Narkomanlıq və narkobiznes cəmiyyətin mənəvi, əxlaqi dəyərlərini sarsıdan, sosial-iqtisadi inkişafa mənfi təsir göstərən, insanların həyat və sağlamlığına ciddi təhlükə yaradan, cinayətkarlığın artmasına səbəb olan başlıca amillərdir. Bu gün bəşəriyyəti düşündürən və rahatsız edən ən ağrılı problemlərdən biri də cəmiyyətin ciddi bəlasına, xalqın, millətin təhlükə mənbəyinə çevrilən narkomaniya və geniş anlamda narkotizmdir. 

Qafqaz Müsəlmanlar İdarəsinin (QMİ) sədri Şeyxülislam Hacı Allahşükür Paşazadə Rusiyaya gedir. QMİ-dən APA-ya verilən məlumata görə, mayın 25-də başlanacaq səfərdə Şeyx əvvəlcə Qroznıda Çeçenistanın ilk prezidenti Ahmat Kadırovun xatirəsinə həsr olunmuş “İslam sülh və quruculuq dinidir” adlı Beşinci Yubiley Beynəlxalq Xeyriyyə Forumunda iştirak edəcək. Forum başa çatdıqdan sonra, mayın 27-də Pyatiqorskda “Moskva Ruhanilər Bəyannaməsi əsasında islam, cəmiyyət, dövlət” adlı Beynəlxalq Teoloji Konfrans açılacaq və Şeyx burada iştirak edəcək. Konfrans Rusiya İslam Razılığı Assosiasiyası (RİRA) tərəfindən keçirilir.

Azərbaycan Dillər Universitetində (ADU) Azərbaycan poeziyasının tanınmış nümayəndəsi, Xalq şairi Nigar Rəfibəylinin 100 illiyi münasibətilə tədbir keçirilib.

ADU-dan verilən məlumata görə, tədbirdə bildirilib ki, Nigar Rəfibəyli milli ədəbiyyatı zərif lirikanın dəyərli nümunələri ilə zənginləşdirən sənətkardır. Ana vətənə bağlılıq, insanın mənəvi ucalığı və yurdun əsrarəngiz təbiət gözəlliklərinin özünəməxsus tərzdə tərənnümü onun yaradıcılığının ideya-bədii leytmotivini təşkil edib.

“Molların attestasiyası hər zaman gedir, bu mütəmadi prosesdir. İl ərzində ya idarənin özündə, yəni mərkəzləşdirilmiş şəkildə və yaxud yerlərdə səyyar şəkildə vaxtaşırı mollaların attestasiyası həyata keçirilir”. Bu sözləri Modern.az-a açıqlamasında Qafqaz Müsəlmanları İdarəsinin mətbuat xidmətinin rəhbəri Rəhimə Dadaşova deyib. O, qeyd edib ki, ümumən attestasiyaların nəticələri barədə ilin sonunda məlumat veriləcək. “Attestasiya prosesi elə prosesdir ki, orada iştirak edənlərin bəzilərinə bir daha şans verilir, sonra onların bilik səviyyələri dəyərləndirilir və təyinatlar olur. 

Ayətullah Xomeyninin qızı Zəhra Xomeyni İranda prezident seçkilərində iştirakdan kənarlaşdırılan Əli Əkbər Haşimi Rəfsəncaninin müdafiəsi ilə bağlı məktub dərc edib. Bu barədə Trend İran KİV-ə isitnadən məlumat verir. Keşikçilər Şurasının Rəfsəncanini prezident seçkilərində iştiraka buraxmamaq barədə qərarından sonra Xomeyninin qızı açıq məktubla İranın Ali Lideri Ayətullah Əli Xamneyiyə müraciət edib: "Ayətullah Xomeyninin fikrincə, səlahiyyətli lider olmaq üçün Rəfsəncani bütün keyfiyyətlərə malik idi".

O, Ali Dini Liderdən bu məsələni öyrənməyi və Rəfsəncaninin prezident seçkilərində iştirakına icazə verməyi xahiş edib.

Qafqaz Müsəlmanları İdarəsi Azərbaycan rayonlarının birində pirin banka girov qoyulması ilə bağlı yayılan xəbərə aydınlıq gətirib. İdarənin təşkilat şöbəsinin müdiri Hacı Əlirza Qafarov Modern.az-a açıqlamasında belə məlumatların həqiqətə uyğun olmadıını deyib: ”Bu cəfəng fikirləri kim yayır, bilmirəm. Belə xəbərləri ancaq səviyyəsiz insanlar yaya bilər. Azərbaycanda heç bir pir girov qoyulmayıb”. 

Xatırladaq ki, Azərbaycanda rayonlarından birincə pirin banka girov qoyularaq 300 min manat kreditin götürülməsi ilə bağlı məlumatlar yayılıb.

“Heç bir dövlət İran-Azərbaycan münasibətlərinin inkişafına mane ola bilməz. İran hər bir məsələdə Azərbaycana öz dəstəyini göstərməyə hazırdır”. Bunu ANS-ə eksklüziv açıqlamasında İran İslam Respublikasının vitse-prezidenti Seyid Məhəmməd Reza Mirtacuddini deyib. İran İslam Respublikası ilə Azərbaycan Respublikası arasındakı əlaqələrin yaxşı olduğunu deyən Mirtacuddini bundan yaxşı olmasına çalışacaqlarını qeyd edib. “Mən təsəvvür edə bilmirəm ki, bizimlə Azərbaycan arasında olan yaxşı əlaqələr başqa ölkələrlə də bu cür olsun.