Kelam Jurnalı - Müsahibələr

İlqar Orucov: вЂњGənc alimlərimizin elmdə qalması və onların daha effektiv fəaliyyət göstərmələrinə dəstək lazımdırвЂќ

AMEA Gənclərin İntellektual İnkişaf Mərkəzinin direktoru, fizika-riyaziyyat elmləri namizədi İlqar Orucov gənc alimlərin fəaliyyəti, onların sosial-iqtisadi vəziyyəti, elmə gətirdikləri yeniliklər və digər məsələlərlə bağlı вЂњAzadinformвЂќun suallarını cavablandırıb.

- İlqar müəllim, gənc alimlərin mənzil-məişət şəraitinin yaxşılaşdırılması üçün verdiyiniz təkliflərin reallaşması istiqamətində hansı yeniliklər var?

- Gənc alimlərin mənzillə təmin edilməsinə münasibət müsbətdir, amma bununla bağlı konkret qərar yoxdur, hələlik gözləyirik. Təkliflərimiz "Azərbaycan gəncliyi 2011-2015-ci illərdə" Dövlət Proqramına salınıb. Eyni zamanda bu məsələ Elmin İnkişafı ilə bağlı Milli Strategiyada da nəzərə alınıb. Hələlik bununla bağlı ortada rəsmi yekun qərar yoxdur. Yəqin ki, yaxın vaxtlarda bu məsələyə baxılacaq və təbii ki, bir daha müraciətimiz olacaq.

- Yenidən edəcəyiniz müraciət nədən ibarət ola bilər?

- Müraciətimiz yenə də ipoteka şərtlərinin yüngülləşdirilməsi ilə bağlı olacaq. Düzdür, bununla bağlı iş gedir, ancaq istəyirik ki, bu proses sürətləndirilsin. Müraciətdə, həmçinin gənc alimlərin sosial problemləri ilə bağlı məsələ olacaq. Bu, heç də asan məsələ deyil və buna zaman lazımdır. Amma hesab edirəm ki, çox gözləməyin də bir səmərəsi yoxdur. Çünki bizim alimlər var ki, mənzil-məişət şəraiti ilə bağlı ciddi problemlərlə üzləşirlər. Hesab edirəm ki, bu işləri sürətləndirmək vacibdir.

26.04.12

Məqaləni oxumaq

вЂњFransanın Qarabağ münaqişəsinin həllində vasitəçilik missiyası etibarsızdırвЂќ

Bahar Muradova: вЂњATƏT PA buna mütləq öz münasibətini bildirməlidirвЂќ

Milli Məclisin vitse- spikeri, ATƏT Parlament Assambleyasında (PA) Azərbaycan nümayəndə heyətinin rəhbəri Bahar Muradova вЂњKƏLAMİNFOвЂќnun suallarını cavablandırıb.

- Bahar xanın, ATƏT PA-nın növbəti sessiyasında Xocalı soyqırımı ilə bağlı sənədin müzakirəyə çıxarılacağından söhbət gedir...

- İnanmıram növbəti sessiyada Xocalı soyqırımı ilə bağlı hansısa sənəd ortaya çıxarılsın. Çünki bunun üçün ATƏT PA-da müəyyən bir prosedur olmalıdır və ondan sonra bu sənəd müzakirəyə çıxarıla bilər. Üstəlik də nəzərə alaq ki, ATƏT PA belə bir sənədi müzakirə etməkdə maraqlı deyil. Biz neçə illərdi ki apardığımız mübarizədə bunun şahidiyik. İndiyə qədər sadəcə dinləmələr təşkil edə bilmişik. Onlardan ancaq yeganə bunun razılığını almışıq. Yəni tərəflərin ziddiyyətli mövqeyi olduğundan Xocalı soyqırımı ilə bağlı sənədlər orada müzakirəyə çıxarıla bilməyib.
Ümumilikdə bu il ATƏT-ə sədrlik edəcək İrlandiya nümayəndəsi 2012-ci ili münaqişələrin həlli ili kimi bəyan edib. Ona görə də bu ilin ümumilikdə ATƏT regionunda olan münaqişələrin həllinin ciddi müzakirə predmeti olacağını düşünürəm.

15.02.12

Məqaləni oxumaq

вЂњRusiya cənub sərhədlərində stabilliyin təmin olunması marağındadırвЂќ

Aydın Mirzəzadə: вЂњErmənistanın inkişafında ciddi problemlərin yaşanması Moskvanı ciddi addımlar atmağa vadar edirвЂќ

Milli Məclisin Təhlükəsizlik və müdafiə komitəsinin sədr müavini, hakim Yeni Azərbaycan Partiyasının Siyasi Şurasının üzvü Aydın Mirzəzadə вЂњKƏLAMİNFOвЂќnun suallarını cavablandırıb.

