Kelam Jurnalı - Müsahibələr

Elçin Əmirbəyov: вЂњAzərbaycan iqtisadiyyatına maraq göstərən fransız şirkətlərinin əksəriyyətini qeyri-neft sektoruna aid etmək olarвЂќ

Azərbaycanın Fransadakı fövqəladə və səlahiyyətli səfiri Elçin Əmirbəyov suallarımızı cavablandırıb.

- Azərbaycanla Fransa arasındakı ikitərəfli əlaqələrin hazırkı vəziyyətini necə dəyərləndirirsiniz?

- Bu gün Azərbaycan və Fransa arasındakı əlaqələr sürətlə inkişaf etməkdədir. Siyasi, iqtisadi və mədəni-humanitar sahələrdə son dövrlər əldə edilmiş nailiyyətlər qənaətbəxşdir. Azərbaycan BMT Təhlükəsizlik Şurasının daimi üzvü və Avropa İttifaqının aparıcı dövləti olaraq beynəlxalq səhnədə mühüm çəkiyə malik Fransa ilə əlaqələrinin davamlı surətdə dərinləşdirilməsində maraqlıdır. Bu marağı şərtləndirən digər bir vacib məqam Fransanın ATƏT-in Minsk Qrupunun həmsədrlərindən biri qismində Ermənistan-Azərbaycan, Dağlıq Qarabağ münaqişəsinin tənzimlənməsi üzrə həyata keçirdiyi vasitəçilik fəaliyyətidir. İki ölkə arasında güclü dayaqlara söykənən siyasi dialoq bərqərar olub. Azərbaycan Prezidentinin son illər ərzində Fransaya etdiyi dörd rəsmi səfər Azərbaycanın öz xarici siyasətində Fransaya verdiyi önəmin göstərici olmaqla yanaşı, əlaqələrimizin davamlı surətdə inkişafı üçün zəruri olan təkanı təmin edib. Hal-hazırda Fransa rəsmilərinin Azərbaycana səfərləri fransız tərəfi ilə nəzərdən keçirdiyimiz məsələlər sırasındadır. İkitərəfli əlaqələrin hüquqi bazasının gücləndirilməsinə xidmət edəcək bir neçə vacib sənəd üzərində aparılan iş yekun mərhələyə qədəm qoyub. İqtisadi və mədəni sahələrdə də son zamanlar artıq əhəmiyyətli canlanma hiss edilməkdədir ki, bu da ölkələrimizi və xalqlarımızı həm ikitərəfli müstəvidə, həm də Avropaya inteqrasiya kontekstində daha da yaxınlaşdıran amil kimi çıxış edir.

08.09.11

Məqaləni oxumaq

Məhbuslar internetdən də istifadə edə biləcək

Əgər qanunvericilikdə belə bir müddəa öz əksini tapsa...

Ədliyyə Nazirliyi Penitensiar Xidmətinin mətbuat katibi Mehman Sadıxovun müsahibəsi.

- Mehman müəllim, cəzaçəkmə müəssisələrində internetdən, telefondan sərbəst istifadə nə zaman tam reallaşacaq?

- Qanunvericiliyə edilən müəyyən dəyişiklikdən sonra artıq 3-4 ildir dustaqlar sərbəst şəkildə telefondan istifadə edir. Hər bir cəzaçəkən saxlandığı müəssisənin rejimindən asılı olmayaraq telefon vasitəsilə öz yaxınları ilə əlaqə saxlaya bilir. Hər telefon danışığı isə 15 dəqiqədir. İnternetlə bağlı dəyişiklik isə qanunvericiliyə edilən yeniliklə bağlıdır. Əgər qanunvericilikdə belə bir müddəa öz əksini tapsa, biz bunu qısa müddət ərzində təmin edəcəyik. Cəzaçəkmə müəssisələrinin əksəriyyətində kompüter kursları təşkil olunub. Məhkumlar burada kompüterdən istifadəni, müxtəlif proqramları öyrənirlər, onlara təcrübəli müəllimlər dərs keçir. Tədris kursu başa çatandan sonra isə, məhkumlar imtahan verir və buna uyğun olaraq onlar sertifikatla təmin olunur. Bu da öz növbəsində məhkumların azadlığa çıxandan sonra işlə təmin olunmasına kömək edir.

