Dmitri Medvedev qəfil ATƏT-in Astana sammitini tərk edib
|
Rusiya prezidenti Dmitri Medvedev bu gün Astanada keçirilən ATƏT sammitində iştirakını başa vuraraq Qazaxıstanı tərk edib.
KƏLAMİNFO rus mətbuatına istinadən xəbər verir ki, D.Medvedevin köməkçisi Sergey Prixodko əvvəlcədən prezidentinn sammitdə dekabrın 1-2-də iştirak edəcəyini söyləmişdi.
Bu gün isə, Rusiya prezidenti qəfil Moskvaya dönüb. Rusiya rəhbərinin uçuşuna çərşənbə günü Astananı bürüyən güclü çovğun da mane ola bilməyib. Səbəblər açqlanmır.
|
03.12.10 Məqaləni oxumaq
|
|
|
Serj Sarkisyan Astanada yenə sərsəm bəyanatla çıxış edib
|
Azərbaycan hərbi güc tətbiq edəcəyi təqdirdə Ermənistanın Dağlıq Qarabağın "müstəqilliyini" tanımaqdan başqa çıxış yolu qalmayacaq. KƏLAMİNFO "Novosti Kazaxıstan"a istinadən xəbər verir ki, bu bəyanatla ATƏT-in Astanada davam edən sammitinin plenar iclasında çıxış edən Ermənistan prezidenti Serj Sarkisyan bildirib.
S.Sarkisyan qeyd edib ki, Ermənistan hərbi əməliyyatların bərpa olunmasını qətiyyən istəmir: “Azərbaycanın güc tətbiq edəcəyi təqdirdə Ermənistanın Dağlıq Qarabağ və onun hüquqi statusunu tanımaq, həmçinin orada yaşayan ermənilərin təhlükəsizliyini təmin etmək məqsədi ilə onun imkanlarını gücləndirməkdən başqa seçimi qalmayacaq”,-deyən erməni prezidenti iddia edib ki, Azərbaycan Dağlıq Qarabağ münaqişəsinin həllinə maraq göstərmir və onun yeganə məqsədi maksimum dərəcədə Ermənistana ziyan vurmaqdır.
|
02.12.10 Məqaləni oxumaq
|
|
|
H.Klinton: “Dağlıq Qarabağ münaqişənin nizamlanması zamanı Helsinki prinsiplərinə əsaslanılmalıdır”
|
ABŞ Dağlıq Qarabağ münaqişəsini nizamlanmasına dair səylərin davam etməsini dəstəkləyir. KƏLAMİNFO erməni mətbuatına istinadən xəbər verir ki, bu sözləri ABŞ-ın dövlət katibi Hillari Klinton ATƏT-in Astana samitində bildirib. Onun sözlərinə görə, münaqişənin nizamlanması zamanı Helsinki prinsiplərinə və ATƏT-in Minsk Qrupuna həmsədr ölkələrin dövlət başçılarının iyulun 10-da Akvilldə bəyan etdiyi və Muskokda yenidən təsdiqlədiyi 6 prinsipə əsaslanmaq zəruridir. “Bu prinsiplərdən hansısa birini seçmək olmaz, bu münaqişənin həllinə imkan verməz”,-deyə ABŞ-ın dövlət katibi əlavə edib.
|
02.12.10 Məqaləni oxumaq
|
|
|
Corc Buş: “WikiLeaks-də yayımlanan sənədlər ABŞ-ın nüfuzunun itirməsinə səbəb olacaq”
|
WikiLeaks internet saytının yaydığı sənədlərdən sonra ABŞ üçün beynəlxalq tərəfdaşların etibarını saxlamaq çətin olacaq. KƏLAMİNFO Rusiya mətbuatına istinadən xəbər verir ki, bu sözləri ABŞ-ın eks prezidenti Corc Buş deyib. Onun sözlərinə görə, əgər sizin digər dövlətin rəsmi nümayəndələri ilə danışdıqlarınız sonradan açıqlanırsa, bu onların xoşuna gəlməyəcək və əvvəlki kimi etibarları olmayacaq. “Bu cür informasiyalar böyük zərər verir və bu infiormasiyanı ortaya qoyanlar cəzalanmalıdır”,- deyə ABŞ-ın eks prezidenti əlavə edib.
