Müəllif hüququ

© WWW : Kelam Jurnalı
Bütün hüquqları qorunur. Məlumatlardan istifadə etdikdə agentliyiə istinad mütləqdir.

Məqələnən adı , Yerləşdirilib

Məqələlər » Elm və təhsil » Bu il Tibb Universitetinin məzunlarının 80%-ə bölgələr üzrə təyinat verilib
30.12.10 02:26

Səhiyyə Nazirliyində 2010-cu il ərzində görülmüş işlərə dair kollegiya iclası keçirilib. Bu barədə məlumatı KƏLAMİNFO-ya Nazirliyin mətbuat xidmətindən veriblər. İclasda qonaq qismində Prezidentin xüsusi Tibbi Xidmətinin rəhbəri, Milli Onkologiya Mərkəzinin direktoru Cəmil Əliyev və fövqəladə hallar nazirinin müavini, tibb xidməti general- leytenantı Faiq Tağızadə də iştirak edib. Tədbirdə 2010-cu il ərzində səhiyyə sahəsində görülmüş işlər haqqında geniş müzakirələr aparılıb. Qeyd olunub ki, bu il səhiyyənin prioritet sahələri olan şəkərli diabet, irsi qan xəstəlikləri, qan xidməti, xroniki böyrək çatışmazlığı, vərəm, yoluxucu xəstəliklərin immunoprofilaktikası üzrə növbəti beş ili əhatə edən yeni proqramlar hazırlanaraq Nazirlər Kabineti tərəfindən təsdiq edilib. Ötən il ərzində qan xidmətinin təkmilləşdirilməsinə xüsusi diqqət yetirilib. Son illər ərzində tədarük olunan qan və onun komponentlərinin miqdarı artıb, əhalinin qanvermə aksiyalarına cəlb edilməsi işi aktivləşib. Hazırda tibb müəssisələrinin və xəstələrin qana olan ehtiyacı tam ödənilib. Cərrahiyyə xidmətinin fəaliyyətini xarakterizə edən statistik rəqəmlərin təhlili göstərir ki, son illər ərzində bu sahədə də nəzərə çarpan müsbət dinamika mövcuddur. Respublikada aparılmış geniş miqyaslı tədbirlər nəticəsində epidemioloji sabitlik yaranıb, idarəolunan xəstəliklərdən poliomielit, difteriya, qızılca, məxmərək qeydə alınmayıb, epidemik parotit 2 dəfə azalıb, digər infeksiyalar üzrə də azalma qeyd olunub. Malyariya xəstəliyinə qarşı 2008-2013-cü illər üçün qəbul olunmuş Milli Strategiyaya və Milli Fəaliyyət Planına uyğun olaraq profilaktik tədbirlər həyata keçirilməsi nəticəsində xəstələnmə səviyyəsi stabilləşib və cari ildə keçən illə müqayisədə 35% azalıb. Elmi-tədqiqat Ağciyər Xəstəlikləri İnstitutunda yaradılmış Milli Referens Laboratoriyası artıq tam gücü ilə fəaliyyətə başlayıb və bu ilin aprel ayında Ümumdünya Səhiyyə Təşkilatının sertifikatını alıb. Bu ilin yazında Kür və Araz çaylarının daşma zonalarında aparılan operativ profilaktik tədbirlər nəticəsində epidemiya təhlükəsinin qarşısı alınıb. Təbii fəlakət zonasında ilk günlərdən operativ şəkildə səyyar səhiyyə xidməti yaradılıb və ehtiyacı olanların hamısına tam həə tibbi yardım təmin edilib. Qeyd olunub ki, tibb işçilərimizin bilik və peşə bacarıqlarının artırılmasına Səhiyyə Nazirliyi tərəfindən xüsusi diqqət yetirilir. Bir neçə ildir ki, problemin həlli yollarından biri olan, bütün dünyada qəbul edilən, tibb işçilərinin sertifikasiyanın tətbiqi üzrə gərgin iş aparılır. Tibbi təhsilin müasir səviyyədə təşkili prinsiplərinə uyğun olaraq gələn ildən rezidentura sisteminə keçid də planlaşdırılır. Respublikanın kənd yerlərində kadrların çatışmazlığını nəzərə alaraq Azərbaycan Tibb Universitetinin məzunlarının bilavasitə vakant yerlərə təyinatla göndərilməsi işi də davam etdirilib. Cari ildə məzunların 80%-nə bölgələrə təyinat verilib. Səhiyyə sahəsində son illər ərzində qazanılmış nailiyyətlər Azərbaycan səhiyyəsinin beynəlxalq aləmdə nüfuzunun xeyli artmasına səbəb olub.

URL / WWW

http://kelam.az/article/a-2644.html