- Məhkumların sərbəst internetdən istifadəsi kibercinayətə, ümumiyyətlə hər hansı neqativ hallara gətirib çıxara bilər?

- Əlbəttdə, bu çox geniş yayılmış bir şeydir ki, müxtəlif hakerlər saytların təhlükəsizlik kodlarını sındırır, virus proqramları daxil edir, şəxsi hesablardan, təşkilatların büdcələrindən pul çəkirlər və s. Bu kimi məsələlər kompleks şəkildə araşdırılıb, təhlil olunmalıdır.

02.09.11

Məqaləni oxumaq

вЂњYanacaqdoldurma məntəqələrinin vergiyə cəlb olunmasına nəzarət imkanları xeyli artacaqвЂќ

İlham Əmirəliyev: вЂњYeni nəzarət-kassa aparatlarının quraşdırılması gələn il yanvarın 1-dək başa çatdırılacaqвЂќ

Vergilər Nazirliyi Operativ Nəzarət İdarəsinin rəisi, baş vergi xidməti müşaviri İlham Əmirəliyevin müsahibəsi

- Nazirlər Kabineti yanacaqdoldurma məntəqələrində xüsusi konstruksiyalı və texniki göstəricilərə malik yeni növ nəzarət-kassa aparatlarının tətbiqi ilə bağlı qərar qəbul edib. Bu nəzarət-kassa aparatlarının tətbiqi nə ilə bağlıdır və onların hansı texniki nəzarət imkanları olacaq?

- Bilirsiniz ki, hökumət daim vergi inzibatçılığının, o cümlədən vergi nəzarətinin təkmilləşdirilməsi istiqamətində müxtəlif addımlar atır. Bununla bağlı müxtəlif dövlət proqramları, konsepsiyalar icra olunur, mövcud metod və vasitələr modernləşdirilir, müasir texnologiyaların tətbiqi genişləndirilir. Başlıca məqsəd dövlət büdcəsinə vergi daxilolmalarının səfərbər edilməsi və bu istiqamətdə həyata keçirilən tədbirlərin səmərəliliyinin artırılmasından ibarətdir. Nazirlər Kabinetinin 11 iyul 2011-ci il tarixli qərarı da məhz bu istiqamətdə atılmış növbəti addımlardan biridir. Qərara görə, yanacaqdoldurma məntəqələrində tətbiq olunması üçün xüsusi konstruksiyalı və texniki göstəricilərə malik, o cümlədən çek verilmədən neft məhsullarının və maye qazın alıcıya satılmasını istisna edən nəzarət-kassa aparatlarının dövlət reyestrinə daxil edilməsi tapşırılıb. Qərar qüvvəyə minənədək yanacaqdoldurma məntəqələrində istifadədə olan nəzarət-kassa aparatları 2012-ci il yanvarın 1-dək dövlət reyestrinə daxil edilmiş yeni aparatlarla əvəz olunmalıdır. Tətbiq ediləcək yeni kassa aparatlarının başlıca üstünlüyü çek verilmədən neft məhsullarının və maye qazın alıcıya satılmasının mümkünsüzlüyü olacaq. Yəni bu yeniliyin tətbiqi yanacaqdoldurma məntəqələrinin vergiyə cəlb olunması mexanizmlərini daha da təkmilləşdirməklə yanaşı, nəzarət imkanlarını da xeyli artıracaq.

24.08.11

Məqaləni oxumaq

вЂњYeni Dağlıq Qarabağ müharibəsi münaqişəni davamlı şəkildə həll edə bilməzвЂќ

Herbert Kvelle: вЂњDanışıqlar prosesinin əvəzinə digər uğurlu nativ yol görmürəmвЂќ

Almaniyanın Azərbaycandakı fövqəladə və səlahiyyətli səfiri Herbert Kvelle вЂњKƏLAMİNFOвЂњya müsahibə verib.

- Cənab səfir, Siz Almaniya-Azərbaycan əməkdaşlığının səviyyəsini qənaətbəxş hesab edirsinizmi?