- Aydın müəllim, ötən gün Azərbaycan, Ermənistan və Rusiya prezidentləri arasında növbəti Soçi görüşü keçirildi. Bu görüşün əvvəlki görüşlərdən hansısa fərqi varmı?

- Fərq var və özü də bir neçə vəziyyətdə fərq var. İlk fərq odur ki, əvvəlki görüşlər arasında zaman kəsiyi qısa olsa da, son görüşün baş tutması xeyli zaman çəkdi. Bura onu da daxil eləmək olar ki, əvvəlki görüşlər zamanı ABŞ-dan və Fransadan olan həmsədrlərin görüş üçün müraciətləri də əsas rol oynayırdı. Amma bu dəfə Moskva digər həmsədrlərin iştirakı olmadan bu görüşün təşkilatçısı oldu. İkinci önəmli fərq odur ki, Rusiya prezidentinin səlahiyyət müddətinin bitməsinə cəmi ay yarım qalıb, Rusiyanın kifayət qədər görəcək işi var. Bununla belə, bu cür məqamda Azərbaycan və Rusiya prezidentlərinin görüşünü də vacib saydı. Bu da onu göstərir ki, bütövlükdə görüş Rusiya dövlətinin birbaşa marağındadır. Artıq Moskvanın marağı ortaya çıxır. Yəni Rusiya indiki vəziyyətində yaxın sərhədlərində olan iki ölkə arasında istənilən vəchlə münasibətlərin normallaşmasına çalışır.

24.01.12

Məqaləni oxumaq

вЂњBiz Türkiyə tarixçiləri ilə əməkdaşlığın yaradılmasında gecikmişikвЂќ

Musa Qasımlı: вЂњİnsan düşüncələri üzərinə qadağaların qoyulması Fransanı orta əsrlər dövrünə qaytarırвЂќ

Azərbaycan Milli Məclisinin üzvü, tarixçi alim Musa Qasımlı suallarımızı cavablandırıb.

- Musa müəllim, son vaxtlar dünya siyasi səhnəsində Türk dünyasına qarşı tarixi hadisələrdən bəhs edən iddialar güclənir. Proseslərin belə bir yön alması nədən qaynaqlanır?

- ABŞ ilə SSRİ arasında soyuq müharibə ikincinin dağılması nəticəsində başa çatdıqdan sonra bölgədə yeni müstəqil dövlətlər yarandı ki, bunların da demək olar yarısı türk dövlətləri oldu. Yəni türk coğrafiyası yenidən dirçəldi. Bu da dünyada bir sıra ölkələri narahat edir. Atılan qeyri-obyektiv addımlar da türk dünyasının bu şəkildə güclənməsinə qarşı yönəlib. Xüsusilə də bu addımlar digər tük dövlətlərinin dəstəyindən ilhamlanan Türkiyənin Avropa Birliyinə gedən yolunun qarşısını almaq məqsədi güdür. Eyni zamanda, həmin qüvvələr Yaxın Şərqdə Türkiyənin artan rolunun məhdudlaşdırılmasına qarşı işləyirlər. Bu gün heç bir zaman olmayan uydurma erməni soyqırımı ilə bağlı sənədin Fransa kimi dövlətin parlamentində müzakirəyə çıxarılmasının da tarixi həqiqətlə heç bir əlaqəsi yoxdur.

09.01.12

Məqaləni oxumaq

вЂњAzərbaycanda hələ ki, təkcə kosmik turizmin potensialı yoxdurвЂќ

Bahadur Bilalov: вЂњÖlkədə turizmin ən yaralı yeri xidmətlə qiymət arasındakı tərs-mütənasiblikdirвЂќ

Azərbaycanda вЂњTurizm iliвЂќ elan olunan 2011-ci il başa çatmaq üzrədir. İl ərzində bu sahənin, görülən işlərin lehinə və əleyhinə bir çox fikir səsləndi, rəylər bildirildi. Yekun olaraq təbii ki, mütəxəssis fikrinə ehtiyac var və bu məqsədlə suallarımızı Azərbaycan Turizm İnstitutunun kafedra müdiri Bahadur Bilalova ünvanladıq:

- Azərbaycanda turizm potensialının böyük olması hər zaman deyilir. Bu potensialdan yetərincə istifadə edə bilirikmi? Bu gün turizmimiz olmalı olduğu səviyyədədirmi?

