Kelam Jurnalı - Dünyada

Rusiyanın Baş naziri Vladimir Putin Qırğızıstana 10 mln. dollar yardım ayrılmasına razılıq verilib. KƏLAMİNFO Rusiya mətbuatına istinadən xəbər verir ki, Qırğızıstanın inkişaf etməsi və iqtisadiyyatının dirçəldilməsi istiqamətində Rusiya bu ölkəyə 10 mln. dollar dəyərində yardım vəsaiti ayırıb.
Qeyd edək ki, bu ilin aprel ayında Rusiya Qırğızıstana 20 mln. dollar dəyərində qrant da ayırıb.

04.09.10

Məqaləni oxumaq

ABŞ Silahlı Qüvvələrinin Baş Qərargah rəisi Türkiyəyə gəlir

Bu gün ABŞ Silahlı Qüvvələrinin Baş Qərargah rəisi, ordu admiralı Maykl Mullen Türkiyəyə səfər edəcək. KƏLAMİNFO Türkiyə mətbuatına istinadən xəbər verir ki, səfər zamanı M.Müllenin Türkiyə Silahlı Qüvvələrinin Baş qərargah rəisi, ordu generalı İşık Koşaner və müdafiə naziri Vecdi Gönüllə görüşü gözlənilir.
Admiral türkiyəli həmkarları ilə Birləşmiş Ştatlar Ordusunun İraqdan çıxarılması, Əfqanıstandakı vəziyyət və ABŞ-ın Türkiyədəki bazaları ilə bağlı məsələləri müzakirə edəcək.

04.09.10

Məqaləni oxumaq

Yunanıstanda siqaret qadağan edildi

Bu gündən Yunanıstanda siqaret çəkmək qadağan edilib. KƏLAMİNFO rus mətbuatına istinadən xəbər verir ki, bir çox restoran və kafelərin sahibləri bildiriblər ki, qadağa onların işinə mane olduğundan ona əməl etməyəcəklər. Qanuna görə, qadağanı pozan ayrı-ayrı şəxsləri 500, şirkət və müəssisələri isə 10 min avroyadək cərimə gözləyir. Qeyd edək ki, Yunanıstan Avropada ən çox siqaret çəkilən ölkələrdən biridir.

02.09.10

Məqaləni oxumaq

Robert Qeyts gözlənilmədən İraqa səfər edib

Bu gün ABŞ-ın müdafiə naziri Robert Qeyts gözlənilmədən İraqa səfər edib. KƏLAMİNFO xarici KİV-lərə istinadən xəbər verir ki, səfərin əsas məqsədi amerikalı hərbçilərlə görüş keçirməkdir. Miluokidən havaya qalxan R.Qeytsin təyyarəsi Əl-Əsəd hərbi bazasında yerə enib. Miluokidə Amerika Legionunun üzvləri qarşısında çıxış edən Pentaqon rəhbəri bildirib ki, İraqda əməliyyatların hərbi fazası başa çatsa da, bu ölkədə problemin həllindən danışmaq hələ tezdir. Dünən ABŞ prezidenti Barak Obama İraqda hərbi əməliyyatların rəsmən başa çatdığını elan edib. Prezident də İraqda vəziyyətin qeyri-stabil olduğunu bildirib. Xatırladaq ki, avqustun əvvəllərindən başlayaraq İraqdan ABŞ hərbi kontingentinin çıxarılmasına start verilib.

02.09.10

Məqaləni oxumaq

R.T.Ərdoğan Rusiya prezidentini arxada qoydu

Hazırlanmış yeni reytinqlə Türkiyə baş naziri R.T.Ərdoğan aparıcı dünya liderlərinin beşliyinə daxil olub. KƏLAMİNFO türk mətbuatına istinadən xəbər verir ki, yeni reytinq artıq bir neçə il olduğu kimi Britaniyanın вЂњMonocleвЂќ jurnalı tərəfindən hazırlanıb. Reytinqdə ilk yeri Braziliya prezidenti Lula de Silva tutub. İkinci yerdə ABŞ prezidenti Barak Obamanın adı yer alıb. Daha sonra isə reytiqndə R.T.Ərdoğan qərarlaşıb. Rusiya prezidenti Dmitri Medvedev həmin reytinqdə 8-cidir.

01.09.10

Məqaləni oxumaq

İtaliyanın xarici işlər naziri gəlir

İtaliyanın xarici işlər naziri Franko Frattini Azərbaycana rəsmi səfərə gəlir. KƏLAMİNFO xəbər verir ki, səfər çərçivəsində ikitərəfli aktual məsələlərin, siyasi və iqtisadi sahələrdə regional əməkdaşlığın müzakirə olunacağı gözlənilir. Dağlıq Qarabağ münaqişəsinin həlli yolları ətrafında müzakirələr isə danışıqların əsas prioritet mövzusu olacaq.
Xatırladaq ki, İtaliya dəfələrlə bəyan edib ki, Azərbaycanın ərazi bütövlüyünü dəstəkləyir.