- Almaniya-Azərbaycan əməkdaşlığı sıx və səmimidir. Mədəniyyət sahəsində müntəzəm mübadilə mövcuddur. Azərbaycan musiqiçiləri və rəssamları Almaniyaya səfər edirlər və alman sənətkarlarının iştirakı ilə Azərbaycanda konsertlər keçirilir. Məsələn, 2011-ci ildə Bakıda məşhur caz-orqançalan Barbara Dennerlaynın və вЂњNew GenerationвЂќ kvartetinin konsertləri təşkil olunub. Almanlar həm də вЂњQız Qalası Rəssamlıq FestivalındaвЂќ da iştirak ediblər. İqtisadi münasibətlərin inkişafı fərəhləndiricidir. Biz ümid edirik ki, Bakıda yaxın zamanda ikitərəfli Ticarət Palatası açılacaq. Layihələrə dəstək və məsləhət sahəsində Kreditanştalt für Videraufbau bankı (KfV) və Beynəlxalq Əməkdaşlıq Təşkilatı (GİZ) təhsil, iqtisadi inkişaf, kənd təsərrüfatı və ekologiya nazirlikləri, Ali Məhkəmə, Dövlət Qulluğu Məsələləri üzrə Komissiya və bir sıra universitetlər ilə əməkdaşlıq edir. Siyasi sahədə mən Azərbaycan hökuməti, parlament və bütün ictimai nümayəndələrlə intensiv dialoq aparıram.
Düşünürəm ki, hər səy çox yaxşı səslənir. Bunlar məni qane edirmı? Bəli, əldə olunan nailiyyətlər məni qane edir. Amma mən işsiz qalmaq istəmirəm. Buna görə yeni fəaliyyət sahələri axtarıram və mövcud sahələri genişləndirməyə çalışıram.

22.08.11

Məqaləni oxumaq

Masallıda yeni klinika

Hər birimiz kimlərləsə kef-əhval tutduqda və ya təbrik etdikdə ilk və son kəlməmiz вЂњcan sağlığıвЂќ olur. Elə insan həyatının mənalı və rəngarəng olmasının ana xəttini də bu amil təşkil edir. Amma sağlamlığı hər birimiz arzulasaq da, bəzən onu ya qoruya bilmirik, ya da baş verən sosial davranışlar fonunda itiririk. Yaşadığımız həyat periodunda çox hallarda xəstəliklər keçirdikdə üzümüzü xəstəxanalara tutub ümid вЂ“ gümanımızı həkimlərə bağlayırıq. Bəs elə isə, həkimlər və onların fəaliyyət göstərdikləri şəfa ocaqları xəstələrin üzünü ağ, canını sağ edə bilirmi?
Müsahibimiz Cənub regionunun tanınmış həkimlərindən Mircavadzadə Mehdi Mirkazım oğludur. Mehdi həkimlə müsahibəyə başlayarkən ilk sualımızı da yenicə açılması planlaşdırılan klinika və təbii ki, onun lisenziya məsələsi oldu.

14.06.11

Məqaləni oxumaq

вЂњQarabağ münaqişəsində hazırkı status-kvonun dəyişilməsinə nail olacağıqвЂќ

Bahar Muradova: вЂњVasitəçilər israrlarını davam etdirsələr, Ermənistanı ciddi addım atmağa vadar edə biləcəklərвЂќ

Milli Məclisin vitse-spikeri, ATƏT PA-da Azərbaycan nümayəndə heyətinin rəhbəri Bahar Muradova вЂњKƏLAMİNFOвЂќnun suallarını cavablandırıb.

- Bahar xanım, bu il Azərbaycan müstəqilliyinin 20 illiyini qeyd edir. Sizcə bu gün Azərbaycan dövlət quruculuğu yolunda hansı mərhələləri aşa bilib?

