ARDNŞ-nin “Azərikimya” İstehsalat Birliyində “Təmir işlərində təhlükəsizlik texnikası qaydaları və normaları” mövzusunda növbəti maarifləndirici tədbir keçirilib. Tədbirdə qeyd olunub ki, istehsalatda təmir işlərinə başlamazdan əvvəl ərazidə monitorinqlərin keçirilməsi mümkün risklərin düzgün dəyərləndirilməsinə kömək edib.

Milli Məclisin İnsan haqları komitəsinin bu gün keçirilən iclasında “Dini etiqad azadlığı haqqında” qanuna dəyişikliklərin müzakirəsi zamanı mübahisə yaranıb.  APA-nın məlumatına görə, əvvəlcə qanuna edilən dəyişikliklər barədə komitə sədri Rəbiyyət Aslanova məlumat verib. Komitə sədri dəyişikliklərin iki hissədən ibarət olduğunu deyib.

Bu gün Qafqaz Müsəlmanlar İdarəsində Şeyxülislam Allahşükür Paşazadənin sədrliyi ilə Əkrəm Əylislinin Azərbaycan xalqını təhqir etdiyi iddia olunan “Daş yuxular” əsərinin müzakirəsi keçirilib. Müzakirələrdə çıxış edən QMİ sədri Allahşükür Paşazadə bildirib ki, əsər tamamilə Azərbaycan xalqının təhqir olunmasına həsr olunub və milli mənəvi dəyərlərimizə ziddir:

TQDK tələbələr, bakalavrlar, doktorantlar, dissertantlar, magistraturaya və vakant iş yerlərinə qəbula hazırlaşanlar üçün “İnformatika” vəsaiti tərtib edib. “Azadinform” xəbər verir ki, informatika üzrə magistraturaya qəbul proqramına uyğun hazırlanmış bu vəsaitdə  bütün mövzuların nəzəri şərhi test tapşırıqları ilə müşayiət olunur. Bu da qəbula hazırlaşanlara həm öz bilik və bacarıqlarını artırmağa, həm də hazırlıq səviyyələrini testlər vasitəsilə yoxlamağa imkan verəcək.

İranda müxalifət lideri Mir Hüseyn Musəvi 2 qızı, Nərgiz və Zəhra həbs olunub. İslam.az-ın BBC Russian-a istinadən verdiyi xəbərə görə, Nərgiz və Zəhra Tehrandakı evlərində axtarış keçirildiyindən sonra həbs olunub. Qeyd edək ki, 3 ay bundan qabaq ölkənin keçmiş prezidenti və müxalifət liderlərindən biri olan Əli Əkbər Haşəmi Rəfsəncaninin də qızı həbs olunmuşdu.

Peyğəmbər (s) buyurub: “Həmd (Fatihə) surəsinin fəzilət və savabı ərşi çiyinlərində daşıyan mələklərin savabına bərabərdir. Kim bu surəni oxusa, ərşi çiyinlərində daşıyan mələklərin savabına nail olar”. Həzrət Məhəmməd (s) buyurub: “Bir mələk nazil olub dedi ki, Allah sənə iki surəni müjdə verir. Biri “Fatihə” surəsi, digəri isə “Bəqərə” surəsinin son ayələri. Bunları səndən başqa bir peyğəmbərə müjdə verməmişdir”.

Bu gün Bakı Biznes Mərkəzində Prezident İlham Əliyevin sədrliyi ilə “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunmuş konfrans işə başlanıb. 

İran İslam İnqilabının 34-cü ildönümü münasibəti ilə Bakıda mərasim təşkil edilib. APA-nın məlumatına görə, mərasimdə açılış nitqi ilə çıxış edən İranın Azərbaycandakı səfiri Möhsün Pak Ayin bildirib ki, bütün dünya İran İslam İnqilabının müasir dünya tarixində ən böyük inqilab olduğunu etiraf edir. Onun sözlərinə görə, İmam Xomeyninin rəhbərliyi ilə nə Qərbə, nə də kommunizmə meylli olmayan İslam Respublikasının təməli qoyulub.

Paytaxt Bakı şəhərinin yaxınlığında "Avesta" konserni tərəfindən həyata keçirilən "Khazar Islands" ("Xəzər adaları") yeni yaşayış kompleksinin tikinti işləri çərçivəsində bu gün ilk birləşdirici körpünün tikintisinin başa çatdırılması ilə bağlı mərasim keçirilib. Beləliklə, sözügedən körpü 20 gündən sonra tam istifadəyə veriləcək.  XezerNews.az-in məlumatına görə, mərasimdə iştirak edən "Avesta" konserninin rəhbəri Hacı İbrahim İbrahimov jurnalistlərə müsahibəsində bildirib ki, "Khazar Islands" layihəsinin dəyəri ilkin olaraq 100 milyard dollar həcmində qiymətləndirilir.

Bakıda İran İslam inqilabının 34-cü ildönümü münasibətilə bu ölkənin kino günləri keçirilir. Bu münasibətlə İran Mədəniyyət Mərkəzində təşkil edilmiş tədbirdə "İranın bu günü" adlı qısa videoçarx nümayiş etdirilib. Mərkəzin direktoru İbrahim Nuri İran və Azərbaycanın bir çox sahələrdə, o cümlədən də mədəniyyət sahəsində ortaq dəyərlərinin olduğunu diqqətə çatdırıb. Bildirilib ki, İranda ildə 200-ə yaxın film, serial, sənədli film çəkilir və bu ekran əsərlərində həyati mövzulara, əxlaqi dəyərlərə çox böyük önəm verilir.