|
01.12.10 Məqaləni oxumaq
|
|
|
|
Ə.Davudoğlu: “Biz İsrail məsələsində heç bir səhv buraxmadıq, ancaq Vaşinqton bizi məyus etdi”
|
Vaşinqton və Ankara arasında heç bir gərginlik yoxdur. Türkiyə və ABŞ əlaqələrinin 300 illik tarixi var. KƏLAMİNFO Türkiyə mətbuatına istinadən xəbər verir ki, bu sözləri Türkyənin xarici işlər naziri Əhməd Davudoğlu bildirib. Onun sözlərinə görə, ABŞ prezidenti Barak Obamanın Türkiyəyə səfəri bu əlaqələrin yüksək səviyyədə olmasının bariz nümunəsidir. Ə.Davudoğlu İran və İsrail məsələlərinə görə, Türkiyə və ABŞ arasında fikir ayrılıqlarının ortaya gəldiyini də vurğulayıb. “Biz İsrail məsələsində heç bir səhv buraxmadıq, ancaq Vaşinqton bizi məyus etdi”,- deyə türkiyəli nazir əlavə edib.
|
30.11.10 Məqaləni oxumaq
|
|
|
Türkiyənin 9 dövlət orqanını təmsil edən nümayəndə heyəti ölkəmizdə səfərdədir
|
Türkiyənin 9 dövlət orqanını təmsil edən 15 nəfər rəhbər işçilərdən ibarət nümayəndə heyəti ölkəmizə səfərə gəlib. Prezident yanında Dövlət Qulluğu Məsələləri üzrə Komissiyadan (DQMK) KƏLAMİNFO-ya verilən məlumata görə, səfər hər iki ölkənin dövlət orqanları arasında təcrübə mübadiləsinin aparılması məqsədi daşıyır.
Qeyd edək ki, nümayəndə heyəti sabah Bakı Biznes Mərkəzində İqtisadi İnkişaf Nazirliyinin “Azərbaycanın iqtisadi siyasəti və dünya iqtisadiyyatına inteqrasiya” mövzusundakı təqdimat mərasimdə iştirak edəcək.
|
29.11.10 Məqaləni oxumaq
|
|
|
Abdullah Gül Ermənistan prezidentindən cəsarətli addım gözləyir
|
Türkiyə Ankara-İrəvan münasibətlərinin düzəlməsinin tərəfdarıdır. KƏLAMİNFO Türkiyə mətbuatına istinadən xəbər verir ki, bu sözləri Türkiyə prezidenti Abdullah Gül İsveçrədə keçirdiyi mətbuat konfransında bildirib. Onun sözlərinə görə, Azərbaycan-Ermənistan və Ermənistan –Türkiyə arasında bir sıra problemlər mövcuddur. Ermənistan Azərbaycanın torpaqlarını işğal edib.
Həmçinin Türkiyə prezidenti Qafqazda bu cür problemlərin olmasını Avropa və Asiya maraqlarına cavab vermədiyini bildirib. A. Gül əlavə edib ki, Qafqaz Avropa və Asiya arasında divardır. “Biz Ermənistan prezidentinin də məsələnin həll olunması üçün cəsarətlə addım atmasını gözləyirik”,-deyə Türkiyə prezidenti əlavə edib.
|
27.11.10 Məqaləni oxumaq
|
|
|
Serj Sərksyan Türkmənistan prezidenti ilə görüşüb
|
Dünən Ermənistan prezidenti Serj Sərksyan Aşqabadda Türkmənistanlı həmkarı Qurbanqulu Berdiməhəmmədovla görüşüb. KƏLAMİNFO erməni mətbuatına istinadən xəbər verir ki, görüş türkmən-erməni qarşılıqlı əlaqələrini dərinləşdirmək və ticarət-iqtisadi sferada əməkdaşlığın genişlənməsi üçün geniş imkanlar yaradıb.
|
26.11.10 Məqaləni oxumaq
|
|
|
Erməni mətbuatı: “ABŞ Ermənistanı məcbur edir ki, Astanada iki rayonun azad olunması barədə sənəd imzalasın”
|
Ermənistan prezidenti ATƏT-in Astana sammitində iştirak etməyə bilər. KƏLAMİNFO erməni mətbuatına istinadən xəbər verir ki, ABŞ Ermənistanı məcbur edir ki, Astanada işğal olunmuş iki rayonun azad olunması haqqında sənəd imzalasın. Ankara isə bunun qarşılığında söz verir ki, Ermənistan –Türkiyə sərhədlərinin açacaq. Azad olunmuş rayonlarda isə Polşa, Ruminiya və Macarıstandan olan sülhməramlı qüvvələri yeləşdiriləcək. Amma bu Rusiyanı qane etmir, çünki o NATO-nun regionda güclü olmasını istəmir.
Erməni mətbuatında həmçinin qeyd olunur ki, Astanada 50/50 bərabər olan hansısa sənəd imzalanacaq. Bu səbəbdən Ermənistan prezidenti NATO-nun Lissaon sammitidə olduğu kimi ATƏT-in Astana sammitində də iştirakdan imtina edə bilər.
|
25.11.10 Məqaləni oxumaq
|
|
|
|