- Bu məsələdə bu gün Azərbaycan ən azı region ölkələri ilə müqayisə olunmaz mərhələyə çatıb. Əlbəttə, bu bir balaca şablon səslənə bilər, lakin bunun arxasında real faktlar var. Bu faktlara ən azı bu müddət ərzində, xüsusilə də son 10 ildə ölkədə həyata keçirilən ciddi islahatlar misaldır. Ona görə də bu islahatların keçirilməsinin şəffaflığı, əldə olunan nəticələrin yüksək səviyyədə olması baxımından Azərbaycan Qafqazda liderdir. Həmçinin nəinki Qafqazda, qonşu regionlarla müqayisədə Azərbaycan islahatlar baxımından öndə gedən ölkələrdəndir. Siyasi cəhətə gəldikdə isə biz ölkə daxilində vətəndaş cəmiyyətinin qurulmasına yönəlik siyasət yürüdürük.

31.05.11

Məqaləni oxumaq

Zakir Qaralov: вЂњKorrupsiyaya qarşı mübarizə sahəsində həyata keçirilən irimiqyaslı və kompleks tədbirlər müsbət nəticələrini verirвЂќ

Azərbaycanın baş prokuroru Zakir Qaralov respublikada görülən korrupsiyaya qarşı mübarizə tədbirləri ilə bağlı müsahibə verib.

- Zakir müəllim, Azərbaycan Respublikasında korrupsiyaya qarşı mübarizənin mövcud vəziyyətini necə qiymətləndirirsiniz?

- Mütəşəkkil cinayətkarlığın təhlükəli təzahürlərindən olan korrupsiya ən qədim vaxtlardan mövcud olmaqla bütün cəmiyyətlərə xas olan ən mürəkkəb sosial problemlərdən biridir. Korrupsiya cinayətlərinə qarşı barışmaz və prinsipial mübarizə Sovetlər İttifaqı məkanında ilk olaraq məhz ümummilli lider Heydər Əliyevin rəhbərliyi altında Azərbaycanda başlayıb, bu istiqamətdə qətiyyətli tədbirlər həyata keçirilib. 1993-cü ilin iyun ayının 15-də xalqının təkidli tələbi ilə siyasi hakimiyyətə qayıdan ulu öndərin rəhbərliyi altında müstəqil Azərbaycan Respublikasında mütəşəkkil cinayətkarlığa və onun təhlükəli təzahürü kimi korrupsiyaya qarşı mübarizə yeni müstəviyə qaldırılaraq, qabaqlayıcı tədbirlər önə çəkilib.

23.05.11

Məqaləni oxumaq

Zeyno Brayza: вЂњBütün gördüyüm işlərdən ən vacibi uşaq böyütmək imişвЂќ

Azərbaycan Jurnalist Qadınlar Assosiasiyasının tərkibində вЂњQadın jurnalistlər klubuвЂќ fəaliyyətə başlayıb. Klubun ilk layihəsi вЂњZərif imzaların təqdimatındaвЂќ adlanır. вЂњQadın jurnalistlər klubuвЂќnun üzvlərinin suallarını klubun ilk qonağı Amerika Birləşmiş Ştatlarının Azərbaycandakı səfiri Metyu Brayzanın həyat yoldaşı Zeyno Baran Brayza cavablandırıb. вЂњAzadinformвЂќ müsahibəni təqdim edir.

- Zeyno xanım, вЂњQadın klubuвЂќna xoş gəlmisiniz. Təklifimizi qəbul edib gəldiyiniz üçün sizə öncədən dərin təşəkkürümüzü bildiririk. Zeyno xanım, səhv etmirəmsə siz jurnalist ailəsində böyümüsünüz. Yanılmıramsa, sizin ananız ilk qadın qəzet yazarlarından biridir.

- Çox sağ olun. Bəli, mənim valideynlərim jurnalistdirlər. Anam beynəlxalq xəbərlər sahəsində ilk siyasi jurnalistlərdən biri olub. Atam da jurnalist olaraq beynəlxalq məsələləri işıqlandırırdı. O, həyatının çox hissəsini Türkiyədən kənarda yaşayıb. Mən 1 yaşında olanda onlar ayrılıblar, amma həyat elə gətirdi ki, iki jurnalist bir-biri ilə ailə qurdu. Ona görə mən uşaqlıqdan jurnalistlərin içində, onların söz-söhbətlərinə qulaq asa-asa böyüdüm.

