Kelam Jurnalı - Dünyada

PKK terrorçuları Türkiyənin Şırnak vilayətinin Beytüşşəbah rayonunda hərbi şəhərciyə və polis postlarına basqın ediblər. Hücum zamanı qumbaraatanlardan və avtomat silahlardan istifadə edilib. вЂњKƏLAMİNFOвЂќ Türkiyə mətbuatına istinadən xəbər verir ki, terrorçularla baş verən atışmada 9 əsgər və polis şəhid olub, 20-dən çox PKK yaraqlısı məhv edilib.

03.09.12

Məqaləni oxumaq

Abdulla Gül təbriki xəstəxanadan etdi

Türkiyə prezidenti Abdulla Gül xəstəxana palatasından xalqın Zəfər Bayramını təbrik edib. вЂњKƏLAMİNFOвЂќ TRT-yə istinadən xəbər verir ki, o, Twitter sosial şəbəkəsindəki hesabında yazıb: вЂњHər kəsə salam. Bu gün 30 avqust Zəfər Bayramıdır. Bütün vətəndaşlarımın 30 avqust Zəfər Bayramını təbrik edirəm. Çox istəsəm də, həkimlərin tövsiyəsi üzündən mərasimlərə qatıla bilmirəm. Hacəttəpə Universitet xəstəxanasındakı müalicəm davam edir. Daha bir neçə gün burda qalacam. Sağ olsun, bütün heyət əlindən gələn hər şeyi edir. Çox şükür, səhhətim yaxşılaşırвЂќ. Prezident xəstəxanada vaxtını boş keçirmədiyini, işinə davam etdiyini, hesabatlar və kitablar oxuduğunu söyləyib.

01.09.12

Məqaləni oxumaq

Pan Qi Mun İran liderlərinin İsrailə qarşı aqressiv çıxışlarını pisləyib

Tehranda Qoşulmama Hərəkatının sammitində çıxış edən BMT-nin baş katibi Pan Qi Mun İran liderlərinin İsrailə qarşı aqressiv çıxışlarını pisləyib. Mun həmçinin İranı onun nüvə proqramı ilə bağlı BMT-nin qəbul etdiyi bütün qətnamələri yerinə yetirməyə çağırıb. вЂњKƏLAMİNFOвЂќ BBC-yə istinadən xəbər verir ki, Suriyadakı vəziyyətə gəldikdə isə BMT-nin baş katibi deyib ki, ölkə vətəndaş müharibəsi təhlükəsilə üzləşib. İranın ali dini lideri Ayətullah Əli Xameneyi isə ölkəsinin nüvə silahı üzərində işləmədiyini və dinc nüvə proqramından dönmək fikrində olmadığını deyib.

31.08.12

Məqaləni oxumaq

ABŞ-da dövlət çevrilişinə cəhd olub

ABŞ-da prezident Barak Obamaya qarşı sui-qəsd və dövlət çevrilişi hazırlayan 4 hərbçi tutulub.

вЂњKƏLAMİNFOвЂќ BBC-yə istinadən xəbər verir ki, onlar hərbi bazanın silah anbarını ələ keçirməyi, Virciniya ştatının daxili təhlükəsizlik idarəsinin binasını və ştatın su ilə təminatı sistemini partlatmaq niyyətində olublar. Bundan sonra isə onlar Obamaya qarşı sui-qəsd və ABŞ-da dövlət çevrilişi həyata keçirməyi planlaşdırıblar.

30.08.12

Məqaləni oxumaq

Yaponiya və Şimali Koreya son dörd ildə ilk dəfə bir araya gəliblər

Bu gün Yaponiya və Şimali Koreya hökumət rəsmiləri son dörd ildə ilk dəfə birbaşa danışıqlar aparmaq üçün bir araya gəliblər. вЂњKƏLAMİNFOвЂќ BBC-yə istinadən xəbər verir ki, Pekində təşkil olunan danışıqlarda İkinci Dünya müharibəsi zamanı Koreya yarımadasının şimalında ölən Yaponiya vətəndaşlarının qalıqlarının qaytarılması müzakirə olunacaq. Yaponiya həmçinin 1970-ci və 1980-ci illərdə öz vətəndaşlarının Şimali Koreya hökuməti tərəfindən oğurlanması məsələsini qaldıra bilər.

