Gənclərə elmi dərəcələrin verilməsi qaydalarının sadələşdirilməsi üçün hər ixtisasa verilən tələblər yüngülləşdirilməlidir. Bu barədə təhsil naziri Misir Mərdanov jurnalistlərlə söhbətində bildirib.

Nazir keyfiyyətə ziyan vurmamaq şərti ilə bu tələbləri müəyyən qədər yüngülləşdirməyin lehinə olduğunu diqqətə çatdırıb: “Bunun da nəticəsində ölkədəki gənc alimlərin sayı çoxala bilər.

Bu məsələnin Milli Məclisin Elm və təhsil komitəsində hazırlanan "Elm siyasəti haqqında" qanun layihəsinə daxil edilməsi çox yaxşı olardı. Bu layihədə hazırda mövcud olan qaydaların yüngülləşdirilməsinə getmək lazımdır. Əgər Milli Məclis bizim təkliflərimizi nəzərə alsa, belə bir iş olacaq".

http://kelam.az/article/a-7621.html