29.04.11

Məqaləni oxumaq

Korrupsiyaya qarşı mübarizənin ibrətamiz nəticələri var

Əliməmməd Nuriyev: В«Güman edirəm ki, qanunauyğun fəaliyyət məmurlarda vərdişə çevriləcəkВ»

Hər hansı dövlət qurumunda çalışan və ona etibar edilən səlahiyyətdən şəxsi mənfəəti üçün istifadə edən məmurlara qarşı bir müddət əvvəl başlayan antikorrupsiya tədbirləri davam etməkdədir. Vətəndaş-məmur münasibətlərində formalaşan korrupsiya sövdələşmələri, rüşvətxorluq halları əvvəllər nə qədər adi və laqeyd qarşılanırdısa, indi onların aradan qaldırılmasına cəhdlər bu gün cəmiyyət tərəfindən müsbət qəbul olunur. Hazırkı vəziyyətə aydınlıq gətirmək üçün Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin koordinatoru, вЂњKonstitusiyaвЂќ Araşdırmalar Fondunun prezidenti Əliməmməd Nuriyevlə söhbətə başladıq:

вЂњHələlik bu, məmurlar tərəfindən tam şüurlu seçim deyilвЂќ

- Korrupsiyaya qarşı mübarizə tədbirlərinin gücləndirilməsindən ötən müddətdə hansı dəyişiklikləri görürsünüz? Nəzərə çarpan nəticələr varmı?

- Ölkədə korrupsiyaya qarşı daha sistemli mübarizə 2005-ci ildən başlanıb. 2005-ci ildə вЂњAzərbaycanda korrupsiyaya qarşı mübarizə haqqındaвЂќ qanun qüvvəyə mindi və 2004-2006-cı illər üzrə antikorrupsiya üzrə Milli Strategiya hazırlandı. 1990-2005-ci illərdə prezidentin bir sıra fərman və sərəncamları da qəbul olundu. Daha sonra 2007-2011-ci illər üçün ikinci dövlət proqramı, milli strategiya qəbil edildi. Ötən müddət ərzində meydanda müəyyən nailiyyətlər, nəticələr var. Bu ilk növbədə qanunvericilik bazasının yaranması ilə bağlıdır.

22.04.11

Məqaləni oxumaq

вЂњBəzi dövlətləri indiki halda Azərbaycanın Qafqazda güclü dövlətə çevrilməsi qane etmirвЂќ

Fazil Mustafa: вЂњMəsuliyyətsiz müxalifətin siyasi mühitdə normal çəkisi yoxdurвЂќ

Milli Quruluş Partiyasının sədri, millət vəkili Fazil Mustafa suallarımızı cavablandırıb.

- Fazil müəllim, son müddətdə müxalifətin radikal qanadının artan aqressivliyi ərəb ölkələrində baş verənlərin bizim regiona transferi kimi qələmə verilir. Sizin məsələyə münasibətiniz necədir?

- Müəyyən qədər sosial problemlərimiz olsa da, bu gün beynəlxalq reallıqlar bizə başqa vəziyyəti diktə edir. Biz bu gün Cənubi Qafqazda ABŞ və Rusiya arasında razılaşdırılmış siyasətin yürüdüldüyünü müşahidə etməkdəyik. Ona görə də hər hansı bir super dövlətin birmənalı formada regionda vəziyyəti dəyişmək imkanları xeyli məhduddur. Bunu düzgün müşahidə etməyən qüvvələr Azərbaycanı da ərəb ölkələrindəki proseslərin içində düşünərək proqnozlaşdırılmayan addımlar atırlar. Əslində, bu, bütün hallarda Azərbaycan üçün yaxşı nəticə ortaya qoymur. Ona görə də bütün qüvvələr bu məsələyə məsuliyyət ilə yanaşmaq məcburiyyətindədir. Həqiqətən bu kartdan Azərbaycana qarşı hansısa bir şəkildə istifadə olunacağı istisna deyil və bütün ölkədaxili qüvvələr də bunu proqnozlaşdırmalıdırlar. Ona görə də hesab edirəm ki, hadisələrin ərəb ölkələrində baş verənlərlə müqayisə olunaraq ortaya çıxması ciddi yanlışlıqdır. Bu perspektiv ancaq qarışıqlıq vəd edir.

20.04.11

Məqaləni oxumaq