- Doğrudan da, turizmin inkişaf etdirilməsi üçün Azərbaycanın potensialı çox böyükdür. Sadəcə olaraq, biz bu potensialı hələ lazımi səviyyədə turizm məhsuluna çevirə bilməmişik. Düzdür, Azərbaycanda turizmin tarixi kökləri var, ta qədim zamanlardan Azərbaycan səyyahların, elm adamlarının, səyahətsevərlərin marağında olan bir yer olub, sovet dönəmində turizmin maddi-texniki bazasının formalaşması yönündə iş görülüb. Amma sovet turizmi ilə bugünkü turizmin arasında fərq var. Sovet zamanı turizm bir biznes sahəsi kimi nəzərdə tutulmurdu. Hələ ötən əsrin 80-ci illərində Azərbaycanda atçılıq turizminin inkişafı gündəmdə idi.

20.12.11

Məqaləni oxumaq

В«Bu cür hesabatlara əhəmiyyət verməməliyikВ»

Hüquq müdafiəçisi, millət vəkili Çingiz Qənizadə В«Amnesty İnternationalВ»ın hesabatının qeyri-obyektiv olduğunu düşünür

Bu günlərdə В«Amnesty İnternationalВ» təşkilatının Azərbaycanda insan hüquqlarının vəziyyəti ilə bağlı açıqladığı hesabat narazılıqlara səbəb olub. Hsabatda yer alan bəzi fikirlər həqiqəti əks etdirmir, bəzən isə kiçik xarakterli hadisələrin şişirdilməsi müşahidə olunur. Hesabatla bağlı fikirlərini öyrənmək üçün hüquq müdafiəçisi, millət vəkili Çingiz Qənizadəyə müraciət etdik.

- Çingiz müəllim, В«Amnesty İnternationalВ» təşkilatının Azərbaycanda insan hüquqlarının vəziyyəti ilə bağlı açıqladığı hesabatı necə qiymətləndirirsiniz?

- Mən bu hesabatla tanış olmuşam və hesab edirəm ki, bu, obyektiv deyil. həm bu təşkilatın, həm də digər beynəlxalq təşkilatların bu tipli hesabatlarında yer alan fikirlərin, məlumatların heç bir mənbəyi göstərilmir. Nə qədər ki, bu tipli hesabatlarda informasiyanın mənbəyi obyektiv göstərilməyəcək, onları obyektiv hesab etmək olmaz. Bunu həm В«Amnesty İnternationalВ», həm вЂњFreedom HouseвЂќ, həm də ABŞ Dövlət Departamenti nəzərə almalıdır. Mən bu təkliflərimi Azərbaycanda və xaricdə həmin təşkilatların təmsilçiləri ilə keçirdiyim görüşlərdə də səsləndirirəm. Təklif edirəm ki, hesabatlarda yer alan informasiyaların mənbələrini mötərizə içərisində göstərsinlər. Hesabatlar bu cür olsa onlar daha inandırıcı olarlar. Çünki mən bilirəm ki, bəzi QHT təmsilçiləri var ki, bu kimi təşkilatlara informasiya verəndə özlərinin hakimiyyətə olan münasibətlərini də oraya əlavə edirlər. Başqa sözlə desək sətiraltı da olsa hakimiyyətə olan mənfi münasibətlərini ötürdükləri informasiyaya da əlavə edirlər.

19.11.11

Məqaləni oxumaq

вЂњÖzümü həmişə ikinci plana atdımвЂќ

Günay Kılıc: вЂњQadını güclü olmayan cəmiyyət çökməyə məhkumdurвЂќ

Azərbaycan Jurnalist Qadınlar Assosiasiyasının tərkibində fəaliyyət göstərən вЂњQadın jurnalistlər klubuвЂќnun qonağı bu dəfə Türkiyənin Azərbaycandakı səlahiyyətli səfiri Hulusi Kılıcın xanımı Günay Kılıc olub. O, xanım jurnalistlərin suallarını cavablandırıb. вЂњKƏLAMİNFOвЂќ səfirin xanımı ilə müsahibəni təqdim edir.

- Günay xanım , təklifimizi qəbul etdiyinizə görə sizə təşəkkür edirik. Xanımlarımız üçün maraqlıdır, özünüzü bir ana və bir həyat yoldaşı kimi necə xarakterizə edə bilərsiniz?

