Ümummilli lider Heydər Əliyevin 90 illik yubileyi  ilə əlaqədar Dini Qurumlarla İş üzrə Dövlət Komitəsinin təşkilatçılığı ilə dini icmalar tərəfindən keçirilən silsilə tədbirlər davam edir. Bu barədə jurnalistlərə açıqlamasında Dini Qrumlarla İş üzrə Dövlət Komitəsinin sədri Elşad İskəndərov məlumat verib. Dövlət Komitəsinin sədri bildirib ki, tədbirlərə ötən həftə start verilib: “Ötən həftə Şamaxıda ümummili lider Heydər Əliyevin 90 illik yubileyinə həsr edilmiş  вЂњDövlət-din münasibətləri və maarifləndirmə işi” mövzusunda dini icmalar üçün iki günlük regional konfrans keçirildi. Şirvan bölgəsinə daxil olan 9 rayonun dini icmaları bu tədbirdə iştirak etdilər. Bunun davamı olaraq hazırda digər bölgələrdə də analoji tədbirlər davam edir.”

Aprelin 19-da xalq artisti İlhamə Quliyeva oğlunun toyu olacaq. Sənətkarın mətbuat katibi Faiq Ələkbərlinin “Azadinform”a verdiyi məlumata görə, KİV nümayəndələri toya buraxılmayacaqlar: “Sənətkarın bu xoş gününə dövlət və hökumət nümayəndələri, səfirlər, ziyalılar, mədəniyyət və incəsənət xadimləri, bir sözlə tanınmış və nüfuzlu şəxslər dəvətlidirlər. Bildiyiniz kimi, dördüncü hakimiyyət nümayəndələrinə, yəni jurnalistlərə hər zaman böyük hörmət və rəğbətlə yanaşan İlhamə xanım Quliyeva bütün yaradıcılıq planlarını, sənət uğurlarını onlarla sevə-sevə paylaşıb. Lakin sənətkar şəxsi istəyi ilə bu ailə məclisinin qapalı şəraitdə keçirilməsini nəzərdə tutub. 

İranın ali dini lideri Ayətullah Xamneinin rəsmi nümayəndəsi də Azərbaycanla bağlı müzakirələrə qoşuldu.  Ayətullah Şəbistəri rəsmi Bakını İslam dininə qarşı siyasət yürütməkdə ittiham edib. O, Azərbaycanda məscidlər, dindarlar və hicabla bağlı məsələyə münasibət bildirərkən ənənəvi İran siyasətinin Azərbaycana xəbərdarlıq metodundan istifadə edib: “Bu vəziyyətin davam etməsi Azərbaycan hökumətinin ziyanına olacaq. Mən Bakı rəsmilərinin öz anti-islam siyasətlərinə düzəliş etmələrini gözləyirəm”, – deyə o vurğulayıb. Ayətullah onu da əlavə edib ki, Azərbaycan xalqının çoxu şiədir və bunu əsas gətirərək deyib: “Azərbaycan bir şiə ölkəsi olsa da, onun rəsmiləri şiələrə qarşı təzyiqlər edir və dini təbliğə imkan verilmir”.

Bu gün Azərbaycan Dillər Universitetində (ADU) Ümummilli lider Heydər Əliyevin anadan olmasının 90-ci ildönümünə həsr edilmiş Tələbə Elmi Cəmiyyətinin (TEC) ənənəvi illik konfransı öz işinə başlayıb. Konfransda giriş sözü ilə çıxış edən ADU-nun rektoru, Milli Məclisin deputatı, professor Səməd Seyidov rəhbərlik etdiyi ali təhsil ocağının hərtərəfli inkişafından danışaraq bu işdə tələbələrin böyük rolunun olduğunu vurğulayıb.  Rektor Universitetdə  yaradılan əlverişli mühit nəticəsində tələbələrin yüksək elmi vərdişlərə yiyələndiyini qeyd edib.  Azərbaycanda elmin inkişafına göstərilən dövlət qayğısından danışan Səməd Seyidov  ADU-da yüksək səviyyəli mütəxəssislərin yetişdiyini konfrans iştirakçılarının diqqətinə çatdırıb.  

Prezident İlham Əliyevin Sərəncamı ilə Ramiz Mehdiyev “Şərəf” ordeni ilə təltif edilib.  Ramiz Mehdiyev Azərbaycan Respublikasında dövlət qulluğunda səmərəli fəaliyyətinə və dövlət quruculuğu işlərində xüsusi xidmətlərinə görə təltif olunub. 

