-Hazırda bu qurultaya hazırlıq işləri həyata keçirilir. Qurultayda diqqət cəlb edən əsas məqamlardan biri ondan ibarətdir ki, artıq internet jurnalistika Azərbaycanda da vətəndaşlıq hüququ qazanıb. Vətəndaşların informasiya əldə etməsində internet jurnalistikanın xidmətləri danılmazdır. Bütün bunları nəzərə alaraq biz 6-cı qurultayda bu məsələni də gündəmə gətirəcəyik.

Qurultayda həmçinin internet media ilə bağlı da geniş müzakirələr aparılacaq. Onu qeyd edim ki, hazırda 10-a yaxın internet xəbər portalı Azərbaycan Mətbuat Şurasının üzvüdür. Mətbuat Şurasına üzv olmaq istəyən internet mediaların sayı da artmaqdadır. Digər Kütləvi İnformasiya Vasitələrində (KİV) olduğu kimi, internet medialarla bağlı da Mətbuat Şurasına şikayətlər daxil olur. Ayrı-ayrı vətəndaşlar internet mediada özləri ilə bağlı yalan informasiyaların getməsi barədə Mətbuat Şurasına şikayətlər ediblər. Həmin vətəndaşlar özlərinin şərəf və ləyaqətlərinin alçaldılması və təhqir olunmaları bağlı narazılıqlarını bildirirlər. Bütün bunları nəzərə alaraq çalışacağıq ki, Azərbaycan Mətbuat Şurasının İdarə Heyətində interner medianı təmsil edən nümayəndələr də olsun. Biz Mətbuat Şurasının bu sahəsinə də diqqət ayırılmasını planlaşdırırıq.

Mahiyyətcə internet jurnalistika da klassik jurnalistika kimi eyni missiyanı daşıyır və cəmiyyəti məlumatlandırır. Bu sahələr yalnız hüquqi baxımdan fərqlənirlər. Hüquqi baxımdan klassik jurnalistikanın qanunvericilik bazası olsa da, ancaq internet jurnalistika yeni sahə olduğu üşün həmin qanunvercilik ona şamil edilmir. Bu məsələ bir çox dövlətləri və beynəlxalq təşkilatları narahat edir. Ayrı-ayrı yerlərdə müəyyən müzakirələr aparılır. Hətta, bəzi dövlətlərdə, o cümlədən ABŞ və Avropanın bir sıra inkişaf etmiş ölkələrində bu məsələyə çox ciddi diqqət ayrılır və internet mediasında hər hansı nöqsanlar baş verirsə, adekvat addım kimi ciddi ölçülür götürülür. Bu baxımdan da Azərbaycanda da internet media qurumları arasında ardıcıl ciddi qanun pozuntuları aşkarlanarsa, o zaman həmin qurumlar da qəzetlər kimi "qara siyahı"ya salına bilərlər.  

 

-Nizamnamədə dəyişikliyi Qurultay edir. Çox güman ki, bir sıra dəyişiklər də baş versin. Əlbəttə ki, bir sıra dəyişikliklərin və qurultaya təkliflərin verilməsi planlaşdırılır. Bu təkliflər bir sıra məsələlərlə bağlı olacaq. Bunlardan biri də odur ki, qurultaya Mətbuat Şurasının Nizamnaməsində qəzetlər, jurnallar və informasiya agentlikləri yazılan yerlərin yanına interner media sözlərinin yazılması da təklif olunacaq. Bundan əlavə, qurultayda Mətbuat Şurası İdarə Heyətinin tərkibi ilə bağlı da təkliflər oluna bilər. Hesab edirəm ki, indiki məqamda Mətbuat Şurası internet medianın işinmi daha ciddi izləmək üçün İdarə heyətinin tərkibinə müəyyən dəyişikliklər edilməlidir. Bu, İdarə Heyəti tərkibinin artırılması və ya ayrıca qrupun yaradılması kimi də ola bilər. Mətbuat Şurası İdarə Heyətinin tərkibində internet media nümayəndələri üçün də müəyyən yerlər ayrıla bilər. Yəqin ki. Təşkilat Komitəsi olaraq biz bu kimi məsələləri jurnalistlərin geniş müzakirəsinə və 6-cı qurultaya çıxaracağıq. 

http://kelam.az/article/a-8045.html