- Ailə quranda 22 yaşım var idi. Ailədən aldığım tərbiyə və dinimizin gərəyi olaraq ailəni daima müqəddəs qəbul etdim. Atam bizə belə deyərdi: вЂњİçəridə nə yaşarsanız yaşayın, amma kənarda həmişə dik durun. Probleminizi evdə buraxın, gözəllikləri kənara çıxarınвЂќ. Bu nəsihət mənim və üç bacımın evlilik fəlsəfəsi oldu. Ailəmizi, dolayısıyla həyat yoldaşımızı hər zaman ön planda tutduq. Böyüklərimizin ifadəsiylə həyat yoldaşımızı вЂњevimizin dirəyiвЂќ qəbul etdik. Amma bununla bərabər, öz mənliyimizi və gücümüzü də mühafizə edə bildik.
Mən 23 yaşımda ana oldum. Oğlumu qucağıma alanda bənzərsiz sevginin xoşbəxtliyini yaşadım. Eyni zamanda, üzərimdə olan çox böyük məsuliyyəti də hiss etdim. Övladıma verəcəyim hər şeyin vətənə geri dönəcəyini düşündüm. Oğlum iki yaşında olanda Fransaya getdik.

25.10.11

Məqaləni oxumaq

вЂњNorveçin xarici əsilli icmaları içində fəallığımıza görə ilk beşliyə düşərək başqalarından fərqlənirikвЂќ

Ramil Əliyev: вЂњHəmvətənlərimiz fəallıqlarını daha da artırmalıdır ki, haqq səsimizi daha yüksək səviyyədə çatdıra biləkвЂќ

Norveç Azərbaycanlıları Gənclər Təşkilatının sədri Ramil Əliyev вЂњKƏLAMİNFOвЂќnun suallarını cavablandırıb.

- Ölkənin ictimai-siyasi həyatında rəhbərlik etdiyiniz cəmiyyətin fəallığı necədir? Ümumilikdə Norveçin siyasi həyatında necə bir rol oynayırsınız?

- Norveç Azərbaycanlıları Gənclər Təşkilatı (təşkilat Norveçdə və beynəlxalq səviyyədə вЂњNAYOвЂќ kimi tanınır) fəaliyyət göstərdiyi ölkənin, yəni Norveçin ictimai-siyasi həyatında təmsil olunmaq baxımından çox aktivdir. 2006-ci ildə Norveçin paytaxtı Oslo şəhərində yaranan NAYO-nun əsas məqsədi Norveçdə yaşayan azərbaycanlıların Norveç ictimaiyyətinə inteqrasiyasına yardımçı olmaq, onları təşkilatlandırmaq və hüquqlarını müdafiə etməkdir. Bildiyiniz kimi, Azərbaycanın Norveçdə səfirliyi yoxdur və təşkilatımız eyni zamanda norveçlilər üçün azərbaycana dair ilk informasiya və əlaqə mənbəyi rolunu oynayır. Qeyd etdiyim müxtəlif məqsəd və məramları yerinə yetirən NAYO Norveçin ictimai-siyasi həyatında fəal rol oynamaya bilməz. Biz Norveçin xarici əsilli icmaları içində fəallığımıza və şəbəkəmizə görə ilk beşliyə düşərək başqalarından fərqlənirik. Onu da deyim ki, NAYO Norveçin Gənclər Konsulluğunun daimi üzvü olan ilk qeyri-norveç kökənli təşkilatdır. Norveçdə yaşayan azərbaycanlılardan sayca dəfələrlə çox olan icmalar belə bu konsulluqda təmsil oluna, Norveçin gənclərlə bağlı siyasətində mövqe tuta bilmirlər. Bu il Norveçdə keçirilmiş bələdiyyə seçkilərində də NAYO çox aktiv rol oynadı.

21.10.11

Məqaləni oxumaq

Elxan Süleymanov: "AVRONEST PA-nın İşçi Qrupunda siyasi qrupların yaradılması və onların imtiyazları müzakirə ediləcək"

toplantıda müzakirə ediləcək məsələlərlə bağlı Trend-in suallarını AVRONEST PA-da Azərbaycan nümayəndə heyətinin rəhbəri, millət vəkili Elxan Süleymanov cavablandırır.

- AVRONEST PA-nın Prosedur Qaydaları üzrə İşçi Qrupu barədə məlumat verməyinizi xahiş edirik.

