Şeyxülislam A. Paşazadə Astana forumlarının Katibliyinin XII sessiyasında iştirak edib. Katiblik növbəti Qurultayın keçirilməsinə dair təşkilatı məsələləri, gələcək prioritet və perspektivləri müzakirə edib.
Şeyxülislam Allahşükür Paşazadə həmçinin “Astana Qurultaylarının sivilizasiyaların dialoqunda rolu” mövzusunda beynəlxalq elmi-praktik konfransın açılış mərasimində çıxış edib.
Öz çıxışında A. Paşazadə, həmçinin, Qazaxıstan xalqının, onun lideri-türk xalqlarının ağsaqqalı N. Nazarbayevin Azərbaycan xalqının Qarabağ probleminin ədalətli həlli istiqamətində səylərinə hər zaman beynəlxalq müstəvidə dəstək nümayiş etdirdiyini yüksək qiymətləndirdiyimizi bildirib.
Daha sonra Şeyxülislam A. Paşazadə Qazaxıstanın Dini işlər üzrə Dövlət Agentliyinin rəhbəri Kayrat Lama Şəriflə görüşüb. Azərbaycanla Qazaxıstan arasında tarixi dini-mənəvi əlaqələrin inkişaf etdirilməsində maraqlı olduqlarını bildirən Qazaxıstan rəsmisi, bu işdə QMİ sədrinin də öz səylərini əsirgəməyəcəyinə əmin olduğunu bildirib.
K. Lama Şərif Bakıda aprel ayında keçirilmiş MDB müsəlmanlarının tədbirinin böyük əhəmiyyət daşıdığını xüsusi vurğulayıb.