guya müharibəyə başladıqları və buna görə də cəzalanmaları olduğunu iddia edənlər heç bir vaxt onu incidilmiş, atılmış vəziyyətə qaytara bilməzlər: “Onlar hesab edirlər ki, Gürcüstanın yeganə yolu məhz çəkmələrin yalanmasındadır – bu, heç vaxt baş verməyəcək”.
|
|
29.05.12 Məqaləni oxumaq
|
| |
|
|
|
Türkiyə polisi təqaüdə çıxmış 6 hərbçini saxlayıb
|
|
Bu gün Türkiyə polisi təqaüdə çıxmış 6 hərbçini 1990-cı illərdə islamçı baş nazir Nəcməttin Ərbakanın istefasında rol oynadıqlarına görə saxlayıb. Bu altı nəfər Ərbakanın Türkiyədə İslamın nüfuzunu artırmaq üçün etmək istədiyi cəhdlərə görə istefası üçün təzyiq etməkdə təqsirləndirilirlər. “KƏLAMİNFO” BBC-yə istinadən xəbər verir ki, saxlananlar arasında Türkiyənin keçmiş milli təhlükəsizlik şurasının baş katibi İlhan Kılıç da var.
|
|
29.05.12 Məqaləni oxumaq
|
| |
|
|
|
Kofi Annan Əsədlə görüşəcək
|
BMT-nin Suriya üzrə xüsusi nümayəndəsi Kofi Annan bu gün prezident Bəşər Əsədlə görüşməyi planlaşdırır. Görüşdə məqsəd Annanın sülh planını qorumağa yenidən cəhddir. “KƏLAMİNFO” BBC-yə istinadən xəbər verir ki, Dəməşqdə danışıqlar aparılan zaman Hula şəhərində, xüsusilə də uşaqlar və qadınlar daxil olmaqla ən azı 108 nəfər öldürülüb.
Annan mayın 28-də Suriyaya gedib və baş vermiş qırğını dərin nəticələri olan dəhşətli an adlandırıb. O bildirib ki, bu qırğının səbəbkarları məsuliyyətə cəlb olunmalıdırlar. Bununla yanaşı, Annan “əli silahlı” hər kəsi 15 aydır davam edən zorakılığa son verilməsi üçün onun 6 maddədən ibarət sülh planına əməl etməyə çağırıb.
|
|
29.05.12 Məqaləni oxumaq
|
| |
|
|
|
Türkmənistanın neft-qaz naziri işdən qovulub
|
Türkmənistan prezidenti Qurbanqulu Berdımuhammedov neft və qaz nazirini işində yol verdiyi ciddi nöqsanlara görə işdən azad edib. “KƏLAMİNFO” “Lenta.ru”ya istinadən xəbər verir ki, rəsmi məlumata görə, nazir Bayramgəldi Nadirov mayın 25-də işdən çıxarıb - Türkmənistanın Pakistan və Hindistanla imzaladığı yeni neft kəməri sazişinin imzalanmasından cəmi 2 gün sonra.
Nadirov 2008-ci ildən bu vəzifəni tuturdu. “Türkmənqaz” dövlət şirkətinin sədr müavini Kakageldi Abdullayev neft və qaz naziri vəzifəsinə müvəqqəti icraçısı təyin edilib.
|
|
29.05.12 Məqaləni oxumaq
|
| |
|
|
|
“Altılıq” ölkələrindən İrana yeni təklif
|
|
İran və “altılıq” ölkələri arasında Bağdadda baş tutan danışıqlar başa çatıb. “KƏLAMİNFO” “BBC”yə istinadən xəbər verir ki, İranın xarici işlər naziri Əli Əkbər Salehi Qərbin İrana qarşı istənilən təzyiqinin faydasız olacağını söyləyib. Ancaq o, Tehranda keçirilən mətbuat konfransında danışıqlarda optimist olmaq üçün səbəblərin olduğunu deyib. BMT Təhlükəsizlik Şurasının 5 daimi üzvü ABŞ, Böyük Britaniya, Fransa, Rusiya, Çin və Almaniya ilə İran arasında Tehranın nüvə proqramı ilə bağlı keçirilən danışıqların əvvəlində Avropa Birliyi xarici işlər naziri Ketrin Eşton İran qarşısında yeni təklif irəli sürdüklərini bildirib. Təklifdə ilk addım kimi İranın nüvə zənginləşdirməsini 20% azaltmaq yer alıb. Əvəzində isə “altılıq” ölkələri İrana tibbi izotoplar və nüvə təhlükəsizliyi barədə əməkdaşlıq təklif edib. İran rəsmiləri təkliklər paketinin balanslı olmadığını bildirib.
|
|
26.05.12 Məqaləni oxumaq
|
| |
|
|
|
Suriyada 10 yaşlı uşaqlara da işgəncə verilib
|
|
BMT-nin İnsan Haqları Şurası Suriyadakı vəziyyətlə bağlı hesabat hazırlayıb. “KƏLAMİNFO” BBC-yə istinadən xəbər verir ki, hesabat 2011-ci ilin martından 2012-ci ilin mayına qədər olan dövrü əhatə edir. Hesabatda bildirilir ki, Suriyanın hökumət qoşunları İdlib, Homs, Hələb, Hama, Dəməşq və Deraada dinc insanları öldürülüb. “Suriya ordusu və təhlükəsizlik qüvvələri ailə üzvlərindən Azad Suriya Ordusunda olmaları, ya da onlara rəğbətlərinin olub-olmamasını öyrənmək üçün hətta 10 yaşlı uşaqlara belə işgəncə veriblər”.
Hesabatda bildirilir ki, ordu dinc əhalinin yaşadığı bölgələrdə ağır texnika da daxil olmaqla çoxlu sayda silahlardan istifadə edib. Ordunun əməliyyatlar keçirdiyi həmin ərazilərdə ərzaq, su çatışmır, tibbi yardım yox səviyyəsindədir. 2011-ci ilin martından bu yana Suriyada baş verən qarşıdurmalarda 12 mindən artıq adamın həlak olduğu bildirilir.
|
|
25.05.12 Məqaləni oxumaq
|
| |
|
|
|
|
|
Səhifələr : # « 28 29 30 31 32 33 34 35 36 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