- AVRONEST PA Avropa İttifaqı ilə "Şərq tərəfdaşlığı" (ŞT) ölkələrinin birgə parlament təsisatı kimi 2-3 may 2011-ci il tarixdə Brüsseldə təsis edilib. Onun qurumları kimi 4 komitə və 2 işçi qrupu yaradılıb. Bu Komitələrin və İşçi Qrupların içərisində Prosedur Qaydaları üzrə İşçi Qrupu Azərbaycan üçün çox mühüm əhəmiyyət kəsb edir. Bu İşçi Qrupunun əsas vəzifəsi Assambleya və onun qurumları tərəfindən Prosedur Qaydalarının yerinə yetirilməsinə nəzarət etməkdən ibarətdir. Bu işçi qrupu həmçinin Prosedur Qaydalarına düzəlişlərin edilməsi prosesini stimullaşdırmaq üçün Büroya yazılı təkliflər təqdim edə bilər. Göründüyü kimi, Prosedur Qaydaları üzrə İşçi Qrupu AVRONEST PA-nın çox vacib bir qurumudur. Odur ki, bizim üçün bu İşçi Qrupuna kimin sədr olacağı prinsipal xarakter daşıyırdı.
Təsadüfi deyil ki, AVRONEST PA təsis edilərkən bu İşçi Qrupuna ermənilər sədrlik etmək istəyirdi. Lakin bu Azərbaycanın maraqlarına cavab vermirdi. Odur ki, Azərbaycan nümayəndə heyəti qətiyyətlə bunun əleyhinə çıxış etdi və bildirdi ki, Ermənistan nümayəndə heyətinin üzvü Prosedur Qaydaları üzrə İşçi Qrupunun tək sədri ola bilməz. Bu qrupa sədr digər ölkələr - Ukrayna, Moldova, Gürcüstan ola bilər. Amma Azərbaycan ilə Ermənistanın təkbətək sədr olması düzgün deyil və yaxud ikimiz həmsədr ola bilərik. Ermənistan tərəfi bu İşçi Qrupuna çox maraqlı olduğundan hər ikimizin həmsədr olmasını qəbul etdi və beləliklə, biz Prosedur Qaydaları üzrə İşçi Qrupunun həmsədri kimi fəaliyyətə başladıq. Nəhayət, cari ilin 17 oktyabrında Prosedur Qaydaları üzrə İşçi Qrupunun ilk iclası keçiriləcək. Burada beş nəfər Avropa Parlamenti üzvü və beş nəfər ŞT ölkələri üzvləri təmsil olunur.

14.10.11

Məqaləni oxumaq

вЂњMüəlliflərin əmlak hüquqlarını kollektiv əsasda idarə edən iki təşkilatın akkreditasiyasına yenidən baxılacaqвЂќ

Xudayat Həsənli: вЂњQanun pozuntusu aşkar edilsə, onların lisenziyası ləğv ediləcəkвЂќ

Azərbaycan Müəllif Hüquqları Agentliyinin Əsərlərin qeydiyyatı və hüquq şöbəsinin müdiri Xudayat Həsənli вЂњKƏLAMİNFOвЂќnun suallarını cavablandırıb

- Xudayat müəllim, bu günlərdə Nazirlər Kabineti вЂњMüəlliflərin və əlaqəli hüquqların sahiblərinin əmlak hüquqlarını kollektiv əsasda idarə edən təşkilatların qeydiyyatdan (akkreditasiyadan) keçirilməsi QaydalarıвЂќnın təsdiq edilməsi haqqında qərar qəbul edib. Qərara əsasən, təşkilatların akkreditasiyadan keçirilməsi Müəllif Hüquqları Agentliyinə həvalə edilib. Bu qərardan irəli gələn məsələlərlə bağlı nə deyə bilərsiniz?

- Bu qərarın mahiyyəti ondan ibarətdir ki, вЂњMüəlliflik hüququ və əlaqəli hüquqlar haqqındaвЂќ qanuna uyğun olaraq müəlliflik və əlaqəli hüquqların sahiblərinin əmlak hüquqlarını kollektiv əsasda idarə edən təşkilatlar yaradıla bilər. Hazırda respublikada iki belə təşkilat fəaliyyət göstərir. Bu təşkilatların biri Azərbaycan Müəllifləri İctimai Birliyidir. Bu təşkilat musiqili əsər müəlliflərinin əmlak hüquqlarını idarə edir. İkinci təşkilat isə Azərbaycan Professional Kinorejissorlar Gildiyasıdır ki, bu da audio-vizual əsər müəlliflərinin əmlak hüquqlarının idarəçiliyini həyata keçirir.

30.09.11

Məqaləni oxumaq