"Azərbaycan Respublikasında seçkilərin keçirilməsi, Azərbaycan xalqının öz ölkələsinin idarəçiliyindəki oynadığı rolun göstəricisidir". İran İslam Respublikası Xarici İşlər Nazirliyinin sözçüsü Ramin Mehmanpərəst bü gün keçirdiyi mətbuat konfransında bildirib. ANS PRESS-in İranın ölkəmizdəki səfirliyinin rəsmi saytına istinadən verdiyi məlumata görə, brifinqdə İran – Azərbaycan münasibətlərinə, eləcə də bu ölkədəki son cərəyanlara toxunularaq qeyd edilib ki, İran İslam Respublikası və Azərbaycan Respublikasının müxtəlif səviyyələrdə bir çox ortaqlıqları və yaxşı münasibətləri mövcuddur və bu əlaqələrin istiqamətlərini dəyərləndirmək üçün, münasibətlər bütün sahələrdə genişləndirilməlidir.

"Real" (Madrid)in dünya ulduzu kriştiano Ronaldoya müsəlmanların müqəddəs kitabı olan "Qurani Kərim" hədiyyə edilib. Futbolçu bir ərəb markasının reklam çarxında çəkilib. Bu özəl hədiyyəni də ona eyni şirkət təqdim edib. Kitab xüsusi qutunun içərisindədir və qızıl işləmələrlə hazırlanıb. Ronaldo hədiyyəyə heyran qalıb. O. "Bunu evimin ən gözəl yerində saxlayacam" deyib. 

İran öz axtarış sistemi, yəni “İslami Google Earth” layihəsi üzərində işləyir. APA-nın “Mehr” xəbər agentliyinə istinadən məlumatına görə, bunu İranın rabitə və informasiya texnologiyaları naziri Məhəmməd Həsən Nami bildirib. Onun sözlərinə görə, layihənin 4 ay müddətində tamamlanması gözlənilir: “İran öz axtarış sisteminin dünya səviyyəsində istifadə olunmasına imkan verəcək. 

Ekvatorda yerli qəbiləyə təşkil edilən hücumda 18 adam ölüb. “Azadinform” xəbər verir ki, Amazonda yaşayan Vaorani qəbiləsinin başqa bir qəbilə tərəfindən gecə hücuma məruz qalıb.

Ekvatorun ən əhəmiyyətli neft bölgəsi olaraq bilinən Yasuni Milli Parkı ətrafındakı 13 qəbilədən Vaoraninin 2 min 300 üzvə sahib olduğu bilinir. Dünən də eyni qəbilədən 2 qız uşağının, şəxsiyyəti naməlum təcavüzkarlar tərəfindən qaçırıldığı qeyd olunur.

Rusiyanın Surqut şəhərində  polis müsəlmanların "Halal" çayxanasına hücum edib. Teleqraf.com Lenta.ru-ya istinadən xəbər verir ki,  məscid yaxınlığında yerləşən çayxanaya maskalı şəxslər silahla daxil olub.  Həmin vaxt çayxanada Tacikistan, Özbəkistan, Qazaxıstan və Azərbaycandan olan müsəlmanlar nahar edirmiş.  Həbs edilən müsəlmanların bəzisinin saqqalı polis bölməsində qırxılıb.  

Bu gün səhər “Məscidi-Aksa”nın həyətində Quran oxumaq üçün bir araya gələn qız tələbələrə bir İsrail əsgəri müdaxilə edib. Müdaxilə əsnasında qız şagirdin əlindəki Quran kitabı yerə düşüb və İsrail əsgərinin Quranı ayaqları ilə tapdalayıb.  

İsrailin Fələstin xalqına tətbiq etdiyi təzyiqlər qarşısında təcili tədbir alınması çağırışında olan Ərəb Birliyi Baş katib müavini Məhəmməd Sabih “Məscidi Aksa”da yaşananların Ərəb və İslam dünyasına bir mesaj olduğunu ifadə edib. 

İranda müxalifət lideri Mir Hüseyn Musəvi 2 qızı, Nərgiz və Zəhra həbs olunub. İslam.az-ın BBC Russian-a istinadən verdiyi xəbərə görə, Nərgiz və Zəhra Tehrandakı evlərində axtarış keçirildiyindən sonra həbs olunub. Qeyd edək ki, 3 ay bundan qabaq ölkənin keçmiş prezidenti və müxalifət liderlərindən biri olan Əli Əkbər Haşəmi Rəfsəncaninin də qızı həbs olunmuşdu.

Baş nazir Rəcəb Tayyib Ərdoğanın "Kipr deyə bir dövlət yoxdur" şərhinə Yunanıstandan reaksiya gəlib. Yunan hökumətinin spiker vəkili Hristos Hristofidis Türkiyənin bu açıqlama ilə bütün beynəlxalq cəmiyyətlə zidd düşdüyünü söyləyib.  Hristofidis bildirib ki, Kipr Respublikası BMT-nin üzvü və ötən altı ay boyunca dövr başçılığını icra etdiyi Avropa Birliyinin tam üzvü olan bir ölkədir.