Qeyd edək ki, bu gün Prezident Administrasiyasının rəhbəri Ramiz Mehdiyevin ad günüdür, onun 75 yaşı tamam olub. Ramiz Mehdiyevin adı çağdaş Azərbaycan siyasi tarixinin 70-ci illərindən çəkilir.

Azərbaycan Milli Elmlər Akademiyasının akademiki Ramiz Ənvər oğlu Mehdiyev 17 aprel 1938-ci ildə Bakı şəhərində anadan olub.

MTV film mükafatları dünən Los-Ancelosda təşkil olunan mərasimlə sahiblərinə verilib. “Azadİnform” “Glammagazin”ə istinadən xəbər verir ki, rejissor Coss Vedonun “The Avengers” (“Məğlubedilməzlər”) filmi “İlin filmi” seçilib. Filmin həm də ssenari müəllifi olan Vedon mükafatı alarkən filmin növbəti hissəsinin 2015-ci ildə təqdim olunacağının da xəbərini paylaşıb. “Ən yaxşı döyüşвЂќ səhnəsi sorğusunda da Kris Evan, Mark Ruffalo, Skarlet Cohanson, Ceremi Renner, Robert Dauney ilə mükafatı paylaşan “The Avengers” filminin digər bir oyunçusu Tom Hidlston “Ən yaxşı pis adam” obrazı canlandırmaqla mükafat alıb. 

Bakıda keçirilən MDB müsəlmanları Məşvərət Şurasının 2-ci iclası və "MDB müsəlmanları sülh və stabil inkişaf tərəfdarlarıdır" mövzusunda beynəlxalq elmi-praktik konfransda Azərbaycan və Rusiya dövlət başçılarının təbrik məktubları oxunub. Azərbaycan Prezidenti İlham Əliyevin konfrans iştirakçılarına təbrik məktubunu Azərbaycan Prezidenti Administrasiyasının İctimai-siyasi məsələlər şöbəsinin müdiri Əli Həsənov oxuyub. Həmçinin konfrans iştirakçılarına Rusiya Prezidenti Vladimir Putinin də təbrik məktubu göndərilib. Məktubu Rusiyanın Azərbaycandakı səfiri Vladimir Doroxin səsləndirib.

Bakıda MDB müsəlmanları Məşvərət Şurasının 2-ci iclası və "MDB müsəlmanları sülh və stabil inkişaf tərəfdarlarıdır" mövzusunda beynəlxalq elmi-praktik konfrans öz işinə başlayıb. Trend-in məlumatına görə, iclasda Azərbaycandakı dini konfessiya nümayəndələri, hökumət və parlament üzvləri, elm və mədəniyyət xadimləri, Azərbaycanda akkreditə olunmuş diplomatik korpusun rəhbərləri iştirak edirlər. Qafqaz Müsəlmanlar İdarəsinin sədri Şeyxülislam Allahşükür Paşazadə tədbirin açılışında bildirib ki, din xadimləri əmindir ki, millətlərarası və dinlərarası anlaşma, əməkdaşlıq, dinc qonşuluq münasibətləri xalqlarımızın xoşbəxt gələcəyinə aparan yollardan biridir.

 вЂњAzərbaycanda dini icmaların fəaliyyəti dövlət tərəfindən ən yüksək formada dəstəklənir”. APA-nın məlumatına görə, bu fikirləri Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə bildirib. O qeyd edib ki, Azərbaycan prezidenti İlham Əliyevin xalqın milli mənəvi dəyərlərinə, dinir irsinə ehtiramı sayəsində ölkədəki bütün dini icmaların fəaliyyəti yüksək formada dəstəklənir: “Dövlət ilə din arasında həmrəylik olarsa, bir çox təhlükələrin, o cümlədən terrorizmin və ekstremizmin də qarşısının alınmasında göstərilən səylər uğurla nəticələnər, təhlükələrin qarşısı alınar. 

Bakıda MDB müsəlmanları Məşvərət Şurasının 2-ci iclası və "MDB müsəlmanları sülh və stabil inkişaf tərəfdarlarıdır" mövzusunda beynəlxalq elmi-praktik konfrans keçiriləcək. Bu barədə cümə günü Trend-ə Qafqaz Müsəlmanları İdarəsinin (QMİ) mətbuat xidmətindən bildirilib. QMİ sədri Şeyxülislam Allahşükür Paşazadənin sədri olduğu MDB müsəlmanları Məşvərət Şurasının iclası 16-17 aprel tarixlərində keçiriləcək.

İclasda Azərbaycandakı dini konfessiya nümayəndələri, hökumət və parlament üzvləri, elm və mədəniyyət xadimləri, Azərbaycanda akkreditə olunmuş diplomatik korpusun rəhbərləri iştirak edəcəklər.