29.08.12

Məqaləni oxumaq

ABŞ-da qasırğa həyəcanı

ABŞ prezidenti Barak Obama Meksika körfəzi sahilindəki ştatlarda yaşayan vətəndaşlara qasırğa ilə bağlı xəbərdarlıq edib. вЂњKƏLAMİNFOвЂќ вЂњLenta.ruвЂќya istinadən xəbər verir ki, Obama bildirib ki, hazırda yaxınlaşmaqda olan İsaak tropik qasırğası çox böyük daşqınlara səbəb ola bilər. Bu səbəbdən yerli rəsmiləri bütün xəbərdarlıqlara və çağırışlara əməl etməyə çağırıb: вЂњƏgər sakinlərin evakuasiyası tələb olunarsa, buna qulaq assınlarвЂќ.
Hazırda Luiziana, Missisipi, Alabama və Florida ştatlarında fövqəladə vəziyyət elan edilib. İsaak qasırğasının 7 il əvvəl Katrina qasırğasının vurduğu Nyu-Orlean şəhərini vurması gözlənilir.

29.08.12

Məqaləni oxumaq

Abdulla Gül xəstəxanada müalicə olunur

Qulağındakı ağrı səbəbilə Qırğızıstan səfərini yarıda kəsən prezident Abdulla Gül Ankaradakı Hacəttəpə Xəstəxanasında müalicə olunur. вЂњKƏLAMİNFOвЂќ TRT-yə istinadən xəbər verir ki, prezident Hacəttəpə Universitetinin Tibb Fakültəsinin qulaq-burun-boğaz şöbəsində müayinə olunub. Müayinənin nəticələrini dəyərləndirən həkimlər Abdulla Gülün qulağında əməliyyat aparılmamasına qərar veriblər.
Gecəni xəstəxanada qalan prezidentin müalicəsinə başlanıb.

25.08.12

Məqaləni oxumaq

Suriya BMT-nin yeni təyin olunmuş xüsusi səfiri ilə işləməyə hazırdır

Suriya hökuməti bəyan edib ki, BMT-nin ölkəyə yeni təyin olunmuş xüsusi səfiri Lahdar İbrahimi ilə işləməyə hazırdır. вЂњKƏLAMİNFOвЂќ вЂњLenta.ruвЂќya istinadən xəbər verir ki, Suriyanın xarici işlər nazirinin müavini deyib ki, döyüşlərin davam etməsinə baxmayaraq, Dəməşq ümid edir ki, İbrahimi konfliktə son qoyulması üçün вЂњmilli dialoqaвЂќ yol aça biləcək.
Dünən Suriya qüvvələri Dəməşqətrafı və Hələb şəhərini güllələyiblər. Suriyada İnsan Hüquqlarının Müşahidəsi Qrupu deyir ki, avqustun 23-də ölkədə 100 insan öldürülüb.

25.08.12

Məqaləni oxumaq

Belarusda aparıcı müxalif siyasətçini seçkiyə buraxmayıblar

Belarus Mərkəzi Seçki Komissiyası qarşıdan gələn parlament seçkisində iştirak etmək üçün 362 namizədin qeydə alındığını bildirib. 110 deputatın seçiləcəyi parlament seçkisi bu il sentyabrın 23-də baş tutacaq. вЂњKƏLAMİNFOвЂќ вЂњLenta.ruвЂќya istinadən xəbər verir ki, seçki komissiyası bəyan edib ki, 124 müraciət ərizəsi rədd edilib, 7 namizəd isə seçkidən uzaqlaşdırılıb. Qeydiyyata alınmayanlar arasında aparıcı müxalif siyasətçi Aleksandr Milinkeviç də var. Seçki rəsmilərinin dediyinə görə, Milinkeviçin öz tərəfdarlarından topladığı imzaların əksəriyyəti saxtadır və namizəd öz gəlirləri və əmlakı barədə düzgün informasiya verməyib. Milinkeviç bu addımı siyasi adlandırır və bununla bağlı məhkəməyə müraciət edəcəyini deyir.

25.08.12

Məqaləni oxumaq

BMT Suriyadakı beynəlxalq müşahidəçilərin mandatını uzatmamaq qərarına gəlib

BMT-nin Təhlükəsizlik Şurası Suriyadakı beynəlxalq müşahidəçilərin mandatını uzatmamaq qərarına gəlib. вЂњKƏLAMİNFOвЂќ BBC-yə istinadən xəbər verir ki, bu ilin yazında Suriyaya 300 nəfərlik müşahidəçi missiyası göndərilsə də ölkədə zorakılıqlar davam etdiyindən müşahidəçilər missiyanı yerinə yetirə bilmirlər. Suriya üzrə beynəlxalq elçi Kofi Annan isə sülh planı baş tutmadığından bu günlərdə istefa verib. Suriyada hökumət qoşunları ilə üsyançılar arasında toqquşmalar davam edir.