|
Səhifələr : # « 21 22 23 24 25 26 27 28 29 » #
Moskva Əsədin getməsi tələblərinin zorakılığı artırdığını iddia edir
|
Moskva iddia edir ki, Bəşər Əsədin hakimiyyətdən çəkilməsi tələbləri bu ölkədə qarşıdurmanın səngiməsinə imkan vermir. “KƏLAMİNFO” BBC-yə istinadən xəbər verir ki, xarici işlər naziri Sergey Lavrov Moskvada BMT Baş Assambleyasının prezidenti Vuk Yeremiclə birgə mətbuat konfransında Qərbin Əsəddən hakimiyyətdən getmək tələblərini tənqid edib: “Biz Suriyada zorakılığa dərhal son qoya biləcək təkliflər veririk. O biri tərəf isə deyir ki, yox, ya rejim təslim olmalıdır, ya da biz pul və başqa vasitələrlə silahlı müxalifəti dəstəkləməkdə davam edəcəyik. Onlar terrora haqq qazandırırlar. Ən əsas məsələ budur. Və belə dəstək davam edərkən hansı humanitar əməllərdən danışmaq olar?”
|
27.07.12 Məqaləni oxumaq
|
|
|
Suriya hökumət qüvvələri müxalifə qarşı hücum hazırlayır
|
Suriya hökumət qüvvələri Hələb şəhərindəki müxalif döyüşçülərin hədəflərinə şiddətli hücum hazırlayır. “KƏLAMİNFO” BBC-yə istinadən xəbər verir ki, baş qərargahı Britaniyada yerləşən Suriya İnsan Haqları Müşahidə Təşkilatının məlumatında deyilir ki, Hələb şəhərində artilleriya hücumları zamanı bir qız ölüb, 7 nəfər yaralanıb. Məlumatda eləcə də, Həma və Deir Əs-zur şəhərlərində ölümlə nəticələnən toqquşmaların baş verdiyi, İdlib şəhərində isə hərbi maşının partladıldığı deyilir. Fəallar hökumət qüvvələrinin Hələb şəhərindəki hərbi əməliyyatlarda vertolyot və tanklardan istifadə etdiyini bildirirlər.
|
27.07.12 Məqaləni oxumaq
|
|
|
Rusiyalı casuslar övladlarını agent etmək istəyib?
|
İki il əvvəl ABŞ-da aşkar edilmiş rus casusları öz uşaqlarını agent kimi “işə” cəlb etməyi planlaşdırıb və onların ən azı biri valideynlərinin təklifinə razılıq verib. “KƏLAMİNFO” xəbər verir ki, bu haqda məlumatı ABŞ-ın keçmiş rəsmi nümayəndələrinə əsasən Wall Street Journal qəzeti verib. Qəzetin yazdığına görə, Amerikada anadan olmuş, ya da boya-başa çatmış uşaqlar onlara etibarın daha yüksək olmasına görə öz valideynlərindən daha effektiv fəaliyyət göstərə bilər. Vaşinqtondakı Rusiya səfirliyinin nümayəndəsi Wall Street Journal qəzetində məlumatları şərh etməkdən imtina edib.
|
27.07.12 Məqaləni oxumaq
|
|
|
Suriya deputatı Türkiyəyə qaçıb
|
Suriyanın Hələb əyalətindən seçilmiş deputatı İxlas əl-Bədəvi Türkiyəyə qaçdığı barəsində məlumat yayıb. “KƏLAMİNFO” xəbər verir ki, o, “Sky News Arabia” televiziyasına bildirib ki, Bəşər Əsəd rejiminin “minimum hüquqlarını tələb edən xalqına qarşı repressiyaları və amansız işgəncələrinə görə” ölkədən qaçmaq qərarına gəlib. Əl-Bədəvinin may ayında seçilmiş Məclisin ilk üzvü olduğu bildirilir. Deputatın bu açıqlaması Suriya qoşunlarının Əsəd rejiminə qarşı müqavimət göstərənlərin qarşısını almaq üçün ölkənin ən böyük şəhəri və ticarət paytaxtı Hələbin ətrafına toplaşdığı ərəfəyə təsadüf edir.
|
27.07.12 Məqaləni oxumaq
|
|
|
Hillari Klinton diaspor üzvlərini vətənlərinə kömək etməyə cağırıb
|
ABŞ dövlət katibi Hillari Klinton deyib ki, o, Birləşmiş Ştatlarda diaspor icmalarının nümayəndələrinin ya özləri fərdi qaydada, ya da Amerika hökuməti ilə tərəfdaşlıq əsasında vətənlərində problemlərin həllinə kömək edə biləcəyinə inanır. “KƏLAMİNFO” “Qolos Amerika”ya istinadən xəbər verir ki, Klinton Vaşinqtonda ikinci ildir keçirilən Qlobal Diaspor Forumunun açılışında nitq söyləyib. İki gün sürəcək tədbirə ABŞ-da diaspor icmalarının 500-dən çox nümayəndəsi və Birləşmiş Ştatların yüksək səviyyəli rəsmiləri qatılıb.