30.08.10

Məqaləni oxumaq

Qazaxıstanda yanğın: 5 nəfər ölüb

Qazaxıstanın Almatı şəhərində səhər saatlarında yanğın baş verib. KƏLAMİNFO xəbər verir ki, binada başlayan yanğın zamanı 5 nəfər həyatını itirib. Qazaxıstan Təcili Yardım Nazirliyinin məlumatına görə, 2 saatlıq xilasetmə tədbirindən sonra 2-si uşaq olmaqla 5 nəfər həlak olub.

28.08.10

Məqaləni oxumaq

S.Ohanyan: вЂњRaketlər düşmənlərimizin strateji obyektlərinə yönəldiləcəkвЂќ

Rusiyanın Azərbaycana satdığı S-300 raketdən müdafiə sistemləri, rəsmi Bakıya Dağlıq Qarabağ münaqişəsində вЂњstrateji üstünlük vermirвЂќ. Azərbaycan tərəfindən Dağlıq Qarabağa yaradılacaq təhlükə Ermənistan üçün yaranan təhlükəyə çevrilərsə şübhəsiz ki, Rusiya özünün müqavilədən irəli gələn müttəfiqlik öhdəliklərini yerinə yetirəcək. KƏLAMİNFO rus mətbuatına istinadən xəbər verir ki, bunu Ermənistanın müdafiə naziri Seyran Ohanyan bildirib. O, qeyd edib ki, yeni sazişə görə, Ermənistanın təhlükəsizliyinin təmin edilməsində Rusiya qoşunlarına əvvəlkindən daha geniş səlahiyyət verilir. вЂњSaziş Ermənistan və Rusiya arasında strateji müttəfiqliyin uzunmüddətli xarakterini bir daha təsdiqləyir. O ki, qaldı Rusiyadan alınan raketlərə, bu Azərbaycanla Ermənistan arasında qüvvələr balansını ciddi şəkildə dəyişdirməyəcək. Ona görə ki, biz həmin sistemlərlə çox yaxından tanışıq.

27.08.10

Məqaləni oxumaq

Yeni Rusiya- Ermənistan hərbi razılaşması şübhə altındadır

Ermənistanın müxalifətdə olan partiyaları Rusiya ilə imzalanmış yeni hərbi razılaşmanı şübhə altında qoyurlar. KƏLAMİNFO erməni mətbuatına istinadən xəbər verir ki, Zharangutiun partiyasının sədr müavini Ruben Akopyan bildirib ki, ötən həftə Moskva ilə imzalanmış yeni müqavilənin Qarabağın təhlükəsizliyinə nə vəd etdiyi aydın deyil. Partiyanın parlamentdəki fraksiyasına rəhbərlik edən R.Akopyan, Stepan Səfəryan və həmçinin digərləri Ermənistandakı Rusiya bazasının müddətinin 2044-cü ilədək uzadılmasını məqsədyönlü saymır, bunun Ermənistanın maraqlarına uyğun olmadığını bildirirlər. Ölkədə daha böyük və nüfuzlu müxalifət partiyası hesab olunan Ermənistan Milli Konqresi isə bəyan edib ki, Rusiya Ermənistanda hərbi iştirakını ona görə uzadıb ki, Kreml prezident Serj Sarkisyan administrasiyasına uzunmüddətli və etibarlı tərəfdaş kimi baxmır. Partiya ümumilikdə bu razılşamanı müsbət qarşılayır. Rusiyanın Azərbaycana S-300 raket kompleksi satmaq planına gəldikdə isə hər iki partiya bildirib ki, əgər bu baş tutsa, Ermənistan Rusiyanın rəhbərlik etdiyi Kollektiv Təhlükəsizlik Müqaviləsi Təşkilatından çıxmağı götür-qoy etməlidir.

25.08.10

Məqaləni oxumaq

M. Əhmədinejat İranın Xəzər məsələləri üzrə xüsusi elçisini təyin edib

İranın prezidenti Mahmud Əhmədinejat Məhəmməd Mehdi Axundzadənin ölkəsinin Xəzər dənizi məsələləri üzrə xüsusi elçisi təyin edilməsi barədə Sərəncam imzalayıb. KƏLAMİNFO Mehr agentliyinə istinadən xəbər verir ki, M.Axundzadəyə ünvanlanan prezidentin məktubunda bildirilir: вЂњXəzər ölkələri ilə əlaqələrin möhkəmləndirilməsi kontekstində İran hökumətinin strategiyası qarşılıqlı hörmət və ümumi maraqlara əsaslanırвЂќ.