Prezident İlham Əliyev "Atəşgah məbədi" Dövlət Tarix-Memarlıq Qoruğunda aparılan bərpa və yenidənqurma işlərindən sonra yaradılan şəraitlə tanış olub. Azərbaycanın birinci xanımı Mehriban Əliyevaya gül dəstəsi təqdim olundu. Dövlətimizin başçısına və xanımına məlumat verildi ki, Azərbaycanın maddi mədəniyyət abidələrindən olan XVII-XVIII əsrlərə aid atəşpərəst məbədinin qalıqları üzərində inşa olunmuş və UNESCO-nun Dünya irsinin ilkin siyahısına daxil edilmiş Atəşgah məbədi 26 hücrədən və mərkəzi səcdəgahdan ibarətdir.

“Şuşa və İrəvan məscidlərində ermənilərin heyvan saxlaması, digər qeyri-etik hərəkət etmələri ilə bağlı onların dini rəhbərinə dəfələrlə xəbərdarlıq olunub və etiraz bəyanatı göndərilib”. Bunu Modern.az-a açıqlamasında Qafqaz Müsəlmanları İdarəsinin sədri Şeyxülislam Allahşükür Paşazadənin iqtisadi məsələlər üzrə müşaviri Fuad Nurullayev deyib. F. Nurullayev bildirib ki, ermənilər lənətə layiqdirlər ki, Şuşa və digər məscidləri söküblər və məsciddə heyvan da saxlayırlar. 

Braziliyada Teatro SESC Garagem konsert zalında “Qovuşan yollar” başlığı ilə “Kərvansaray” adlı tanınmış Braziliya musiqi ansamblının konserti keçirilib. Azərbaycanın Braziliyadakı səfirliyinin dəstəyi ilə “Kərvansaray” ansamblın rəhbəri Bernardo Bittenkur Braziliyada ilk dəfə Azərbaycanın milli musiqi aləti olan tarı konsert iştirakçılarına təqdim edib.

Azərbaycan Mətbuat Şurasında "Şərqi-Rus” qəzetinin 110 illik yubileyi qeyd olunacaq. Tədbirdə milli mətbu irsimizin araşdırılmasında xidmətləri olan mütəxəssislər, aparıcı kütləvi informasiya vasitələrinin rəhbərləri, ali məktəblərin jurnalistika fakültələrinin müəllimləri və tələbələri iştirak edəcək.

Bu gün Prezident İlham Əliyev Qazaxıstanın ölkəmizdə yeni təyin olunmuş fövqəladə və səlahiyyətli səfiri Amangeldi Jumabayevin etimadnaməsini qəbul edib. Amangeldi Jumabayev etimadnaməsini Prezident İlham Əliyevə təqdim edib.

Səfir Amangeldi Jumabayev Qazaxıstan Respublikasının Prezidenti Nursultan Nazarbayevin salamlarını dövlətimizin başçısına çatdırıb.В 

TQDK tərəfindən aprel ayının 7-də keçiriləcək sınaq imtahanlarına yazılış 28 mart saat 9:00-dan etibarən  başlanacaq. Sınaq imtahanına yazılmaq üçün nəzərdə tutulmuş virtual ödəmə kartlarını SMS-lə əldə etmək istəyən şəxslər Azercell, Bakcell və Nar Mobile nömrələrindən 7735 nömrəsinə SMS göndərməlidirlər. SMS-ə cavab olaraq abonentin telefonuna kartın seriya nömrəsi və Pin kodu göstərilən virtual ödəmə kartı daxil olacaq. Balansdan 3 manat 54 qəpik məbləğ çıxılacaq.

Vətən hər birimiz üçün ana qucağıdır. Uşaq olarkən anamızın dizinin qırağından ayrılmaq istəməzdik. В Bir neçə saat ayrı qalsaydıq ağlayıb anamızı tələb edərdik. Uşaqlıq illərimizə heç nə çatmaz. İlləri illərə calasan da o günlərin bir saatını geri gətirə bilməzsən. Amma insan heç vaxt uşaq qalmır. Bir də baxır ki, hər şey arxada qaldı. Bir anlıq dönüb geriyə baxmaq, o illərə qayıtmaq istəsə də artıq o illəri geri qaytarmaq mümkün olmur. Keçmişi ilə bu gününü müqayisə etmək istəyir.В