Bu il “Vətənə kömək edərək irəliyə getmək” şüarı altında keçirilən forumda diaspor icmalarının üzvləri ilə ABŞ hökuməti arasında tərəfdaşlıq məsələləri diqqət mərkəzində olacaq.
|
27.07.12 Məqaləni oxumaq
|
|
|
İran və İsrail bir-birini ittiham edir
|
Bolqarıstanda İsraildən olan turistləri daşıyan avtobusun partlamasında İranın günahlandırılmasına İran cavab verib: “İsrailin bu iddiası əsassızdır”. İyulun 25-də BMT Təhlükəsizlik Şurasında Orta Şərq üzrə debatda İranın BMT-dəki səfiri Məhəmməd Xazai beş İsrail turistinin və bir bolqar avtobus sürücüsünün ölümünə səbəb olan hücumda İsraili ittiham edib. İsrailin BMT-dəki səfirinin müavini Haim Vaysman bu ittihamı “qorxunc” adlandırıb və əlavə edib ki, “amma bu, təəccüblü deyil, çünki eyni hökumət 2001-ci ilin 11 sentyabr hadisələrini də konspiroloji hücum adlandırıb və Holokostu təkzib edib”. Vaysman iddia edib ki, Bolqarıstanda, ümumiyyətlə, son aylarda dünyada baş verən bir neçə terror olayında İranın barmağı var.
|
26.07.12 Məqaləni oxumaq
|
|
|
BMT baş katibi Serbiya ilə Kosovonu həqiqi dialoqa çağırıb
|
BMT-nin baş katibi Pan Ki Mun Kosovodadır. Bu onun Kosovoya ilk səfəridir. “KƏLAMİNFO” RİA “Novosti”yə istinadən xəbər verir ki, Mun Priştinada münasibətləri normallaşdırmaq üçün Serbiya ilə Kosovonu həqiqi dialoqa çağırıb.
Kosovonun şimalında yaşayan etnik serblər Kosovo hökumətini tanımır və bir neçə dəfə sərhəd məntəqələrini blokadaya alıblar. ABŞ-da daxil olmaqla artıq bir çox Qərb ölkəsi Kosovonun müstəqilliyini tanıyıb. Serbiyanın yaxın müttəfiqi olan Rusiya isə Kosovonu tanımır.
|
25.07.12 Məqaləni oxumaq
|
|
|
Hillari Klinton: ABŞ yeni nəslin QİÇS-dən azad olmasını istəyir
|
Vaşinqtonda QİÇS-ə dair beynəlxalq konfransda çıxış edən ABŞ dövlət katibi Hillari Klinton deyib ki, Amerika xəstəlikdən azad yeni nəslin yetişdirilməsi işinə sadiqdir.
“KƏLAMİNFO” “Lenta.ru”ya istinadən xəbər verir ki, dövlət katibi Klinton deyib ki, ABŞ dünyada QİÇS-lə mübarizədə qələbəyə kömək edəcək davamlı səhiyyə sistemlərinin yaradılması üzərində işləyir. O qeyd edib ki, bu məqsədlə ABŞ Afrikada və dünyanın hər yerində xəstəliyin anadan uşağa keçməsinin qarşısını almaq üçün klinikaların yaradılması işinə hazırdır. Kinton Afrikada oğlanların sünnət olunması proqramlarına yüksək qiymət verərək, bunun QİÇS və onun virusu olan HİV-in yayılmasının qarşısını almağa kömək etdiyini bildirib. Konfransda çıxış edən Britaniyadan olan rok ulduz Elton Con QİÇS-in yayılmasının qarşısının alınmasına mane olan stereotiplər əleyhinə danışıb.
|
25.07.12 Məqaləni oxumaq
|
|
|
İranda prezident seçkilərinə hazırlıq başlayıb
|
İranın Daxili İşlər Nazirliyinin seçkilər üzrə idarəsi 2013-cü ildə XI çağırış prezident seçkiləri və IV çağırış Şəhər və Kənd İslami şuraları seçkilərinin keçirilməsi üçün plan hazırlayıb. “KƏLAMİNFO” BBC-yə istinadən xəbər verir ki, bunu İran DİN-in seçkilərin keçirilməsi üzrə idarəsinin rəhbəri Həsənəli Nuri söyləyib. Nuri bildirib ki, bu idarənin işi keçiriləcək seçkilər üçün proqram və planı hazırlamaqdır. Hazırda keçiriləcək seçkilərin tarixinin dəqiqləşməsi istiqamətində işlər gedir, seçkinin keçiriləcəyi gün dəqiqləşdikdən sonra əyalətlər üzrə seçki qərargahlarının təşkilinə başlanacaq.
Qeyd edək ki, İranda prezident seçkiləri 2009-cu il iyunun 12-də keçirilib. 2005-ci ildə ilk dəfə prezident seçilən hazırkı prezident Mahmud Əhmədinejad 2009-cu ildə keçirilmiş mübahisəli prezident seçkisində yenidən qalib elan edilib. Onun rəqibləri olan Yaşıllar Hərəkatının rəhbəri Mir Hüseyn Musəvi və Mehdi Kərrubi seçkinin saxtalaşdırıldığını iddia edərək əhalini kütləvi etiraz aksiyaları keçirməyə çağırıb və həmin aksiyalar zamanı müxalifət liderləri ilə yanaşı Yaşıl Hərəkatın onlarla üzvü həbs edilib.
|
25.07.12 Məqaləni oxumaq
|
|
|
ABŞ-ın ilk astronavt qadını vəfat edib
|
ABŞ-ın ilk astronavt qadını Salli Rayd 61 yaşında vəfat edib. “KƏLAMİNFO” BBC-yə istinadən xəbər verir ki, o, il yarımdan çox idi ki, xərçənglə mübarizə aparırdı. Salli Rayd kosmosa ilk uşuçunu 32 yaşında - 1983-cü il iyunun 18-də həyata keçirmişdi.
|
24.07.12 Məqaləni oxumaq
|
|
|
|
Səhifələr : # « 21 22 23 24 25 26 27 28 29 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|